Zomi Chin language - Zoland Voice TV

📌တိုင်းရင်းသားဘာသာစကားဖြင့်ထုတ်လွှင့်မှုကဏ္ဍ ၂၀၂၂ ဖေဖေါ်ဝါရီလ ၁၀ ရက်နေ့ ရပြည်တွင်းသတင်းများ

📌📌ဇိုမီးတွေမတိုးတက်ဘူး(တိုင်းရင်းသားဘာသာစကားဖြင့် ထုတ်လွှင့်မှုကဏ္ဍ)-Zoland Voice

ဇိုမီးတွေ မတိုးတက်ဘူးလို့ အချင်းချင်းကြားပြောဖူးတဲ့သူ ရှိပါသလား။ ကျွန်တော်လဲ ပြောခဲ့ဖူးတယ်။ ဒီလိုဆိရင် ဇိုမီးတွေ တိုးတက်ဖို့ ဘာတွေ လုပ်ဆောင်ခဲ့လဲဆိုတာ ကိုယ့်ကိုယ်ကို အရင် စစ်ဆေးမေးမြန်းကြည့် စေချင်ပါတယ်။

ဇိုမီးတွေ တိုးတက်ဖို့ဆိုရင် အလိုမရှိတဲ့သူဆိုတာ မရှိလောက်ပါဘူး။ အားလုံးဟာ တိုးတက်ဖို့ အလို ဆန္ဒရှိနေကြပေမယ့် ဘယ်လို အကြောင်းများကြောင့် မတိုးတက်နိုင်ရတာလဲ။

တိုးတက်ဖို့ အားလုံးက ဆန္ဒရှိကြပေမယ့် အားလုံးက မဆောင်ရွက်ကြလို့ပါပဲ။ ဒါဆိုရင် ကျွန်တော်တို့ တိုးတက်ဖို့ ကျွန်တော်တို့ လုပ်နိုင်တာ ဘာတွေရှိမလဲ။

ပထမဆုံး ဒီချိန်မှာ ဆွေးနွေးချင်တာက ကျွန်တော်တို့ ပြောပြောနေတဲ့ စည်းလုံးမှုနဲ့ ငြိမ်းချမ်းမှုပဲ ဖြစ်ပါတယ်။

အိမ်ထောင်စုအတွင်း၊ အဖွဲ့စည်းတွင်း၊ ဇိုမီး အတွင်း ချင်းပြည်နယ် အတွင်း၊ မြန်မာတစ်ပြည်လုံး အတွင်းမှာ ကျွန်တော်တို့ အလိုချင်ဆုံးက စည်းလုံးညီညွတ်ရေးပါပဲ။

အဲ့ဒါတွေ ဖြစ်လာဖို့ဆိုတာ ဘယ်သူ့ တာဝန်လဲ။ ကျွန်တော်တို့ ဇိုမီး တစ်ယောက်ချင်းရဲ့ တာဝန်ပါပဲ။

ဒါဆိုရင် ကျွန်တော်တို့ တွေးဖို့က နိစ္စဒူဝ ကျွန်တော်တို့ ပြောဆိုနေတဲ့စကားတွေ၊ လုပ်ဆောင်ချက်တွေက ကျွန်တော်တို့ စည်းလုံးဖို့ကို အထောက်အကူပြုသလားဆိုတာပါပဲ။

စည်းလုံးချင်ဇောနဲ့ ကျွန်တော်တို့ Facebook စာမျက်နှာပေါ် ရေးထားတဲ့ အရေးအသားတွေ၊ စကားလုံးတွေက ကျွန်တော်တို့ အချင်းချင်း ချစ်ကြဖို့ မေတ္တာထားကြဖို့ ကို တိုးတက်စေသလား၊ ဒါမှမဟုတ် ပို၍ဆိုးသွားစေသလား ဆိုတာ စဥ်းစားကြဖို့လိုပါတယ်။

ဒါကြောင့် ပထမအချက်က ကျွန်တော်တို့ပြောတဲ့အရာတွေ၊ စကားလုံးတွေက စည်းလုံးမှုကို မပျက်ပြားစေဖို့၊ မေတ္တာတွေ မခမ်းစေဖို့ ကျွန်တော်တို့ ဆင်ခြင်ရမှာဖြစ်ပါတယ်။ ကျွန်တော်တို့ ဇိုမီး တစ်မျိုးသားလုံးအတွင်း ကျွန်တော်တို့ တစ်ယောက်ချင်းစီတိုင်းက ခုပြောတဲ့အရာတွေ ဆင်ခြင်ကြမယ် ဆိုရင်ဇိုမီး အချင်းချင်းကြားအငြင်းပွားမှုတစ်ခု လျော့သွားမှာဖြစ်ပါတယ်။

ဒုတိယအချက်က ဒီစည်းလုံးမှု အခြေအနေ တိုးတက်ကောင်းမွန်လာဖို့ ကျွန်တော်တို့လုပ်နိုင်တာ၊ ရေးနိုင်တာ၊ ပြောနိုင်တာဘာတွေရှိလဲ။ ကျွန်တော်တို့ကိုယ်တိုင်က အစပြု၍ ရေးမယ်၊ ပြောမယ်၊ လုပ်ဆောင်မယ် ဆိုရင် ဇိုမီးတွေအထဲမှာ စည်းလုံးမှုကို တိုးတက်စေတဲ့ လူတစ်ယောက် တိုးလာတာပါပဲ။

တတိယ အချက်က ဘာလဲဆိုရင် ကျွန်တော်တို့ အမြင်ဘက်က မှန်ကန်နေတဲ့ အရာတွေ ရေးသားပြောဆိုနေတဲ့အခါ ကျွန်တော်တို့အမြင်ဘက်က မှားနေတဲ့အခြမ်းကို မထိခိုက်အောင်ပြေဆိုရေးသားကြမယ်ဆိုရင် အငြင်းမပွားရတော့ဘဲ စည်းလုံးမှု၊ ငြိမ်းချမ်းမှုကို ဖော်ဆောင်နေတာပဲ ဖြစ်သွားရပါတယ်။

ဒီလို လွယ်ကူ ရိုးရှင်းတာလေးတွေ ကျွန်တော်တို့ ဇိုမီးအတွင်း ၅၀၀၀၀ လောက်ကပဲ ကျင့်သုံးခဲ့ကြမယ်ဆိုရင် ခုချိန် ကျွန်တော်တို့ အခြေအနေထက် တိုးတက်နေမှာပါပဲ။

ခုကျွန်တော်တို့ ဆွေးနွေးနေတဲ့ အရာတွေက လုပ်ဆောင်ဖို့ လိုက်နာဖို့, ကျင့်သုံးဖို့က ခက်ခဲနေတဲ့ အရာလား။

လုံးဝ မခက်ခဲပါဘူး။

ဒါဆိုရင် ကျွန်တော်တို့ ဘာလို့ မကျင့်သုံးကြရတာလဲ။

ကျွန်တော်တို့ရဲ့ အတ္တ၊ မာနတွေကြောင့်လား။ ကိုယ့်အခြေအနေ ကိုမေ့လျော့နေကြတာလား။

ကျွန်တော်တို့ရဲ့ မာန တွေကို ဇိုမီးအတွင်း ချစ်ခင် စည်းလုံးမှု တိုးတက်ဖို့ပဲ အသုံးချတတ်ကြရအောင်။

သိပါရက်နဲ့ မလုပ်ဆောင်တဲ့အရာတွေကပဲ ကျွန်တော်တို့ရဲ့တိုးတက်မှုကို တားဆီးနေတဲ့ အရင်မြစ်ပါ။ ခက်ခဲနေတဲ့အရာ မဟုတ်ပါဘူး။ ကျွန်တော်တို့အတွက် မှန်ကန်တဲ့ အမှန်တရားတွေကို ဆုတ်ကိုင်ဖို့က အမှန်ပါပဲ။ ဒါပေမယ့် ကျွန်တော်တို့အတွက် မှားနေတဲ့ ဘက်ကို အငြင်းမပွားခြင်းဖြင့် စည်းလုံးရေး တိုးတက်ဖို့ပဲ ကြိုးစားကြပါစို့။

တိုးတက်ရေးကို အပြောချည်းသပ်သပ်မဟုတ်ပဲ အမှန်တကယ် ဖော်ဆောင်တဲ့သူ ဖြစ်ဖို့ ပို၍ အရေးကြီးပါတယ်။

ဒီနေ့ကစ၍ အချင်းချင်း ချစ်ခင်မှုကို လျော့သွားစေမယ့် အပြောအဆို အရေးအသားတွေကို လျော့ကြရအောင်။

ဒီနေ့ကစ၍ အချင်းချင်းကြား ချစ်ခင်မှုကို တိုးပွားစေမယ့် အပြောအဆို အရေးအသားတွေပဲ ကြိုးစားကြရအောင်ပါ။

ကျွန်တော်တို့အတွက် မှန်ကန်နေတဲ့အရာတွေပြောဆို ရေးသားတဲ့အခါ တစ်ဖက်ခြမ်းကို မထိခိုက်စေဖို့ ကြိုးစားကြရအောင်။

ဇိုမီးများ တိုးတက်ကြရအောင်

#RadioNUGLocalNews

#SpringRevolution