17 Dec 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဒီဇင်ဘာလ ( ၁၇ ) ရက်နေ့ ရပြည်တွင်းသတင်းများ

📌📌 1. လူ့အခွင့်အရေးကာကွယ်ဆုကို CHROမှ ဆလိုင်း မာန်ဟရဲလျန် ရရှိ

 

The Matupi Times ဒီဇင်ဘာ ၁၀ ရက်။

၂၀၂၄ခုနှစ် လူ့အခွင့်အရေးကာကွယ်သူဆုကို Chin Human Right Organization မှ စီမံကိန်း မန်နေဂျာ ဆလိုင်း မာန်ဟရဲလျန်မှ ရရှိကြောင်းသိရသည်။ဒီဆုပေးပွဲအခန်းအနားကို အမေရိကန်နိုင်ငံခြားရေးဌာနက အပြည်ပြည်ဆိုင်ရာ

လူ့အခွင့်အရေးနေ့ဖြစ်သည့် ဒီဇင်ဘာလ(၁၀)ရက်နေ့တွင် ပြုလုပ်ခဲ့ပြီး မြန်မာနှင့်အတူ အဇာဘိုင်ဂျန်၊ဘိုလီးဗီးယား၊

ကိုလံဘီယာ၊ ဂါနာ၊ကူဝိတ်၊အကစဝါတီနီနှင့် တာဂျစ် နိုင်ငံ စုစုပေါင်း (၈)နိုင်ငံမှ ၈-ယောက်က ရရှိခဲ့ကြောင်းသိရသည်။

၂၀၂၁ခုနှစ် စစ်အာဏာသိမ်းပြီးနောက် စစ်ကောင်စီက လူ့အခွင့်အရေးကျူးလွန်မှုများကို CHRO ဉီးဆောင်သူ ဆလိုင်း မာန်ဟရဲလျန်က မှတ်တမ်းတင်ခြင်း၊ အသိပညာပေးခြင်း၊ ပြည်တွင်းအခြေအနေကို နိုင်ငံတကာသိအောင် လှုံ့ဆော်ပေးခြင်း၊ စစ်ရာဇဝတ်မှုများ၊ လူသားမျိုးနွယ်ပေါ် ကျူးလွန်သည့် ရာဇဝတ်မှုများ လုပ်ဆောင်ခဲ့ကြောင်း ကြားသိရသည်။ ယင်းအထောက်အထားဖြင့် အင်ဒိုနီးရှားနှင့် ဖိလစ်ပိုင်နိုင်ငံတွင် စစ်ကောင်စီကို Universal Jurisdiction (UJ)  အရ အရေးယူနိုင်ရေး ဖိအားပေးဆောင်ရွတ်ခဲ့ကြောင်း သိရှိရသည်။

 

========================

 

📌📌 2. CDF - matupi (Brigade - 1) က ရဲဘော်နှစ်ဉီး ကျန်းမာရေးချို့ယွင်းမှုကြောင့် သေဆုံး

 

The Matupi Times ဒီဇင်ဘာ ၁၃ ရက်။

၂၀၂၄ ခုနှစ်၊ ဒီဇင်ဘာ (၁၂)ရက်နေ့တွင် Chinland Defence Force - matupi (Brigade - 1)က တပ်သားနှစ်ဦး ကျန်းမာရေး အခြေအနေချို့ယွင်းမှုကြောင့် သေဆုံးသွားကြောင်း သိရသည်။

သေဆုံးသွားသူတစ်ဉီး မှာ အစာအိမ်ရောဂါကြောင့် သေဆုံးသွားတာဖြစ်ပြီး နှစ်ဉီးစလုံးမှာ မတူပီမြို့နယ်၊တန်ကူကျေးရွာ လူငယ်ဖြစ်ကြောင်း ညနေ (၇)နာရီခွဲတွင် ရဲဘော် ဆာမူအဲလ် ၊ည(၁၁)နာရီခွဲတွင်ရဲဘော် ပါနှီယာမ်သေဆုံးသွားတာ ဖြစ်ကြောင်း သိရသည်။ 

 

========================

 

📌📌 3. ဟားခါးမြို့အနီး ချွန်ကျုံးရွာကို စစ်ကောင်စီဗုံးကြဲ၊ မိသားစုဝင် ၄ ဦးသေဆုံး

 

The Matupi Times ဒီဇင်ဘာ (၁၀) ရက်နေ့ ၊ ၂၀၂၄ ခုနှစ် 

ချင်းပြည် ဟားခါးမြို့အနီး ချွန်ကျုံးရွာကို အကြမ်းဖက်စစ်ကောင်စီက ယနေ့မနက်ပိုင်း ၂ နာရီခန့်မှာ ဂျက်တိုက်လေယာဉ်နဲ့ ဗုံးကြဲတိုက်ခိုက်လို့ အသက်မပြည့်ကလေးတစ်ဦးအပါအဝင် မိသားစုဝင် ၄ ဦးသေဆုံးခဲ့တယ်လို့သိရပါတယ်။ 

ယနေ့ ဒီဇင်ဘာလ ၁၀ ရက်မနက် ၂ နာရီ လူတွေအိပ်မောကျချိန်မှာ အကြမ်း ဖက်စစ်ကောင်စီက ချွန်ကျုံးကျေးရွာကို ဗုံး ၂ ကြိမ်ဖြင့် တိုက်ခိုက်သွားတာြဖစ်ပြီး မိသားစုတစ်စုထဲက မိခင် နဲ့ ဖခင်၊ သမီးနှစ်ယောက် စုစုပေါင်း ၄ ယောက် သေဆုံးခဲ့တာဖြစ်တယ်လို့သိရပါတယ်။ 

 

ချွန်ကျုံးကျေးရွာဟာ ဟားခါးမြို့မရောက်ခင် ၁၀ မိုင်အကွာလောက်မှာတည်ရှိတဲ့ကျေးရွာဖြစ်ပြီး မြေပြင်တိုက်ပွဲဖြစ်ပွား ခြင်းမရှိဘဲ အကြမ်းဖက်စစ်ကောင်စီက အရပ်သားပြည်သူတွေကို ပစ်မှတ်ထားတိုက်ခိုက်သွားတာဖြစ်တယ်လို့ သတင်း ရင်းမြစ်ကပြောပါတယ်။ 

အကြမ်းဖက်စစ်ကောင်စီရဲ့ ဗုံးကြဲတိုက်ခိုက်မှုကြောင့် ချွန်ကျုံးကျေးရွာက အရပ်သားပြည်သူ ၁၀ ယောက်ခန့်လည်း ထိခိုက်ဒဏ်ရာရရှိခဲ့ကြောင်းသိရပါတယ်။ 

 

 

========================

 

📌📌 4. စကခ ၅ ကို သိမ်းပြီး တောင်ကုတ်တမြို့နယ်လုံးကို AA ထိန်းချုပ်

 

The Matupi Times  ဒီဇင်ဘာ ၁၅

ရခိုင်ပြည်နယ်၊ တောင်ကုတ်မြို့နယ်ရှိ အမှတ် ၅ စစ်ဆင်ရေးကွပ်ကဲမှုဌာနချုပ် (စကခ ၅) ကို အာရက္ခတပ်တော် (AA) က သိမ်းပိုက်နိုင်ပြီဖြစ်သောကြောင့် တောင်ကုတ်မြို့နယ်တခုလုံးကို ထိန်းချုပ်လိုက်ပြီဖြစ်ကြောင်း AA ၏ ပြောရေးဆိုခွင့်ရှိသူ ဦးခိုင်သုက အတည်ပြုသည်။ 

နိုဝင်ဘာလ ၂၄ ရက်တွင် တောင်ကုတ်မြို့ကို ထိန်းချုပ်ပြီးနောက် စကခ ၅ တပ်မဌာနချုပ်၊ ခြေမြန်တပ်ရင်း ခမရ ၃၄၆ တပ်ရင်း၊ ခမရ ၅၄၄ တို့ကို AA က ဆက်လက်ထိုးစစ်ဆင်တိုက်ခိုက်ခဲ့ရာ ဒီဇင်ဘာ ၁၄ ရက် ညနေပိုင်းတွင် စကခ ၅ တပ်မ အပါအဝင် ကျန်တပ်ရင်းအားလုံးကို သိမ်းပိုက်နိုင်ခဲ့ခြင်းဟု သိရသည်။

ရခိုင်ပြည်နယ်အတွင်း လက်ရှိအချိန်ထိ တိုက်ပွဲများ ပြင်းထန်နေဆဲဖြစ်ပြီး AA ၏ စစ်ဆင်ရေး တနှစ်ကျော်ကာလအတွင်း တောင်ကုတ်မြို့နယ်နှင့်အတူ  ၁၃ မြို့နယ် သိမ်းပိုက်နိုင်ခဲ့ကြောင်း သိရသည်

 

========================

 

📌📌 5. ဆီးရီးယားအာဆတ်အစိုးရပြုတ်ကျပြီး လက်နက်ကိုင်များက တိုင်းပြည်ပြန်လည်ထိန်းချုပ်

 

The Matupi Times  ဒီဇင်ဘာ ၁၀ ရက်၊၊

ဆီးရီးယားနိုင်ငံကို အာဆတ်အစိုးရကနှစ်ပေါင်း ငါးဆယ်ကြာအုပ်ချုပ်ကာလအတွင်း လူပေါင်းထောင်သောင်းချီ သေဆုံးပြီး တိုင်းပြည်လူဦးရေ ၂၃သန်းရဲ့ထက်ဝက်လောက် နေရပ်စွန့်ခွါခဲ့ကြပါတယ်၊၊၂၀၁၁ခုနှစ်က ဖြစ်လာတဲ့ အာရပ်နွေဦးလှုပ်ရှားမူကို အာဆတ်အစိုးရကနှိမ်နှင်းခဲ့ပြီးနောက် ဖြစ်လာသော လက်နက်ကိုင်သူပုန်များက ဆီးရီးယားနိုင်ငံအနှံကို ၂၀၂၄ခုနှစ်၊ဒီဇင်ဘာ ၈ ရက်နေ့တွင် Damascus မြို့တော်အပါအဝင် နိုင်ငံအနှံကို တော်လှန်ရေးသူပုန်များက သိမ်းပိုက်ထိန်းချုပ်နိုင်ခဲ့ပါတယ်၊၊

အာဏာရှင်အာဆတ်သည် ရရှားနိုင်ငံသို့ထွက်ပြေး ခိုလှုံခဲ့ပြီး လက်နက်ကိုင်တစ်ခုဖြစ်သော HTS ခေါ် Hayat Tahrir alsham အဖွဲ့ဦဆောင်အဖွဲ့များက အင်္ဂါနေ့တွင် မတ်လအထိစီမံမယ့် အသွင်ကူးပြောင်းရေးအစိုးရခေါင်းဆောင်ကို ရွှေးချယ်ခဲ့ကြပါတယ်၊၊ ဒါပေမဲ့ လက်ရှိတွင် နိုင်ငံအသီးသီးကို အခြားသူပုန်တွေကလည်း အသီးသီး ထိန်းချုပ်ထားကာ အရင်အစိုးရဟောင်း အာဆတ်အုပ်ချုပ်စဉ် UNက ပိတ်ဆို့ ဒဏ်ခတ် အရေးယူထားမူများကို ပြန်လည်ဖြေလျော့ပေးရန် ဆီးရီးယားနိုင်ငံဆိုင်ရာ အထူးကိုယ်စာလှယ် Geir pedersenက တိုက်တွန်းထားကြောင်း သိရသည်၊၊

#RadioNUGLocalNews

#SpringRevolution