27 Oct 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ အောက်တိုဘာလ ( ၂၇ ) ရက်နေ့ ရပြည်တွင်းသတင်းများ

📌📌 1/ ဟားခါးမြို့နယ္၊ Zathal ကျေးရွာ စာသင်ကျောင်းကို အကြမ်းဖက်စစ်တပ် ဗုံးကြဲတိုက်ခိုက်

 

The Matupi Times ၊ အောက်တိုဘာလ၊ ၂၁ ၊ ၂၀၂၅

ချင်းပြည်နယ်၊ ဆဲန်ထန်ဒေသ၊ ဇာထာလ် (Zathal) ကျေးရွာ စာသင်ကျောင်းကို ယနေ့မနက်ပိုင်းတွင် အကြမ်းဖက်စစ်တပ်က လေကြောင်းမှ(၂)ကြိမ် ဗုံးကြဲတိုက်ခိုက်ခဲ့ကြောင်းသိရသည်။

 

စစ်ကော်မရှင်တပ်သည် ဇာထာလ်ကျေးရွာ စာသင်ကျောင်းကို ယနေ့ အောက်တိုဘာလ ၂၁ ရက် နံနက်စောပိုင်း ၁၂ နာရီ ၅၅ မီနစ်တွင် ၁ ကြိမ်၊ ၁ နာရီခန့်တွင် ၁ ကြိမ် ပစ်မှတ်ထားဗုံးကြဲတိုက်ခိုက်တာဖြစ်ကြောင်း Senthang Central Council ကထုတ်ပြန်ပါတယ္။

 

အကြမ်းဖက်စစ်ကော်မရှင်က ကလေးသူငယ်နှင့် ပြည်သူများအပေါ် ပစ်မှတ်ထား၍ လေကြောင်းတိုက်ခိုက်ခြင်းကို လုပ်ရပ်ကို ပြင်းထန်စွာ ကန့်ကွက်ရှုတ်ချတယ္လို့ထုတ်ပြန်ချက်မှာဖော်ပြထားပါတယ္။

 

စစ်ကော်မရှင်သည်ရွေးကောက်ပွဲ အစီအစဉ် အောင်မြင်နိုင်ရေးအတွက် ပြည်သူလူထုအပေါ် အကြမ်းဖက်နည်းလမ်းဖြင့် ခြိမ်းခြောက်ခြင်းနှင့် တိုက်ခိုက်မှုများ ဆက်လက်ကျူးလွန်နေတာကြောင့် စစ်ကော်မရှင်မှ ကျင်းပမည့် တရားမဝင်ရွေးကောက်ပွဲတွင် ပူးပေါင်းဆောင်ရွက်ခြင်း မပြုကြရန် ၊ စာသင်ကျောင်းများကို အကန့်သက်မရှိ ပိတ်ထားရန် နှင့် လူစုလူဝေးပွဲလမ်းသဘင်များကို အတက်နိုင်ဆုံးရှောင်ကြဉ်ကြဖို့ အသိပေးထုတ်ပြန်ထားပါတယ္။

 

========================

 

📌📌 2/ MRO/CDF-Matupi မှဖမ်းဆီးထားသည့် မတူပီမြို့နယ်ပညာရေးဘုတ်အဖွဲ့ဝင် (၃) ဦး ပြန်လွတ်လာ 

 

The Matupi Times ၊ အောက်တိုဘာလ ၂၂ ၊ ၂၀၂၅ 

Matupi Revolutionary Organization -MRO/ CDF - Matupi ၏ဖမ်းဆီးထိန်းသိမ်းခံရသည့် မတူပီမြို့နယ်ပညာရေးဘုတ်အဖွဲ့ဝင်သူ (၃) ဦးသည် ပြီးခဲ့တဲ့ရက်ပိုင်းက ပြန်လွတ်လာပြီလို့သိရပါတယ္။

မတူပီမြို့နယ် ပညာရေးဘုတ်အဖွဲ့ဝင်(၃)ဦး ကို (MRO/CDF-Matupi) မှ အောက်တိုဘာလ ၁၅ ရက်နေ့၌ ဖမ်းဆီးခေါ်ဆောင်သွားတာဖြစ်ပြီး (၃)ရက်ကြာထိန်းသိမ်းခံရပြီးနောက် ပြီးခဲ့တဲ့အောက်တိုဘာလ ၁၈ ရက်နေ့မနက်ပိုင်းမှာ ပြန်လွှတ်ပေးလိုက်ပြီလို့သိရပါတယ္။ ဖမ်းဆီးခံရတဲ့အကြောင်းရင်းကိုတော့ မသိရသေးပါဘူး။

MRO/ CDF - Matupi အဖွဲ့က မတူပီ မြို့နယ်ပညာရေးဘုတ်အဖွဲ့ဝင်တွေဖြစ်တဲ့ ဆရာမ New Happy ၊ ဆရာမအေးရွှေ နှင့် ဆရာမ နိုမီတို့ကို ဖမ်းဆီးထိန်းသိမ်းခဲ့တာလို့သိရပါတယ္။ ဖမ်းဆီးထိန်းသိမ်းမှုနဲ့ပတ်သက်လို့ MRO/CDF-Matupi က သတင်းထုတ်ပြန်ထားခြင်းမရှိပါ။

မတူပီမြို့နယ်ပညာရေးဘုတ်အဖွဲ့သည် စစ်ကောင်စီအာဏာသိမ်းယူပြီးနောက် CDM ဝန်ထမ်းများဖြင့်ဖွဲ့စည်းထားတဲ့ အစိုးရဌာနတခုဖြစ်ပြီး အမျိုုးသားညီညွတ်ရေးအစိုးရ၊ ပညာရေးဝန်ကြီးဌာ၏ လမ်းညွှန်မှုနှင့်အညီ မတူပီမြို့နယ် ကြားကာလပညာရေးကို ၂၀၂၁ နိုဝင်ဘာလမှ စတင်၍ ယနေ့အထိ အကောင် အထည်ဖော် ဆောင်ရွက်နေတာဖြစ်ပါတယ္။

CDF - မတူပီ၊ တပ်မဟာ ၁ သည် ၂၀၂၅ ခုနှစ် ၊ ဧပြီလ ၁၀ ရက်နေ့၌ (Matupi Revolutionary Organization -MRO ) ကို စတင်ဖွဲ့စည်းပြီးနောက် မတူပီမြို့နယ် တော်လှန်ရေး အင်အားစုများ၏ ဌာနဆိုင်ရာလုပ်ငန်းများ၊ ဝန်ထမ်းများ အပေါ် ထိန်းချုပ် ဘောင်ကျော် အမိန့်ပေးမှုများ ပြုလုပ်နေတယ်လို့ မတူပီမြို့နယ်ပညာရေးဘုတ်အဖွဲ့က စက်တင်ဘာလ ၈ ရက်နေ့မှာ သတင်းထုတ်ပြန်ထားတာဖြစ်ပါတယ္။

 

========================

 

📌📌 3/ ကန်ပက်လက်မြို့နယ္က မင်္ဂလာဆောင်ပွဲကို အကြမ်းဖက်စစ်တပ်ကဗုံးကြဲတိုက်ခိုက်ခဲ့ဟုသိရ

 

The Matupi Times ၊ အောက်တိုဘာလ ၂၄ ၊ ၂၀၂၅ 

ချင်းပြည်နယ်တောင်ပိုင်း ၊ ကန်ပက်လက်မြို့နယ်တနေရာကို ဒီကနေ့မနက်ပိုင်းမှာ အကြမ်းဖက်စစ်တပ်က ဗုံးကြဲတိုက်ခိုက်ခဲ့ပြီး မင်္ဂလာဆောင်ပွဲတခုပစ်မှတ်ထား ဗုံးကြဲတိုက်ခိုက်ခဲ့တယ်လို့သိရပါတယ်။ 

 

နေပြည်တော်လေဆိပ်ကနေ တက်လာတဲ့ ဂျက်ဖိုက်တာနဲ့ မိနစ်ပိုင်းအတွင်းမှာ နှစ်ကြိမ်ဗုံးကြဲသွားတာဖြစ်ပြီး မြို့ထဲက မင်္ဂလာဆောင်ကို ဦးတည်တိုက်ခိုက်ခဲ့တာလို့သိရပြီး လေကြောင်းတိုက်ခိုက်မှုကြောင့်အမျိုးသမီး(၂)ဦးအပါအဝင် (၃)ဦးသေဆုံးပြီး (၁၀)ဦးခန့် ထိခိုက်ဒဏ်ရာရရှိကြောင်းသိရပါတယ်။ 

 

အကြမ်းဖက်စစ်တပ်က တော်လှန်ရေးအဖွဲ့ထိန်းချုပ်နယ်မြေထဲရှိ စာသင်ကျောင်းတွေကို ပစ်မှတ်ထားဗုံးကြဲတိုက်ခိုက်လာတာကြောင့် သေဆုံးထိခိုက်မှုများရှိပြီး ၊ ချင်းတော်လှန်ရေးတပ်ဖွဲ့ထိန်းချုပ်ထားတဲ့နယ်မြေတချို့က စာသင်ကျောင်းတွေလည်း ဆက်မဖွင့်နိုင်တော့ဘဲ ပိတ်ထားရပါတယ္။

 

========================

 

📌📌 ၄/ တော်လှန်ရေးတွင် ‌ထောက်ပို့ပါဝင်သည့် မင်းတပ်ဒေသခံကားပိုင်ရှင်များ မင်းတပ်မြို့နယ်(ပအဖ)ထံ ကားခွန်ကင်းလွတ်ခွင့်ကဒ် ထုတ်ယူနိုင် 

 

The Matupi Times ၊ အောက်တိုဘာလ ၂၅ ၊ ၂၀၂၅ 

မင်းတပ်မြို့သိမ်းတိုက်ပွဲကာလနှင့် တော်လှန်ရေးတွင် ထောက်ပို့ပါဝင်သည့် မင်းတပ်ဒေသခံကားပိုင်များကို ကားခွန်ကင်းလွတ်ခွင့် (Vakok)မော်တော်ယာဉ်အသင်းဝင်ကဒ်များကို ထုတ်ပေးပြီး မင်းတပ်မြို့နယ်အတွင်းရှိ ဂိတ်များတွင် အခွန်ခပေးဆောင်ရန်မလိုဘဲ သွားလာခွင့်ပြုထားတယ်လို့ မင်းတပ်မြို့နယ်(ပအဖ)က သတင်းထုတ်ပြန်ပါတယ္။

 

အဆိုပါ (Vakok) မော်တော်ယာဉ်အသင်းဝင်ကဒ်ကိုင်ဆောင်သူများအနေဖြင့် ဆောမြို့နယ်အတွင်းရှိ ဂိတ်များတွင်ကောက်ခံသော(ကုန်စည်ခွန်များမှအပ) ဆောမြို့နယ်(ပအဖ)မှကောက်ခံသော ဒေသအတွင်း ကားခွန်(ကားလေး ၅သိန်း) ၊ (ကားကြီး ၁၀ )သိန်းအားကင်းလွတ်ခွင့်ပြုဖို့ ဆောမြို့နယ်ပြည်သူ့အုပ်ချုပ် ရေးအဖွဲ့နှင့်ဆွေး နွေးတိုင်ပင် ထားတယ်လို့ဆိုပါတယ္။

ဒါ့ကြောင့် (Vakok) မော်တော်ယာဉ်အသင်းဝင်ကဒ် ပျက်စီး/ပျောက်ဆုံးသူများနှင့် ထောက်ခံမရှိသေးသည့် မော်တော််ယာဉ်ပိုင်ရှင်များအနေဖြင့် ဆောမြို့နယ်အတွင်းဒေသတွင်းကားခွန် ကင်းလွတ်စေရန် ထောက်ပို့ပါဝင်ပြီးစီးကြောင်း ထောက်ခံချက်များကို မင်းတပ်မြို့နယ်ပြည်သူ့အုပ်ချုပ်ရေးအဖွဲ့ထံ လာရောက်ထုတ်ယူနိုင်တယ်လို့ ထုတ်ပြန်ချက်မှာဖော်ပြထားပါတယ္။

 

========================

 

📌📌 ၅/ အကြမ်းဖက်စစ်တပ်၏ လေကြောင်းတိုက်ခိုက်မှုများကြောင့် မတူပီမြို့ပေါ်နေ ပြည်သူတချို့ မိီဇိုရမ်နှင့်အခြားမြို့၊ရွာများသို့ ထွက်ခွာတိမ်းရှောင်

 

The Matupi Times ၊ အောက်တိုဘာလ ၂၅ ၊ ၂၀၂၅ 

အကြမ်းဖက်စစ်ကောင်စီတပ်သည် ချငး်ညီနောင်အဖွဲ့ဝင် (CDF-Matupi)ထိန်းချုပ်ထားသည့် မတူပီမြို့ပေါ်ကို ပြီးခဲ့တဲ့ရက်ပိုင်းက လေကြောင်းတိုက်ခိုက်မှုဆက်တိုက်ပြုလုပ်လာတာကြောင့် မတူပီမြို့ပေါ်နေဒေသခံပြည်သူတချို့ဟာ အိန္ဒိယ၊မီဇိုရမ်နှင့် အခြားမြို့၊ရွာများ သို့ ထွက်ခွာတိမ်းရှောင်နေကြကြောင်း သိရပါတယ္။ 

အကြမ်းဖက်စစ်တပ်က မတူပီမြို့ပေါ်ကို ယခုအောက်တိုဘာလစောပိုင်းမှလက်ရှိအချိန်ထိ (၃)ကြိမ်ခန့်လေကြောင်းဖြင့် ဗုံးကြဲတိုက်ခိုက်ခဲ့ပြီး နေအိမ်ထိခိုက်ပျက်စီးမှုတွေလည်းရှိခဲ့ပါတယ္။

"တချို့ရပ်ကွက်က သူတွေတော့ အရင်ပတ်တွေက မြို့ပေါ် ဗုံးကြဲခံရတာကြောင့် တခြားမြို့၊ရွာတွေကို တိမ်းရှောင်ကြတယ္။ မြို့ပေါ်တစ်ချို့ရပ်ကွက်ဆို တစ်ရပ်ကွက်လုံးနီးနီးဘဲတော်တော်များများ တိမ်းရှောင်ကြတယ္။ " လို့ ဒေသခံတစ်ဦးထံကသိရပါတယ္။

အကြမ်းဖက်စစ်တပ်ဟာ ၊ကန်ပက်လက်၊ ပလက်ဝ၊မင်းတပ်၊မတူပီ ၊ ဟားခါးမြို့နယ်တို့တွင် လူစုလူဝေးနေရာများနှင့် စာသင်ကျောင်းတွေကို ပစ်မှတ်ထားတို်က်ခိုက်လာတာကြောင့် ‌နေအိမ်ပျက်စီးမှုနှင့်ထိခိုက်သေဆုံးသူတွေလည်းရှိလာပြီး ချင်းတော်လှန်ရေးတပ်ဖွဲ့ထိန်းချုပ်ထားတဲ့နယ်မြေတချို့က စာသင်းကျောင်းတွေလည်း ပစ်မှတ်ထားတိုက်ခိုက်လာတာကြောင့် စာသင်ကျောင်းများ ဆက်မဖွင့်နိုင်ဘဲ ပိတ်ထားရတယ္လိုိ့သရပါတယ္။

မတူပီမြို့ပေါ်စစ်တပ်ဗုံးကြဲတိုက်ခိုက်မှုနှင့် ထိခိုက်ပျက်စီးမှုခြေနေတွေနဲ့ပတ်သက်လို့ သက်ဆိုင်ရာအဖွဲ့တွေကတော့ သတင်းထုတ်ပြန်ထားခြင်းမရှိပါဘူး။ စစ်ကော်မရှင်ဟာ လာမယ့္ဒီဇင်ဘာလမှာပြုလုပ်မယ့် ၂၀၂၅ ၊ ရွေးကောက်ပွဲကို မတူပီမြို့အပါဝင် မင်းတပ်၊ကန်ပက်လက်၊ပလကဝမြို့တို့မှာကျင်းပမှာမဟုတ်ဘူးလို့ ကြေငြာထားတာဖြစ်ပါတယ္။

 

========================

 

📌📌 ၆/ ONE ပွဲဦးထွက်မှာ ထိုင်းဝါရင့်ဖိုက်တာကို အကောင်းဆုံးထိုးသတ်ပြီး ဒိုင်အမှတ်နဲ့ ရံှုးနိမ့်ခဲ့တဲ့ ချင်းဖိုက်တာ ထန်းခွီရှိန်း 

 

The Matupi Times ၊ အောက်တိုဘာလ ၂၄ ၊ ၂၀၂၅ 

ဒီကနေ့ည ယှဉ်ပြိုင်ထိုးသတ်ခဲ့တဲ့ 𝐎𝐍𝐄 𝐅𝐫𝐢𝐝𝐚𝐲 𝐟𝐢𝐠𝐡𝐭 - 𝟏𝟑𝟎 ပြိုင်ပွဲမှာ (ချင်း)ဖိုက်တာ ထန်းခွီရှိန် ဟာ ONE ပွဲဦးထွက်ထိုးပွဲမှာ ပွဲပြီးဒိုင်ဆုံးဖြတ်ချက်နဲ့ ရှုံးပွဲကြုံတွေ့ခဲ့ရပါတယ္။

ဒီကနေ့ညပွဲမှာ ချင်းဖိုက်တာလေး ဆလိုင်းထန်ခွီရှိန် ဟာထိုင်းထိပ်တန်းဖိုက်တာ တစ်ယောက်လို့ဆိုရမယ့် ထိုင်းဖိုက်တာ Songchainoi နဲ့ ယှဉ်ပြိုင်ထိုးသတ်ခဲ့တာပါ။ 

ပြိုင်ပွဲအတွင်းမှာ ပြိုင်ဖက်ဖိုက်တာကို အတွေ့အကြုံမရှိသေးပေမယ့် အကြိတ်အနယ် အကောင်းဆုံးယှဉ်ပြိုင်ထိုးသတ်ခဲ့တာဖြစ်ပြီး ဒိုင်ဆုံးဖြတ်ချက်နဲ့ရှုံးနိမ့်ခဲ့ရတာဖြစ်ပါတယ္။ ပြိုင်ဖက်ကိုလည်း 

𝐎𝐍𝐄 𝐅𝐫𝐢𝐝𝐚𝐲 𝐟𝐢𝐠𝐡𝐭 - 𝟏𝟑𝟎 ပွဲကိုတော့ ထိုင်းနိုင်ငံ၊ Lumpinee Stadium မှာ ဒီကနေ့အောက်တိုဘာလ ၂၄ ရက်နေ့ညမှာ ကျင်းပပြုလုပ်ခဲ့တာဖြစ်ပါတယ္။

ဒီနေ့ဟာ ဆလိုင်းထန်းခွီရှိန်းရဲ့ အသက်(၁၉)နှစ်ပြည့်မွေးနေ့ဖြစ်ပြီး လာမယ့်ပွဲတွေမှာ အကောင်းဆုံးပြန်လာနိုင်မယ်လို့မျော်လင့်ပါတယ္။ 

#RadioNUGLocalNews

#SpringRevolution