၂၀၂၅ ဇူလိုင်လ ၁၁ ရက်နေ့ Radio NUG မနက်ခင်းတင်ဆက်မှု

 

၂၀၂၅ ဇူလိုင်လ ၁၁ ရက်နေ့ မနက်ခင်း နောက်ဆုံးရပြည်တွင်းသတင်းများ


📌 ၁။ ကြားကာလဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ အစည်းအဝေး ပြည်ထောင်စုဝန်ကြီးချုပ် မန်းဝင်းခိုင်သန်း ဦးဆောင်ကျင်းပ

📌 ၂။ ဖက်ဒရယ်ဒီမိုကရေစီ ဖွဲ့စည်းပုံအခြေခံဥပဒေ မိတ်ဆက်ဆွေးနွေးပွဲ ပြည်ထောင်စုဝန်ကြီး ဦးသိန်းဦးက ဦးဆောင် ဟောပြောဆွေးနွေး

📌 ၃။ စစ်မှုထမ်းရန် ခေါ်ဆောင်ခံထားရသည့် စိတ်မမှန်သူ တစ်ဦး တိုက်ပေါ်မှ ခုန်ချ သေဆုံး

📌 ၄။ ယင်းမာပင်ခရိုင် အမှတ် ၁၅ တပ်ရင်းမှူးလက်မှတ်နဲ့  မူးယစ်ဆေးဝါးသယ်ဆောင်မှု CDF-Hakha ဖမ်းဆီး၊ ယင်းမာပင်ခရိုင် တပ်ရင်း ၁၄-၁၅ ငြင်းဆို

📌 ၅။ ရွှေညဝါဆရာတော်၏ ရုပ်ကလာပ်ကို တစ်ပတ်ကြာ အပူဇော်ခံပြီးနောက် ဈာပနအခမ်းအနားကို ဇူလိုင် ၁၆ တွင် ကျင်းပမည်


========================


၂၀၂၅ ခုနှစ် ဇူလိုင်လ ၁၁ ရက်နေ့ မနက်ပိုင်းမှာတင်ပြပေးမယ့် Radio NUG စစ်ရေးသတင်းကောက်နုတ်ချက်များ


🚩၁။ ရခိုင်ပြည်နယ်တွင် AA ထိန်းချုပ်မှု ၉၃ ရာခိုင်နှုန်းကျော်သို့ ရောက်ရှိ၊ လက်နက်ကိုင်အဖွဲ့အစည်း အနည်းဆုံး ၂၃ ဖွဲ့ကို ‌AA ထောက်ပံ့ပေးထား

🚩၂။ မြိုင်မြို့ပေါ်က စစ်ကောင်စီ စခန်းတစ်ခုကို တိုက်ခိုက်သိမ်းပိုက်၊ စစ်သုံ့ပန်း ၁၂ ယောက် ဖမ်းမိခဲ့ပြီး တော်လှန်ရေး ရဲဘော် တစ်ဦးကျဆုံး

🚩၃။ ၄ရက်အတွင်း ပျူရွာ ()ရွာနှင့် ဗျူဟာစခန်းကုန်း () ခု တိုက်ခိုက်သိမ်းပိုက်နိုင်ခဲ့ပြီး စစ်ကောင်စီ ဒုတပ်ရင်းမှူး ဗိုလ်မှူးချမ်းလွင်မောင်အား အရှင်ဖမ်းဆီးနိုင်ခဲ့

🚩၄။ ဝါဆိုလပြည့်ညမှာ စစ်ကောင်စီရဲ့ ဗုံးကြဲတိုက်ခိုက်မှုကြောင့် မောချီးဒေသက မိသားစုဝင် ဦးသေဆုံး

🚩၅။ သပိတ်ကျင်း မြို့နယ်က ကျေးရွာ ခုကို စစ်ကောင်စီ လေကြောင်းတိုက်ခိုက်

🚩၆။ မင်းစောကျေးရွာ စာသင်ကျောင်းကို စစ်ကောင်စီက ပေါင် ၅၀၀ ဗုံး လုံး ကြဲချတိုက်ခိုက်


ဤသတင်းများကို ရေဒီယိုအန်ယူဂျီသတင်းတာဝန်ခံများနှင့် ခိုင်လုံသော မိတ်ဖက်သတင်းရင်းမြစ်များဆီမှ အခြေခံတင်ပြထားခြင်း ဖြစ်ပါတယ်။




========================



📌📌 ၁။ ကြားကာလဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ အစည်းအဝေး ပြည်ထောင်စုဝန်ကြီးချုပ် မန်းဝင်းခိုင်သန်း ဦးဆောင်ကျင်းပ


ဇူလိုင်လ ၁၀ရက် 

Radio NUG 


အမျိုးသားညီညွတ်ရေးအစိုးရ၊ ကြားကာလဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ အစည်းအဝေး အမှတ်စဉ် (၂၃/၂၀၂၅) ကို ဇူလိုင်လ ၁၀ရက် မနက်(၁၀:၀၀)နာရီအချိန်တွင် ကျင်းပပြုလုပ်ခဲ့ရာ အစည်းအဝေးတွင် ကြားကာလဒေသန္တရ ပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ၊ ဥက္ကဋ္ဌ၊ ပြည်ထောင်စုဝန်ကြီးချုပ် မန်းဝင်းခိုင်သန်းမှ အဖွင့်အမှာစကားပြောကြားခဲ့ပါတယ်။


ဆက်လက်ပြီး တက်ရောက်လာကြသော ကြားကာလဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော်မတီအဖွဲ့ဝင်များမှ (၂၂/၂၀၂၅)တွင် ချမှတ်ထားသော ရှေ့လုပ်ငန်းစဉ်များနှင့် ပတ်သက်၍ ပြီးစီးမှုအခြေအနေများနှင့် ဆက်လက်ဆောင်ရွက်ရန် ကျန်ရှိနေသည့် လုပ်ငန်းစဉ်များကို ချပြရှင်းလင်းပြီး တက်ရောက်လာသော ဝန်ကြီးဌာန၏ တာဝန်ရှိသူများမှ လုပ်ငန်းဆောင်ရွက်ချက်များကို အကျယ်တဝင့် ဆွေးနွေးခဲ့ကြပါတယ်။


အဆိုပါအစည်းအဝေးသို့ ပြည်ထောင်စုဝန်ကြီးချုပ် မန်းဝင်းခိုင်သန်းမှ ဦးဆောင်ကာ ပြည်ထောင်စုဝန်ကြီးများ၊ ဒုတိယဝန်ကြီးများ၊ အမြဲတမ်းအတွင်းဝန်များ၊ တွဲဖက်အမြဲတမ်းအတွင်းဝန်များ၊ ဌာနဆိုင်ရာများမှ တာဝန်ရှိသူများ တက်ရောက်ခဲ့ကြပါတယ်။


========================


📌📌 ၂။ ဖက်ဒရယ်ဒီမိုကရေစီ ဖွဲ့စည်းပုံအခြေခံဥပဒေ မိတ်ဆက်ဆွေးနွေးပွဲ ပြည်ထောင်စုဝန်ကြီး ဦးသိန်းဦးက ဦးဆောင် ဟောပြောဆွေးနွေး


ဇူလိုင်လ ၁၀ရက် 

Radio NUG 


အမျိုးသားညီညွတ်ရေးအစိုးရ၊ ကိုရီးယားသမ္မတနိုင်ငံဆိုင်ရာ မြန်မာကိုယ်စားလှယ်ရုံးမှ စီစဉ်သော ဖက်ဒရယ်ဒီမိုကရေစီ ဖွဲ့စည်းပုံအခြေခံဥပဒေ မိတ်ဆက်ဆွေးနွေးပွဲကို ၂၀၂၅ ခုနှစ် ဇူလိုင်လ ရက်နှင့် ရက်နေ့များတွင် အွန်လိုင်းစနစ်ဖြင့် အောင်မြင်စွာ ကျင်းပခဲ့ကြောင်း သတင်းရရှိပါတယ်။


ဆွေးနွေးပွဲကို အမျိုးသားညီညွတ်ရေးအစိုးရ၊ တရားရေးဝန်ကြီးဌာန၊ ပြည်ထောင်စုဝန်ကြီး ဦးသိန်းဦးက ဦးဆောင် ဟောပြောဆွေးနွေးပြီး၊ ကိုရီးယားအခြေစိုက် တော်လှန်ရေးအဖွဲ့အစည်းများမှ ရဲဘော်များနှင့် နိုင်ငံတကာမှ ရဲဘော်များ စိတ်ပါဝင်စားသူများ ၄၀-ခန့် တက်ရောက် ဆွေးနွေးခဲ့ကြတယ်လို့ သိရပါတယ်။


အနာဂတ်နိုင်ငံထူထောင်ရေးတွင် အရေးကြီးကဏ္ဍတစ်ခုဖြစ်သော ဖက်ဒရယ်ဆိုင်ရာ အယူအဆများ၊ မြန်မာပြည်ရှိ အခြေခံဥပဒေများ၊ အကျပ်အတည်း ပြဿနာများ၊ ညှိနှိုင်းဖြေရှင်းရမည့် အကြောင်းခြင်းရာများ စသည်တို့ကို ပြည်ထောင်စုဝန်ကြီး ဦးသိန်းဦးက ရှင်းလင်းဟောပြောပြီး၊ တက်ရောက်လာသူများ၏ မေးခွန်းများကို ပြန်လည် ဖြေကြားခဲ့ပါတယ်။


ထို့ပြင် တက်ရောက်လာသူများကလည်း မိမိတို့၏ အတွေ့အကြုံနှင့် အယူအဆများကို ပွင့်လင်းစွာ ဆွေးနွေးခဲ့ကြပါတယ်။


ကိုရီးယားသမ္မတနိုင်ငံဆိုင်ရာ NUGကိုယ်စားလှယ် ဦးရန်နိုင်ထွန်းက ဆွေးနွေးပွဲ အပိတ်ကျေးဇူးတင်စကား ပြောကြားရာတွင် ကိုရီးယားနိုင်ငံဆိုင်ရာ NUGကိုယ်စားလှယ်ရုံးသည် ယခုကဲ့သို့ နိုင်ငံရေးဆိုင်ရာ ဆွေးနွေးပွဲများကို အွန်လိုင်း မြေပြင် နှစ်ရပ်စလုံး အခါအားလျော်စွာ ပြုလုပ်လျက်ရှိကြောင်း ထည့်သွင်းပြောကြားခဲ့ပါတယ်။


========================


📌📌 ၃။ စစ်မှုထမ်းရန် ခေါ်ဆောင်ခံထားရသည့် စိတ်မမှန်သူ တစ်ဦး တိုက်ပေါ်မှ ခုန်ချ သေဆုံး


ဇူလိုင်လ ၁၀ရက် 

Radio NUG 


ဇူလိုင်လ ရက်နေ့ မွန်းလွဲ နာရီခန့်တွင်  ရန်ကုန်၊ အုတ်ကျင်းစစ်ကြောရေး နှစ်ထပ်အဆောင် တစ်ခုပေါ်မှ စစ်မှုထမ်းရန် ခေါ်ဆောင်ခံထားရသည့် စိတ်ဝေဒနာရှင် တစ်ဦး ခုန်ချခဲ့ပြီး ခုတင်-၁၀၀၀ ဆေးရုံ၌ ညအချိန် သေဆုံးသွားခဲ့ကြောင်း Shwe Pyi Thar Informationမှာ သတင်းဖော်ပြထားပါတယ်။


"ကွန်ကရစ်ပေါ် ကျတာ။ ခုန်ချသွားတဲ့ကောင်လေးက ကြောင်တောင်တောင်လေးပါ၊ ဆေးရုံခဏခဏတက်နေရတဲ့သူ။ အသက်က ၂၀ နဲ့ ၂၅ ကြားလောက်ပဲ၊ အသားဖြူဖြူ ရုပ်ကသန့်သန့် အရပ်ရှည်ရှည်ပါ၊ ရွှေပြည်သာက ခေါ်လာခံရတာလို့ သိရပါတယ်။ သူရောက်တာ ၁၀ ရက်ဝန်းကျင်လောက် ရှိဦးမယ်။ ညက ဆေးရုံမှာ ၁၀ နာရီလောက် ဆုံးသွားတယ်ပြောတယ်။ မသေသင့်တဲ့ အသက်တွေပါ။" လို့ ဖော်ပြထားပါတယ်။


ထို့အပြင် မသန်စွမ်းသူပါ ဖမ်းဆီးခံထားရပြီး လွန်ခဲ့တဲ့ ရက်ခန့်ကလည်း စိတ်မမှန်သူ တစ်ယောက် ခုန်ချခဲ့ကာ ရေထဲကျလို့ မသေဘူးလို့ သိရပါတယ်။


အဆိုပါနေရာတွင် ရန်ကုန် မြို့နယ်အသီးသီးမှ စစ်မှုထမ်းရန် ဖမ်းဆီး ခေါ်ဆောင်ခံထားရသူ ခန့်မှန်း အယောက် ၄၀၀ ခန့်ရှိပြီး ရွှေပြည်သာမြို့နယ်မှ ၄၀ ကျော် ပါဝင်ကြောင်း သိရပါတယ်။


========================


📌📌 ၄။ ယင်းမာပင်ခရိုင် အမှတ် ၁၅ တပ်ရင်းမှူးလက်မှတ်နဲ့  မူးယစ်ဆေးဝါးသယ်ဆောင်မှု CDF-Hakha ဖမ်းဆီး၊ ယင်းမာပင်ခရိုင် တပ်ရင်း ၁၄-၁၅ ငြင်းဆို


ဇူလိုင်လ ၁၀ရက် 

Radio NUG 


၂၀၂၅ ခုနှစ်၊ ဇူလိုင်လ ရက်နေ့တွင် ယင်းမာပင်ခရိုင် အမှတ် (၁၅) တပ်ရင်းမှူး၏ ထောက်ခံစာဖြင့် ဖလမ်းမြို့နယ်၊ ဗားရ်တံတားသို့ သယ်ယူလာသော မူးယစ်ဆေးဝါးများနှင့်အတူ တော်လှန်ရေးရဲဘော်များကို Chinland Defense Force-Hakha (CDF-Hakha) က ဖမ်းဆီးခဲ့ကြောင်း သတင်းထုတ်ပြန်ပါတယ်။


ဖမ်းဆီးခံရသည့်ပစ္စည်းများတွင် စိတ်ကြွဆေးပြား သန်းခန့်၊ ဘိန်းဖြူ (No. 4) ၁၁၀ ကီလိုဂရမ်ခန့်၊ မောင်းပြန်သေနတ် လက်၊ mini starlink ခုတို့ပါဝင်ပြီး၊ တော်လှန်ရေးရဲဘော် ဦး၊ ယာဉ်မောင်း ဦးနှင့် စပယ်ယာ ဦးတို့ကို Hilux (9K-1693) နှင့် Forland (1J-6011) တို့ဖြင့် ဟားခါးမြို့နယ်အတွင်း ဖမ်းမိခဲ့တယ်လို့ ဖော်ပြထားပါတယ်။


ထိုမူးယစ်ဆေးဝါးသယ်ယူမှုတွင် တာဝန်ခံဖြစ်သူ မောင်ဇော်လတ် (အမည်ရင်း ဦးဝင်းမော်) နှင့် ကိုပုတီး (အမည်ရင်း ဦးကျော်မင်းဇော်) တို့မှာ ထွက်ပြေးလွတ်မြောက်သွားခဲ့တယ်လို့ သိရပါတယ်။


ဖမ်းဆီးရမိသော မူးယစ်ဆေးဝါးများကို ဇူလိုင်လ ရက်နေ့တွင် မီးရှို့ဖျက်ဆီးခဲ့ပြီး၊ ဖမ်းဆီးခံရသူများကို တရားဥပဒေအရ အရေးယူဆောင်ရွက်မည်ဟု CDF-Hakha က ဆိုထားပါတယ်။


ယင်းမာပင်ခရိုင် အမှတ် (၁၄) နှင့် (၁၅) တပ်ရင်း Salingyi Special Task Force (SSTF) ကမူ ၎င်းတို့၏ ရဲဘော်များကို ဖမ်းဆီးခံရမှုအတွက် မိခင်အဖွဲ့အစည်းအနေဖြင့် တာဝန်ယူဖြေရှင်းမည်ဟု ထုတ်ပြန်ပါတယ်။


၎င်းတို့က တပ်ရင်းမှူး ကိုဖိုးသောင်း၏ လက်မှတ်ဖြင့် ဖောက်ခွဲရေးယမ်းများ သယ်ယူရန် ထောက်ခံစာထုတ်ပေးခဲ့မှု မှန်ကန်သော်လည်း၊ မူးယစ်ဆေးဝါးသယ်ဆောင်မှုမှာ ရဲဘော်များ၏ ပုဂ္ဂလိကလုပ်ရပ်သာဖြစ်ပြီး အဖွဲ့အစည်းနှင့် မသက်ဆိုင်ကြောင်း ငြင်းဆိုထားပါတယ်။


SSTF က ဖြစ်စဉ်နှင့်ပတ်သက်၍ စုံစမ်းစစ်ဆေးမှုများ စတင်လုပ်ဆောင်နေပြီး၊ ထွက်ပြေးလွတ်မြောက်နေသူ မောင်ဇော်လတ်နှင့် ကိုပုတီးတို့ကို ဖမ်းဆီးကာ ထိရောက်သော ပြစ်ဒဏ်ပေးမယ်လို့ ဆိုထားပါတယ်။


ထို့ပြင် အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာန (MOD) စစ်ဆေးမှုများကို လက်ခံမည်ဖြစ်ပြီး၊ လွတ်မြောက်နေသူ ဦးကို MOD ထံ အပ်နှံမည်ဟု အသိပေးထားပါတယ်။


SSTF က ၎င်းတို့၏ အဖွဲ့အစည်းနာမည်ကို အသုံးချ၍ ကျူးလွန်သော ဒုစရိုက်မှုများကို လက်မခံကြောင်းနှင့် ယခုလို ဖြစ်ရပ်များ ထပ်မဖြစ်စေရန် တင်းကြပ်စွာ ဆောင်ရွက်သွားမယ်လို့ ထုတ်ပြန်ထားပါတယ်။


CDF-Hakha ကလည်း ဟားခါးမြို့နယ်အတွင်း မူးယစ်ဆေးဝါးထုတ်လုပ်ခြင်း၊ ဖြန့်ဖြူးခြင်း၊ ရောင်းချခြင်း၊ သုံးစွဲခြင်းနှင့် သယ်ယူပို့ဆောင်ခြင်းများကို ထပ်မံတွေ့ရှိပါက ထိရောက်စွာ အရေးယူမည်ဟု ထုတ်ပြန်ထားပါတယ်။


========================


📌📌 ၅။ ရွှေညဝါဆရာတော်၏ ရုပ်ကလာပ်ကို တစ်ပတ်ကြာ အပူဇော်ခံပြီးနောက် ဈာပနအခမ်းအနားကို ဇူလိုင် ၁၆ တွင် ကျင်းပမည်


ဇူလိုင်လ ၁၀ရက် 

Radio NUG 


ဘဝနတ်ထံ ပျံလွန်တော်မူသွားသော ရွှေညဝါဆရာတော်၏ ရုပ်ကလာပ်ကို တစ်ပတ်ကြာ အပူဇော်ခံပြီးနောက် ဇူလိုင် ၁၆ ရက်၊ ဗုဒ္ဓဟူးနေ့တွင် မှော်ဘီမြို့မသုဿန်သို့ ပင့်ဆောင်ကာ ဈာပနအခမ်းအနားကျင်းပမည်ဖြစ်ကြောင်း ဈာပနစီစဉ်ရေးအဖွဲ့က ထုတ်ပြန်ကြေညာပါတယ်။


ဆရာတော်၏ ဈာပနအခမ်းအနားတွင် ရွှေဟင်္သာတောရ ဆရာတော်နှင့် တွံတေးဆရာတော်တို့က တရားဟောကြားမည်ဖြစ်ပြီး စနေနေ့ နေ့လယ် နာရီတွင် စံကျောင်းချအခမ်းအနား ကျင်းပမည်ဖြစ်ကာ ဗုဒ္ဓဟူးနေ့ နေ့လယ် နာရီတွင် မှော်ဘီမြို့မသုဿန်သို့ ရုပ်ကလာပ်ကို ပင့်ဆောင်မည်ဖြစ်ကြောင်း သိရပါတယ်။


ရွှေညဝါဆရာတော်သည် ၂၀၂၁ ခုနှစ်၊ ဖေဖော်ဝါရီ ရက်တွင် စစ်တပ်အာဏာသိမ်းမှုနောက်ပိုင်း ဖမ်းဆီးခံခဲ့ရပြီး၊ ၂၀၂၂ ခုနှစ်၊ နိုဝင်ဘာ ၁၇ ရက်တွင် အကျဉ်းထောင်မှ ပြန်လွတ်မြောက်ခဲ့သည်။ ထောင်မှပြန်လွတ်လာပြီးနောက် အသည်းရောဂါဖြင့် အာရှတော်ဝင်ဆေးရုံတွင် ကုသမှုခံယူနေရင်း ဇူလိုင် ၁၀ ရက် နံနက် နာရီ ၄၅ မိနစ်တွင် ပျံလွန်တော်မူသွားခဲ့ပါတယ်။


ဆရာတော်၏ ရုပ်ကလာပ်ကို ရန်ကုန်မြို့၊ မှော်ဘီမြို့နယ်ရှိ ရွှေညဝါတောရကျောင်းတိုက်တွင် ပူဇော်ထားရှိပြီး ဆရာတော်သည် ကွယ်လွန်ချိန်တွင် သက်တော် ၆၁ နှစ်၊ ဝါတော် ၄၀ ရှိပြီဖြစ်ပါတယ်။


ရွှေဝါရောင်ဆရာတော်များက ဆရာတော်ကြီး၏ ကွယ်လွန်မှုသည် စစ်အာဏာရှင်များက ရည်ရွယ်ချက်ရှိရှိ သတ်ဖြတ်ခြင်းဖြစ်သည်ဟု စွပ်စွဲထားပြီး ၎င်းတို့၏အဆိုအရ ဆရာတော်သည် မတရားဖမ်းဆီးခံခဲ့ရပြီး အကျဉ်းထောင်အတွင်း ရရှိခဲ့သော ရောဂါများအတွက် သင့်လျော်သော ဆေးကုသမှုကို စစ်အာဏာရှင်များက ခွင့်မပြုခဲ့ဟု ဆိုထားပါတယ်။


အခုတင်ပြခဲ့တဲ့ သတင်းတွေကို Radio NUG သတင်းထောက် သာကီနဲ့ ခါးရှဲလ်တို့က ပေးပို့ထားတာ ဖြစ်ပါတယ်။


========================


========================




🚩🚩၁။ ရခိုင်ပြည်နယ်တွင် AA ထိန်းချုပ်မှု ၉၃ ရာခိုင်နှုန်းကျော်သို့ ရောက်ရှိ၊ လက်နက်ကိုင်အဖွဲ့အစည်း အနည်းဆုံး ၂၃ ဖွဲ့ကို ‌AA ထောက်ပံ့ပေးထား


ဇူလိုင်လ ၁၀ရက် 

Radio NUG 


အာရက္ခတပ်တော် (AA) သည် ရခိုင်ပြည်နယ်၏ နယ်မြေ ၉၃ ရာခိုင်နှုန်းကျော်ကို ထိန်းချုပ်ထားပြီး ပြည်နယ်တစ်ခုလုံးကို အပြည့်အဝ ထိန်းချုပ်နိုင်ရန် ထိုးစစ်ဆင်လျက်ရှိကာ၂၀၂၅ ခုနှစ် နှစ်ဆန်းပိုင်းမှစ၍ ၎င်း၏ စစ်ဆင်ရေးများကို ရခိုင်ပြည်နယ်အပြင် မကွေး၊ ပဲခူးနှင့် ဧရာဝတီတိုင်းဒေသကြီးများသို့ တိုးချဲ့လှုပ်ရှားလာခဲ့ကြောင်း ISP-Myanmar မှ သတင်းဖော်ပြပါတယ်။


၂၀၂၁ ခုနှစ် စစ်အာဏာသိမ်းမှုအလွန် ပေါ်ပေါက်လာသော လက်နက်ကိုင်အဖွဲ့အစည်းများအနက် အနည်းဆုံး ၂၃ ဖွဲ့သည် AA ထံမှ လက်နက်ရိက္ခာနှင့် စစ်သင်တန်းများအပါအဝင် အရင်းအမြစ်များကို တစ်စိတ်တစ်ပိုင်း သို့မဟုတ် အပြည့်အဝ ထောက်ပံ့မှုရရှိထားတယ်လို့ ဖော်ပြထားပါတယ်။


ထိုတပ်ဖွဲ့များသည် မြန်မာနိုင်ငံတစ်ဝန်းရှိ မြို့နယ် ၆၁ ခန့်တွင် စစ်ရေးလှုပ်ရှားမှုများ ဆောင်ရွက်နေပြီး၊ ၎င်းတို့အနက် ၁၈ ဖွဲ့သည် ရခိုင်ပြည်နယ်နှင့် ထိစပ်နေသော ချင်း၊ မကွေး၊ ပဲခူးနှင့် ဧရာဝတီတို့တွင် AA နှင့် ပူးပေါင်းတိုက်ခိုက်နေသည့်အပြင် တပ်ဖွဲ့ ဖွဲ့သည် AA စစ်ရေးကွပ်ကဲမှုစနစ်အတွင်း ပါဝင်လှုပ်ရှားလျက်ရှိတယ်လို့ သိရပါတယ်။


၂၀၂၄ ခုနှစ် ဒီဇင်ဘာလတွင် AA သည် အနောက်ပိုင်းတိုင်းစစ်ဌာနချုပ်အပါအဝင် ရခိုင်ပြည်နယ်အတွင်းရှိ မြို့နယ် ၁၄ ခုကို သိမ်းပိုက်ခဲ့ပါတယ်။


၂၀၂၅ ခုနှစ် ပထမ ခြောက်လပတ်အတွင်း နိုင်ငံတစ်ဝန်းတွင် တိုက်ပွဲဖြစ်ပွားမှု အကြိမ်ရေ ကျဆင်းခဲ့ပြီး၊ ရခိုင်ပြည်နယ်တွင်လည်း တိုက်ပွဲအကြိမ်ရေ ၈၅ ရာခိုင်နှုန်း လျော့ကျခဲ့ကာ လေကြောင်းတိုက်ခိုက်မှုများလည်း ၈၀ ရာခိုင်နှုန်း လျော့နည်းခဲ့တယ်လို့ ဖော်ပြထားပါတယ်။


သို့သော် လွန်ခဲ့သော နှစ်နှစ်ခွဲအတွင်း ဒေတာများအရ လေကြောင်းတိုက်ခိုက်မှုများ၊ အရပ်သားသေဆုံးမှုနှင့် စစ်ဘေးဒုက္ခသည်ဦးရေ မြင့်တက်လာမှု စတဲ့ ပဋိပက္ခများ၏ ပြင်းထန်သော သက်ရောက်မှုများသည် ရခိုင်ပြည်နယ်နှင့် နိုင်ငံတစ်ဝန်းတွင် ဆက်လက်ရင်ဆိုင်နေရဖွယ်ရှိကြောင်း သိရပါတယ်။


========================


🚩🚩၂။ မြိုင်မြို့ပေါ်က စစ်ကောင်စီ စခန်းတစ်ခုကို တိုက်ခိုက်သိမ်းပိုက်၊ စစ်သုံ့ပန်း ၁၂ ယောက် ဖမ်းမိခဲ့ပြီး တော်လှန်ရေး ရဲဘော် တစ်ဦးကျဆုံး


ဇူလိုင်လ ၁၀ ရက်၊ 

Radio NUG


မကွေးတိုင်း၊ မြိုင်-ပခုက္ကူသွားလမ်း မြိုင်မြို့ အရှေ့ပိုင်းရှိ စီမံကိန်းရုံး စစ်ကောင်စီ အထိုင်စခန်းအား တိုက်ခိုက် သိမ်းပိုက်နိုင်ခဲ့ပြီး စစ်သုံ့ပန်း ၁၂ ယောက် ဖမ်းဆီးရမိခဲ့တယ်လို့ ပခုက္ကူခရိုင် တပ်ရင်း ၁၅ က သတင်းထုတ်ပြန်ထားပါတယ်။


ဇူလိုင်လ ရက်နေ့ မနက် နာရီခွဲခန့်က ဝင်ရောက်စီးနင်း တိုက်ခိုက်ခဲ့တာဖြစ်ပြီး စစ်ကောင်စီက လေကြောင်း ပစ်ကူများဖြင့် ခုခံခဲ့ပေမယ့် စခန်းကို ညနေ နာရီမှာ အပြီးသတ် သိမ်းပိုက်နိုင်ခဲ့တယ်လို့ ဆိုပါတယ်။


တိုက်ပွဲအတွင်း စစ်ကောင်စီဘက်က ထိခိုက်သေဆုံးမှု များစွာရှိခဲ့ပြီး စစ်သုံ့ပန်း ၁၂ ယောက်ကို ဖမ်းဆီးရမိခဲ့ကာ ၎င်းတို့ထဲက တစ်ဦးဟာ ဒဏ်ရာပြင်းထန်တာကြောင့် ဆေးကုသမှု ပေးထားတယ်လို့ သိရပါတယ်။


ထို့အပြင် G3 သေနတ် ၁၀ လက်၊ MA3 တစ်လက်၊ MA4 တစ်လက်နဲ့ 79 အမျိုးအစား သေနတ် လက်၊ စုစုပေါင်း ၁၃ လက်၊ G3 ကျည်ဘောက် ၁၅ ခု၊ MA ကျည်ဘောက် ခု၊ ကျည် ၁၇၃ တောင့်၊ လက်ပစ်‌ဗုံး လုံး၊ 79 အဖူး ဖူး၊ ဦးထုပ် လုံး၊ ဖုန်း လုံး၊ အီကွက်မန့် စုံနဲ့ ငွေသား ၂၂ သိန်းတို့ကို သိမ်းဆည်းရရှိခဲ့တယ်လို့ ဆိုပါတယ်။


တိုက်ပွဲအတွင်း တော်လှန်ရေး ပူးပေါင်းတပ်ဘက်မှ ရဲဘော် တစ်ဦး ကျဆုံးခဲ့ရပြီး ဦး ထိခိုက်ဒဏ်ရာ ရရှိခဲ့ကာ ဇူလိုင်လ ၁၀ ရက် နယ်မြေရှင်းလင်း ဆောင်ရွက်ရာမှာလည်း ထိတွေ့တိုက်ပွဲ ဖြစ်ပွားခဲ့ပြီး ရဲဘော် တစ်ဦး ထပ်မံဒဏ်ရာရ ခဲ့တယ်လို့ သိရပါတယ်။


စခန်းသိမ်း တိုက်ပွဲကို မြိုင်ညီညွတ်ရေးတပ်ပေါင်းစု (9+) မြိုင်မြို့နယ် ပကဖ၊ ဇာမဏီ ပြောက်ကြားတပ်ဖွဲ့၊ ညီနောင်သုံးဖော် (YSO) တပ်ပေါင်းစု (Good Brother) အညာဟီးရိုးလက်နက်ကြီးအဖွဲ့၊ ဂျော်ကာပြောက်ကြား တပ်ဖွဲ့ (ဒရုန်း) ကင်ဒို (ဒရုန်း) ပေါက်၊ အညာမြေပြောက်ကြားတပ်ဖွဲ့ (ဒရုန်း) Burma Revolution Ranger (BRR) NFTA နဲ့ Scorpion People's Defence Force တို့က ပူးပေါင်းတိုက်ခိုက်ခဲ့တာ ဖြစ်ပါတယ်။


ထို့အပြင် စခန်းသိမ်း တိုက်ပွဲအတွင်း စစ်ကူပေးဖို့ မြိုင်မြို့မ ရဲစခန်းကနေ ထွက်လာတဲ့ စစ်ကြောင်းကို မနက် နာရီခွဲ၊ နေ့လယ် ၁၂ နာရီနဲ့ ညနေ နာရီ ၁၅ မိနစ်တို့မှာ ကြိမ်တိုင် ဖြတ်တောက်တိုက်ခိုက်နိုင်ခဲ့သေးတယ်လို့ ဆိုပါတယ်။


ဇူလိုင် ရက် နာရီ ၁၀ မိနစ်မှာ မြိုင်မြို့နယ်၊ သနပ်ရင်း ကျေးရွာကို စစ်ကောင်စီက လေကြောင်း တိုက်ခိုက်မှု ပြုလုပ်ခဲ့ရာ လသားအရွယ် ကလေးငယ် ဦး သေဆုံးခဲ့ရပြီး ပြည်သူ ဦး ထိခိုက်ဒဏ်ရာ ရခဲ့တယ်လို့ သိရပါတယ်။


========================


🚩🚩၃။ ၄ရက်အတွင်း ပျူရွာ ()ရွာနှင့် ဗျူဟာစခန်းကုန်း () ခု တိုက်ခိုက်သိမ်းပိုက်နိုင်ခဲ့ပြီး စစ်ကောင်စီ ဒုတပ်ရင်းမှူး ဗိုလ်မှူးချမ်းလွင်မောင်အား အရှင်ဖမ်းဆီးနိုင်ခဲ့


ဇူလိုင်လ ၁၀ရက် 

Radio NUG 


၂၀၂၅ ခုနှစ် ဇူလိုင်လ () ရက်နေ့  မနက်တွင် မဟာမိတ်တပ်ရင်းများ စုပေါင်း၍ ရွှေဘိုမြို့နယ် ကျောက်မြောင်းမြို့ ဟင်္သာကြီးပျူရွာစခန်းကုန်းနှင့် ဘိုးနတ်တောင် ဗျူဟာစခန်းကုန်းတို့ကို တပြိုင်နက် ထိုးစစ်ဆင်တိုက်ခိုက်ခဲ့ကြောင်း ရွှေဘိုခရိုင် အမှတ် ၁၅ တပ်ရင်းမှ သတင်းထုတ်ပြန်ပါတယ်။


စစ်ကောင်စီဘက်မှ Jet Fighter နှင့် ဗုံးလာကြဲ ခုခံနေသည့်ကြားက နေ့လယ် နာရီခွဲခန့်တွင် စစ်ကောင်စီ ဒုတပ်ရင်းမှူး ဦးဆောင်သော ဟင်္သာကြီးပျူရွာစခန်းကုန်းနှင့် တစ်ရွာလုံးကို အပြီးသတ် တိုက်ခိုက်သိမ်းပိုက်နိုင်ခဲ့ကာ တပ်ရင်းမှူး ဗိုလ်မှူးအား အရှင်ဖမ်းဆီးနိုင်ခဲ့ပြီး ၎င်းရဲ့အဖွဲ့မှာ မခေါက်ရွာသို့ ထွက်ပြေးသွားခဲ့တယ်လို့ ဖော်ပြထားပါတယ်။


ထို့နောက် စစ်ကောင်စီ G1 ဦးဆောင်သော ဘိုးနတ်တောင်ဗျူဟာကုန်းကိုလည်း ညနေ နာရီခန့်တွင် ထပ်မံအပြီးသတ် တိုက်ခိုက်သိမ်းပိုက်နိုင်ခဲ့ပြီး G1 နှင့်အဖွဲ့မှာ တောင်လှဗျူဟာကုန်းကို ဆုတ်ခွာထွက်ပြေးသွားခဲ့တယ်လို့ သိရပါတယ်။


ထို့ကြောင့် မဟာမိတ်တပ်ရင်းများက အလွတ်မပေးဘဲ တောင်လှဗျူဟာစခန်းကုန်းကို ဆက်လက်ထိုးစစ်ဆင် တိုက်ခိုက်ခဲ့ရာ ဇူလိုင်လ () ရက်နေ့ တစ်နေ့လုံးနှင့် တစ်ညလုံး တိုက်ပွဲဖြစ်ပွားခဲ့ပြီး ဇူလိုင်လ ()ရက်နေ့ မနက်အစောပိုင်းတွင် တတိယမြောက် တောင်လှဗျူဟာ စခန်းကုန်းအား အပြီးသတ် တိုက်ခိုက် သိမ်းပိုက်နိုင်ခဲ့ကာ ဇူလိုင်လ () ရက်နေ့ ညနေ ၅နာရီ ခန့်တွင် ဘိုးထွန်းကျော်ဗျူဟာစခန်းကုန်းကိုပါ ထပ်မံ၍ အပြီးသတ် တိုက်ခိုက် သိမ်းပိုက်နိုင်ခဲ့တယ်လို့ အသိပေးထားပါတယ်။


မဟာမိတ်တပ်ရင်းများအနေဖြင့် ဇူလိုင်လ () ရက်နေ့မှ () ရက်နေ့အထိ စစ်ဆင်ရေးကာလ ရက်အတွင်း ပျူရွာ()ရွာနှင့် ဗျူဟာစခန်းကုန်း () ခုနှင့် ဇူလိုင်လ () ရက်နေ့ ညနေတွင် ဗျူဟာစခန်းကုန်း ()ခု စုစုပေါင်း ပျူရွာ ()ရွာနှင့် ဗျူဟာစခန်းကုန်း () ခု တိုက်ခိုက်သိမ်းပိုက်နိုင်ခဲ့ပြီး စစ်ကောင်စီ ဒုတပ်ရင်းမှူး ဗိုလ်မှူးချမ်းလွင်မောင်အား အရှင်ဖမ်းဆီးနိုင်ခဲ့ကာ လက်နက်ခဲယမ်းများလည်း သိမ်းဆည်း ရမိခဲ့တယ်လို့ ဖော်ပြထားပါတယ်။


အဆိုပါ စခန်းသိမ်းတိုက်ပွဲများကို ရွှေဘိုခရိုင်တပ်ရင်း ၁၅၊ ၁၈၊ ၂၃၊ ၂၆၊ ၁၇၀၁၊ ၉၇၀၆ (DOUNG Ni PDF ) တပ်ရင်းများနှင့် Brave Brothers (Local PDF) တိုက်နယ်() ရွှေဘိုကျားကြီး (ပကဖ)တို့ ပူးပေါင်း တိုက်ခိုက်ခဲ့တယ်လို့ သိရပါတယ်။


========================


🚩🚩၄။ ဝါဆိုလပြည့်ညမှာ စစ်ကောင်စီရဲ့ ဗုံးကြဲတိုက်ခိုက်မှုကြောင့် မောချီးဒေသက မိသားစုဝင် ဦးသေဆုံး


ဇူလိုင်လ ၁၀ ရက်၊ 

Radio NUG


ကရင်နီပြည်၊ ဖာဆောင်းမြို့နယ်၊ မော်ချီးဒေသကို စစ်ကောင်စီက ဗုံးကြဲတိုက်ခိုက်ခဲ့တာကြောင့် မိသားစုဝင် ဦး သေဆုံးခဲ့ပြီး ကလေးငယ်များ အပါအဝင် ဦး ဒဏ်ရာရခဲ့တယ်လို့ သိရပါတယ်။


ဇူလိုင် ရက် နာရီ ၃၅ မိနစ်မှာ မော်ချီးဒေသ၊ လိုလောထီးရွာကို စစ်ကောင်စီက ပေါင် ၂၀၀ ဗုံး လုံး ကြဲချ တိုက်ခိုက်ခဲ့တာလို့ ဆိုပါတယ်။


ဗုံးကြဲ တိုက်ခိုက်မှုအတွင်း မိသားစု တစ်စုမှ အသက် နှစ်နဲ့ နှစ်အရွယ် ကလေး ဦး၊ အသက် ၂၈ နှစ် အရွယ်ရှိ အမျိုးသား တစ်ဦး၊ အမျိုးသမီး တစ်ဦး၊ အသက် ၅၀ အရွယ် အမျိုးသမီး တစ်ဦးတို့ သေဆုံးခဲ့ရတယ်လို့ သိရပါတယ်။


ထို့အပြင် ကလေးငယ် ဦး အပါအဝင် ဒဏ်ရာရသူ ဦးခန့် ရှိခဲ့ပြီး ခရစ်ယာန် ဘုရားကျောင်း၊ ဓမ္မဆရာ နေအိမ်နဲ့ အရပ်သား နေအိမ် လုံးကျော် ထိခိုက်ပျက်စီးခဲ့တယ်လို့ ဆိုပါတယ်။


ပြီးခဲ့တဲ့ ဇွန်လ ၂၅ ရက်ကလည်း မော်ချီးဒေသကို စစ်ကောင်စီက လေကြောင်းတိုက်ခိုက်မှု ပြုလုပ်ခဲ့ရာ ပြည်သူ ဦး သေဆုံးခဲ့ပြီး ဦး ဒဏ်ရာရရှိခဲ့ပါတယ်။


========================


🚩🚩၅။ သပိတ်ကျင်း မြို့နယ်က ကျေးရွာ ခုကို စစ်ကောင်စီ လေကြောင်းတိုက်ခိုက်


ဇူလိုင်လ ၁၀ ရက်၊ 

Radio NUG


မန္တလေးတိုင်း၊ သပိတ်ကျင်းမြို့နယ်၊ ဖိုကုန်းရွာနဲ့ ချောင်းကြီးရွာတို့ကို စစ်ကောင်စီက လေကြောင်းကနေ ဗုံးကြဲ တိုက်ခိုက်ခဲ့တယ်လို့ ပြင်ဦးလွင်ခရိုင် ပြည်သူ့ကာကွယ်ရေး အဖွဲ့က ထုတ်ပြန်ထားပါတယ်။


ဇူလိုင်လ ၁၀ ရက်နေ့ နေ့လယ် နာရီ မိနစ်ခန့်မှာ တံတားဦး လေတပ်က ဂျက်ဖိုက်တာ စီးဖြင့်  ဖိုကုန်းရွာ အနီးကို ဗုံး လုံး ကြဲချတိုက်ခိုက်ခဲ့တာလို့ ဆိုပါတယ်။


အလားတူ နေ့လယ် နာရီ မိနစ် ၅၀ ခန့်မှာလည်း ချောင်းကြီးရွာ သရက်ခြံအနီးကို ဂျက်ဖိုက်တာနဲ့ ပေါင် ၅၀၀ ဟု ယူဆရတဲ့ ဗုံးသီး လုံး ကြဲချခဲ့တယ်လို့ သိရပါတယ်။


အဆိုပါ လေကြောင်းတိုက်ခိုက်မှုများအတွင်း ပြည်သူ ထိခိုက်မှု မရှိခဲ့ဘူးလို့ သိရပြီး ပြည်သူပိုင် နေအိမ် လုံး ပျက်စီးသွားခဲ့တယ်လို့ ဖော်ပြထားပါတယ်။


========================


🚩🚩၆။ မင်းစောကျေးရွာ စာသင်ကျောင်းကို စစ်ကောင်စီက ပေါင် ၅၀၀ ဗုံး လုံး ကြဲချတိုက်ခိုက်


ဇူလိုင်လ ၁၀ ရက်၊ 

Radio NUG


ကရင့်အမျိုးသား အစည်းအရုံး၊ ဒူးသထူ(သထုံ) ခရိုင်၊ ဘီးလင်းမြို့နယ်၊ မင်းစော (ဃောဖိုးပလယ်) ကျေးရွာရှိ စာသင်ကျောင်းကို စစ်ကောင်စီက ပေါင် ၅၀၀ ဗုံး လုံး ကြဲချတိုက်ခိုက်ခဲ့တယ်လို့ KNU က ထုတ်ပြန်ထားပါတယ်။


ဇူလိုင်လ ၁၀ ရက် နေ့လယ် ၁၁ နာရီ မိနစ် နဲ့ ၁၁ နာရီ ၁၇ မိနစ်တို့မှာ ဂျက်ဖိုက်တာဖြင့် ပေါင် ၅၀၀ ဗုံး လုံး ကြဲချခဲ့ရာ စာသင်ကျောင်း ဝင်းအတွင်း ကျရောက်ပေါက်ကွဲခဲ့တယ်လို့ ဆိုပါတယ်။


ဗုံးသီးကျရောက်ပေါက်ကွဲမှုကြောင့် အသစ်ပြန်ဆောက်ထားတဲ့ ကျောင်းအဆောက်အဦး လုံးနဲ့ ပြည်သူ့ နေအိမ် လုံး ထိခိုက်ပျက်စီးခဲ့ကာ ကြက် ကောင် ဗုံးစထိမှန် သေဆုံးခဲ့တယ်လို့ သိရပါတယ်။


မင်းစောကျေးရွာ စာသင်ကျောင်းကို ပြီးခဲ့တဲ့ ၂၀၂၄ မတ်လ ၂၃ ရက်နေ့ကလည်း စစ်ကောင်စီက ပေါင် ၅၀၀ ဗုံး ကျဲချတိုက်ခိုက်ခဲ့ရာ စာသင်ကျောင်းဆောင်များ ပျက်စီးခဲ့ရပါတယ်။


အလားတူ ၂၀၂၅ ဧပြီလ ၁၉ ရက်နေ့ကလည်း မင်းစောကျေးရွာ ဘုန်းကြီးကျောင်းကို ပေါင် ၅၀၀ ဗုံး ကြဲချခဲ့ရာ သံဃာတော်များ အပါအဝင် ဦးထက်မနည်း ထိခိုက်သေဆုံးခဲ့ရပါသေးတယ်။


အခုတင်ပြခဲ့တဲ့ စစ်ရေးသတင်းကောက်နုတ်ချက်တွေကိုတော့ Radio NUG သတင်းထောက် မင်းစစ်သွေးနဲ့ ခါးရှဲလ်တို့က ပေးပို့ထားတာဖြစ်ပါတယ်။







#RadioNUGLocalNews

#SpringRevolution


Share:

No comments:

Post a Comment