27 Jan 2025 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ ဇန်နဝါရီလ ( ၂၇ ) ရက်နေ့ ရပြည်တွင်းသတင်းများ

📌📌 1. ဟားခါးမြို့က စကစလက်အောက်ခံ ပြည်သူ့စစ်(၄)ဦးသည် လက်နက်များနဲ့အတူ CDF-HAKHA ထံအလင်းဝင်

 

The Matupi Times ၊ ဇန်နဝါရီလ ၂၁၊၂၀၂၅

ချင်းပြည်၊ ဟားခါးမြို့ စစ်ကောင်စီလက်အောက်ခံပြည်သူ့စစ် ၄ ဦးသည် ချင်းပြည်ကာကွယ်ရေးတပ်-ဟားခါးထံ အလင်းဝင်လာကြောင်းသိရသည်။

အဆိုပါ ပြည်သူ့စစ် ၄ ဦးသည် စစ်ကောင်စီလက်အောက်တွင် တာဝန်ဆက်လက်ထမ်းဆောင်လိုခြင်းမရှိတော့တာကြောင့် ပြီးခဲ့သည့် ဇန်နဝါရီလ ၈ ရက်နေ့နှင့် ၁၄ ရက်နေ့၌ လက်နက်ယူဆောင်ကာ အလင်းဝင်လာခဲ့ခြင်းဖြစ်ပြီး ဆုငွေအသီးသီး ပေးအပ်ချီးမြှင့်ကြောင်းသိရသည်။

 

========================

 

📌📌 2. CDF-Matupi တပ်မဟာ(၂)၏ အပတ်စဉ်(၄)သူနာပြုသင်တန်း အောင်မြင်စွာပြီးစီး

 

The Matupi Times ၊ ဇန်နဝါရီလ ၂၅ / ၂၀၂၅

CDF-Matupi တပ်မဟာ(၂) မှ ပြုလုပ်သည်အပတ်စဉ်(၄)သူနာပြုသင်တန်းကို ၂၀၂၅ ခုနှစ်၊ ဇန်နဝါရီလ ၂၁ ရက်နေ့၌ အောင်မြင်စွာကျင်းပပြီးစီးခဲ့ကြောင်း သိရပါတယ္။

အဆိုပါ ဆေးသင်တန်းကို CDF-Matupi တပ်မဟာ-၂ လက်အောက်ခံ(တပ်ရင်း-၃)တွင်တာဝန်ထမ်းဆောင်နေသော ရဲဘော်/ရဲမေများမှပြည်သူများကျန်းမာရေးစောင့်ရှောက်မှုပေးနိုင်ရန်အတွက် ပြုလုပ်ခဲ့ခြင်းဖြစ်ပြီး ပြီးခဲ့သည့် ၂၀၂၄ ခုနှစ် ၊ အောက်တိုဘာလမှစတင် သင်တန်းပို့ချခဲ့ခြင်းဖြစ်ကြောင်း CDF-Matupi တပ်မဟာ(၂)ထုတ်ပြန်ချက်အရ သိရသည်။

ဆက်လက်၍ CDF-Matupi တပ်မဟာ(၂) ၏ (တပ်ရင်း-၃ )ဧရိယာ-၃ နယ်မြေတွင် ပြည်သူ့ကျန်းမာရေး၊ ကူးသန်းရောင်ဝယ်ရေးနှင့် လွတ်လပ်စွာဖြတ်သန်းသွားလာခွင့်မရှိသည့်အပြင် ကျန်းမာရေး၊အုပ်ချုပ်ရေးလုပ်ငန်းများလည်း ကောင်းမွန်စွာလည်ပတ်နိုင်ခြင်းမရှိကြောင်းထည့်သွင်းဖော်ပြထားပါတယ္။

 

========================

 

📌📌 3. မီဇိုးရမ်ရှိ ပြည်သူ့ဆေးရုံကြီးအတွက် မြန်မာနိုင်ငံသား(၄၅)ဦးက စုပေါင်းသွေးလှူဒါန်းပေး 

 

Network for Unity Association (N.U.A) နှင့် Burmese Social Welfare Association (B.S.W.A) အဖွဲ့တို့၏ ကမကထပြုဦးဆောင်မှုဖြင့် မီဇိုရမ်ပြည်နယ် အိုင်ဇောလ်မြို့ ပြည်သူ့ဆေးရုံကြီးမှာ အသုံးပြုရန် မြန်မာနိုင်ငံသား များက စုပေါင်းသွေးလှူဒါန်းခဲ့ကြသည်။ 

ယနေ့ ဇန်နဝါရီလ ၂၅ ရက်နေ့တွင် မြန်မာယက္ကန်းသမားအများစုနေထိုင်ကြသော ဇောင်းသွီရပ်ကွက် Community ခန်းမတွင် စုပေါင်းသွေးလှူဒါန်းမှုကိုပြုလုပ်ခဲ့ကြပြီး မြန်မာနိုင်ငံသား အမျိုးသား ၃၂ ဦး နှင့် အမျိုးသမီး ၁၃ ဦးတို့က သွေး ၄၅ ယူနစ် ပေးလှူခဲ့ကြသည်ဟု ဦးဆောင်စီစဉ်သူများထံမှသိရသည်။ 

 

========================

 

📌📌 4 မတူပီမြို့တွင်းတနေရာကို စစ်ကောင်စီဗုံးကြဲတိုက်ခိုက် ၊နေအိမ်တချို့ထိခိုက်ပျက်စီး

 

The Matupi Times ၊ ဇန်နဝါရီ ၂၅ ၊ ၂၀၂၅

ချင်းပြည်ယ်တောင်ပိုင်း စစ်ကောင်စီကင်းစင်ပြီဖြစ်တဲ့ မတူပီမြို့တွင်းတနေရာကို၊ယမန်နေ့ (ဇန်နဝါရီလ ၂၄ရက်) နံနက် ၁ နာရီအချိန်ခန့်၌ ဂျက်ဖိုက်တာဖြင့် ဗုံးကြဲချခဲ့ကြောင်းသိရပါတယ်။

ဗုံးကြဲခံရမှုနှင့်ပတ်သက်ပြီးတော့ CDF – Matupi တပ်မဟာ(၁) ပြန်ကြားရေးတာဝန်ခံ ဆလိုင်းဘွေအုပ် က “တိုက်လေယာဥ်နဲ့ ကြဲတာဖြစ်တဲ့အတွက် နေအိမ်နဲ့ဈေးဆိုင် ၁၀ လုံးကျော်လောက်မှာ ဗုံးကန်အားကြောင့် ပြတင်းပေါက်မှန်ကွဲတာ ခေါင်းမိုးလန်ပျက်စီးတာတွေ ရှိပါတယ်၊ လူထိခိုက်မှုတော့ မရှိပါဘူး”ဟုမဇ္ဈိမကို အတည်ပြုပြောဆိုထားပါတယ်။

ဒါ့အပြင် လေကြောင်းတိုက်ခိုက်မှုအတွက် စစ်ရေး ၊ အုပ်ချုပ်ရေး အပါအဝင် လိုအပ်သောတည်နေရာများကို စစ်ကောင်စီတပ်က မည်သို့ရရှိနိုင်သည်မှာ အရေးကြီးကြောင်းနှင့် ပြည်သူများအနေဖြင့် လူမှုကွန်ရက်များတွင် သတင်းဖြန့်ဝေမှုများကို သတိထားရန် လိုအပ်ကြောင်း ဆလိုင်းဘွေအုပ် က ပြောဆိုခဲ့သည်။

လက်ရှိမှာမတူပီမြို့တွင်မတူပီမြို့နယ်(ပအဖ)အဖွဲ့မှ မြို့ပေါ် ၄ ရပ်ကွက်ရှိပြည်သူများအတွက် အဓိကအားဖြင့် ရေရရှိရေးအတွက် ကြိုးပမ်းလုပ်ဆောင်နေကြောင်းသိရပါတယ်။

 

========================

 

📌📌 5. ချင်းဖိုက်တာ Joshua Van ဘရာဇီးလ်ဖိုက်တာနဲ့ထိုးသတ်မည်

 

The Matupi Times ၊ ဇန်နဝါရီလ ၂၄ ၊ ၂၀၂၄ 

ချင်းဖိုက်တာ Johsua Van ဟာ UFC 313 ပြိုင်ပွဲမှာ ဘရာဇီးလ် ဖိုက်တာ Bruno Silva နဲ့ ယှဉ်ပြိုင်ထိုးသတ်သွားမယ်လို့သိရပါတယ္။ Flyweight တန်းမှာယှဉ်ပြိုင်ထိုးသတ်သွားကြမှာဖြစ်ပြီး မတ်လ ၉၊၂၀၂၅ ရက်နေ့မှာ အမေရိကန် ၊ Las Vegas မှာပြုလုပ်သွားမယ်လို့ UFC Official Website မှာဖော်ပြထားပါတယ္။

ချင်းဖိုက်တာ Johsua Van ဟာ UFC Flyweight အဆင့်သတ်မှတ်ချက် အဆင့်(၁၅)တွင်ရပ်တည်နေပြီး ပြိုင်ဘက်ဘရာဇီးလ်ဖိုက်တာ Bruno Silva ဟာ UFC Flyweight အဆင့်သတ်မှတ်ချက် အဆင့်(၁၃)မှာရပ်တည်နေပါတယ်။ 

#RadioNUGLocalNews

#SpringRevolution