17th JUN 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇွန်လ ( ၁၇ ) ရက်နေ့ ရပြည်တွင်းသတင်းများ

📌📌 ၁. တီအိုချောင်းထဲရေနစ်သေဆုံးသူ၏ ရုပ်အလောင်းရှာတွေ့

 

The Matupi Times ဇွန်လ ၁၀ ၊ ၂၀၂၄

ပြီးခဲ့တဲ့ရက်ပိုင်းက တီအိုချောင်းထဲကို ငါးဖမ်းဖို့သွားရင်းရေနစ် သေဆုံးသွားတဲ့ ဦးကျဲအိုထန်း-Pu Ceu Thang(kum 26) ရဲ့ရုပ်အလောင်းကို ဒီကနေ့ဇွန်လ ၁၀ ရက်နေ့ နံနက် ၆ နာရီဝန်းကျင်မှာ ရှာတွေခဲ့ပြီလို့ သိရပါတယ္။

ဦးကျဲအိုထန်ဟာ ဟားခါးမြို့ကနေ - ထန်တလန်မြို့နယ်၊ ဘုံခွါစစ်ဘေးရှောင်စခန်းမှာ စစ်ဘေးရှောင်အဖြင့် နေထိုင်သူဖြစ်ပြီး ပြီးခဲ့တဲ့ ဇွန်လ ၈ ရက်နေ့မှာ နံနက် ၁၁ နာရီဝန်းကျင်မှာ ညီဖြစ်သူနဲ့ တီအိုချောင်းတွင်ငါးဖမ်းဖို့သွားရင်း ရေနစ်ကာသေဆုံးကာ ရုပ်အလောင်းပျောက်ဆုံးသွားခဲ့တာဖြစ်ပြီး ၃ ရက်အကြာမှာအခုလိုပြန်လည်တွေ့ရှိခဲ့တာဖြစ်ကြောင်း ဒေသခံသတင်းတွေထံကသိရပါတယ်။

 

========================

 

📌📌 ၂. မတူပီမြို့နယ်၊ အမ်ဆွေးကျေးရွာတွင်စစ်ကောင်စီ၏လေကြောင်းတိုက်ခိုက်မှုကြောင့် နေအိိမ်တစ်လုံး လုံးဝပျက်စီး

 

The Matupi Times ဇွန်လ ၁၁ ၊ ၂၀၂၄

စစ်ကောင်စီတပ်ဟာ ချင်းပြည်နယ်တောင်ပိုင်းမတူပီမြို့နယ်နှင့် မင်းတပ်မြို့နယ်အတွင်းရှိကျေးရွာတွေကို ပစ်မှတ်ထားကာ အကြောင်းမဲ့တိုက်ခိုက်မှုတွေပြုလုပ်နေတာပါ။

စစ်ကောင်စီက မတူပီမြို့နယ်၊ အမ်ဆွးကျေးရွာကို တိုက်ပွဲဖြစ်ပွားခြင်းမရှိဘဲ ပစ်မှတ်ထားကာ ယမန်နေ့ ဇွန်လ ၁၀ ရက်နေ့ နံနက်ပိုင်းတွင် ဗုံးကြဲတိုက်ခိုက်ခဲ့တာလို့သိရပါတယ္။ အမ်ဆွးကျေးရွာ နံနက် (၄: ၃၀)အချိန်ခန့်တွင် တစ်ကြိမ်နှင့် ကျေးရွာအတွင်းရှိပြည်သူများဘေးလွတ်ရာသို့တိမ်းရှောင်ပြီးနောက် (၁)ကြိ်မ် လာရောက်ဗုံးကြဲတိုက်ခိုက်တယ်လိုိ့သိရပါတယ္။ ဗုံးကြဲတိုက်ခိုက်မှုကြောင့် ကျေးရွာက နေအိမ်တစ်လုံး လုံးဝပျက်စီးသွားပြီး ပြည်သူများထိခိုက်ဒဏ်ရာရရှိသူမရှိဘူးလို့သိရပါတယ္။

 

========================

 

📌📌 ၃. မီဇိုရမ်မှာစစ်ရှောင်နေတဲ့ ချင်းစစ်ရှောင်(၂)ဦးကို မီဇိုဒေသခံ(၂)ဦးကအကြောင်းမဲ့ထိုးကြိတ်ရိုက်နှက်တာကြောင့် သွားကျိုးသည့်အပြင်တစ်ကိုယ်လုံးဒဏ္ရာရရှိ

The Matupi Times ဇွန်လ ၁၃၊ ၂၀၂၄

အိန္ဒိယနိုင်ငံ ၊ မီဇိုရမ်ပြည်နယ်၊ လောင်တလိုင်ခရိုင်တွင် စစ်ဘေးရှောင်အဖြစ်နေထိုင်သည့် ချင်းပြည်နယ်တောင်ပိုင်း၊ မတူပီမြို့နယ်မှစစ်ရှောင်အမျိုးသား(၂)ဦးသည် ယမန်နေ့ ဇွန်လ ၁၂ ၊ ၂၀၂၄ ရက်နေ့ နံနက်(၅း၀၀)နာရီအချိန်ခန့်တွင် ဟင်းရှာထွက်ရန်သွားရာလမ်းတွင် မီဇိုးဒေသခံ(၂)ဦးက အကြောင်းမဲ့ထိုးကြိတ်ကာ ရိုက်နှက်ခဲ့ကြောင်းသိရပါတယ္။

အဆိုပါစစ်ရှောင်(၂)ဦးမှာ ဟင်းရှာထွက်ရန် ဆိုင်ကယ်ဖြင့်သွားနေစဉ် မီဇိုးဒေသခံ(၄)ဦး လိုက်ပါလာသည့် ကားတစ်စီးကနောက်မှလိုက်လာပြီး ဆိုင်ကယ်ကိုရပ်ခိုင်းကာ မေးမြန်းခြင်းမရှိဘဲ အကြောင်းမဲ့ထိုးကြိတ်ရိုက်နှက်ခဲ့တာလို့သိရပါတယ်။

 

"သူတို့(၂)ယောက်က ဆိုင်ကယ်နဲ့ဟင်းရှာဖို့သွားကြတဲ့အချိန် လမ်းမှာ သူတို့ကားနဲ့လိုက်လာပြီးတော့ သူတို့(၂)ယောက်ကိုရပ်ခိုင်းတယ်။ ရပ်ခိုင်းပြီးကားပေါ်ကနေ အမျိုးသား(၂)ယောက်ဆင်းလာပြီးတော့ ဘာမှလဲမမေးတော့ဘူး သူတို့(၂)ယောက်ပေါင်းပြီးထိုးတာ။ စစ်ရှောင်(၂)ဦးကတော့ သူတို့ဝိုင်းထိုးခံရလို့ ၁ယောက်သွားသုံးချောင်းကျိုးတယ်။နောက်တစ်ယောက်က တစ်ကိုယ်လုံးနာရထားတယ်။ အဲဲဲ့ဒီဒဏ်ရာတွေကြောင့် အခုအိမ်မှာဘဲဆေးသောက်ပြီးနားနေရတယ်။ ကျွန်တော်တို့ ဒီကစစ်ရှောင်တာ၀န်ရှိသူတွေနဲ့ မီဇိုးဒေသခံတာ၀န်ရှိသူတွေ တွေ့ဆုံပြီးပါပြီ။ အခုကိစ္စနဲ့ပတ်သက်လို့ အမြန်ဆုံးဖြေရှင်းပေးဖို့တောင်းဆိုထားပါတယ်။ "လို့ Camp တာဝန်ရှိသူတစ်ဦးက Matupi Times ကိုပြောပါတယ္။

ရိုက်နှက်ခြင်းခံရသူ(၂)ဦးဖြစ်သည့် ဦးထန်းလျန်(Pa Thang Lian)တွင် သားသမီး (၄)ဦး၊ ဦး-ရေဇုန်း(U Re Zung ) တွင် သား/သမီး ၅ယောက်ရှိကြောင်းသိရပြီး ၎င်းတို့ဟာ မိသားစုဝမ်းရေးအတွက် ရရာအလုပ်များလုပ်ကိုင်းရင်း စစ်ရှောင်အဖြစ်နေထိုင်ကြသူတွေပါ အခုရရှိတဲ့ဒဏ်ရာတွေကြောင့် ရက်သတ္တပတ်ခန့် အနားယူရနိုင်တယ်လို့သိရပါတယ်။

========================

📌📌 ၄. တီးတိန်မြို့ တိုက်ပွဲ၌ ချင်းကာကွယ်ရေးတပ်မဟာမိတ်အဖွဲ့မှ(၅)ဦးကျဆုံး

 

ချင်းညီနောင်အဖွဲ့ဖော်ဆောင်နေတဲ့ ချင်းပြည်နယ်၊ တီးတိန်မြို့တိုက်ပွဲတွင် ချင်းကာကွယ်ရေးတပ်မဟာမိတ်အဖွဲ့မှ(၅)ဦးကျဆုံးကြောင်း သိရပါတယ်။

ယမန်နေ့ ဇွန်လ ၁၂ ရက်နေ့နံနက်ပိုင်း၌ တီးတိန်မြို့၊ လေလုမ်းရပ်ကွက်ဘက်တွင် PDF_Zolandနဲ့မဟာမိတ်ပူးပေါင်းအဖွဲ့နဲ့ အကြမ်းဖက် စစ်ကောင်စီတပ်ဖွဲ့တို့ တိုက်ပွဲဖြစ်ပွားခဲ့ ပြီး၊ အဆိုပါတိုက်ပွဲတွင် PDF_Zoland ရဲဘော် (၄)ဦးနှင့်၊ CNDF ရဲဘော် (၁)ဦး ကျဆုံးခဲ့တာဖြစ်တယ်လိုိ့ဒေသခံသတင်းတွေထံက သိရပါတယ္။

တိုက်ပွဲတွင်ကျဆုံးသူများမှာ-

1. Thang Sawm Lian

2. Zam Pian Tuang

3. Khai Sian Suan Sang

4. Thang Sian San Muang

5. Thian Thawng (CNDF) တို့ဖြစ်ကြောင်း PDF-Zoland ကဒီကနေ့ ဇွန်လ ၁၃၊ ၂၀၂၄ ရက်နေ့မှာသတင်းထုတ်ပြန်ပါတယ္။

 

========================

 

📌📌 ၅. မတူပီမြို့တွင် ချင်းညီနောင်မဟာမိတ်အဖွဲ့၏ စစ်ဆင်ရေးစတင်၊ မတူပီမြို့မရဲစခန်းနှင့် ထွေအုပ်ံရုံးတို့ကိုသိမ်းပိုက်

 

The_Matupi_Times ဇွန်လ ၁၃ ၊ ၂၀၂၄

 

ချင်းပြည်နယ်တောင်ပိုင်း ၊ မတူပီမြို့ကို ချင်းညီနောင်မဟာမိတ်ပူးပေါင်းအဖွဲ့၏(Operation-CB) စတင်ဖော်ဆောင်နေပြီဖြစ်ကြောင်း ဒီကနေ့ဇွန်လ ၁၃ ရက်နေ့မှာသတင်းထုတ်ပြန်ပါတယ်။

ချင်းညီနောင်မဟာမိတ်အဖွဲ့က မတူပီမြို့အခြေစိုက်စစ်ကောင်စီတပ်စခန်းတွေကို ပြီးခဲ့တဲ့ဇွန်လ ၉ ရက်နေ့ကတည်းက စတင်ထိုးစစ်ဆင်တိုက်ခဲ့တာဖြစ်ပြီး ဒီကနေ့ထိ ဆက်လက် တိုက်ပွဲပြင်းထန်နေဆဲဖြစ်ပါတယ်။

တိုက်ပွဲစတင်ဖော်ဆောင်ပြီး(၅)ရက်မြောက် ဒီကနေ့ဇွန်လ ၁၃ ရက်နေ့မှာ မတူပီမြို့ပေါ်ရှိ မြို့မရဲစခန်းနှင့်အထွေထွေအုပ်ချုပ်ရေးရုံးတို့ကို ချင်းညီနောင်မဟာမိတ်အဖွဲ့က ဝင်ရောက်သိမ်းပိုက်နိုင်ခဲ့ပြီလို့သိရပါတယ်။ တိုက်ပွဲအတွင်းတွင် CDF-Matupi တပ်မဟာ-၁တပ်ဖွဲ့ဝင် ဆလိုင်း Laithang Boi neh Sali Shwe Lian တို့မြင့်မြတ်စွာအသက်ပေးလှူခဲ့ကြကြောင်းသလို စစ်ကောင်စီဘက်ကလည်းထိခိုက်သေဆုံးမှုတွေရှိနိုင်တယ်လို့သိရပါတယ်။

 

မတူပီမြို့သိမ်းစစ်ဆင်ရေးတွင် ချင်းညီနောင်မဟာမိတ်အဖွဲ့နဲ့အတူ Yaw Army(YA) တို့လည်းပါဝင်တိုက်ပွဲဆင်နွှဲနေကြောင်းသိရပါတယ်။

========================

 

📌📌 ၆. Future Hope Foundation မှ CDF-မတူပီ၊ တပ်ရင်း-၂ အတွက် မိုးတွင်းစားနပ်ရိက္ခာများပေးအပ်

 

The Matupi Times ဇွန် ၁၅ ၊ ၂၀၂၄

 

Future Hope Foundationမှ CDF-မတူပီ၊ တပ်မဟာ-၂၊ တပ်ရင်း-၂ (Vakok Battalion)အတွက် လို်အပ်သော မိုးတွင်းစားနပ်ရိက္ခာများကို ပြီးခဲ့သည့် ဇွန်လ ၇ ရက်နေ့တွင် မြေပြင်သို့သွားရောက်ပေးအပ်ခဲ့ တယ်လို့သိရပါတယ္။

ပေးအပ်ရာတွင် ဆန်အိတ် ၁၀၀ အိတ်၊ စားဆီ ၅ ပုံး၊ ငပိ၊ ဆား၊ ဆပ်ပြာ၊ သွားတိုက်ဆေး၊သွားတိုက်တံနှင့် အခြားစားနပ်ရိက္ခာများကို ပေးအပ်ခဲ့ရာ တပ်ရင်းတာဝန်ခံမှလက်ခံရယူခဲ့တယ်လို့သိရပါတယ္။

CDF-မတူပီ၊ တပ်ရင်း-၂ (Vakok Battalion)အတွက် မိုးတွင်းကာလတွင်အရေးပေါ်လိုအပ်သည့် စားနပ်ရိက္ခာများဝယ်ယူနိုင်ရန် Future Hope Foundationမှ ဦးဆောင်၍

၂၀၂၄ ၊ မေလ ၄ ရက်နေ့နှင့် ၅ ရက်နေ့တို့တွင် ပြုလုပ်ခဲ့သော Talkshow အစီအစဥ်မှ ရရှိသည့် အလှူငွေများဖြင့် မိုးတွင်းစားနပ်ရိက္ခာများကို ဝယ်ယူပေးအပ်ခြင်းဖြစ်ကြောင်း သိရသည်။

 

========================

 

📌📌 ၇. ကျောက်ထုတွင် မင်းတပ်ဒေသခံ(၂)ဦးဖမ်းဆီးခံရ

The Matupi Times ဇွန်လ ၁၆၊ ၂၀၂၄

ကျောက်ထုမြို့တွင် မင်းတပ်ဒေသခံအမျိုးသား(၂)ဦးကို စစ်ကောင်စီက ဒီကနေ့ jun ni ဇွန်လ ၁၆ ရက်နေ့ ၊ နေ့လည်(၂)နာရီအချိန်ခန့်တွင် ဖမ်းဆီးသွားကြောင်း ဒေသခံသတင်းတွေဖော်ပြပေးနေတဲ့ HKL-Mindat ကဖော်ပြထားပါတယ္။

အဆိုပါ မင်းတပ်ဒေသခံအမျိုးသား (၂)ဦးကို " ကျောက်ထုမြို့ထဲရှိဆိုင်ကယ်ပြင်ဆိုင်တွင် စစ်ကောင်စီတပ်ဖွဲ့ဝင်များက မျက်နှာအုပ်ပြီး ကျောက်ထုအမြှောက် တပ်ထဲသို့ဖမ်းဆီးခေါ်ဆောင်သွားကြတယ်ပြီး ဖုန်းစစ်ဆေးရာမှာ မသင်္ကာဘဲ ဖမ်းဆီးသွားတာလို့သိရပြီး ယခုချိန်ထိ ပြန်မလွတ်လာကြသေးပါ။"ဟု ၎င်းလူမှုကွန်ရက်စာမျက်နှာပေါ်မှာ ရေးသားဖော်ပြထားပါတယ္။

#RadioNUGLocalNews

#SpringRevolution