22nd JAN 2022 - (Ethnic language program-CHO_DAAI) by Radio NUG

📌(ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ ဇန်နဝါရီလ ၂၂ ရက်နေ့ ရပြည်တွင်းသတင်းများ

📌📌၁။ မင်းတပ်မြို့နယ် တိုက်နယ်အမှတ်(၁) ကျေးရွာနေပြည်သူများကို SAVE Team ဆေးအဖွဲ့မှ ကျန်းမာရေးစောင့်ရှောက်မှုများပေးလျက်ရှိ

မင်းတပ်မြို့နယ် တိုက်နယ်အမှတ်(၁) ကျေးရွာနေပြည်သူများကို SAVE Team ဆေးအဖွဲ့မှ ကျန်းမာရေး စောင့်ရှောက်မှုများပေးလျက်ရှိပါတယ်။

အဆိုပါဆေးအဖွဲ့သည် CDM ပြည်သူ့ကျန်းမာရေးဌာန ကြီးကြပ် (၁) ဆရာတစ်ဦး၏ ဦးဆောင်မှုနှင့်အတူ မင်းတပ် လူငယ်တွေဖြင့် ဖွဲ့စည်းထားတဲ့ ဆေးအဖွဲ့ဖြစ်တယ်လို့ ဆိုပါတယ်။ အဆိုပါ ဆေးအဖွဲ့အနေနဲ့ "အခုလို စစ်ဘေးရှောင်ကာလမှာ လူနာတွေသာမက ကျေးရွာအတွင်းက ကလေးသူငယ်တွေ ကျန်းမာရေး အသိပညာဟောပြောပွဲတွေ၊ ကျေးရွာအတွင်း သန့်ရှင်းရေးပြု လုပ်ရန်ဟောပြောပွဲတွေ လုပ်ဆောင်နေသလို ကျေးရွာအတွင်း လိုအပ်တဲ့ဆေးဝါး ထောက်ပံ့ပေးတာမျိုးကို ကျွန်တော်တို့အဖွဲ့ကနေ ကြိုဆိုပါတယ်။ ကျွန်တော်တို့ဘဲရှိပြီး ဆေးမရှိလည်း မထူးဘူးလေ။ ဒါကြောင့် ပြည်တွင်း ပြည်ပက အခုထိလှူပေးတဲ့သူတွေကို ကျေးဇူးတင်သလို နောက်နောင်လည်း အားလုံးတွက် လှူပေးကြပါလို့ တောင်းဆိုချင်ပါတယ်လို့ " ဆိုပါတယ်။

📌📌၂ ။ မင်းတပ်မြို့နယ်ပြည်သူ့အုပ်ချုပ်ရေးအဖွဲ့ - ပညာရေးကဏ္ဍမှ ကျောင်းသားဦးရေ (၆၂၈၂) ယောက် အား ပညာသင်ကြားပေးလျက်ရှိ

မင်းတပ်မြို့နယ်ပြည်သူ့အုပ်ချုပ်ရေးအဖွဲ့ - ပညာရေးကဏ္ဍမှ ဦးဆောင်၍ ကျေးရွာပေါင်း ၁၃၆ ရွာတွင် ကျောင်းသားဦးရေ (၆၂၈၂) ယောက် အား စနစ်သစ်သင်ရိုးဖြင့် ပညာသင်ကြားပေးလျက်ရှိ​ကြောင်း သိရသည်။ သင်ကြားရေးစတင်လည်ပတ်နိုင်ရန်အတွက် ပညာရေးဘုတ်အဖွဲ့၏ volunteer ဆရာအတတ်သင် သင်တန်းမှ ဆရာ/ဆရာမပေါင်း (၈၅၈) ဦးကို မွေးထုတ်၍ သင်တန်းပေးနိုင်ခဲ့​ကြောင်း သိရသည်။ စစ်​ကောင်စီ သည် သင်ကြားရေးဆရာ/ဆရာမ အချို့ကို မင်းတပ်မြို့ပေါ်တွင် ဖမ်းဆီး ချုပ်​နှောင် စစ်ဆေး၍ ညှင်းပန်း နှိပ်စက်မှုများ ပြုလုပ်လေ့ရှိ​ကြောင်းသိရသည်။ထို့အပြင် စာအုပ်၊ ဘောပင်၊ ခဲတံ နှင့် ရောင်စုံစက္ကူ စသည့် ကျောင်းသုံးပစ္စည်းများကိုလည်း ဆေးဝါး၊ ဆန်၊ တာလပတ်၊ စောင်၊ sleeping bag များနည်းတူ ကုန်စည် စီးဆင်းရာတွင် ခွင့်ပြုခြင်းမရှိဘဲ စစ်ဆေးရေးဂိတ်များတွင် ပိတ်ပင်၍ ဖျက်ဆီးလျက်ရှိ​ကြောင်း မင်းတပ်မြို့နယ် ပြည်သူ့အုပ်ချုပ်​ရေး အဖွဲ့က ဇန်နဝါရှဘလ ၁၅ ရက် ည​နေပိုင်းတွင် သတင်းထုတ်ပြန်ခဲ့သည်။

📌📌၃ ။ “ Vaurawng Zuunthil ” မှတဆင့် CDF-Mindat အတွက် America ရောက် သွေးချင်းညီနောင်များ ၏ အလှူ​ငွေ အ​မေရိကန် ​ဒေါ်လာ ၆၁၄၀၀/- ကို CDF မင်းတပ်မှ လက်ခံ ရရှိ​

Vaurawng Zuunthil” မှတဆင့် CDF-Mindat အတွက် America ရောက် သွေးချင်းညီနောင်များ ၏ အလှူ​ငွေ အ​မေရိကန် ​ဒေါ်လာ ၆၁၄၀၀/- ကို CDF မင်းတပ်မှ လက်ခံ ရရှိ​ကြောင်း နှင့် အထူးကျေးဇူးတင် ​ကြောင်း ဒီဇင်ဘာလ ၂၅ ရက်​နေ့ ည​နေပိုင်းတွင် သတင်းထုတ်ပြန်သည်။

📌📌၄ ။ ဖလမ်းမြို့နယ်တွင် စစ်ကောင်စီတပ်နှင့် CNDF တို့ တိုက်ပွဲ ဆက်လက်ဖြစ်ပွား၊ ၂ ရက်အတွင်း စစ်​ကောင်စီတပ်သား ၂၅ ​ယောက်​သေ

ဖလမ်းမြို့နယ်၊ ဖလမ်း - ကလေး ကားလမ်းမပေါ်တွင် အကြမ်းဖက်စစ်ကောင်စီနှင့် CNDF တို့အ​ကြား တိုက်ပွဲဆက်လက်ဖြစ်ပွားခဲ့ ​ကြောင်း သိရသည်။ဇန်နဝါရီ ၁၆ ရက်နေ့က ဖလမ်းမြို့နယ်၊ ပါရ်သဲ ကျေးရွာ အနီးတွင် စစ်ကြောင်းထိုးလာသော အကြမ်းဖက်စစ်ကောင်စီတပ်ကို မိမိတို့ CNDF တပ်ဖွဲ့ဝင်များမှ ခုခံတိုက်ခိုက်ခဲ့ရာ ဖလမ်းမြို့ အ‌ခြေစိုက် ခလ၇ ၂၆၈ မှ လက်နက်ကြီးဖြင့် ၄ ကြိမ် ပစ်ကူခဲ့ပြီး အဆိုပါတိုက်ပွဲတွင် အကြမ်းဖက်စစ်ကောင်စီဘက်မှ ၁၇ ဦး သေဆုံးပြီး ဒဏ်ရာရရှိသူများလည်း ရှိပါသည်။ CNDF ဘက်မှ ၁ ဦး ဒဏ်ရာ(မစိုးရိမ်ရ) ရရှိခဲ့​ကြောင့် သိရသည်။အလားတူ ယနေ့ ဇန်နဝါရီ ၁၇ ရက်နေ့တွင် လာသီးကျေးရွာအနီး၌ အကြမ်းဖက် စစ်ကောင်စီများအား မိမိတို့ CNDF တပ်ဖွဲ့မှ ဆက်လက်ခုခံတိုက်ခိုက်ခဲ့ရာ အကြမ်းဖက်စစ်ကောင်စီ ဘက်မှ ၈ ဦး သေဆုံးကာ ဒဏ်ရာရရှိသူများပြား ​ကြောင်း သိရသည်။

ဇန်နဝါရီ (၁၈) ရက် မြန်မာစံတော်ချိန် နံနက် ၁၁ နာရီကျော်လောက်မှာ စကစတပ် ခလရ ၃၀၄ လက်အောက်ခံတပ်ရင်းဖြစ်တဲ့ ထယ်ဘွေး(Thi Boi) တပ်ကုန်းရှိ စကစတပ်များနှင့် CDF - Matupi အကြား ထိတွေ့မှုရှိပြီး အပြန်အလှန် ပစ်ခတ်ခဲ့ရာ CDF - Matupi တပ်ရင်း (၃)မှ မျိုးချစ်ရဲဘော်တစ်ဦး ကျည်ထိမှန်ကာ ကျဆုံးကြောင်း သိရသည်။

📌📌၅ ။ Heal the World အဖွဲ့မှ CDF-MINDAT တပ်ရင်းအားလုံးအတွက် ယူနီ​ဖောင်းများ လှူဒါန်း

Heal the World အဖွဲ့မှ ချင်းကာကွယ်ရေးတပ်ဖွဲ့ (မင်းတပ်) CDF-MINDAT တပ်ရင်းအားလုံးအတွက် လှူဒါန်းသော ယူနီဖောင်း များကို လက်ခံ ရရှိ​ကြောင်း CDF မင်းတပ်က ဇန်နဝါရီလ ၈ ရက်​​​နေ့ည​နေပိုင်းတွင် ထုတ်ပြန်သည်။

📌📌၆ ။ တိုင်းနဲ့ ပြည်နယ် ၆ ခုကို အီလက်ထရွန်းနစ် ပစ္စည်းများအပါအဝင် ပစ္စည်း (၁၉)မျိုး သယ်ယူပို့ဆောင်ခွင့် မပြုရန် စစ်ကောင်စီမှညွှန်ကြားထား

တိုင်းနဲ့ ပြည်နယ် ၆ ခုကို အီလက်ထရွန်းနစ် ပစ္စည်းများအပါအဝင် ပစ္စည်း (၁၉)မျိုး သယ်ယူပို့ဆောင်ခွင့် မပြုရန်နှင့် တင်ဆောင်တာတွေရှိလာရင် ယာဥ်မောင်းအပါဝင် ကားပိုင်အထိ အရေးယူမယ်လို့ စစ်ကောင်စီမှ ညွှန်ကြားထားကြောင်း သိရသည်။

စစ်ကောင်စီဖက်မှ ယခင်ကတည်းက ကုန်ပစ္စည်းဝယ်ယူမှုတွေ ပိတ်ဆို့ထားတဲ့ စစ်ကိုင်း၊ မကွေး၊ ကချင် ၊ ကရင်၊ ကယား နှင့် ချင်းပြည်နယ်တွေမှာ အဝေးပြေးယာဉ်လိုင်းများအပါအဝင် မည်သည့်ယာဉ်ဖြင့်မှ ကုန်ပစ္စည်းအမြောက်မြား သယ်ဆောင်ခွင့်မပြု ​ကြောင်းသိရသည်။

အခုလို သယ်ယူပို့ဆောင်ခွင့်မပေးသည့် ပစ္စည်းများမှာ ဖုန်း (နှစ်လုံးထက် မပိုရ)နှင့် ဆက်စပ်ပစ္စည်းများ၊ လက်တော့(၂)လုံးထက် မပိုရ၊ CCTV၊ ဒရုန်း၊ ကင်မရာ၊ ဘထ္ထရီနှင့် ဓာတ်ခဲများ၊ မှန်ဘီလူး၊ မှန်ပြောင်း၊ လျှပ်စစ်မီးအိမ်နှင့် ဓာတ်မီး၊ စကားပြောစက်၊ ဝါယာကြိုး၊ ရွှေထည်ပစ္စည်း၊ ကော်၊ စတီးနှင့် သံထည်ပစ္စည်းများ၊ ရေပိုက်(ကော်၊ စတီး၊ သံ)၊ အက်ဆစ်၊ ယမ်းမှုန့်၊ သစ်သား၊ ကျောက်တုံး၊ မီးသွေး၊ အဝတ်အထည်(အများအပြား)၊ ပြောက်ကြားတူညီဝတ်စုံ၊ အစားအသောက်၊ အကြော်အလှော် (အများအပြား)တို့ဖြစ်ကြောင်း သိရသည်။

📌📌၇ ။ မတူပီ မြို့တွင်း​နေ လူငယ်နှင့် သက်လတ်ပိုင်းများကို စစ်​ကောင်စီက လိုက်လံဖမ်းဆီး​​နေ

ဇန်နဝါရီ ၂၀ ရက် ​နေ့တွင် မတူပီ မြို့အတွင်း ရှိ လူငယ်များကို စစ်​ကောင်စီတပ်သားများက ဖမ်းဆီးနှိပ်စက် ခေါ်ဆောင်သွားကြောင်းသိ ကနဦး သိရသည်။

မတူပီ မြို့ ခို​ဘွေ ရပ်ကွက်ရှိ လူငယ်များနှင့် အိမ်​ထောင်သည် သက်လတ်ပိုင်း များကို အ​ကြောင်းပြချက်မရှိဘဲ ဖမ်းဆီး ​ခေါ်​ဆောင်သွား​ ခြင်းဖြစ်ကြောင်းသိရသည်။ မည်သည့် ​နေရာသို့ ​ခေါ်​ဆောင်သွားသည်ကို မူ မသိရှိရ​သေး​​ကြောင်း ​ဒေသခံများက ဆိုသည်။

📌📌၈ ။ နိုင်ငံတကာ တရားရုံး ICJ တွင် မြန်မာနိုင်ငံအားစွဲဆိုထားသော လူမျိုးတုန်းသတ်​ဖြတ်မှုအတွက် လာမယ့် ဖေဖော်ဝါရီ လကုန်ပိုင်း တွင် စတင်စစ်ဆေးမည်

ရိုဟင်ဂျာလူနည်းစုများအပေါ်လူမျိုးတုန်း သတ်ဖြတ်သည်ဟူသော စွပ်စွဲချက်ဖြင့် အာဖရိကတိုက်ရှိ ဂမ်ဘီယာနိုင်ငံက မြန်မာနိုင်ငံကို နိုင်ငံတကာတရားရုံး - ICJ တွင် တရားစွဲဆိုထားသောအမှုကို လာမည့် ဖေဖော်ဝါရီ ၂၁ ရက်နေ့တွင် ထပ်မံကြားနာသွားမည်ဖြစ်ကြောင်း ရိုက်တာသတင်းဌာန၏ ဖော်ပြချက်အရ သိရသည်။

Netherlands နိုင်ငံ The Hague မြို့အခြေစိုက် နိုင်ငံတကာ တရားရုံး ICJ မှာ ၂၀၁၇ ခုနှစ် ရခိုင်ပြည်နယ်အတွင်း လူမျိုးတုန်း သတ်ဖြတ်မှုနှင့်ပတ်သက်ပြီး ဖေဖော်ဝါရီ ၂၁ ရက်မှ ဖေဖော်ဝါရီ ၂၈ ထိ (၈) ရက်ကြာ စစ်ဆေးမေးမြန်းမှာဖြစ်ပြီး မြန်မာနိုင်ငံကိုယ်စားပြု အနေနဲ့ NUG အစိုးရ ကုလသမ္မဂ သံအမတ် ဦးကျော်မိုးထွန်းမှ ခုခံချေပသွားဖို့ အဆိုတင်သွင်းထားကြောင်း သိရသည်။

#RadioNUGLocalNews

#SpringRevolution