10th JUN 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇွန်လ ( ၁၀ ) ရက်နေ့ ရပြည်တွင်းသတင်းများ

📌📌 ၁။ ချင်းပြည်ကောင်စီ၏တတိယအကြိမ် ညီလာခံကျင်းပ၊ Zanniatram People’s Organization ၊ Kanpetlet Council ၊ Thado Council နဲ့ Mindat Council (ယာယီ) တို့ကို ချင်းပြည် (Chinland) ကောင်စီအဖွဲ့ဝင်သစ်အဖြစ်လက်ခံ

 

The Matupi Times ဇွန်လ ၈ ၊၂၀၂၄

ချင်းပြည်ကောင်စီညီလာခံ ပထမသက်တမ်း၊ တတိယအကြိမ် ချင်းပြည်ကောင်စီညီလာခံကို ၂၀၂၄ ခုနှစ်၊ ဇွန်လ ၅ ရက်နေ့မှ ၆ ရက်နေ့အထိ ချင်းလုံမြို့တွင် ကျင်းပပြုလုပ်ခဲ့ပြီး ကောင်စီအဖွဲ့ဝင်သစ်တွေကိုလည်းလက်ခံအ တည်ပြုနိုင်ခဲ့တယ်လို့သိ ရပါတယ်။

ချင်းပြည်ကောင်စီ အဖွဲ့ဝင်သစ်အဖြင့် Zanniatram People’s Organization ၊ Kanpetlet Council ၊ Thado Council နဲ့ Mindat Council (ယာယီ) တို့ကို အဖွဲ့ဝင်သစ်တွေအဖြစ် လက်ခံအတည်ပြုတယ်လို့ ဒီကနေ့ ဇွန်လ (၈) ရက်နေ့မှာ သတင်းထုတ်ပြန်ပါတယ်။

ထုတ်ပြန်ချက်တွင် တွန်းဇံမြို့နယ်နှင့် တီးတိန်မြို့တွင်း တိုက်ပွဲတို့တွင်စစ်ကောင်စီက ရည်ရွယ်ချက်ရှိရှိ မီးရှို့၊ဗုံးကြဲတိုက်ခိုက်တာကြောင့် ဘုရားကျောင်းအပါအဝင် နေအိမ် ၇၀ ကျော် ပျက်စီးခဲ့တဲ့အပေါ် ရှုတ်ချကြောင်းနဲ့ စေတနာရှင်တွေအနေနဲ့ ပံ့ပိုးကူညီပေးကြဖို့ကိုလည်း ထည့်သွင်းဖော်ပြထားပါတယ်။

 

ညီလာခံသို့ ချင်းလွှတ်တော်ကိုယ်စားလှယ်တွေ ချင်းအမျိုးသားတပ်ဦးက ကိုယ်စားလှယ်တွေ မြို့နယ် ဒေသအုပ်ချုပ်ရေးအဖွဲ့ သီးသီးက ကိုယ်စားလှယ် စုစုပေါင်း ၉၉ ဦးတက်ရောက်ခဲ့တယ်လို့သိရပါတယ်။

 

========================

 

📌📌 ၂။ မရာ (Mara)အချင်းချင်းကြားငြိမ်းချမ်းရေးနှင့် ပြန်လည်ပေါင်းစည်းနိုင်ရေးတွင် ပါဝင်သွားမည်ဟု MTC ထုတ်ပြန်

 

The Matupi Times ဇွန်လ ၃ ၊ ၂၀၂၄

မရာနယ်မြေအုပ်ချုပ်ရေးကောင်စီ၏ ဒုတိယအကြိမ် မရာပြည်သူ့ညီလာခံသက်တမ်း၊ အရေးပေါ် ကောင်စီအစည်းအဝေးကို ယမန်နေ့ ဇွန်လ ၁ ၊ ၂၀၂၄ ရက်နေ့တွင်ကျင်းပပြုလုပ်ခဲ့တယ်လို့သိရပါတယ္။

မရာနယ်မြေအတွင်းက မရာဒေသခံဖွဲ့များဖြစ်သည့် MTC/MDF နှင့် IMC/CDF-Mara အချင်းချင်းကြား ထိတွေ့တိုက်ပွဲများမရှိစေရန်နှင့် မရာပြည်သူလူထုဘေးကင်းလုံခြုံငြိမ်းချမ်းစွာ နေထိုင်နိုင်ရေးအတွက် မရာအချင်းချင်းကြား ငြိမ်းချမ်းရေးနှင့် ပြန်လည်ပေါင်းစည်းရေးတွင် အားသွန် ခွန်စိုက်ပါဝင်သွားမည်ဖြစ်ကြောင်း မရာနယ်မြေအုပ်ချုပ်ရေးကောင်စီ (Mara Territorial Council) ရဲ့ထုတ်ပြန်ချက်မှာဖော်ပြပါတယ္။

အဆိုပါ ညီလာခံကို ပြည်တွင်းပြည်ပကောင်စီဝင်များ ၊ အလုပ်မှုဆောင်ကော်မတီဝင်များ၊ အတိုင်ပင်ခံ ပုဂ္ဂိုလ်များနှင့်အကြံပေးပုဂ္ဂိုလ်များ အပါအဝင် စုစုပေါင်း(၃၇)ဦး ဖြင့်ကျင်းပနိုင်ခဲ့တယ်လို့ဆိုပါတယ်။

 

========================

 

📌📌 ၃။ စစ်တပ်၏မီးရှို့မှုကြောင့် တီးတိန်မြို့ပေါ် ကနေအိမ် (၅၀)ခန့်မီးလောင်ပျက်စီး

 

The Matupi Times ဇွန်လ ၄၊ ၂၀၂၄

ချင်းပြည်နယ် မြောက်ပိုင်း တီးတိန်မြို့ပေါ်နေအိမ်များကို စစ်ကောင်စီက နှစ်ကြိမ် ဝင်ရောက်မီးရှို့ခဲ့တာကြောင့် မြို့ပေါ် နေအိမ် (၅၀)ခန့်မီးလောင်ပျက်စီးသွားကြောင်းသိရသည်။

ချင်ညီနောင်အဖွဲ့ရဲ့မြိုသိမ်းတိုက်ပွဲစစ်ဆင်ရေးကြောင့် စစ်ကောင်စီတပ်က ပြီးခဲ့တဲ့မေလ ၂၇ ရက်နေ့ ညနေပိုင်းတွင် တီးတိန်းမြို့ပေါ် နာရီစင် အနီးဝန်းကျင်ကနေအိမ်တွေိကို မီးရှို့ခဲ့တာကြောင့် နေအိမ် ၃၀ ကျော် မီးလောင်ပြာကျခဲ့ပါတယ်။

ယခု ဇွန်လအစောပိုင်း ( ဇွန်လ ၁ ရက်) နေ့ ညနေည၉နာရီခန့်တွင်လည်း တီတိန်မြို့၊ လွယ်ဘွာလ်ရပ်ကွက်က နေအိမ်များကို စစ်ကောင်စီကထပ်မံဝင်ရောက်မီးရှို့ဖျက်စီးခဲ့တာကြောင့် နေအိမ်အချို့မီးလောင်ပျက်စီးသွားပြီး လက်ရှိအချိန်ထိ မြို့ပေါ်ကနေအိမ်(၅၀)ဝန်းကျင်ခန့် ပျက်စီးသွားကြောင်းဒေသခံသတင်းထံကသိရပါတယ္။

တီးတိန်မြို့တိုက်ပွဲကို ပြီးခဲ့တဲ့ မေလ ၂၆ရက်နေ့ညပိုင်းမှ စတင်ခဲ့ပြီး တီးတိန်မြို့အတွင်းရှိ စစ်ကောင်စီတပ်စွဲထားသော မိုက်ခရိုဝေ့စ်နှင် နတလ စခန်း၂ခုကို ချင်းညီနောင်အဖွဲ့ကသိမ်းပိုက်ရရှိထားပါတယ်။

 

========================

 

📌📌 ၄။ မင်းတပ်မြို့နယ်လေကြောင်းတိုက်ခိုက်ခံရမှုကြောင့် ဒေသခံအရပ်သား (၁)ဦးသေဆုံး (၃)ဦးဒဏ်ရာရ

 

The Matupi Times ဇွန်လ ၅၊ ၂၀၂၄

ချင်းပြည်နယ်တောင်ပိုင်း ၊ မင်းတပ်မြို့နယ်အတွင်း ယမန်နေ့ ည (၁၂) နာရီအချိန်တွင် မင်းတပ်မြို့နယ်၊ တိုက်နယ် အမှတ်-၁ ရှိကျေးရွာတစ်ရွာကို စစ်ကောင်စီ မှလေကြောင်းတိုက်ခိုက်မှု ပြုလုပ်ခဲ့ကြောင်း သိရသည်။

စစ်ကောင်စီက ယမန်နေ့ ဇွန်လ ၄ ရက် ည ၁၂ နာရီခန့်က မင်းတပ်မြို့နယ်၊ တိုက်နယ် အမှတ် -၁ ရှိ ကျေးရွာတစ်ရွာကို စစ်ကောင်စီက အကြောင်းမဲ့ လေကြောင်းြဖင့်ဗုံးကြဲတိုက်ခိုက်ခြင်းနှင့်ပစ်ခတ်ခြင်းတို့ ပြုလုပ်ခဲ့တာကြောင့် ဒေသခံအရပ်သား ပြည်သူ ၁ ဦးသေဆုံးပြီး ၃ ဦးထိခိုက်ဒဏ်ရာရခဲ့တယ်လို့ CDF-Mindat{သတင်းပြန်ကြားရေးနှင့်မှတ်တမ်းဌာန}က သတင်းထုတ်ပြန်ပါတယ္။

ယမန်နေ့ဇွန်လ(၄)ရက်နေ့ ညသန်ခေါင်အချိန်တွင် မင်းတပ်မြို့တိုက်နယ် (၁) ဘက်ရှိ ကျေးရွာတစ်ရွာကို တံတားဦးလေတပ်တက် ဂျက်ဖိုက်တာ ၂ စီးမှဗုံးကြဲတိုက်ခိုက်ခဲ့တာလို့ ဒေသခံသတင်းဖော်ပြပေးနေတဲ့ HklMindat ကဖော်ပြပါတယ္။

၂၀၂၄ခုနှစ်အတွင်းတွင် စစ်ကောင်စီကမင်းတပ်မြို့နယ္အတွင်းက စာသင်ကျောင်း၊ ဘာသာရေးအဆောက်အအုံများ ၊ ဆေးရုံဆေးခန်းများနှင့် အပြစ်မဲ့ပြည်သူလူထုနေအိမ်များအား လေကြောင်းပစ်မှတ်ထားဗုံးကြဲတိုက်ခိုက်ခြင်းများ ပိုမိုပြုလုပ်လာတယ်လို့သိရပါတယ္။

မင်းတပ်မြို့နယ်ပြည်သူ့အုပ်ချုပ်ရေးအဖွဲ့ကစစ်ကောင်စီ၏အကြောင်းမဲ့လေကြောင်းတိုက်ခိုက်မှုတွေကြောင့် မင်းတပ်မြို့နယ္အတွင်းက ကျောင်း၊ဆေးရုံ၊ဆေးခန်း၊ ဘာသာရေးအဆောက်အအုံများ ၊ ကျေးရွာခန်းမဆောင်များတွင် လူစုလူဝေပြုလုပ်ခြင်း၊ ရိုးရာပွဲလမ်းသဘင်များကျင်းပခြင်းများမပြုလုပ်ကြဖို့ နှင့် အရေးပေါဗုံးခိုကျင်းများဆောက်လုပ်ထားကြဖို့ အတွက် အသိပေးချက်ထုတ်ပြန်ထားပါတယ်။

 

========================

 

📌📌 ၅။ PDF Zoland ၏အခြေခံစစ်ပညာသင်တန်း အပတ်စဥ် (၁၄) သင်တန်းဆင်းပွဲကျင်းပ

 

The Matupi Times ဇွန်လ ၇၊ ၂၀၂၄

ZFU/PDF Zoland အခြေခံစစ်ပညာသင်တန်း အပတ်စဥ် (၁၄) သင်တန်းဆင်းပွဲကိုပြီးခဲ့တဲ့ ဇွန်လ၁၊ ၂၀၂၄ ရက်နေ့ကအောင်မြင်စွာ ကျင်းပခဲ့ကြောင်းသိရသည်။ အဆိုပါ အပတ်စဉ် (၁၄) မှာ သင်တန်းသား ကျား (၆၆) ဦး၊ မ (၁၅) ဦး စုစုပေါင်း (၈၁) ဦး တက်ရောက်ခဲ့တယ္လို့ PDF-Zoland ကသတင်းထုတ်ပြန်ပါတယ်။

#RadioNUGLocalNews

#SpringRevolution