၉ - ၁၀ - ၂၀၂၆ ( m.CDM ပြည်တွင်းသတင်းများ )
မင်္ဂလာပါရှင်/ခင်ဗျာ အခုချိန်ကစပြီး m.CDM ရဲ့ ပြည်တွင်းသတင်းများကို ဖတ်ကြားတင်ပြပေးသွားမှာဖြစ်ပါတယ်။
ဒီကနေ့မှာတင်ပြပေးမယ့်သတင်းတွေကတော့
၁။စစ်ခေါင်းဆောင်ကို အာဆီယံမှာ ပြန်ဝင်ဆံအောင် ကူညီမယ်လို့ မလေးရှားဝန်ကြီးချုပ်ပြော၊ဒုက္ခသည်တွေကို မြန်မာနိုင်ငံက အလုံးအရင်းနဲ့ ပြန်လက်ခံမယ်လို့ဆို
၂။စစ်ခေါင်းဆောင် မင်းအောင်လှိုင်ကို ဆင့်ခေါ်ပြီး နိုင်ငံတကာတရားရုံးမှာ တရားစီရင်ဖို့ ကုလညီလာခံမှာ သံအမတ်ကြီး ဦးကျော်မိုးထွန်း တင်ပြတောင်းဆို
၃။ဒီပဲယင်း၊ မိုးဗြဲ၊ မြောင်၊ ကျောက်တော်၊ ဆားလင်းကြီး နဲ့ သရက်ချောင်း မြို့နယ်တွေမှာ အကြမ်းဖက် စစ်တပ်ရဲ့ လေကြောင်းနဲ့ လက်နက်ကြီး တိုက်ခိုက်မှုတွေကြောင့် ပြည်သူ ၈ ဦး သေဆုံးပြီး၊ ၂၀ ကျော် ဒဏ်ရာရ
၄။မန္တလေးမြောက်ဘက်ခြမ်း စစ်ဆင်ရေးမှာ စစ်အုပ်စုရဲ့ တပ်ခွဲ ၁ ခွဲကို ဖျက်ဆီးနိုင်ခဲ့ကြောင်း စုန်းမအဖွဲ့ ထုတ်ပြန် စတဲ့ သတင်းအပါအဝင် တခြား သတင်းအကြောင်းအရာတွေကိုပါ တင်ပြပေးသွားမှာပဲ ဖြစ်ပါတယ်။
အခုပထမဆုံးအနေနဲ့
၁။စစ်ခေါင်းဆောင်ကို အာဆီယံမှာ ပြန်ဝင်ဆံအောင် ကူညီမယ်လို့ မလေးရှားဝန်ကြီးချုပ်ပြော၊ဒုက္ခသည်တွေကို မြန်မာနိုင်ငံက အလုံးအရင်းနဲ့ ပြန်လက်ခံမယ်လို့ဆို
=================
m.CDM အောက်တိုဘာ ၈ ရက်။
အာဆီယံမှာ မြန်မာရဲ့ အခန်းကဏ္ဍနဲ့ အခွင့်အရေးတွေ အပြည့်အဝပြန်ရလာအောင် ကူညီသွားမယ်လို့ မလေးရှား ဝန်ကြီးချုပ် အန်ဝါ အီဘရာဟင်က ဒီကနေ့ အောက်တိုဘာလ ၈ ရက်နေ့မှာ ပြောကြားလိုက်ပါတယ်။
မလေးရှားရောက်နေတဲ့ မြန်မာဒုက္ခသည်တွေကို အလုံးအရင်းနဲ့ ပြန်လည်လက်ခံဖို့ကို စစ်အုပ်စုက လိုလားနေပြီး ပြန်ပို့မယ် အစီအစဉ်တွေကို နှစ်နိုင်ငံ ဆက်လက်ပူးပေါင်း လုပ်ဆောင်သွားမယ်လို့ ဆိုပါတယ်။
၂၀၂၆ နှစ်ဆန်းပိုင်း ကတည်းက လေယာဉ်တွေ၊ စစ်သင်္ဘောတွေနဲ့ မြန်မာနိုင်ငံသား ၁ သောင်းကျော်ကို ပြန်ပို့ခဲ့ပြီး ဖြစ်သလို၊ ထိန်းသိမ်းရေး စခန်းတွေမှာ ရှိနေတဲ့ ၃ ထောင်ကနေ ၄ ထောင်ကြား လောက်ကိုလည်း ထပ်မံ ပြန်ပို့ဖို့ စိစစ်နေတယ်လို့ သိရပါတယ်။
ထို့အပြင် မြန်မာဘက်က စရိတ်အကုန်ခံပြီး ဒုက္ခသည်တွေကို ပြန်ခေါ်ပေးတဲ့အတွက် ကျေးဇူးတင်ကြောင်း၊ အခု လို ပြန်ခေါ်ပေးတဲ့ နိုင်ငံမျိုး ရှားပါးကြောင်းနဲ့ ပူးပေါင်းဆောင်ရွက်ပေးတဲ့ စစ်ခေါင်းဆောင် ကိုလည်း ကျေးဇူးတင် ကြောင်း အန်ဝါ က ပြောပါတယ်။
စစ်ခေါင်းဆောင် ကလည်း ရာသီဥတုသာယာလာတာနဲ့ ဒုက္ခသည်တွေကို ပြန်ခေါ်ဖို့ သင်္ဘောတွေ ထပ်မံစေလွှတ် ပေးမှာ ဖြစ်ကြောင်းနဲ့ အခွင့်အခါသင့်ရင် မြန်မာနိုင်ငံကို လာလည်ဖို့ကိုလည်း ဖိတ်ကြားခဲ့တယ်လို့ သိရပါတယ်။
မလေးရှားနိုင်ငံဟာ ယခင်က အာဏာသိမ်း စစ်အုပ်စုကို ဆန့်ကျင်တဲ့ ရပ်တည်ချက်ရှိပေမယ့် ဝန်ကြီးချုပ် အန်ဝါ က မင်းအောင်လှိုင်နဲ့ တွေ့ဆုံခဲ့ပြီးနောက်မှာ အခုလို သဘောထား ပြောင်းလဲဟန် ပြလာတာလည်း ဖြစ်ပါတယ်။
မလေးရှားမှာ မြန်မာဒုက္ခသည် ၂ သိန်းလောက်ရှိနေပြီး၊ အများစုက ဒုက္ခသည်လျှောက်ထားသူတွေ ဖြစ်တဲ့အပြင် ဒုက္ခသည်တွေဟာ ဘဏ္ဍာရေး ဝန်ထုပ်ဝန်ပိုး ဖြစ်စေပြီး၊ လုံခြုံရေး ခြိမ်းခြောက်မှုတွေ ဖြစ်လာတယ်လို့ အန်ဝါက လွှတ်တော်မှာ ပြောဆိုထားဖူးပါတယ်။
ဒီလို ဒုက္ခသည်တွေကို မြန်မာနိုင်ငံဆီ ပြန်ပို့တာဟာ သူတို့ရဲ့ လုံခြုံရေးအတွက် စိုးရိမ်ရတဲ့အပြင် စစ်မှုထမ်းအဖြစ် အဓမ္မ စုဆောင်းခံရနိုင်ချေ ရှိတယ်လို့ ကုလသမဂ္ဂနဲ့ လူ့အခွင့်အရေးအဖွဲ့အစည်းတွေက ပြင်းပြင်းထန်ထန် ဝေဖန် ထောက်ပြထားကြပါတယ်။
တစ်ဆက်တည်းမှာပဲ မလေးရှားနိုင်ငံကို ရောက်ရှိနေတဲ့ စစ်ခေါင်းဆောင် မင်းအောင်လှိုင် ရဲ့ ခရီးစဉ်ကို ကန့်ကွက် ရှုတ်ချတဲ့ လှုပ်ရှားမှုတွေကို မလေးရှားရောက် တော်လှန်ရေး အင်အားစုတွေက ပြုလုပ်ခဲ့တယ်လို့ သိရပါတယ်။
ကွာလာလန်ပူ မြို့မှာရှိတဲ့ စစ်ခေါင်းဆောင် တည်းခိုနေတဲ့ ဟိုတယ်ရှေ့ အပါအဝင် နေရာ ၅ ခုမှာ ကန့်ကွက် ဗီနိုင်း တွေ ချိတ်ဆွဲခဲ့သလို Chinese Assembly Hall မှာလည်း Myanmar Affairs Alliance -MAA က ဦးဆောင်ပြီး မလေးရှားရောက် မြန်မာ ၁၀၀ ကျော်နဲ့အတူ ကန့်ကွက်ပွဲ ပြုလုပ်ခဲ့တယ်လို့ သိရှိရပါတယ်။
———————————
၂။စစ်ခေါင်းဆောင် မင်းအောင်လှိုင်ကို ဆင့်ခေါ်ပြီး နိုင်ငံတကာတရားရုံးမှာ တရားစီရင်ဖို့ ကုလညီလာခံမှာ သံအမတ်ကြီး ဦးကျော်မိုးထွန်း တင်ပြတောင်းဆို
======================
m.CDM၊ အောက်တိုဘာ ၈
နယူးယောက်မြို့မှာ ကျင်းပနေတဲ့ ၈၁ ကြိမ်မြောက် ကုလသမဂ္ဂအထွေထွေညီလာခံ တတိယကော်မတီရဲ့ “ကလေးသူငယ်များ၏ အခွင့်အရေးများ မြှင့်တင်ရေးနှင့် ကာကွယ် စောင့်ရှောက်ရေး” ခေါင်းစဉ်နဲ့ကျင်းပတဲ့ အထွေထွေဆွေးနွေးပွဲမှာ သံအမတ်ကြီး ဦးကျော်မိုးထွန်းက အခုလို တောင်းဆိုလိုက်တာဖြစ်ပါတယ်။
အောက်တိုဘာ ၆ ရက်နေ့ကကျင်းပတဲ့ အဲဒီဆွေးနွေးပွဲမှာ မူကြိုကျောင်းတွေအပါအဝင် ကလေးသူငယ်များ ရှိရာနေရာတွေကို လေကြောင်းကနေတိုက်ခိုက်ဖို့ အမိန့်ပေးသူတွေလည်း တာဝန်ခံမှုနဲ့အတူတရားစီရင်မှု ခံယူရမယ်လို့ ပြောခဲ့ပါတယ်။
မြန်မာနိုင်ငံက ကလေးတွေအတွက် စာသင်ကျောင်း၊ နေအိမ်နဲ့ ကစားကွင်းတွေဟာ ထိတ်လန့်စရာနေရာတွေ ဖြစ်လာပြီး သေဆုံးမှုတွေဖြစ်နေတဲ့အတွက် မြန်မာကလေးငယ်တွေရဲ့ ငိုကြွေးသံတွေ ကမ္ဘာက ကြားသိစေဖို့ တင်ပြရတာလို့လည်း ရှင်းပြခဲ့ပါတယ်။
စစ်အာဏာသိမ်းမှုကာလအတွင်း စစ်အုပ်စုက ပြည်သူတွေအပေါ် စနစ်တကျ တိုက်ခိုက်မှုတွေပြုလုပ်နေတဲ့ အတွက် ကလေးငယ်ဟာလည်း အကြမ်းဖက်မှုတွေရဲ့ အကျိုးဆက်တွေ ခံစားနေရတယ်လို့လည်း အသိပေးခဲ့ပါတယ်။
ကုလသမဂ္ဂရဲ့ စောင့်ကြည့်မှတ်တမ်းတွေအရ ၂၀၂၅ ခုနှစ်ထဲမှာတင် စစ်အုပ်စုရဲ့ လေကြောင်းတိုက်ခိုက်မှု တွေကြောင့် အရပ်သားသေဆုံးမှု မြင့်တက်လာခဲ့ပြီး သေဆုံးသူတွေထဲမှာ ကလေးငယ် ၂၉၄ ဦး ပါဝင်နေ တယ်လို့ ကျော်မိုးထွန်းက ပြောပါတယ်။
ဒါ့အပြင် အဲဒီနှစ်အတွင်းမှာပဲ မြေမြှုပ်မိုင်းတွေနဲ့ စစ်ကျန်ပေါက်ကွဲစေတတ်သော ပစ္စည်းတွေကြောင့် အရပ်သား ၇၄၅ ဦး သေဆုံးခဲ့ရာမှာ သေဆုံးသူတွေရဲ့ ၂၁ ရာခိုင်နှုန်းဟာ ကလေးငယ်တွေဖြစ်နေတာ တွေ့ရ တယ်လို့ သံအမတ်ကြီးက ရှင်းပြပါတယ်။
လက်ရှိမှာဆိုရင် စစ်အုပ်စုရဲ့ ဂျက်လေယာဉ်တွေက စစ်ကိုင်းတိုင်း၊ ရခိုင်ပြည်နယ်၊ ကရင်နီပြည်နယ်အပါအ ဝင် မြန်မာနိုင်ငံတဝန်းက စာသင်ကျောင်းတွေ၊ ဆေးရုံ၊ ဆေးခန်း၊ ဈေးနဲ့ စစ်ဘေးရှောင်စခန်းတွေအပြင် အရပ်သားပြည်သူတွေရှိတဲ့နေရာတွေကို လေကြောင်းတိုက်ခိုက်မှုတွေ လုပ်နေတာကိုလည်း သံအမတ်ကြီး က ရှင်းပြခဲ့ပါတယ်။
ဒီလိုအခက်အခဲတွေရှိနေတဲ့ကြားက မိမိတို့ရဲ့ CDM ဆရာ၊ ဆရာမတွေဟာ ယာယီဗုံးခိုကျင်းတွေထဲမှာ ကလေးငယ်တွေကို ပညာသင်ပေးမှုတွေ ဆက်လုပ်ပေးနေတယ်လို့ သံအမတ်ကြီးက ပြောကြားခဲ့ပါတယ်။
ဒါကြောင့် ကုလသမဂ္ဂအဖွဲ့ဝင်နိုင်ငံတွေအနေနဲ့ စစ်အုပ်စုကို စစ်လက်နက်၊ လေယာဉ်ဆီ၊ အရပ်ဘက်၊ စစ်ဘက်နှစ်မျိုးသုံးပစ္စည်းတွေနဲ့ ငွေကြေးထောက်ပံ့နေတာတွေကို ချက်ချင်း ရပ်တန့်ဖြတ်တောက်ဖို့ တောင်းဆိုခဲ့ပြီး အချိန်မဆွဲဘဲ ချက်ချင်းအရေးယူဖို့လည်း သံအမတ်ကြီးဦးကျော်မိုးထွန်းက တိုက်တွန်းခဲ့ ပါတယ်။
————————————
၃။ဒီပဲယင်း၊ မိုးဗြဲ၊ မြောင်၊ ကျောက်တော်၊ ဆားလင်းကြီး နဲ့ သရက်ချောင်း မြို့နယ်တွေမှာ အကြမ်းဖက် စစ်တပ်ရဲ့ လေကြောင်းနဲ့ လက်နက်ကြီး တိုက်ခိုက်မှုတွေကြောင့် ပြည်သူ ၈ ဦး သေဆုံးပြီး၊ ၂၀ ကျော် ဒဏ်ရာရ
=================
m.CDM အောက်တိုဘာ ၈ ရက်။
စစ်ကိုင်းတိုင်း၊ ဒီပဲယင်းမြို့နယ်၊ မူးကမ်းကြီးရွာကို အောက်တိုဘာလ ၈ ရက် နေ့လယ် ၁ နာရီဝန်းကျင်မှာ မုံရွာမြို့ အနောက်မြောက်တိုင်းစစ်ဌာနချုပ် (နမခ) က တက်လာတဲ့ ပါရာမော်တာ (စက်တပ်လေထီး) ဖြင့် ဗုံး ၂ လုံး ကြဲချ တိုက်ခိုက်ခဲ့တယ်လို့ သိရပါတယ်။
အဆိုပါ ဗုံးသီးတွေဟာ မူးကမ်းကြီးရွာသား ကိုစိုးနိုင်ရဲ့ နေအိမ်ပေါ်ကို ကျရောက်ပေါက်ကွဲခဲ့ပြီး ၎င်းရဲ့ ဇနီး၊ သမီး၊ ညီမနဲ့ အစ်ကို ဖြစ်သူတို့ ၄ ဦးစလုံး မီးလောင် သေဆုံးသွားခဲ့တယ်လို့ သိရပါတယ်။
အလားတူ ကရင်နီပြည်၊ ဖယ်ခုံမြို့နယ်၊ မိုးဗြဲမြို့အနောက်ခြမ်းက ပြောင်းအရောင်းအဝယ်လုပ်တဲ့ နေရာကိုလည်း မွန်းလွဲ ၁ နာရီဝန်းကျင်ခန့်မှာပဲ စစ်အုပ်စုက ဂျက်ဖိုက်တာနဲ့ ဗုံးကြဲပြီး စက်သေနတ်တွေနဲ့ပါ ပစ်ခတ်ခဲ့တာကြောင့် ပြည်သူ ၂ ဦး သေဆုံးကာ ၁၀ ဦးကျော် ဒဏ်ရာရခဲ့တယ်လို့ ဆိုပါတယ်။
အောက်တိုဘာလ ၇ ရက် (မနေ့က) မိုးဗြဲမြို့အနီးတိုက်ပွဲမှာ စစ်ကော်မရှင်တပ်ဘက်က အထိနာပြီး စခန်းအချို့ကို လက်လွှတ်ခဲ့ရတာကြောင့် အခုလို ပြည်သူတွေကို ပစ်မှတ်ထားပြီး လေကြောင်း တိုက်ခိုက်ခဲ့တာလို့ ဒေသခံတွေ က ပြောပါတယ်။
ထို့အပြင် အောက်တိုဘာ ၇ ရက်၊ ညနေပိုင်းမှာလည်း လွယ်ယင်းတောင်ခြေနားက ကျေးရွာတွေကို ဝင်ရောက်စီး နင်းပြီး ပြည်သူတွေရဲ့ နေအိမ်တွေကို မီးရှို့ ဖျက်ဆီးခဲ့တယ်လို့ သိရပါတယ်။
စစ်ကိုင်းတိုင်း၊ မြောင်မြို့နယ်နဲ့ ချောင်းဦးမြို့နယ် အစပ်က ပန်းလှဘုန်းကြီးကျောင်းကိုလည်း အောက်တိုဘာလ ၈ ရက်၊ မွန်းလွဲ ၁ နာရီခွဲခန့်မှာ စစ်ကော်မရှင်တပ်က ဂျက်ဖိုက်တာနဲ့ ဗုံး ၂ ကြိမ် ကြဲချခဲ့ပြီး၊ ရော့ကတ်တွေနဲ့ ပစ်ခတ် ခဲ့တယ်လို့ ဆိုပါတယ်။
တိုက်ပွဲဖြစ်ပွားခြင်းမရှိဘဲ အကြောင်းမဲ့တိုက်ခိုက်ခဲ့တာဖြစ်ပြီး သံဃာတော် ၂ ပါး ထိခိုက်ဒဏ်ရာရခဲ့ကာ ကျောင်း ဆောင်တွေ ထိခိုက်ပျက်စီးခဲ့တယ်လို့ သိရပါတယ်။
ဒါ့အပြင် ရခိုင်ပြည်နယ်၊ ကျောက်တော်မြို့နယ် အနီးတဝိုက်ကိုလည်း အောက်တိုဘာလ ၈ ရက်၊ မနက် ၃ နာရီခန့် မှာ စစ်ကော်မရှင်တပ်က ဂျက်ဖိုက်တာနဲ့ Y-12 လေယာဉ်တွေအသုံးပြုပြီး ဗုံး ၁၅ လုံး ကြဲချတိုက်ခိုက်ခဲ့တယ်လို့ ဆိုပါတယ်။
အလားတူ စစ်ကိုင်းတိုင်း၊ ဆားလင်းကြီး မြို့နယ်ထဲက နေရာတစ်ခုကိုလည်း အောက်တိုဘာလ ၇ ရက် မနက်ပိုင်းမှာ တိုက်ပွဲမရှိဘဲ ဂျိုင်ရိုကော်ပတာ ၃ စီးနဲ့ လာရောက်ဗုံးကြဲခဲ့ရာ အမျိုးသား ၁ ဦး သေဆုံးပြီး၊ ပြည်သူ ၃ ဦး ဒဏ်ရာရခဲ့တယ်လို့ သိရပါတယ်။
ထို့အပြင် ရေဘေးသင့်နေတဲ့ တနင်္သာရီတိုင်း သရက်ချောင်းမြို့နယ်၊ မြိတ်-ထားဝယ် လမ်းပိုင်းကို စစ်ကြောင်းထိုး လာတဲ့ စစ်ကော်မရှင်တပ်ဟာ ပြီးခဲ့တဲ့အောက်တိုဘာလ ၅ ရက် ညနေပိုင်းက ပြင်းဖြူကြီးရွာမှာ တိုက်ခိုက်ခံရပြီး လက်နက်ကြီးတွေနဲ့ ရမ်းသမ်းပစ်ခတ်ခဲ့တာကြောင့် ပြည်သူ ၁ ဦး သေဆုံးခဲ့ရပါသေးတယ်။
-------------------
၄။အင်းတော်နဲ့ ရေဦးမှာ စစ်ကော်မရှင်စစ်ကြောင်း တိုက်ခိုက်ခံရပြီး ၂ ဦး သေဆုံး၊မြို့သစ်နဲ့ စလင်းမှာ စစ်တပ်သတင်းပေး ၂ ဦးနဲ့ ပျူစောထီး ၃ ဦးကို ဖမ်းဆီးရမိ
=========================
m.CDM အောက်တိုဘာ ၈ ရက်။
စစ်ကိုင်းတိုင်း၊ အင်းတော်မြို့နယ်၊ လယ်နောင်ရွာ၊ အောင်ကမ္ဘာသိန်း ဘုရားကုန်းဘက်ကို တက်လာတဲ့ တပ်မ ၃၃ လက်အောက်ခံ စစ်ကော်မရှင် စစ်ကြောင်းနဲ့ တော်လှန်ရေး ပူးပေါင်းတပ်တွေကြား အောက်တိုဘာ ၇ ရက်နေ့က ထိတွေ့တိုက်ပွဲ ဖြစ်ပွားခဲ့တယ်လို့ သိရပါတယ်။
၎င်းတိုက်ပွဲအတွင်း စစ်အုပ်စုဘက်က ၂ ဦး သေဆုံးပြီး ၂ ဦး ဒဏ်ရာရခဲ့သလို အာရက္ခတပ်တော်(AA) နဲ့ ပူးပေါင်း တပ်တွေ ဘက်ကလည်း လေကြောင်းနဲ့ ဒရုန်း တိုက်ခိုက်မှုတွေကြောင့် ရဲဘော် ၁ ဦး ကျဆုံးကာ ၁ ဦး ဒဏ်ရာရရှိ ခဲ့တယ်လို့ ဆိုပါတယ်။
အလားတူ စစ်ကိုင်းတိုင်း၊ ရေဦးမြို့နယ် မြောက်ပိုင်းကနေ ရွာသစ် ကျေးရွာဘက် ကင်းပုန်းတက်လာတဲ့ အင်အား ၂၀ ခန့်ပါ စစ်ကော်မရှင်နဲ့ ပျူစောထီး ပူးပေါင်းအဖွဲ့ကို ရေဦး ပ.က.ဖ က မိုင်းဆွဲတိုက်ခိုက်ခဲ့တယ်လို့ ဆိုပါတယ်။
ပြီးခဲ့တဲ့ အောက်တိုဘာလ ၆ ရက်၊ ည ၈ နာရီခွဲ ခန့်မှာ မိုင်း ၃ လုံးနဲ့ အချိန်ကိုက် ဖောက်ခွဲ တိုက်ခိုက်ခဲ့တာဖြစ်ပြီး၊ စစ်ကော်မရှင်တပ်ဘက်က ထိခိုက်သေဆုံးမှုတွေရှိနိုင်ပေမယ့် အရေအတွက်ကိုတော့ အတည်မပြုနိုင်သေးဘူးလို့ သိရပါတယ်။
တစ်ဖက်မှာလည်း မကွေးတိုင်း၊ မြို့သစ်မြို့နယ်၊ မန်းကျည်းကုန်းရွာမှာ နေထိုင်ပြီး စစ်အုပ်စုကို သတင်းပေးနေတဲ့ ကိုဖြိုး ဆိုသူကို ပြီးခဲ့တဲ့ စက်တင်ဘာလ ၇ ရက်နေ့က အရှင်ဖမ်းဆီး ရမိခဲ့တယ်လို့ ဆိုပါတယ်။
ပြည်သူတွေရဲ့ သတင်းပေးပို့မှုကြောင့် နေအိမ်မှာတင် အမှတ် (၉၀၃) တပ်ရင်းက ဝင်ရောက်ဖမ်းဆီးခဲ့တာဖြစ်ပြီး၊ စစ်ကော်မရှင်ထံ တော်လှန်ရေး တပ်တွေရဲ့ လှုပ်ရှားမှုကို သတင်းပေးခဲ့ကြောင်း ၎င်းကိုယ်တိုင် ဝန်ခံထားတယ်လို့ သိရပါတယ်။
အလားတူ မကွေးတိုင်း၊ စလင်းမြို့နယ်၊ စလင်း-စေတုတ္တရာ လမ်းပိုင်းရှိ ကံပြားရွာ အထိုင်စခန်းက ပျူစောထီး ၃ ဦးနဲ့ သတင်းပေး အမျိုးသမီး ၁ ဦးကိုလည်း အောက်တိုဘာလ ၆ ရက်နေ့မှာ ဒေါင်းညီနောင် ပြောက်ကျားတပ်ဖွဲ့ က အရှင်ဖမ်းဆီးခဲ့တယ်လို့ ဆိုပါတယ်။
ဖမ်းဆီးခံရသူ ၄ ဦးဟာ ပြည်သူပိုင် သစ်တောတွေကို အကြမ်းဖက် စစ်တပ်နဲ့ ပူးပေါင်းပြီး ခုတ်ယူရောင်းချနေချိန် တောထဲမှာ ဖမ်းမိခဲ့တာ ဖြစ်ပြီး၊ လက်ရှိမှာတော့ ဥပဒေနဲ့အညီ အရေးယူနိုင်ဖို့ စစ်ဆေးမေးမြန်းမှုတွေ ဆက်လုပ် နေတယ်လို့ သိရှိရပါတယ်။
-----------------
၅။မန္တလေးမြောက်ဘက်ခြမ်း စစ်ဆင်ရေးမှာ စစ်အုပ်စုရဲ့ တပ်ခွဲ ၁ ခွဲကို ဖျက်ဆီးနိုင်ခဲ့ကြောင်း စုန်းမအဖွဲ့ ထုတ်ပြန်
====================
m.CDM အောက်တိုဘာ ၈ ရက်။
မန္တလေးတိုင်း မြောက်ဘက်ခြမ်းမှာ စစ်ဆင်ရေးတွေအတွင်း အကြမ်းဖက် စစ်ကော်မရှင်တပ်ရဲ့ တပ်ခွဲ ၁ ခွဲလုံးကို ဖျက်ဆီးပစ်နိုင်ခဲ့တယ်လို့ စုန်းမအဖွဲ့ (WITCH) က အောက်တိုဘာလ ၈ ရက်နေ့မှာ ထုတ်ပြန်လိုက်ပါတယ်။
ပြီးခဲ့တဲ့ ဩဂုတ်လအတွင်းက စစ်ကော်မရှင်တပ်ရဲ့ ထိုးစစ်တွေကို ဒေသတွင်းမဟာမိတ်တွေနဲ့အတူ ခုခံတိုက်ခိုက် ခဲ့တာဖြစ်ပြီး စစ်အုပ်စုဘက်က ၅၀ ကျော် ထိခိုက်ဒဏ်ရာရခဲ့ကာ သေဆုံးသူတွေလည်း ရှိခဲ့တယ်လို့ ဆိုပါတယ်။
အဆိုပါ စစ်ဆင်ရေးတွေအတွင်း စစ်ကော်မရှင်တပ်ရဲ့ တပ်ခွဲ တစ်ခုလုံးကို ဖျက်ဆီးနိုင်ခဲ့တယ်လို့ ရုပ်သံမှတ်တမ်း တွေနဲ့တကွ ထုတ်ပြန်ထားတာပါ။
ထို့အပြင် အကြမ်းဖက်စစ်တပ်ဟာ လက်ရှိမှာ အရပ်သားတွေနဲ့ အခြေခံ အဆောက်အအုံတွေကိုပါ ခွဲခြားမှုမရှိဘဲ ဗုံးကြဲတိုက်ခိုက်နေပြီး လူငယ်သောင်းနဲ့ချီကိုလည်း အတင်းအကျပ် စစ်မှုထမ်းစုဆောင်းနေတယ်လို့ ဆိုပါတယ်။
စစ်မှုထမ်း တပ်သားများစွာဟာ အသက်ရှင်နိုင်ခြေ မရှိတဲ့ ရှေ့တန်းကို ပို့ဆောင်ခံနေရပြီး၊ တော်လှန်ရေးတပ်တွေ အနေနဲ့လည်း ရွေးချယ်စရာမရှိဘဲ တိုက်ခိုက် ဖယ်ရှားနေရတယ်လို့ အသိပေးထားပါတယ်။
ဒါကြောင့် လူငယ်တွေအနေနဲ့ စစ်မှုထမ်း ဥပဒေကို ဆန့်ကျင်ကြဖို့နဲ့ စုဆောင်းခံရပါကလည်း အခွင့်အရေးရတာနဲ့ လက်နက်ခဲယမ်းတွေ ယူဆောင်ပြီး တော်လှန်ရေးတပ်တွေထံ ဘက်ပြောင်းကြဖို့ တိုက်တွန်းထားပါတယ်။
လက်နက်ချမယ်ဆိုပါက ကင်းထောက်ဒရုန်းတွေကို အချက်ပြတာ၊ တော်လှန်ရေးအဖွဲ့အစည်းတွေကို ဆက်သွယ် တာတွေ လုပ်ဆောင်ကြဖို့နဲ့ လက်နက်ချသူတွေကို လုံခြုံတဲ့နေရာဆီ ကူညီပို့ဆောင်ပေးသွားမယ်လို့ ဆိုပါတယ်။
AIF Myanmar ရဲ့ စုန်းမအဖွဲ့ (WITCH) ဟာ ချင်းပြည်နယ်ကို ထိုးစစ်ဆင်လာတဲ့ စစ်ကော်မရှင်တပ်ကို အသေခံ ဒရုန်းတွေနဲ့ တိုက်ခိုက်ခဲ့ရာမှာ ထင်ရှားပါတယ်။
၎င်းတို့ အဖွဲ့အနေနဲ့ ဒရုန်းနည်းပညာတွေ အဆင့်မြင့်၊ ဖွံ့ဖြိုးတိုးတက်ရေးအတွက် ဆက်လက်ပံ့ပိုးပေးကြဖို့လည်း မေတ္တာရပ်ခံထားပါတယ်။
————————————
၆။အကြမ်းဖက်မင်းအောင်လှိုင်ရဲ့ မလေးရှားနိုင်ငံ ခရီးစဉ်အပေါ် SCEF ကန့်ကွက်လိုက်ပြီး နိုင်ငံတော်အဆင့် တရားဝင်မှု ရရှိစေမယ့် လုပ်ရပ်တွေကိုရှောင်ဖို့ တိုက်တွန်း
======================
m.CDM၊ အောက်တိုဘာ ၈
ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ SCEF က အကြမ်းဖက် မင်းအောင်လှိုင် ရဲ့ မလေးရှားနိုင်ငံ ခရီးစဉ်အပေါ် ပြင်းပြင်းထန်ထန် ကန့်ကွက်လိုက်ပြီး နိုင်ငံတော်အဆင့် တရားဝင်မှု ရရှိစေ မယ့် လုပ်ရပ်တွေကိုရှောင်ဖို့ မလေးရှားအစိုးရကို တိုက်တွန်းလိုက်ပါတယ်။
အောက်တိုဘာ ၈ ရက် နေ့စွဲနဲ့ ထုတ်ပြန်တဲ့ SCEF ရဲ့ သဘောထားကြေညာချက်ထဲမှာ မင်းအောင်လှိုင် ဟာ မြန်မာပြည်သူလူထုရဲ့ ဒီမိုကရေစီဆန္ဒကို အကြမ်းဖက်နှိမ်နင်းပြီး နိုင်ငံတော်အာဏာကို ဥပဒေနဲ့မညီဘဲ သိမ်းယူခဲ့သူဖြစ်တယ်လို့ ဖော်ပြထားပါတယ်။
ဒါ့အပြင် မြန်မာနိုင်ငံရဲ့ နိုင်ငံရေးအကျပ်အတည်းကို ဖြေရှင်းဖို့ အာဆီယံအဖွဲ့ဝင်နိုင်ငံတွေနဲ့ သဘောတူထား တဲ့ အာဆီယံဘုံသဘောတူညီချက် (Five-Point Consensus) အပါအဝင် ကတိကဝတ်တွေကို လိုက်နာ ဆောင်ရွက်ဖို့ ပျက်ကွက်ခဲ့တာကြောင့် အာဆီယံရဲ့ သံတမန်ရေးကြိုးပမ်းမှုတွေနဲ့ ဂုဏ်သိက္ခာကို ထိခိုက်စေ ခဲ့တယ်လို့ SCEF က ထောက်ပြထားပါတယ်။
အဲဒီလိုအခြေအနေတွေမှာ မလေးရှားနိုင်ငံအနေနဲ့ အကြမ်းဖက် မင်းအောင်လှိုင်ကို တရားဝင်ခရီးစဉ်အဖြစ် လက်ခံတာဟာ အကြမ်းဖက်စစ်အုပ်စုနဲ့ သူတို့ရဲ့ လူ့အခွင့်အရေးချိုးဖောက်မှုတွေအပေါ် နိုင်ငံရေးအရ တရားဝင်မှုနဲ့ ထောက်ခံမှု ပေးအပ်ရာရောက်နိုင်တယ်လို့ SCEF က ပြောပါတယ်။
ဒီမိုကရေစီ၊ လူ့အခွင့်အရေးနဲ့ ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးအတွက် မြန်မာပြည်သူ လူထုရဲ့ အသက်တွေ ဘဝတွေ ဒုက္ခတွေနဲ့ အသက်မွေးဝမ်းကျောင်းတွေ ကြီးကြီးမားမား စွန့်လွှတ်ပေးဆပ်ခဲ့ ရမှုများကိုလည်း မျက်ကွယ်ပြုရာကျတယ်လို့ ထုတ်ပြန်ချက်က ဆိုထားပါတယ်။
မလေးရှားနိုင်ငံအနေနဲ့ မြန်မာနိုင်ငံနဲ့ပတ်သက်လို့ အာဆီယံရဲ့ ဆက်ဆံရေးမှာ အခြေခံမူတွေနဲ့အညီ ဆောင်ရွက်ခဲ့တဲ့ နိုင်ငံတနိုင်ငံဖြစ်ပြီး လူသားချင်းစာနာထောက်ထားမှုတန်ဖိုးတွေ၊ ဒီမိုကရေစီနဲ့ လူ့အခွင့်အရေးတွေအပေါ် မှာလည်း ကတိကဝတ်တွေ အကြိမ်ကြိမ်အတည်ပြုဖော်ပြခဲ့ပြီးဖြစ်တာကြောင့် မင်းအောင်လှိုင်ကို နိုင်ငံ့ခေါင်းဆောင်အဆင့် ကြိုဆိုလက်ခံပြီး သံတမန်ရေးအရ အလေးထား ဆက်ဆံဟာ ဒီအခြေခံမူတွေနဲ့ တိုက်ရိုက် ဆန့်ကျင်နေတယ်လို့လည်း အသိပေးထားပါတယ်။
----------------------
၇။အရပ်သားပြည်သူတွေ အစုလိုက်သေဆုံးအောင် ဗုံးကြဲသတ်ဖြတ်ခဲ့တဲ့ စစ်တပ်လုပ်ရပ်ကို ကန့်ကွက်ရှုတ်ချ ပေးတဲ့အပေါ် AA ကျေးဇူးတင်စကားပြော
=====================
m.CDM၊ အောက်တိုဘာ ၈
အာရက္ခတပ်တော် AA ထိန်းချုပ်ထားတဲ့ ကျောက်တော်မြို့ကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်ခဲ့လို့ ပြည်သူလူထု အစုလိုက်၊အပြုံလိုက် သေဆုံးထိခိုက်ခဲ့ရတဲ့ဖြစ်ရပ်နဲ့ ပတ်သက်လို့ စစ်တပ်ရဲ့ လုပ်ရပ်ကို ကန့်ကွက်ရှုတ်ချပေးခဲ့ကြတဲ့ လူပုဂ္ဂိုလ်အဖွဲ့အစည်းအားလုံးကို ကျေးဇူးတင်တဲ့ အကြောင်း AA က ထုတ်ပြန် ပြောကြားလိုက်ပါတယ်။
AA ထိန်းချုပ်ထားတဲ့ မြို့ရွာတွေကို လေကြောင်းကနေဗုံးကြဲမှုတွေ ဆက်တိုက်လုပ်နေတဲ့ စစ်တပ်ဟာ စက်တင်ဘာ ၂၈ ရက်မှာ ကျောက်တော်မြို့က အိန္ဒိယဈေးနဲ့ ကစ္ဆပနဒီတံတားဝန်းကျင်ကို ဗုံးကြဲတဲ့အတွက် အရပ်သားပြည်သူ ၅၀ ဦး သေဆုံးပြီး ၅၇ ဦးဒဏ်ရာရခဲ့တာရှိပါတယ်။
အဲဒီဖြစ်ရပ်အပေါ် အာရက္ခပြည်သူလူထုတရပ်လုံးနဲ့အတူ တသွေးတည်း တသားတည်းရပ်တည်ပြီး စည်းလုံးညီညွတ်မှုကိုပြသကာ ဖက်ဆစ် အကြမ်းဖက် စစ်ကော်မရှင်တပ်ရဲ့ လူသားမျိုးနွယ်အပေါ် ကျူးလွန် တဲ့ ရာဇဝတ်မှုနဲ့အတူ ကြီးမားတဲ့ စစ်ရာဇဝတ်မှု ကျူးလွန်နေတဲ့အပေါ် ပြင်းပြင်းထန်ထန် ကန့်ကွက်ရှုတ်ချ ပေးခဲ့ကြတဲ့ လူပုဂ္ဂိုလ်တွေနဲ့ အဖွဲအစည်းတွေအားလုံးကို ထာဝရ အမှတ်ရမှာဖြစ်တယ်လို့ AA ရဲ့ ထုတ်ပြန် ချက်မှာ ဖော်ပြထားပါတယ်။
အရပ်သားပြည်သူ ထိခိုက်သေဆုံးမှုများခဲ့တဲ့ ကျောက်တော်မြို့ ဗုံးကြဲခံရမှုအပါအဝင် အာဏာသိမ်းစစ်တပ်ရဲ့ ပြည်သူအပေါ်ပစ်မှတ်ထားတဲ့ တိုက်ခိုက်မှုတွေအပေါ် AA ရဲ့ မဟာမိတ် တော်လှန်ရေးတပ်တွေ၊ အမျိုးသား ညီညွတ်ရေးအစိုးရ NUG နဲ့ တိုင်းရင်းသားတော်လှန်ရေးတပ်အချို့အပြင် ပြည်တွင်း ပြည်ပအဖွဲ့အစည်းတွေ၊ ပုဂ္ဂိုလ်တွေက ကန့်ကွက်ရှုတ်ချတယ်လို့ ထုတ်ပြန်ပြောဆိုခဲ့ကြပါတယ်။
AA ကလည်း စစ်တပ်အနေနဲ့ ပြည်သူလူထုအပေါ် ရည်ရွယ်ချက်ရှိရှိတိုက်ခိုက်တဲ့ လုပ်ရပ်တွေအတွက် လက်တုန့်ပြန်သွားမယ်လို့ ကြေညာထားပြီးဖြစ်ပါတယ်။
———————————
၈။ကျောက်ပန်းတောင်းမြို့နယ်မှာ အကြမ်းဖက်ရဲတွေက PDF၊ ပကဖ အမည်ခံကာ ပြည်သူတွေကို ခြိမ်းခြောက် ပြီး ငွေတောင်းနေ
=====================
m.CDM၊ အောက်တိုဘာ ၈
မန္တလေးတိုင်း ကျောက်ပန်းတောင်းမြို့နယ်မှာရှိတဲ့ အကြမ်းဖက်စစ်တပ်လက်အောက်ခံ မြို့မရဲစခန်းက တပ်ကြပ်ကြီးနဲ့ ရဲသတင်းပေးအုပ်စုဟာ PDF နဲ့ ပကဖ အမည်ခံပြီး မြို့နယ်အတွင်း ပြည်သူတွေကို ခြိမ်းခြောက်ပြီး ငွေကြေးတောင်းခံနေတယ်လို့ ကျောက်ပန်းတောင်းမြို့နယ် - ပကဖ က အောက်တိုဘာ ၈ ရက်မှာ အသိပေးထုတ်ပြန်ပါတယ်။
ကျောက်ပန်းတောင်း မြို့မရဲစခန်းက ရဲတပ်ကြပ်ကြီး ကြံ့ခိုင်အောင်နဲ့ ရဲသတင်းပေး ဌေးလွင်ဦးတို့အုပ်စုက ကျောက်ပန်းတောင်း PDF ဆိုတဲ့ TikTok အကောင့်တုကို သုံးတဲ့အပြင်၊ သူတို့ကိုင်တဲ့ ဖုန်းနံပါတ်တွေနဲ့ ဖုန်းဆက်ငွေတောင်းတာ၊ မက်ဆေ့ပို့တာ၊ Viber အကောင့်တွေနဲ့ ကျောက်ပန်းတောင်း PDF နဲ့ ပကဖ တော်လှန်ရေးနာမည်တွေကို အလွဲသုံးစာလုပ်ပြီး ခြိမ်းခြောက်ငွေတောင်းနေတာြဖစ်ပါတယ်။
အဲဒီအကြမ်းဖက်ရဲတွေဟာ အရင်လတွေကလည်း ကျောက်ပန်းတောင်း - မိတ္ထီလာ ကားလမ်းမဘေးမှာရှိတဲ့ စားသောက်ဆိုင်တွေ၊ ထမင်းဆိုင်တွေနဲ့ စျေးဆိုင်ပိုင်ရှင်တွေဆီကလည်း PDF အမည်ကို အလွဲသုံးစားလုပ် ကာ ခြိမ်းခြောက်ငွေတောင်းတာတွေလုပ်ခဲ့တယ်လို့ ဆိုပါတယ်။
ပြည်သူလူထုတွေအနေနဲ့ PDF အယောင်ဆောင် အကြမ်းဖက်စစ်တပ်ဘက်တော်သားမှန်း သိသွားတဲ့အတွက် အခုအချိန်မှာ မြို့ပေါ်က စျေးသည်တွေ၊ ရွာတွေဘက်က ကားဆရာတွေနဲ့ စျေးဆိုင်တွေကိုပြောင်းပြီး ခြိမ်းခြောက် ငွေတောင်းခံနေတာကို တွေ့နေရတယ်လို့ ကျောက်ပန်းတောင်းမြို့နယ် - ပကဖ က ပြောပါ တယ်။
ပြည်သူတွေအနေနဲ့ ကိုယ်မသိတဲ့ ဖုန်းနံပါတ်တွေ၊ tiktok ၊ viber စတဲ့ အကောင့်တုတွေနဲ့ ခြိမ်းခြောက် ငွေကြေးတောင်းခံလာရင် လက်ခံပြီး စာပြန်ပို့တာ၊ စကားပြန်ပြောတာတွေမလုပ်ဘဲ ချက်ချင်း block ပြီး အသိအမှတ်မပြုဖို့လည်း သတိပေးတိုက်တွန်းထားပါတယ်။
ဒေသတော်လှန်ရေးအဖွဲ့အစည်းတွေဖြစ်တဲ့ ကျောက်ပန်းတောင်းမြို့နယ် ပြည်သူ့ကာကွယ်ရေးအဖွဲ့ - ပကဖ၊ အညာမြေပြည်သူ့ ကာကွယ်ရေးတပ်ဖွဲ့၊ ညောင်ဦးခရိုင်တပ်ရင်း (၁)၊ ညောင်ဦးခရိုင်တပ်ရင်း (၄) KDF တို့ အနေနဲ့ ပြည်သူလူထုဆီကနေ ဘယ်လိုအကြောင်းနဲ့မှ ခြိမ်းခြောက်ငွေကြေးတောင်းခံမှုတွေ မလုပ်ခဲ့ဘူးလို့ အသိပေးထုတ်ပြန်ထားပါတယ်။
ဒီနေ့အတွက် m.CDM ပြည်တွင်းသတင်း အစီအစဉ် ဒီမှာပဲ ရပ်နားခွင့်ပြုပါရှင်/ခင်ဗျာ၊အခုတင်ပြပေးခဲ့တဲ့သတင်းတွေကို ကိုသစ်နှင့်လူလေးတို့က ပေးပို့ခဲ့တာဖြစ်ပါတယ်။
နောက်ဆုံးရ သတင်းတွေအတွက် ကျတော်/ကျမတို့ရဲ့ Channel ကို ကျေးဇူးပြုပြီး Subscribe လုပ်ပေးဖို့ မေတ္တာရပ်ခံအပ်ပါတယ်ရှင်/ခင်ဗျာ။
--
မင်္ဂလာပါရှင်/ခင်ဗျာ အခုချိန်ကစပြီး m.CDM ရဲ့ ပြည်တွင်းသတင်းများကို ဖတ်ကြားတင်ပြပေးသွားမှာဖြစ်ပါတယ်။
ဒီကနေ့မှာတင်ပြပေးမယ့်သတင်းတွေကတော့
၁။စစ်ခေါင်းဆောင်ကို အာဆီယံမှာ ပြန်ဝင်ဆံအောင် ကူညီမယ်လို့ မလေးရှားဝန်ကြီးချုပ်ပြော၊ဒုက္ခသည်တွေကို မြန်မာနိုင်ငံက အလုံးအရင်းနဲ့ ပြန်လက်ခံမယ်လို့ဆို
၂။စစ်ခေါင်းဆောင် မင်းအောင်လှိုင်ကို ဆင့်ခေါ်ပြီး နိုင်ငံတကာတရားရုံးမှာ တရားစီရင်ဖို့ ကုလညီလာခံမှာ သံအမတ်ကြီး ဦးကျော်မိုးထွန်း တင်ပြတောင်းဆို
၃။ဒီပဲယင်း၊ မိုးဗြဲ၊ မြောင်၊ ကျောက်တော်၊ ဆားလင်းကြီး နဲ့ သရက်ချောင်း မြို့နယ်တွေမှာ အကြမ်းဖက် စစ်တပ်ရဲ့ လေကြောင်းနဲ့ လက်နက်ကြီး တိုက်ခိုက်မှုတွေကြောင့် ပြည်သူ ၈ ဦး သေဆုံးပြီး၊ ၂၀ ကျော် ဒဏ်ရာရ
၄။မန္တလေးမြောက်ဘက်ခြမ်း စစ်ဆင်ရေးမှာ စစ်အုပ်စုရဲ့ တပ်ခွဲ ၁ ခွဲကို ဖျက်ဆီးနိုင်ခဲ့ကြောင်း စုန်းမအဖွဲ့ ထုတ်ပြန် စတဲ့ သတင်းအပါအဝင် တခြား သတင်းအကြောင်းအရာတွေကိုပါ တင်ပြပေးသွားမှာပဲ ဖြစ်ပါတယ်။
အခုပထမဆုံးအနေနဲ့
၁။စစ်ခေါင်းဆောင်ကို အာဆီယံမှာ ပြန်ဝင်ဆံအောင် ကူညီမယ်လို့ မလေးရှားဝန်ကြီးချုပ်ပြော၊ဒုက္ခသည်တွေကို မြန်မာနိုင်ငံက အလုံးအရင်းနဲ့ ပြန်လက်ခံမယ်လို့ဆို
=================
m.CDM အောက်တိုဘာ ၈ ရက်။
အာဆီယံမှာ မြန်မာရဲ့ အခန်းကဏ္ဍနဲ့ အခွင့်အရေးတွေ အပြည့်အဝပြန်ရလာအောင် ကူညီသွားမယ်လို့ မလေးရှား ဝန်ကြီးချုပ် အန်ဝါ အီဘရာဟင်က ဒီကနေ့ အောက်တိုဘာလ ၈ ရက်နေ့မှာ ပြောကြားလိုက်ပါတယ်။
မလေးရှားရောက်နေတဲ့ မြန်မာဒုက္ခသည်တွေကို အလုံးအရင်းနဲ့ ပြန်လည်လက်ခံဖို့ကို စစ်အုပ်စုက လိုလားနေပြီး ပြန်ပို့မယ် အစီအစဉ်တွေကို နှစ်နိုင်ငံ ဆက်လက်ပူးပေါင်း လုပ်ဆောင်သွားမယ်လို့ ဆိုပါတယ်။
၂၀၂၆ နှစ်ဆန်းပိုင်း ကတည်းက လေယာဉ်တွေ၊ စစ်သင်္ဘောတွေနဲ့ မြန်မာနိုင်ငံသား ၁ သောင်းကျော်ကို ပြန်ပို့ခဲ့ပြီး ဖြစ်သလို၊ ထိန်းသိမ်းရေး စခန်းတွေမှာ ရှိနေတဲ့ ၃ ထောင်ကနေ ၄ ထောင်ကြား လောက်ကိုလည်း ထပ်မံ ပြန်ပို့ဖို့ စိစစ်နေတယ်လို့ သိရပါတယ်။
ထို့အပြင် မြန်မာဘက်က စရိတ်အကုန်ခံပြီး ဒုက္ခသည်တွေကို ပြန်ခေါ်ပေးတဲ့အတွက် ကျေးဇူးတင်ကြောင်း၊ အခု လို ပြန်ခေါ်ပေးတဲ့ နိုင်ငံမျိုး ရှားပါးကြောင်းနဲ့ ပူးပေါင်းဆောင်ရွက်ပေးတဲ့ စစ်ခေါင်းဆောင် ကိုလည်း ကျေးဇူးတင် ကြောင်း အန်ဝါ က ပြောပါတယ်။
စစ်ခေါင်းဆောင် ကလည်း ရာသီဥတုသာယာလာတာနဲ့ ဒုက္ခသည်တွေကို ပြန်ခေါ်ဖို့ သင်္ဘောတွေ ထပ်မံစေလွှတ် ပေးမှာ ဖြစ်ကြောင်းနဲ့ အခွင့်အခါသင့်ရင် မြန်မာနိုင်ငံကို လာလည်ဖို့ကိုလည်း ဖိတ်ကြားခဲ့တယ်လို့ သိရပါတယ်။
မလေးရှားနိုင်ငံဟာ ယခင်က အာဏာသိမ်း စစ်အုပ်စုကို ဆန့်ကျင်တဲ့ ရပ်တည်ချက်ရှိပေမယ့် ဝန်ကြီးချုပ် အန်ဝါ က မင်းအောင်လှိုင်နဲ့ တွေ့ဆုံခဲ့ပြီးနောက်မှာ အခုလို သဘောထား ပြောင်းလဲဟန် ပြလာတာလည်း ဖြစ်ပါတယ်။
မလေးရှားမှာ မြန်မာဒုက္ခသည် ၂ သိန်းလောက်ရှိနေပြီး၊ အများစုက ဒုက္ခသည်လျှောက်ထားသူတွေ ဖြစ်တဲ့အပြင် ဒုက္ခသည်တွေဟာ ဘဏ္ဍာရေး ဝန်ထုပ်ဝန်ပိုး ဖြစ်စေပြီး၊ လုံခြုံရေး ခြိမ်းခြောက်မှုတွေ ဖြစ်လာတယ်လို့ အန်ဝါက လွှတ်တော်မှာ ပြောဆိုထားဖူးပါတယ်။
ဒီလို ဒုက္ခသည်တွေကို မြန်မာနိုင်ငံဆီ ပြန်ပို့တာဟာ သူတို့ရဲ့ လုံခြုံရေးအတွက် စိုးရိမ်ရတဲ့အပြင် စစ်မှုထမ်းအဖြစ် အဓမ္မ စုဆောင်းခံရနိုင်ချေ ရှိတယ်လို့ ကုလသမဂ္ဂနဲ့ လူ့အခွင့်အရေးအဖွဲ့အစည်းတွေက ပြင်းပြင်းထန်ထန် ဝေဖန် ထောက်ပြထားကြပါတယ်။
တစ်ဆက်တည်းမှာပဲ မလေးရှားနိုင်ငံကို ရောက်ရှိနေတဲ့ စစ်ခေါင်းဆောင် မင်းအောင်လှိုင် ရဲ့ ခရီးစဉ်ကို ကန့်ကွက် ရှုတ်ချတဲ့ လှုပ်ရှားမှုတွေကို မလေးရှားရောက် တော်လှန်ရေး အင်အားစုတွေက ပြုလုပ်ခဲ့တယ်လို့ သိရပါတယ်။
ကွာလာလန်ပူ မြို့မှာရှိတဲ့ စစ်ခေါင်းဆောင် တည်းခိုနေတဲ့ ဟိုတယ်ရှေ့ အပါအဝင် နေရာ ၅ ခုမှာ ကန့်ကွက် ဗီနိုင်း တွေ ချိတ်ဆွဲခဲ့သလို Chinese Assembly Hall မှာလည်း Myanmar Affairs Alliance -MAA က ဦးဆောင်ပြီး မလေးရှားရောက် မြန်မာ ၁၀၀ ကျော်နဲ့အတူ ကန့်ကွက်ပွဲ ပြုလုပ်ခဲ့တယ်လို့ သိရှိရပါတယ်။
———————————
၂။စစ်ခေါင်းဆောင် မင်းအောင်လှိုင်ကို ဆင့်ခေါ်ပြီး နိုင်ငံတကာတရားရုံးမှာ တရားစီရင်ဖို့ ကုလညီလာခံမှာ သံအမတ်ကြီး ဦးကျော်မိုးထွန်း တင်ပြတောင်းဆို
======================
m.CDM၊ အောက်တိုဘာ ၈
နယူးယောက်မြို့မှာ ကျင်းပနေတဲ့ ၈၁ ကြိမ်မြောက် ကုလသမဂ္ဂအထွေထွေညီလာခံ တတိယကော်မတီရဲ့ “ကလေးသူငယ်များ၏ အခွင့်အရေးများ မြှင့်တင်ရေးနှင့် ကာကွယ် စောင့်ရှောက်ရေး” ခေါင်းစဉ်နဲ့ကျင်းပတဲ့ အထွေထွေဆွေးနွေးပွဲမှာ သံအမတ်ကြီး ဦးကျော်မိုးထွန်းက အခုလို တောင်းဆိုလိုက်တာဖြစ်ပါတယ်။
အောက်တိုဘာ ၆ ရက်နေ့ကကျင်းပတဲ့ အဲဒီဆွေးနွေးပွဲမှာ မူကြိုကျောင်းတွေအပါအဝင် ကလေးသူငယ်များ ရှိရာနေရာတွေကို လေကြောင်းကနေတိုက်ခိုက်ဖို့ အမိန့်ပေးသူတွေလည်း တာဝန်ခံမှုနဲ့အတူတရားစီရင်မှု ခံယူရမယ်လို့ ပြောခဲ့ပါတယ်။
မြန်မာနိုင်ငံက ကလေးတွေအတွက် စာသင်ကျောင်း၊ နေအိမ်နဲ့ ကစားကွင်းတွေဟာ ထိတ်လန့်စရာနေရာတွေ ဖြစ်လာပြီး သေဆုံးမှုတွေဖြစ်နေတဲ့အတွက် မြန်မာကလေးငယ်တွေရဲ့ ငိုကြွေးသံတွေ ကမ္ဘာက ကြားသိစေဖို့ တင်ပြရတာလို့လည်း ရှင်းပြခဲ့ပါတယ်။
စစ်အာဏာသိမ်းမှုကာလအတွင်း စစ်အုပ်စုက ပြည်သူတွေအပေါ် စနစ်တကျ တိုက်ခိုက်မှုတွေပြုလုပ်နေတဲ့ အတွက် ကလေးငယ်ဟာလည်း အကြမ်းဖက်မှုတွေရဲ့ အကျိုးဆက်တွေ ခံစားနေရတယ်လို့လည်း အသိပေးခဲ့ပါတယ်။
ကုလသမဂ္ဂရဲ့ စောင့်ကြည့်မှတ်တမ်းတွေအရ ၂၀၂၅ ခုနှစ်ထဲမှာတင် စစ်အုပ်စုရဲ့ လေကြောင်းတိုက်ခိုက်မှု တွေကြောင့် အရပ်သားသေဆုံးမှု မြင့်တက်လာခဲ့ပြီး သေဆုံးသူတွေထဲမှာ ကလေးငယ် ၂၉၄ ဦး ပါဝင်နေ တယ်လို့ ကျော်မိုးထွန်းက ပြောပါတယ်။
ဒါ့အပြင် အဲဒီနှစ်အတွင်းမှာပဲ မြေမြှုပ်မိုင်းတွေနဲ့ စစ်ကျန်ပေါက်ကွဲစေတတ်သော ပစ္စည်းတွေကြောင့် အရပ်သား ၇၄၅ ဦး သေဆုံးခဲ့ရာမှာ သေဆုံးသူတွေရဲ့ ၂၁ ရာခိုင်နှုန်းဟာ ကလေးငယ်တွေဖြစ်နေတာ တွေ့ရ တယ်လို့ သံအမတ်ကြီးက ရှင်းပြပါတယ်။
လက်ရှိမှာဆိုရင် စစ်အုပ်စုရဲ့ ဂျက်လေယာဉ်တွေက စစ်ကိုင်းတိုင်း၊ ရခိုင်ပြည်နယ်၊ ကရင်နီပြည်နယ်အပါအ ဝင် မြန်မာနိုင်ငံတဝန်းက စာသင်ကျောင်းတွေ၊ ဆေးရုံ၊ ဆေးခန်း၊ ဈေးနဲ့ စစ်ဘေးရှောင်စခန်းတွေအပြင် အရပ်သားပြည်သူတွေရှိတဲ့နေရာတွေကို လေကြောင်းတိုက်ခိုက်မှုတွေ လုပ်နေတာကိုလည်း သံအမတ်ကြီး က ရှင်းပြခဲ့ပါတယ်။
ဒီလိုအခက်အခဲတွေရှိနေတဲ့ကြားက မိမိတို့ရဲ့ CDM ဆရာ၊ ဆရာမတွေဟာ ယာယီဗုံးခိုကျင်းတွေထဲမှာ ကလေးငယ်တွေကို ပညာသင်ပေးမှုတွေ ဆက်လုပ်ပေးနေတယ်လို့ သံအမတ်ကြီးက ပြောကြားခဲ့ပါတယ်။
ဒါကြောင့် ကုလသမဂ္ဂအဖွဲ့ဝင်နိုင်ငံတွေအနေနဲ့ စစ်အုပ်စုကို စစ်လက်နက်၊ လေယာဉ်ဆီ၊ အရပ်ဘက်၊ စစ်ဘက်နှစ်မျိုးသုံးပစ္စည်းတွေနဲ့ ငွေကြေးထောက်ပံ့နေတာတွေကို ချက်ချင်း ရပ်တန့်ဖြတ်တောက်ဖို့ တောင်းဆိုခဲ့ပြီး အချိန်မဆွဲဘဲ ချက်ချင်းအရေးယူဖို့လည်း သံအမတ်ကြီးဦးကျော်မိုးထွန်းက တိုက်တွန်းခဲ့ ပါတယ်။
————————————
၃။ဒီပဲယင်း၊ မိုးဗြဲ၊ မြောင်၊ ကျောက်တော်၊ ဆားလင်းကြီး နဲ့ သရက်ချောင်း မြို့နယ်တွေမှာ အကြမ်းဖက် စစ်တပ်ရဲ့ လေကြောင်းနဲ့ လက်နက်ကြီး တိုက်ခိုက်မှုတွေကြောင့် ပြည်သူ ၈ ဦး သေဆုံးပြီး၊ ၂၀ ကျော် ဒဏ်ရာရ
=================
m.CDM အောက်တိုဘာ ၈ ရက်။
စစ်ကိုင်းတိုင်း၊ ဒီပဲယင်းမြို့နယ်၊ မူးကမ်းကြီးရွာကို အောက်တိုဘာလ ၈ ရက် နေ့လယ် ၁ နာရီဝန်းကျင်မှာ မုံရွာမြို့ အနောက်မြောက်တိုင်းစစ်ဌာနချုပ် (နမခ) က တက်လာတဲ့ ပါရာမော်တာ (စက်တပ်လေထီး) ဖြင့် ဗုံး ၂ လုံး ကြဲချ တိုက်ခိုက်ခဲ့တယ်လို့ သိရပါတယ်။
အဆိုပါ ဗုံးသီးတွေဟာ မူးကမ်းကြီးရွာသား ကိုစိုးနိုင်ရဲ့ နေအိမ်ပေါ်ကို ကျရောက်ပေါက်ကွဲခဲ့ပြီး ၎င်းရဲ့ ဇနီး၊ သမီး၊ ညီမနဲ့ အစ်ကို ဖြစ်သူတို့ ၄ ဦးစလုံး မီးလောင် သေဆုံးသွားခဲ့တယ်လို့ သိရပါတယ်။
အလားတူ ကရင်နီပြည်၊ ဖယ်ခုံမြို့နယ်၊ မိုးဗြဲမြို့အနောက်ခြမ်းက ပြောင်းအရောင်းအဝယ်လုပ်တဲ့ နေရာကိုလည်း မွန်းလွဲ ၁ နာရီဝန်းကျင်ခန့်မှာပဲ စစ်အုပ်စုက ဂျက်ဖိုက်တာနဲ့ ဗုံးကြဲပြီး စက်သေနတ်တွေနဲ့ပါ ပစ်ခတ်ခဲ့တာကြောင့် ပြည်သူ ၂ ဦး သေဆုံးကာ ၁၀ ဦးကျော် ဒဏ်ရာရခဲ့တယ်လို့ ဆိုပါတယ်။
အောက်တိုဘာလ ၇ ရက် (မနေ့က) မိုးဗြဲမြို့အနီးတိုက်ပွဲမှာ စစ်ကော်မရှင်တပ်ဘက်က အထိနာပြီး စခန်းအချို့ကို လက်လွှတ်ခဲ့ရတာကြောင့် အခုလို ပြည်သူတွေကို ပစ်မှတ်ထားပြီး လေကြောင်း တိုက်ခိုက်ခဲ့တာလို့ ဒေသခံတွေ က ပြောပါတယ်။
ထို့အပြင် အောက်တိုဘာ ၇ ရက်၊ ညနေပိုင်းမှာလည်း လွယ်ယင်းတောင်ခြေနားက ကျေးရွာတွေကို ဝင်ရောက်စီး နင်းပြီး ပြည်သူတွေရဲ့ နေအိမ်တွေကို မီးရှို့ ဖျက်ဆီးခဲ့တယ်လို့ သိရပါတယ်။
စစ်ကိုင်းတိုင်း၊ မြောင်မြို့နယ်နဲ့ ချောင်းဦးမြို့နယ် အစပ်က ပန်းလှဘုန်းကြီးကျောင်းကိုလည်း အောက်တိုဘာလ ၈ ရက်၊ မွန်းလွဲ ၁ နာရီခွဲခန့်မှာ စစ်ကော်မရှင်တပ်က ဂျက်ဖိုက်တာနဲ့ ဗုံး ၂ ကြိမ် ကြဲချခဲ့ပြီး၊ ရော့ကတ်တွေနဲ့ ပစ်ခတ် ခဲ့တယ်လို့ ဆိုပါတယ်။
တိုက်ပွဲဖြစ်ပွားခြင်းမရှိဘဲ အကြောင်းမဲ့တိုက်ခိုက်ခဲ့တာဖြစ်ပြီး သံဃာတော် ၂ ပါး ထိခိုက်ဒဏ်ရာရခဲ့ကာ ကျောင်း ဆောင်တွေ ထိခိုက်ပျက်စီးခဲ့တယ်လို့ သိရပါတယ်။
ဒါ့အပြင် ရခိုင်ပြည်နယ်၊ ကျောက်တော်မြို့နယ် အနီးတဝိုက်ကိုလည်း အောက်တိုဘာလ ၈ ရက်၊ မနက် ၃ နာရီခန့် မှာ စစ်ကော်မရှင်တပ်က ဂျက်ဖိုက်တာနဲ့ Y-12 လေယာဉ်တွေအသုံးပြုပြီး ဗုံး ၁၅ လုံး ကြဲချတိုက်ခိုက်ခဲ့တယ်လို့ ဆိုပါတယ်။
အလားတူ စစ်ကိုင်းတိုင်း၊ ဆားလင်းကြီး မြို့နယ်ထဲက နေရာတစ်ခုကိုလည်း အောက်တိုဘာလ ၇ ရက် မနက်ပိုင်းမှာ တိုက်ပွဲမရှိဘဲ ဂျိုင်ရိုကော်ပတာ ၃ စီးနဲ့ လာရောက်ဗုံးကြဲခဲ့ရာ အမျိုးသား ၁ ဦး သေဆုံးပြီး၊ ပြည်သူ ၃ ဦး ဒဏ်ရာရခဲ့တယ်လို့ သိရပါတယ်။
ထို့အပြင် ရေဘေးသင့်နေတဲ့ တနင်္သာရီတိုင်း သရက်ချောင်းမြို့နယ်၊ မြိတ်-ထားဝယ် လမ်းပိုင်းကို စစ်ကြောင်းထိုး လာတဲ့ စစ်ကော်မရှင်တပ်ဟာ ပြီးခဲ့တဲ့အောက်တိုဘာလ ၅ ရက် ညနေပိုင်းက ပြင်းဖြူကြီးရွာမှာ တိုက်ခိုက်ခံရပြီး လက်နက်ကြီးတွေနဲ့ ရမ်းသမ်းပစ်ခတ်ခဲ့တာကြောင့် ပြည်သူ ၁ ဦး သေဆုံးခဲ့ရပါသေးတယ်။
-------------------
၄။အင်းတော်နဲ့ ရေဦးမှာ စစ်ကော်မရှင်စစ်ကြောင်း တိုက်ခိုက်ခံရပြီး ၂ ဦး သေဆုံး၊မြို့သစ်နဲ့ စလင်းမှာ စစ်တပ်သတင်းပေး ၂ ဦးနဲ့ ပျူစောထီး ၃ ဦးကို ဖမ်းဆီးရမိ
=========================
m.CDM အောက်တိုဘာ ၈ ရက်။
စစ်ကိုင်းတိုင်း၊ အင်းတော်မြို့နယ်၊ လယ်နောင်ရွာ၊ အောင်ကမ္ဘာသိန်း ဘုရားကုန်းဘက်ကို တက်လာတဲ့ တပ်မ ၃၃ လက်အောက်ခံ စစ်ကော်မရှင် စစ်ကြောင်းနဲ့ တော်လှန်ရေး ပူးပေါင်းတပ်တွေကြား အောက်တိုဘာ ၇ ရက်နေ့က ထိတွေ့တိုက်ပွဲ ဖြစ်ပွားခဲ့တယ်လို့ သိရပါတယ်။
၎င်းတိုက်ပွဲအတွင်း စစ်အုပ်စုဘက်က ၂ ဦး သေဆုံးပြီး ၂ ဦး ဒဏ်ရာရခဲ့သလို အာရက္ခတပ်တော်(AA) နဲ့ ပူးပေါင်း တပ်တွေ ဘက်ကလည်း လေကြောင်းနဲ့ ဒရုန်း တိုက်ခိုက်မှုတွေကြောင့် ရဲဘော် ၁ ဦး ကျဆုံးကာ ၁ ဦး ဒဏ်ရာရရှိ ခဲ့တယ်လို့ ဆိုပါတယ်။
အလားတူ စစ်ကိုင်းတိုင်း၊ ရေဦးမြို့နယ် မြောက်ပိုင်းကနေ ရွာသစ် ကျေးရွာဘက် ကင်းပုန်းတက်လာတဲ့ အင်အား ၂၀ ခန့်ပါ စစ်ကော်မရှင်နဲ့ ပျူစောထီး ပူးပေါင်းအဖွဲ့ကို ရေဦး ပ.က.ဖ က မိုင်းဆွဲတိုက်ခိုက်ခဲ့တယ်လို့ ဆိုပါတယ်။
ပြီးခဲ့တဲ့ အောက်တိုဘာလ ၆ ရက်၊ ည ၈ နာရီခွဲ ခန့်မှာ မိုင်း ၃ လုံးနဲ့ အချိန်ကိုက် ဖောက်ခွဲ တိုက်ခိုက်ခဲ့တာဖြစ်ပြီး၊ စစ်ကော်မရှင်တပ်ဘက်က ထိခိုက်သေဆုံးမှုတွေရှိနိုင်ပေမယ့် အရေအတွက်ကိုတော့ အတည်မပြုနိုင်သေးဘူးလို့ သိရပါတယ်။
တစ်ဖက်မှာလည်း မကွေးတိုင်း၊ မြို့သစ်မြို့နယ်၊ မန်းကျည်းကုန်းရွာမှာ နေထိုင်ပြီး စစ်အုပ်စုကို သတင်းပေးနေတဲ့ ကိုဖြိုး ဆိုသူကို ပြီးခဲ့တဲ့ စက်တင်ဘာလ ၇ ရက်နေ့က အရှင်ဖမ်းဆီး ရမိခဲ့တယ်လို့ ဆိုပါတယ်။
ပြည်သူတွေရဲ့ သတင်းပေးပို့မှုကြောင့် နေအိမ်မှာတင် အမှတ် (၉၀၃) တပ်ရင်းက ဝင်ရောက်ဖမ်းဆီးခဲ့တာဖြစ်ပြီး၊ စစ်ကော်မရှင်ထံ တော်လှန်ရေး တပ်တွေရဲ့ လှုပ်ရှားမှုကို သတင်းပေးခဲ့ကြောင်း ၎င်းကိုယ်တိုင် ဝန်ခံထားတယ်လို့ သိရပါတယ်။
အလားတူ မကွေးတိုင်း၊ စလင်းမြို့နယ်၊ စလင်း-စေတုတ္တရာ လမ်းပိုင်းရှိ ကံပြားရွာ အထိုင်စခန်းက ပျူစောထီး ၃ ဦးနဲ့ သတင်းပေး အမျိုးသမီး ၁ ဦးကိုလည်း အောက်တိုဘာလ ၆ ရက်နေ့မှာ ဒေါင်းညီနောင် ပြောက်ကျားတပ်ဖွဲ့ က အရှင်ဖမ်းဆီးခဲ့တယ်လို့ ဆိုပါတယ်။
ဖမ်းဆီးခံရသူ ၄ ဦးဟာ ပြည်သူပိုင် သစ်တောတွေကို အကြမ်းဖက် စစ်တပ်နဲ့ ပူးပေါင်းပြီး ခုတ်ယူရောင်းချနေချိန် တောထဲမှာ ဖမ်းမိခဲ့တာ ဖြစ်ပြီး၊ လက်ရှိမှာတော့ ဥပဒေနဲ့အညီ အရေးယူနိုင်ဖို့ စစ်ဆေးမေးမြန်းမှုတွေ ဆက်လုပ် နေတယ်လို့ သိရှိရပါတယ်။
-----------------
၅။မန္တလေးမြောက်ဘက်ခြမ်း စစ်ဆင်ရေးမှာ စစ်အုပ်စုရဲ့ တပ်ခွဲ ၁ ခွဲကို ဖျက်ဆီးနိုင်ခဲ့ကြောင်း စုန်းမအဖွဲ့ ထုတ်ပြန်
====================
m.CDM အောက်တိုဘာ ၈ ရက်။
မန္တလေးတိုင်း မြောက်ဘက်ခြမ်းမှာ စစ်ဆင်ရေးတွေအတွင်း အကြမ်းဖက် စစ်ကော်မရှင်တပ်ရဲ့ တပ်ခွဲ ၁ ခွဲလုံးကို ဖျက်ဆီးပစ်နိုင်ခဲ့တယ်လို့ စုန်းမအဖွဲ့ (WITCH) က အောက်တိုဘာလ ၈ ရက်နေ့မှာ ထုတ်ပြန်လိုက်ပါတယ်။
ပြီးခဲ့တဲ့ ဩဂုတ်လအတွင်းက စစ်ကော်မရှင်တပ်ရဲ့ ထိုးစစ်တွေကို ဒေသတွင်းမဟာမိတ်တွေနဲ့အတူ ခုခံတိုက်ခိုက် ခဲ့တာဖြစ်ပြီး စစ်အုပ်စုဘက်က ၅၀ ကျော် ထိခိုက်ဒဏ်ရာရခဲ့ကာ သေဆုံးသူတွေလည်း ရှိခဲ့တယ်လို့ ဆိုပါတယ်။
အဆိုပါ စစ်ဆင်ရေးတွေအတွင်း စစ်ကော်မရှင်တပ်ရဲ့ တပ်ခွဲ တစ်ခုလုံးကို ဖျက်ဆီးနိုင်ခဲ့တယ်လို့ ရုပ်သံမှတ်တမ်း တွေနဲ့တကွ ထုတ်ပြန်ထားတာပါ။
ထို့အပြင် အကြမ်းဖက်စစ်တပ်ဟာ လက်ရှိမှာ အရပ်သားတွေနဲ့ အခြေခံ အဆောက်အအုံတွေကိုပါ ခွဲခြားမှုမရှိဘဲ ဗုံးကြဲတိုက်ခိုက်နေပြီး လူငယ်သောင်းနဲ့ချီကိုလည်း အတင်းအကျပ် စစ်မှုထမ်းစုဆောင်းနေတယ်လို့ ဆိုပါတယ်။
စစ်မှုထမ်း တပ်သားများစွာဟာ အသက်ရှင်နိုင်ခြေ မရှိတဲ့ ရှေ့တန်းကို ပို့ဆောင်ခံနေရပြီး၊ တော်လှန်ရေးတပ်တွေ အနေနဲ့လည်း ရွေးချယ်စရာမရှိဘဲ တိုက်ခိုက် ဖယ်ရှားနေရတယ်လို့ အသိပေးထားပါတယ်။
ဒါကြောင့် လူငယ်တွေအနေနဲ့ စစ်မှုထမ်း ဥပဒေကို ဆန့်ကျင်ကြဖို့နဲ့ စုဆောင်းခံရပါကလည်း အခွင့်အရေးရတာနဲ့ လက်နက်ခဲယမ်းတွေ ယူဆောင်ပြီး တော်လှန်ရေးတပ်တွေထံ ဘက်ပြောင်းကြဖို့ တိုက်တွန်းထားပါတယ်။
လက်နက်ချမယ်ဆိုပါက ကင်းထောက်ဒရုန်းတွေကို အချက်ပြတာ၊ တော်လှန်ရေးအဖွဲ့အစည်းတွေကို ဆက်သွယ် တာတွေ လုပ်ဆောင်ကြဖို့နဲ့ လက်နက်ချသူတွေကို လုံခြုံတဲ့နေရာဆီ ကူညီပို့ဆောင်ပေးသွားမယ်လို့ ဆိုပါတယ်။
AIF Myanmar ရဲ့ စုန်းမအဖွဲ့ (WITCH) ဟာ ချင်းပြည်နယ်ကို ထိုးစစ်ဆင်လာတဲ့ စစ်ကော်မရှင်တပ်ကို အသေခံ ဒရုန်းတွေနဲ့ တိုက်ခိုက်ခဲ့ရာမှာ ထင်ရှားပါတယ်။
၎င်းတို့ အဖွဲ့အနေနဲ့ ဒရုန်းနည်းပညာတွေ အဆင့်မြင့်၊ ဖွံ့ဖြိုးတိုးတက်ရေးအတွက် ဆက်လက်ပံ့ပိုးပေးကြဖို့လည်း မေတ္တာရပ်ခံထားပါတယ်။
————————————
၆။အကြမ်းဖက်မင်းအောင်လှိုင်ရဲ့ မလေးရှားနိုင်ငံ ခရီးစဉ်အပေါ် SCEF ကန့်ကွက်လိုက်ပြီး နိုင်ငံတော်အဆင့် တရားဝင်မှု ရရှိစေမယ့် လုပ်ရပ်တွေကိုရှောင်ဖို့ တိုက်တွန်း
======================
m.CDM၊ အောက်တိုဘာ ၈
ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ SCEF က အကြမ်းဖက် မင်းအောင်လှိုင် ရဲ့ မလေးရှားနိုင်ငံ ခရီးစဉ်အပေါ် ပြင်းပြင်းထန်ထန် ကန့်ကွက်လိုက်ပြီး နိုင်ငံတော်အဆင့် တရားဝင်မှု ရရှိစေ မယ့် လုပ်ရပ်တွေကိုရှောင်ဖို့ မလေးရှားအစိုးရကို တိုက်တွန်းလိုက်ပါတယ်။
အောက်တိုဘာ ၈ ရက် နေ့စွဲနဲ့ ထုတ်ပြန်တဲ့ SCEF ရဲ့ သဘောထားကြေညာချက်ထဲမှာ မင်းအောင်လှိုင် ဟာ မြန်မာပြည်သူလူထုရဲ့ ဒီမိုကရေစီဆန္ဒကို အကြမ်းဖက်နှိမ်နင်းပြီး နိုင်ငံတော်အာဏာကို ဥပဒေနဲ့မညီဘဲ သိမ်းယူခဲ့သူဖြစ်တယ်လို့ ဖော်ပြထားပါတယ်။
ဒါ့အပြင် မြန်မာနိုင်ငံရဲ့ နိုင်ငံရေးအကျပ်အတည်းကို ဖြေရှင်းဖို့ အာဆီယံအဖွဲ့ဝင်နိုင်ငံတွေနဲ့ သဘောတူထား တဲ့ အာဆီယံဘုံသဘောတူညီချက် (Five-Point Consensus) အပါအဝင် ကတိကဝတ်တွေကို လိုက်နာ ဆောင်ရွက်ဖို့ ပျက်ကွက်ခဲ့တာကြောင့် အာဆီယံရဲ့ သံတမန်ရေးကြိုးပမ်းမှုတွေနဲ့ ဂုဏ်သိက္ခာကို ထိခိုက်စေ ခဲ့တယ်လို့ SCEF က ထောက်ပြထားပါတယ်။
အဲဒီလိုအခြေအနေတွေမှာ မလေးရှားနိုင်ငံအနေနဲ့ အကြမ်းဖက် မင်းအောင်လှိုင်ကို တရားဝင်ခရီးစဉ်အဖြစ် လက်ခံတာဟာ အကြမ်းဖက်စစ်အုပ်စုနဲ့ သူတို့ရဲ့ လူ့အခွင့်အရေးချိုးဖောက်မှုတွေအပေါ် နိုင်ငံရေးအရ တရားဝင်မှုနဲ့ ထောက်ခံမှု ပေးအပ်ရာရောက်နိုင်တယ်လို့ SCEF က ပြောပါတယ်။
ဒီမိုကရေစီ၊ လူ့အခွင့်အရေးနဲ့ ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးအတွက် မြန်မာပြည်သူ လူထုရဲ့ အသက်တွေ ဘဝတွေ ဒုက္ခတွေနဲ့ အသက်မွေးဝမ်းကျောင်းတွေ ကြီးကြီးမားမား စွန့်လွှတ်ပေးဆပ်ခဲ့ ရမှုများကိုလည်း မျက်ကွယ်ပြုရာကျတယ်လို့ ထုတ်ပြန်ချက်က ဆိုထားပါတယ်။
မလေးရှားနိုင်ငံအနေနဲ့ မြန်မာနိုင်ငံနဲ့ပတ်သက်လို့ အာဆီယံရဲ့ ဆက်ဆံရေးမှာ အခြေခံမူတွေနဲ့အညီ ဆောင်ရွက်ခဲ့တဲ့ နိုင်ငံတနိုင်ငံဖြစ်ပြီး လူသားချင်းစာနာထောက်ထားမှုတန်ဖိုးတွေ၊ ဒီမိုကရေစီနဲ့ လူ့အခွင့်အရေးတွေအပေါ် မှာလည်း ကတိကဝတ်တွေ အကြိမ်ကြိမ်အတည်ပြုဖော်ပြခဲ့ပြီးဖြစ်တာကြောင့် မင်းအောင်လှိုင်ကို နိုင်ငံ့ခေါင်းဆောင်အဆင့် ကြိုဆိုလက်ခံပြီး သံတမန်ရေးအရ အလေးထား ဆက်ဆံဟာ ဒီအခြေခံမူတွေနဲ့ တိုက်ရိုက် ဆန့်ကျင်နေတယ်လို့လည်း အသိပေးထားပါတယ်။
----------------------
၇။အရပ်သားပြည်သူတွေ အစုလိုက်သေဆုံးအောင် ဗုံးကြဲသတ်ဖြတ်ခဲ့တဲ့ စစ်တပ်လုပ်ရပ်ကို ကန့်ကွက်ရှုတ်ချ ပေးတဲ့အပေါ် AA ကျေးဇူးတင်စကားပြော
=====================
m.CDM၊ အောက်တိုဘာ ၈
အာရက္ခတပ်တော် AA ထိန်းချုပ်ထားတဲ့ ကျောက်တော်မြို့ကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်ခဲ့လို့ ပြည်သူလူထု အစုလိုက်၊အပြုံလိုက် သေဆုံးထိခိုက်ခဲ့ရတဲ့ဖြစ်ရပ်နဲ့ ပတ်သက်လို့ စစ်တပ်ရဲ့ လုပ်ရပ်ကို ကန့်ကွက်ရှုတ်ချပေးခဲ့ကြတဲ့ လူပုဂ္ဂိုလ်အဖွဲ့အစည်းအားလုံးကို ကျေးဇူးတင်တဲ့ အကြောင်း AA က ထုတ်ပြန် ပြောကြားလိုက်ပါတယ်။
AA ထိန်းချုပ်ထားတဲ့ မြို့ရွာတွေကို လေကြောင်းကနေဗုံးကြဲမှုတွေ ဆက်တိုက်လုပ်နေတဲ့ စစ်တပ်ဟာ စက်တင်ဘာ ၂၈ ရက်မှာ ကျောက်တော်မြို့က အိန္ဒိယဈေးနဲ့ ကစ္ဆပနဒီတံတားဝန်းကျင်ကို ဗုံးကြဲတဲ့အတွက် အရပ်သားပြည်သူ ၅၀ ဦး သေဆုံးပြီး ၅၇ ဦးဒဏ်ရာရခဲ့တာရှိပါတယ်။
အဲဒီဖြစ်ရပ်အပေါ် အာရက္ခပြည်သူလူထုတရပ်လုံးနဲ့အတူ တသွေးတည်း တသားတည်းရပ်တည်ပြီး စည်းလုံးညီညွတ်မှုကိုပြသကာ ဖက်ဆစ် အကြမ်းဖက် စစ်ကော်မရှင်တပ်ရဲ့ လူသားမျိုးနွယ်အပေါ် ကျူးလွန် တဲ့ ရာဇဝတ်မှုနဲ့အတူ ကြီးမားတဲ့ စစ်ရာဇဝတ်မှု ကျူးလွန်နေတဲ့အပေါ် ပြင်းပြင်းထန်ထန် ကန့်ကွက်ရှုတ်ချ ပေးခဲ့ကြတဲ့ လူပုဂ္ဂိုလ်တွေနဲ့ အဖွဲအစည်းတွေအားလုံးကို ထာဝရ အမှတ်ရမှာဖြစ်တယ်လို့ AA ရဲ့ ထုတ်ပြန် ချက်မှာ ဖော်ပြထားပါတယ်။
အရပ်သားပြည်သူ ထိခိုက်သေဆုံးမှုများခဲ့တဲ့ ကျောက်တော်မြို့ ဗုံးကြဲခံရမှုအပါအဝင် အာဏာသိမ်းစစ်တပ်ရဲ့ ပြည်သူအပေါ်ပစ်မှတ်ထားတဲ့ တိုက်ခိုက်မှုတွေအပေါ် AA ရဲ့ မဟာမိတ် တော်လှန်ရေးတပ်တွေ၊ အမျိုးသား ညီညွတ်ရေးအစိုးရ NUG နဲ့ တိုင်းရင်းသားတော်လှန်ရေးတပ်အချို့အပြင် ပြည်တွင်း ပြည်ပအဖွဲ့အစည်းတွေ၊ ပုဂ္ဂိုလ်တွေက ကန့်ကွက်ရှုတ်ချတယ်လို့ ထုတ်ပြန်ပြောဆိုခဲ့ကြပါတယ်။
AA ကလည်း စစ်တပ်အနေနဲ့ ပြည်သူလူထုအပေါ် ရည်ရွယ်ချက်ရှိရှိတိုက်ခိုက်တဲ့ လုပ်ရပ်တွေအတွက် လက်တုန့်ပြန်သွားမယ်လို့ ကြေညာထားပြီးဖြစ်ပါတယ်။
———————————
၈။ကျောက်ပန်းတောင်းမြို့နယ်မှာ အကြမ်းဖက်ရဲတွေက PDF၊ ပကဖ အမည်ခံကာ ပြည်သူတွေကို ခြိမ်းခြောက် ပြီး ငွေတောင်းနေ
=====================
m.CDM၊ အောက်တိုဘာ ၈
မန္တလေးတိုင်း ကျောက်ပန်းတောင်းမြို့နယ်မှာရှိတဲ့ အကြမ်းဖက်စစ်တပ်လက်အောက်ခံ မြို့မရဲစခန်းက တပ်ကြပ်ကြီးနဲ့ ရဲသတင်းပေးအုပ်စုဟာ PDF နဲ့ ပကဖ အမည်ခံပြီး မြို့နယ်အတွင်း ပြည်သူတွေကို ခြိမ်းခြောက်ပြီး ငွေကြေးတောင်းခံနေတယ်လို့ ကျောက်ပန်းတောင်းမြို့နယ် - ပကဖ က အောက်တိုဘာ ၈ ရက်မှာ အသိပေးထုတ်ပြန်ပါတယ်။
ကျောက်ပန်းတောင်း မြို့မရဲစခန်းက ရဲတပ်ကြပ်ကြီး ကြံ့ခိုင်အောင်နဲ့ ရဲသတင်းပေး ဌေးလွင်ဦးတို့အုပ်စုက ကျောက်ပန်းတောင်း PDF ဆိုတဲ့ TikTok အကောင့်တုကို သုံးတဲ့အပြင်၊ သူတို့ကိုင်တဲ့ ဖုန်းနံပါတ်တွေနဲ့ ဖုန်းဆက်ငွေတောင်းတာ၊ မက်ဆေ့ပို့တာ၊ Viber အကောင့်တွေနဲ့ ကျောက်ပန်းတောင်း PDF နဲ့ ပကဖ တော်လှန်ရေးနာမည်တွေကို အလွဲသုံးစာလုပ်ပြီး ခြိမ်းခြောက်ငွေတောင်းနေတာြဖစ်ပါတယ်။
အဲဒီအကြမ်းဖက်ရဲတွေဟာ အရင်လတွေကလည်း ကျောက်ပန်းတောင်း - မိတ္ထီလာ ကားလမ်းမဘေးမှာရှိတဲ့ စားသောက်ဆိုင်တွေ၊ ထမင်းဆိုင်တွေနဲ့ စျေးဆိုင်ပိုင်ရှင်တွေဆီကလည်း PDF အမည်ကို အလွဲသုံးစားလုပ် ကာ ခြိမ်းခြောက်ငွေတောင်းတာတွေလုပ်ခဲ့တယ်လို့ ဆိုပါတယ်။
ပြည်သူလူထုတွေအနေနဲ့ PDF အယောင်ဆောင် အကြမ်းဖက်စစ်တပ်ဘက်တော်သားမှန်း သိသွားတဲ့အတွက် အခုအချိန်မှာ မြို့ပေါ်က စျေးသည်တွေ၊ ရွာတွေဘက်က ကားဆရာတွေနဲ့ စျေးဆိုင်တွေကိုပြောင်းပြီး ခြိမ်းခြောက် ငွေတောင်းခံနေတာကို တွေ့နေရတယ်လို့ ကျောက်ပန်းတောင်းမြို့နယ် - ပကဖ က ပြောပါ တယ်။
ပြည်သူတွေအနေနဲ့ ကိုယ်မသိတဲ့ ဖုန်းနံပါတ်တွေ၊ tiktok ၊ viber စတဲ့ အကောင့်တုတွေနဲ့ ခြိမ်းခြောက် ငွေကြေးတောင်းခံလာရင် လက်ခံပြီး စာပြန်ပို့တာ၊ စကားပြန်ပြောတာတွေမလုပ်ဘဲ ချက်ချင်း block ပြီး အသိအမှတ်မပြုဖို့လည်း သတိပေးတိုက်တွန်းထားပါတယ်။
ဒေသတော်လှန်ရေးအဖွဲ့အစည်းတွေဖြစ်တဲ့ ကျောက်ပန်းတောင်းမြို့နယ် ပြည်သူ့ကာကွယ်ရေးအဖွဲ့ - ပကဖ၊ အညာမြေပြည်သူ့ ကာကွယ်ရေးတပ်ဖွဲ့၊ ညောင်ဦးခရိုင်တပ်ရင်း (၁)၊ ညောင်ဦးခရိုင်တပ်ရင်း (၄) KDF တို့ အနေနဲ့ ပြည်သူလူထုဆီကနေ ဘယ်လိုအကြောင်းနဲ့မှ ခြိမ်းခြောက်ငွေကြေးတောင်းခံမှုတွေ မလုပ်ခဲ့ဘူးလို့ အသိပေးထုတ်ပြန်ထားပါတယ်။
ဒီနေ့အတွက် m.CDM ပြည်တွင်းသတင်း အစီအစဉ် ဒီမှာပဲ ရပ်နားခွင့်ပြုပါရှင်/ခင်ဗျာ၊အခုတင်ပြပေးခဲ့တဲ့သတင်းတွေကို ကိုသစ်နှင့်လူလေးတို့က ပေးပို့ခဲ့တာဖြစ်ပါတယ်။
နောက်ဆုံးရ သတင်းတွေအတွက် ကျတော်/ကျမတို့ရဲ့ Channel ကို ကျေးဇူးပြုပြီး Subscribe လုပ်ပေးဖို့ မေတ္တာရပ်ခံအပ်ပါတယ်ရှင်/ခင်ဗျာ။
Send email to - editors@moemaka.net to contact and contribute with us!
MoeMaKa on the Facebook Page from here (For Burma / Myanmar User)
MoeMaKa News & Media covering Burmese Community
http://www.MoeMaKa.Com - Burmese Language
http://eng.MoeMaKa.net - English Edition
http://moemaka.net/omeka2/ - Audio & Video Archives
MoeMaKa on the Facebook Page from here (For Burma / Myanmar User)
MoeMaKa News & Media covering Burmese Community
http://www.MoeMaKa.Com - Burmese Language
http://eng.MoeMaKa.net - English Edition
http://moemaka.net/omeka2/ - Audio & Video Archives
Moemaka Multimedia is a tax-exempt organization in Richmond, California. Donations to Moemaka Multimedia are tax deductible. This organization has been in operation for more than 20 years. EIN - 26-1387654
No comments:
Post a Comment