23rd SEP 2023 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၃ စက်တင်ဘာလ ( ၂၃ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ မင်းတပ်တက္ကသိုလ်ကျောင်းအနီး ပစ်ခတ်မှု ကာကွယ်ရေးတပ်ဖွဲ့ဝင် ၁ ဦး တိုက်ပွဲကျ

 

မင်းတပ်မြို့တွင်း ပစ်ခတ်မှုမှာ ကာကွယ်ရေးရဲဘော် ၁ ဦး တိုက်ပွဲကျပြီး နောက်ထပ် ထိခိုက်သူရှိတယ်လို့ ချင်းကာ ကွယ်ရေးတပ်ဖွဲ့ (မင်းတပ်) နဲ့ နီးစပ်သူတွေထံက သိရပါတယ်။ 

 

စက်တင်ဘာ ၁၃ ရက် ညနေ ၃ နာရီဝန်းကျင်က မြို့အနောက်ဘက် ၆ မိုင် ‌မင်းတပ်တက္ကသိုလ်ကျောင်းအနီး ပစ်ခတ်မှု ဖြစ်ပွားခဲ့တာလို့ ပြောကြပါတယ်။

 

“စခတွေ ကင်းပုန်းနဲ့ တိုးမိသွားတာ၊ ဒဏ်ရာရတဲ့သူလည်း ရှိတယ်။” လို့ ကာကွယ်‌ရေးတပ်ဖွဲ့နဲ့ နီးစပ်သူက ပြောပါတယ်။

စက်တင်ဘာ ၁၃ ရက်နေ့က ကျဆုံးတဲ့ ရဲဘော်ဟာ အသက် ၂၀ ဝန်းကျင်သာရှိသေးတဲ့ ချင်းကာကွယ်ရေးတပ်ဖွဲ့ (မင်းတပ်) တပ်ရင်း ၁ က လို့ ကနဦး သိထားရပါတယ်။

 

၂၀၂၃ ခုနှစ် ‌၈ လကျော်အတွင်း မင်းတပ်မှာ ချင်းကာကွယ်‌ရေးတပ်ဖွဲ့ (မင်းတပ်) နဲ့ စစ်ကောင်စီတပ်အကြား ၂ ဖက် ပစ်ခတ်မှု မကြာခဏ ဖြစ်နေတာပါ။

 

ကာကွယ်ရေးတပ်ဖွဲ့ ၁ ဦး ကျဆုံးတာနဲ့ ပတ်သက်လို့ ချင်းကာကွယ်ရေးတပ်ဖွဲ့ (မင်းတပ်) က တရားဝင်သတင်း ထုတ်ပြန် တာ မရှိသေးသလို စစ်ကောင်စီတပ်ဘက် ထိခိုက်မှုကိုလည်း မသိရသေးပါဘူး။

 

မြို့တွင်းပစ်ခတ်မှု ခပ်စိပ်စိပ်ဖြစ်လာတာကြောင့် ပြည်သူတွေ သတိထားသွားလာနေထိုင်ဖို့ ချင်းကာကွယ်ရေးတပ်ဖွဲ့ (မင်းတပ်) ရဲ့ ၂၀၂၃ ဩဂုတ်လနှောင်းပိုင်း အသိပေးထုတ်ပြန်ချက်မှာ ဖော်ပြပါတယ်။ 

 

========================

 

📌📌 ၂။ ချင်းကာကွယ်ရေးတပ်ဖွဲ့ (ပလက်ဝ)၏ တပ်ဖွဲ့ဝင် ၂ ဦးတာဝန်ထမ်းဆောင်ရင်း ကျဆုံး

 

ချင်းကာကွယ်ရေးတပ်ဖွဲ့(ပလက်ဝ)၏ တပ်ဖွဲ့ဝင်များဖြစ်ကြသော ဆလိုင်းဧနောက်(၁၉)နှစ်နှင့် ဆလိုင်းမောင်မောင် (၂၅)နှစ်တို့သည် နောက်တန်းတွင် တာဝန်ထမ်းဆောင်ရင်း ပြီးခဲ့သည့် ဩဂုတ်လက ကျဆုံးသွားကြောင်းCDF-ပလက်ဝက သတင်းထုတ်ပြန်သည်။

 

အမိမြေချင်းလဲန်းနှင့် ချင်းလူမျိုးအတွက် အမျိုးသားရေးတာဝန်ကို ကျေပွန်စွာ ထမ်းဆောင်ရင်း အမျိုးသားရေးအတွက် ရဲဘော်နှစ်ဦး၏ ပေးဆပ်မှုအပေါ် ချင်းကာကွယ်ရေးတပ်ဖွဲ့(ပလက်ဝ)မှ လေးစားဂုဏ်ပြုကြောင်းထုတ်ပြန်ချက်တွင် ဖော်ပြထားသည်။

 

========================

 

📌📌 ၃။ တီမောသမ္မတနဲ့ NUG ဝန်ကြီးတွေ ကုလညီလာခံပြင်ပမှာတွေ့ဆုံ 

 

၇၈ ကြိမ်မြောက် ကုလသမဂ္ဂအထွေထွေညီလာခံတက်ရောက်ဖို့ အမေရိကန်ပြည်ထောင်စု၊ နယူးယောက်မြို့ကိုရောက် နေကြတဲ့ အရှေ့တီမော သမ္မတ Jose Ramos-Horta နဲ့ အမျိုးသားညီညွတ်ရေး အစိုးရ (NUG) အဖွဲ့ဝင်တွေ စက်တင်ဘာလ ၂၁ ရက်နေ့ ဒေသစံတော်ချိန်ညနေပိုင်းက တွေ့ဆုံဆွေးနွေးခဲ့တာြဖစ်ပါတယ်။ 

 

NUG အစိုးရ နိုင်ငံခြားရေးဝန်ကြီး ဒေါ်ဇင်မာအောင်၊ ဒုနိုင်ငံခြားရေးဝန်ကြီး ဦးမိုးဇော်ဦး၊ ကျန်းမာရေးနဲ့ ပညာရေးဝန်ကြီး ဒေါက်တာဇော်ဝေစိုး၊ လူ့အခွင့်အရေးဒုဝန်ကြီး ဦးအောင်ကျော်မိုးတို့ ဆွေးနွေးပွဲမှာ ပါဝင်ပါတယ်။ 

 

အရှေ့တီမောနဲ့ ရှေ့ဆက်လုပ်ဆောင်မယ့်ကိစ္စတွေ၊ နိုင်ငံတကာ ထောက်ခံမှုရရှိရေးကိစ္စတွေ ဆွေးနွေးခဲ့တယ်လို့ ဝန်ကြီးဒေါ်ဇင်မာအောင်က RFA ကိုပြောပါတယ်။ 

 

အရှေ့တီမော သမ္မတ Jose Ramos-Horta ဟာ လက်ရှိကျင်းပနေတဲ့ ကုလသမဂ္ဂအထွေထွေညီလာခံတွင်း ပြောကြားတဲ့ မိန့်ခွန်းထဲမှာလည်း မြန်မာ့အရေးကို အကျယ်တဝင့် ထည့်ပြော ခဲ့ပါတယ်။ မြန်မာပြည်သူတွေကို နိုင်ငံတကာက ကူညီပေး ဖို့လည်း ညီလာခံမှာ တိုက်တွန်းခဲ့ပါတယ်။

 

========================

 

📌📌 ၄။ ပြည်ပရောက်မြန်မာမိသားစု၀င်များအတွက်မြန်မာနိုင်ငံသား မွေးစာရင်း NUG မှာ လျှောက်ထားနိုင်

 

ပြည်ပရောက်မြန်မာမိသားစု၀င်များအတွက်မြန်မာနိုင်ငံသား မွေးစာရင်း NUG မှာ လျှောက်ထားနိုင်ပြီလို့ စက်တင်ဘာ ၂၁ရက်မှာ ချက်သမ္မတနိူင်ငံ NUGကိုယ်စားလှယ်ဦးလင်းသန့်မှ အသိပေးဖော်ပြထားပါတယ်။

 

"ပြည်ပရောက်မြန်မာမိသားစု၀င်များအတွက် NUG ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာနမှ ပြန်လည် ပြင်ဆင်ဖြည့်စွက်ထားသော မွေးစာရင်းလျှောက်လွှာပုံစံအသစ် ထုတ်ပေးနေပါပြီ။"လိုဆိုပါတယ်။

 

လျှောက်ထားလိုသူများအနေနှင့်ပြည်ထဲရေးဝန်ကြီးဌာနဝန်ကြီးရုံးသတင်းစာမျက်နှာ Website ကတဆင့် မွေးစာရင်း လျှောက်လွှာပုံစံမှာ ဖြည့်ပြီးတောင်းယူနိုင်ပြီဖြစ်ပါတယ်။

 

လျှောက်လွှာဖြည့်ပြီး 10 ဒေါ်လာနဲ့ညီမျှသောငွေကြေးအား DMMK  ဖြင့်ပေးသွင်းနိုင်သလို အခကြေး သွင်းရန်အခက်ခဲ ရှိပါကလည်းအကျိုးကြောင်းရှင်းပြထားနိုင်ပြီး၁၀ ဒေါ်လာ မတတ်နိုင်ပါကလည်း  ကင်းလွတ်ခွင့် ပေးမှာ ဖြစ်တယ်လို့ သိရပါတယ်။

#RadioNUGLocalNews

#SpringRevolution