20 Oct 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ အောက်တိုဘာလ ( ၂၀ ) ရက်နေ့ ရပြည်တွင်းသတင်းများ

📌📌 1/ CNDF ၏ အမှတ် (၁) ‌ခြေလျင်တပ်ရင်း အကြပ်လောင်းသင်တန်း အမှတ်စဉ်(၁) သင်တန်းဆင်းပွဲကျင်းပ

 

The Matupi Times ၊ အောက်တိုဘာလ ၁၃ ၊၂၀၂၅ 

ချင်းအမျိုးသားအဖွဲချုပ်၊ ချင်းအမျိုးသားကာကွယ်ရေးတပ်ဖွဲ(CNO/CNDF) ၏ အမှတ်(၁) ခြေလျင်တပ်ရင်း အကြပ်လောင်းသင်တန်း အမှတ်စဉ်(၁/၂၀၂၅) သင်တန်းဆင်းပွဲ အခမ်းအနားကို ၂၀၂၅ ခုနှစ် စက်တင်ဘာနောက်ဆုံးပတ်တွင် အောင်မြင်စွာကျင်းပခဲ့ကြောင်းသိရသည်။

 

သင်တန်းဆင်းပွဲအခမ်းအနားမှာ "ပြည်သူတွေရဲ့လိုအင်ဆန္ဒကို ဖြည့်ဆည်းပေးဖိုအမြဲကြိုးစားဖို CNDF တပ်ဖွဲဟာ ၄ နှစ်တာကာလမှာ တိုက်ပွဲပေါင်းများစွာကို ဆင်နွဲခဲ့ပြီ ရဲဘော်တွေရဲ့အသက်ပေါင်းများစွာနဲ့ သွေးချွေးတွေ မြေကျခဲ့ပြီ ပေးဆပ်ခဲ့ပြီ ချင်းအမျိုးသားအဖွဲချုပ်၏ နိုင်ငံရေးရည်မှန်းချက်ဖြစ်တဲ့ ဖက်ဒရယ်ပြည်ထောင်စုတည်ထောင်ရေး၊ တန်းတူအခွင့်ရေး ကိုယ်ပိုင်ပြဌာန်းခွင့်များရရှိသည်အထိ အသက်ကိုပဓာနမထားဘဲ ရဲရဲဝံ့ဝံ့တိုက်ပွဲဝင်ကြဖို့" စစ်ဦးစီးချုပ်မှ တိုက်တွန်းထားပါသည်။  

 

အမှတ်(၁) ခြေလျင်တပ်ရင်း အကြပ်လောင်းသင်တန်းတွင် ထူးချွန်ဆုရရှိသူများကို တာဝန်ရှိသူများက ဆုအသီးသီးချီးမြှင့်ခဲ့ကြောင်းသိရသည်။

 

========================

 

📌📌 2/ ဟားခါးမြို့နယ် Vanha ရွာစာသင်ကျောင်း ဗုံးကြဲခံရ ၊ ကလေးငယ် ၂ ဦးသေဆုံး၊ ၁၀ ဦးကျော်ဒဏ်ရာရ

 

The Matupi Times ၊အောက်တိုဘာလ ၁၃ ၊ ၂၀၂၅

ချင်းပြည်နယ်၊ ဟားခါးမြို့နယ် Vanha ရွာရှိ စာသင်ကျောင်းကို အကြမ်းဖက်စစ်တပ်က ဗုံးကြဲတိုက်ခိုက်ခဲ့တာကြောင့် ကျောင်းသား ၂ ဦး သေဆုံးပြီး ဆရာ(၅)ဦး အပါအဝင် အရပ်သား ၂၀ ကျော် ဒဏ်ရာရရှိခဲ့တယ်လို့ ရရှိကြောင်း ဒေသခံသတင်းတွေထံက သိရပါတယ္။ 

 

အကြမ်းဖက်စစ်တပ်က ဒီကနေ့ အောက်တိုဘာလ ၁၃ ရက် နံနက် ၁၀း၃၀ အချိန်ခန့်တွင် ဗုံးကြဲတိုက်ခိုက်ခဲ့တာဖြစ်ပြီး ဗုံးကြဲတိုက်ခိုက်ခံရချိန်ဟာ ကလေးငယ်များကျောင်းသန့်ရှင်းရေး လုပ်နေတဲ့အချိန်ဖြစ်တယ်လို့သိရပါတယ္။

 

Vanha ကျေးရွာဟာ ဟားခါးမြို့မှ မိုင် ၃၀ ခန့်ကွာတွင်ရှိပြီး အကြမ်းဖက်စစ်တပ်က တိုက်ပွဲဖြစ်ပွားခြင်းမရှိဘဲ (၂) ကြိမ်ဗုံးကြဲတိုက်ခိုက်ခဲ့တာဖြစ်ပါတယ္။ ဗူံးကြဲတိုက်ခိုက်ခံရပြီးနောက် Hakha Central Council ထိန်းချုပ်မှုအတွင်းရှိစာသင်ကျောင်းများအားလုံးကို နောက်ထပ်သတင်းထုတ်ပြန်ခြင်းမရှိသ၍ ခေတ္တပိတ်ထားကြဖို့ ယမန်နေ့ညပိုင်းမှာ Central Education Department က သတင်းထုတ်ပြန်ပါတယ္။

 

========================

 

📌📌 ၃/ မတူပီမြို့ပေါ်ကို အပတ်အတွင်း အကြမ်းဖက်စစ်တပ်က (၂) ကြိမ်ဗုံးကြဲ 

 

The Matupi Times ၊ အောက်တိုဘာလ ၁၄ ၊ ၂၀၂၅ 

ချင်းပြည်နယ် ၊ မတူပီမြို့ပေါ် ကို တိုက်ပွဲဖြစ်ပွားခြင်းမရှိဘဲအကြမ်းဖက်စစ်တပ်က ယခုတပတ်အတွင်း(၂)ကြိမ် ဗုံးကြဲတိုက်ခိုက်ခဲ့ပြီး အောက်တိုဘာလအတွင်း တတိယအကြိမ်မြောက် ဗုံးကြဲတိုက်ခိုက်ခြင်းဖြစ်သည်။ 

 

အကြမ်းဖက်စစ်တပ်ကအောက်တိုဘာလ ၁၄ ၊ ၂၀၂၅ ရက်နေ့ မနက်(၇)နာရီအချိန့်ခန့်တွင် (၂)လုံးတွဲဗုံးတစ်ကြိမ် ဗုံးကြဲတိုက်ခိုက်ခဲ့သလို အောက်တိုဘာလ ၁၆ ၊ ၂၀၂၅ ရက်နေ့ ညနေ ၃ နာရီအချိန်ခန့်တွင်လည်း မြို့ပေါ်တနေရာကို ထပ်မံဗုံးကြဲတိုက်ခိုက်ခဲ့တယ်လို့သိရပါတယ်။ ဗုံးကြဲတိုက်ခိုက်မှုအတွင်း ထိခိုက်ဒဏ်ရာရရှိသူတွေတော့မရှိဘူးလို့ ဒေသခံတွေထံကသိရပါတယ်။

 

ပြီးခဲ့တဲ့ အောက်တိုဘာလ ၁၀ ရက်နေ့ညက လည်းမြို့ပေါ်တနေရာကို အကြမ်းဖက်စစ်တပ်က ဗုံးကြဲတိုက်ခိုက်ခဲ့ပြီး နေအိမ်များပျက်စီးကာ ထိခိုက်ဒဏ်ရာရရှိသူများလည်းရှိကြောင်း ကြားသိရပေမယ့် CDF-Matupi နှင့် မတူပီမြို့နယ် အုပ်ချုပ်ရေးအဖွဲ့အနေဖြင့် သတင်းတစုံတရာထုတ်ပြန်ထားခြင်းမရှိပါဘူး။

 

========================

 

📌📌 ၄/ CNDF ဌာနချုပ်တိုက်ခိုက်ခံရစဉ် အိန္ဒိယဘက်ထွက်ပြေးသည့် စစ်သုံ့ပန်း (၂၀) ကျော်ကို အိန္ဒိယစစ်တပ်က စစ်ကော်မရှင်ထံ ပြန်လည်လွှဲပြောင်း

 

The Matupi Times ၊ အောက်တိုဘာ ၁၅ ၊ ၂၀၂၅ 

ချင်းပြည်၊ ဖလမ်းမြို့နယ်တိုက်ပွဲများတွင် CNO/CNDF တပ်ဖွဲ့က ဖမ်းဆီးထိန်းသိမ်းထားသည့် စစ်သုံ့ပန်းများထဲမှ အိန္ဒိယဘက်ထွက်ပြေးသွားသည့် စစ်သုံ့ပန်း (၂၀)ကျော်ကို အိန္ဒိယ၊အာသံရိုင်ဖယ်တပ်ဖွဲ့ မှ စစ်ကော်မရှင်ထံ ပြန်လည်လွှဲပြောင်းပေးခဲ့ကြောင်း သိရသည်။

စစ်ကော်မရှင်တပ်ဖွဲ့ထံလွှဲပြောင်းပေးလိုက်သည့် စစ်သုံ့ပန်းများသည် CNDF ဌာနချုပ်တွင် ထိန်းသိမ်း ခံထားရသူများဖြစ်ပြီး၊ ပြီးခဲ့သည့် ဇူလိုင်လ ၆ ရက်နေ့တွင် (CNDF) ဌာနချုပ် ကို ချင်းကာကွယ်ရေးတပ် (CDF-Hualngoram) နှင့် ပူးပေါင်းတပ်ဖွဲ့များမှ ဝင်ရောက်တိုက်ခိုက်စဉ် ထွက်ပြေးလွတ်မြောက်သွားခြင်း ဖြစ်ကြောင်းသိရသည်။

အဆိုပါ စစ်သုံ့ပန်းများကို ယနေ့ အောက်တိုဘာလ ၁၅ ရက်နေ့ နံနက်ပိုင်းတွင် မီဇိုရမ်ပြည်နယ်၊ကျန်ဖိုင်းခရိုင် Saikhumphai ကျေးရွာမှ ရဟတ်ယာဉ်ဖြင့်၊မိုးရေမြို့သို့ ပို့ဆောင်ပြီးနောက် မိုးရေမြို့မှတစ်ဆင့် တမူးမြို့နယ် နယ်စပ်ဂိတ်မှ စစ်ကော်မရှင်ထံ ပြန်လည်လွှဲပြောင်းပေးခဲ့ခြင်း ဖြစ်တယ်လို့သိရပါတယ္။

 

========================

 

📌📌 ၅/ ဟားခါးမြို့မရဲစခန်းကို CNA နှင့် CDF-Hakha ပူးပေါင်းတိုက်ခိုက် ၊ အကျဉ်းသား ၁၅ ဦးကို ကယ်ထုတ်နိုင်ခဲ့

 

The Matupi Times ၊ အောက်တိုဘာလ ၁၆ ၊ ၂၀၂၅ 

 

ချင်းပြည်နယ် ၊ ဟားခါးမြို့၊မြို့မ ရဲစခန်းကို ချင်းတော်လှန်ရေးအဖွဲ့တွေကဝင်ရောက်စီးနင်းတိုက်ခိုက်ခဲ့တယ်လို့သိရပါတယ်။

ဟားခါးရဲစခန်းတွင် အကျဉ်းကျနေသည့် CDF-Hakha ရဲဘော်နှင့် CNA ရဲဘော် တို့အား ကယ်ထုတ်နိုင်ရန် CDF-Hakha စစ်ဦးစီးချုပ်နှင့်တပ်မဟာ (၄) တပ်မဟာမှူးတို့ကိုယ်တိုင်ကြီးကြပ်ကွက်ကဲမှုဖြင့် CDF-Hakha ရဲဘော်များက ၂၀၂၅ ခုနှစ်၊ အောက်တိုဘာလ ၁၆ ရက်မနက် ၂:၃၀ နာရီမှစ၍ အထူးမစ်ရှင်တစ်ခုစတင်ဖော်ဆောင်ခဲ့တယ်လို့ CDF-hakha ကထုတ်ပြန်ပါတယ်။

 

စစ်ဆင်ရေးအတွင်း CDF-Hakha ရဲဘော် (၃) ဦးနှင့် CNA ရဲဘော် (၂) အပြင် အခြားအကျဉ်းသား (၁၀) ဦးကို ကယ်ထုတ်နိုင်ခဲ့ပြီး တယ်လို့သိရပါတယ်။

 

ဟားခါးရဲစခန်းဝင်ရောက်စီးနင်းရာမှာ အပြန်အလှန်ပစ်ခတ်မှုဖြစ်ပွားခဲ့ပြီး စစ်ကောင်စီ ဘက်က ၆ ဦးသေဆုံးကာ ချင်းတော်လှန်ရေးပူးပေါင်းတပ်ဘက်မှ(၁)ဦးကျဆုံးကြောင်း သိရပါတယ္။ 

 

========================

 

📌📌 ၆/ ဂျပန်ဖိုက်တာကို ချင်းလူငယ်ဖိုက်တာ Har Ling Om (အောက်ချင်းလေး) အနိုင်ရ

 

TheMatupi Times ၊ အောက်တိုဘာ ၁၇၊ ၂၀၂၅ 

ဒီကနေ့ညယှဉ်ပြိုင်ထိုးသတ်ခဲ့တဲ့ ONE Friday Fight – 129 ပွဲမှာ ချင်းဖိုက်တာ Salai Har Ling Om (အောက်ချင်းလေး) က ဂျပန်ဖိုက်တာ Haruyuki Yatsu ကိုအနိုင်ရရှိခဲ့ပါတယ္။ ပြိုင်ပွဲ တတိယအချီထိ အကောင်ဆုံးယှဉ်ပြိုင်ထိုးသတ်ပြီး ဒိုင်အဆုံးအဖြတ်နဲ့ အနိုင်ရရှိခဲ့တာဖြစ်ပါတယ္။

ချင်းလူငယ်ဖိုက်တာ ဟာလိန်းအွမ် (ခ) အောက်ချင်းလေး ဟာ ပြီးခဲ့တဲ့ သြဂုတ်လ ၁၅ ရက်နေ့ကထိုးသတ်ခဲ့ One Championship ပထမဆုံးပွဲဦးထွက်ပြိုင်ပွဲမှာ ရှုံးနိမ့်ပေမယ့် ဒီကနေ့ သူ့ရဲ့ ONE ဒုတိယမြောက်ထိုးပွဲမှာတော့အနိုင်ရရှိအောင် စွမ်းဆောင်နိုင်ခဲ့တာဖြစ်ပါတယ္။ 

#RadioNUGLocalNews

#SpringRevolution