8th JAN 2022 - (Ethnic language program) by Radio NUG

📌ချင်း (တိုင်းရင်းသား) ထုတ်လွှင့်မှု -၂၀၂၂ ဇန်နဝါရီလ ၇ ရက်နေ့ ရပြည်တွင်းသတင်းများ

📌📌၁။ မင်းတပ်မြို့နယ် ရှစ်ကျေးရွာရှိ ပြည်သူ့ကျန်းမာရေးဆေးရုံကို အကြမ်းဖက်စစ်ကောင်စီတပ် ဖျက်ဆီး

လက်ရှိအာဏာသိမ်းကာလ၌ ပြည်သူများ၏ လှူဒါန်းမှုများဖြင့် တည်ဆောက်ထားသော ချင်းပြည်နယ်၊ မင်းတပ်မြို့နယ်အတွင်းက ဆေးရုံကို အကြမ်းဖက်စစ်ကောင်စီတပ်များက ပြီးခဲ့တဲ့ ဇန်နဝါရီလ ၅ ရက်တွင် ဖျက်ဆီးသွားခဲ့သည်ဟု ဒေသခံများထံမှ သိရသည်။

ပြည်သူများအား ကျန်းမာရေး စောင့်ရှောက်မှုပေးနေသော အဆိုပါ အဆောက်အုံမှာ ရှစ်ရွာတွင်ရှိပြီး အကြမ်းဖက်စစ်ကောင်စီတပ်ကရစရာ မရှိအောင် အိမ်ခြေတိုင်အားလုံး ခုတ်၊ စစ်ဘေးရှောင်ဆန်တွေကိုပါ ဓါတ်ဆီ လောင်းဖျက်စီးသလို ပြည်သူ့ နေအိမ်တစ်လုံး ကိုလည်း မီးရှို့ဖျက်ဆီးခဲ့သည်ဟု ဒေသခံတာဝန်ရှိ ထံမှ သိရသည်။

📌📌၂ ။ အာဏာသိမ်း စစ်ကောင်စီမှ ချီးမြှင့်သည့် ၂၀၂၂ ခုနှစ် ဂုဏ်ထူးဆောင်ဘွဲ့၊ ဂုဏ်ထူးဆောင်တံဆိပ်ရရှိသူများထဲတွင် ချင်းပြည်နယ်မှ ၂၀ ဦးခန့်ပါဝင်ပြီး မင်းတပ်မြို့နယ်မှ ၁၁ ဦး အထိပါဝင်

ဇန်နဝါရီ ၅၊ ၂၀၂၂

အာဏာသိမ်း စစ်ကောင်စီမှ ၂၀၂၂ ခုနှစ်အတွက် ဂုဏ်ထူးဆောင်ဘွဲ့၊ ဂုဏ်ထူးဆောင်တံဆိပ်များပေးအပ်ခဲ့ကြောင်း စစ်ကောင်စီသတင်းစာဖြစ်တဲ့ မြန်မာ့အလင်းသတင်းစာမှာ ဇန်နဝါရီလ (၄) ကဖော်ပြခဲ့သည်။

အဆိုပါဆုပေးအပ်ခဲ့တဲ့ အထဲမှာ ချင်းပြည်နယ်မှ ရဲအုပ် ၂ဦး၊ ယာယီရဲမှူး ၁ဦး၊ ဒုရဲအုပ် ၂ဦး၊ ရဲတပ်ကြပ် ၂ဦး၊ ဒုတပ်ကြပ် (အမှတ် ၃လုံခြုံရေးကွပ်ကဲမှုအဖွဲ့အပါ) ၅ဦး၊ ရဲတပ်သား ၅ဦး၊ မင်းတပ်မြို့နယ် ကျေးရွာအုပ်ချုပ်ရေးမှူး ၁ဦး၊ ဟားခါးမြို့နယ်အထွေထွေအုပ်ချုပ်ရေး ဦးစီးအရာရှိ ၁ဦးအပါဝင် မင်းတပ်ခရိုင်အထွေထွေအုပ်ချုပ်ရေးရုံးမှ ၁ဦး စုစုပေါင်း ၂၀ ဦးဖြစ်ပြီး မင်းတပ်မြို့နယ်မှ (၁၁) ဦးပါဝင်ကြောင်း စစ်ကောင်စီ၏ ထုတ်ပြန်ချက်ထဲတွင် တွေ့ရသည်။

အခုလိုပေးအပ်တဲ့ ဂုဏ်ထူးဆောင်ဘွဲ့တံဆိပ်တွေကတော့ တမ်မတော်လက်အောက်ခံ (ကြည်းတပ်) နှင့် ရဲတပ်ဖွဲ့ဝင်တွေက အများဆုံးရရှိတာဖြစ်သလို လူဦးရေ စုစုပေါင်း ၆၉၅ဦးကို ပေးအပ်ကြောင်း ဇန်နဝါရီ (၄) ရက် မနေ့က ထုတ်ပြန်ထားသည်။

📌📌၃ ။ မတူပီ CDF တိုက်ခိုက်၍ စစ်ကောင်စီတပ်မှ အရာရှိ အပါအဝင် သုံးဦးထပ်မံသေဆုံး

မတူပီ-ဟာခါးလမ်းတွင် အာဏာသိမ်းစစ်ကောင်စီတပ်နှင့် တိုက်ပွဲ ဖြစ်ပွားခဲ့ရာ စစ်ကောင်စီတပ်မှ အရာရှိအပါအဝင် သုံးဦးသေဆုံးခဲ့သည်ဟု မတူပီ ချင်းကာကွယ် ရေးတပ်ဖွဲ့(CDF)က သတင်းထုတ်ပြန်သည်။

ဇန်နဝါရီ ၄ရက် နံနက်က မတူပီ-ဟာခါးလမ်းပေါ်ရှိ ဖနိုင်နှင့် ငလိုင်ရွာကြားသို့ အင်အားအလုံးအရင်းဖြင့် စစ်ကြောင်းထွက်လာသည့် စစ်ကောင်စီတပ်ကို CDFက တိုက်ခိုက်ခဲ့ရာ စစ်ကောင်စီတပ်များ အထိနာပြီးပြန် လည် ဆုတ်ခွာသွားကြောင်း ဖော်ပြထားသည်။ ပြီးခဲ့သည့် ရက်ပိုင်းကလည်း အဆိုပါ မတူပီ - ဟာခါးလမ်းတိုက်ပွဲတွင် စစ်ကောင်စီတပ်မှ တပ်သား နှစ်ဦးကို အရှင်ဖမ်းမိခဲ့သည်ဟု CDF မတူပီက ဆိုသည်။

မတူပီ CDFသည် မတူပီ -ပလက်၀လမ်းရှိ အာဏာသိမ်းစစ်ကောင်စီတပ်၏ ထယ်ဘွေးတပ်စခန်းကိုလည်း ဇန်နဝါရီ ၃ရက်နှင့် ၄ ရက်တွင် နှစ်ရက်ဆက် တိုက်ခိုက်ခဲ့သည်။ လက်ရှိအချိန်ထိ အဆိုပါ ဒေသ၌ စစ်ရေးတင်းမာနေဆဲဖြစ်တယ်လို့ CDF မတူပီ ပြောရေးဆိုခွင့်ရှိသူကပြောသည်။ ထယ်ဘွေးစခန်း ပထမရက် တိုက်ခိုက်မှုတွင် စစ်ကောင်စီတပ်မှ ငါးဦးသေဆုံးပြီး ၁၀ ဦးကျော် ဒဏ်ရာရရှိခဲ့သည်ဟု ၎င်းက ဆိုသည်။ ဒုတိယရက်တိုက်ပွဲတွင် စစ်ကောင်စီတပ်ထောင်ထားသည့် မိုင်းနင်းမိ၍ CDF တစ်ဦး ဒဏ်ရာရခဲ့သည်ဟု ဆိုသည်။

📌📌၄ ။ ဆမီးမြို့၊ ပါးဝ​ကျေးရွာတွင်​ကျောင်းဆရာ တစ်ဦးအပါအဝင် ပြည်သူ ၂၅ ဦး စစ်ကောင်စီတပ်က ဖမ်းဆီးခေါ်​ဆောင်

ချင်းပြည်နယ် ၊ဆမီးမြို့ ၊ တုတ်ဝ ​ကျေးရွာ အုပ်စု ပါးဝ ကျေးရွာတွင် ဇန်နဝါရီ ၄ ရက်နေ့ ညနေပိုင်းအချိန်တွင် စစ်ကောင်စီတပ်သား အင်အား ၂၀၀ ခန့် သေနတ် များ ပစ်ခတ်၍ရွာထဲ ဝင်ရောက်လာ​သော​ကြောင့် ကျေးရွာနေပြည်သူများ ကြောက်လန့်တကြား ထွက်ပြေးတိမ်း​ရှောင်ကြခဲ့ရ​ကြောင်း သိရသည်။

ဇန်နဝါရီ ၅ ရက်နံနက်ပိုင်းတွင် စစ်ကောင်စီတပ်က ကျောင်းဆရာ တစ်ဦး အပါအဝင် အပြစ်မဲ့ပြည်သူ ၂၅ ဦးအား ဖမ်းဆီးခေါ်သွား ​ကြောင်း ထပ်မံသိရှိရသည်။ ဖမ်းဆီးခေါ်သွားသည့် ပြည်သူများမှာ လူငယ် လူရွယ်များ ဖြစ်ပြီး မည်သည့်​နေရာသို့ ကိုခေါ်​ဆောင် သွားမှန်းမသိရ ​ကြောင်း ​ဒေသခံများက ဆိုသည်။ဆမီးမြို့၊ ပါးဝကျေးရွာကို စစ်ကောင်စီတပ်က အင်အားအများပြား ချထား၍ ပိတ်ဆို့လျက်ရှိပြီး ရှာဖွေစစ်ဆေးမူများပြုလုပ် ​နေ​ကြောင်း သိရသည်။

📌📌၅ ။ ဒီဇင်ဘာ တစ်လတည်းမှာပဲ စစ်ကောင်စီရဲ့ ညှဥ်းပန်းနှိပ်စက်မှု‌ကြောင့် လူ ၆၁ ဦးသေဆုံး ခဲ့တယ်လို့ အေအေပီပီ ထုတ်ပြန်

ဇန်နဝါရီ ၅၊ ၂၀၂၂

မြန်မာနိုင်ငံအတွင်း စစ်ကောင်စီရဲ့ ညှဥ်းပန်းနှိပ်စက်မှုကြောင့် သေဆုံးသူ ၆၁ ဦး ရှိပြီး အမျိုးသမီး ၅ ဦးနဲ့ ၁၈ နှစ်အောက် ကလေး ၇ ဦးပါဝင်တယ်လို့ နိုင်ငံရေး အကျဥ်းသားများကူညီစောင့်ရှောက်ရေးအသင်း AAPP ရဲ့ အစီရင်ခံစာမှာ ဖော်ပြပါတယ်။ ဒီဇင်ဘာ တစ်လတည်းမှာပဲ စစ်ကောင်စီရဲ့ သတ်ဖြတ်မှု ကြောင့် သေဆုံးသူ စုစုပေါင်း ၁၂၇ ဦးအထိရှိနေတယ်လို့ လည်း တစ်ဆက် တည်းဖော်ပြပါတယ်။

အေအေပီပီရဲ့ ပြောရေးဆိုခွင့်ရှိသူတစ်ဦးကတော့ Ò စစ်အုပ်စုဟာ မလုပ်သင့်တဲ့ ဥပဒေနဲ့ မညီတဲ့ အာဏာသိမ်း မူကို ကျူးလွန်ပြီးကတည်းက သူတို့ဟာ ပြည်သူ တွေရဲ့ ထောက်ခံမူ နဲ့ နိုင်ငံတကာက အသိအမှတ်ပြုမူတွေဆုံးရူံး သွားပါတယ်။ အဲဒီလိုဆုံရူံးသွားတာတွေကိုပြန်ရရှိဖို့ သူတို့ဟာ ပြည်သူတွေကို ရန်သူလို သတ်မှတ်ပြီးအကြမ်းဖက် ချေမူန်းရင်း အကြမ်းဖက်စစ်တပ်ဖြစ်လာပါတယ်။ သူတို့ကျူးလွန်တဲ့ ပြစ်မူတွေဟာလည်း Crime Against Humanity - လူသား ဖြစ်တည်မူကိုဆန့်ကျင်တဲ့ ရာဇဝတ်မူ၊ War Crime - စစ်ရာဇဝတ်မူမြောက်နေ ပါတယ်။ ဒီလိုကျူးလွန်မူမျိုးကခွင့်လွှတ်စရာမဟုတ်သလို ကျူးလွန်သူ တွေကိုအပြစ်ပေးအရေးယူဖို့ လုပ်ဆောင် နေကြတာပါ။ ဒါကြောင့်လည်း အခုဆိုရင် အာဂျင်တီးနား တရားရုံးမှာ တရားစွဲဆိုနေတာ ရှိသလို၊ အခြားသော နိုင်ငံများမှာလည်း တရားစွဲဖို့ ကြိုးစားနေတာတွေ ရှိနေပါတယ်Ó လို့ပြော ပါတယ်။

စစ်ကောင်စီက စစ်ကိုင်းတိုင်းအတွင်းမှာ ဆိုးဆိုးဝါးဝါး အကြမ်းဖက်နေ တယ်လို့လည်း အစီရင်ခံစာမှာဖော်ပြပါ တယ်။ စစ်ကိုင်းတိုင်းအတွင်း အပြစ်မဲ့ ပြည်သူ ၁၈ ဦးထက်မနည်း ဖမ်းဆီးမီးရှို့သတ်ဖြတ်ခံခဲ့ရတယ်လို့လည်း အေအေပီပီရဲ့ ထုတ်ပြန်ချက်မှာဖော်ပြပါတယ်။ ထို့အပြင် ကယားပြည်နယ်၊ မိုဆိုကျေးရွာအနီးမှာဖြစ်ပွားခဲ့တဲ့ ပြည်သူ ၃၅ ဦးကို မီးရှို့သတ်ဖြတ်မှုနဲ့ ပတ်သက်ပြီးတော့ အေအေပီပီရဲ့ တာဝန်ရှိသူတစ်ဦးက Ò ပြီးခဲတဲ့ ဒီဇင်ဘာလ အတွင်းမှာ စစ်ကိုင်းတိုင်းနဲ့ ကယား(ကယန်း)ပြည်နယ်‌‌တွေမှာ အပြစ်မဲ့ ပြည်သူ‌တွေကို ဖမ်းဆီးပြီး ရက်စက်စွာ မီးရှို့သတ်ဖြတ်တာဟာ မတော်တဆ လက်လွတ်စပယ်လုပ်တာမဟုတ်ဘဲ ရည်ရွယ်ချက်ရှိရှိ မဟာဗျူဟာချပြီး လုပ်ဆောင်ချက်တွေပဲဖြစ်တယ်။ ဒါဟာ ပြည်သူတရပ်လုံးကို အကြောက် တရားနဲ့ ခြိမ်းခြောက် အုပ်ချုပ်ဖို့ ကြိုးစားတဲ့ အရက်စက်ဆုံးနဲ့ အပြင်းထန်ဆုံး အကြမ်းဖက်လုပ်ရပ် တခုပဲ ဖြစ်ပါတယ်။ ဒီလိုလုပ်ရပ်ကို မြန်မာနိုင်ငံအပါအဝင် ဘယ်နိုင်ငံရဲ့ ဥပဒေကမှ ခွင့်မလွှတ်ထားပါဘူး။ ဒါဟာ လူသားမျိုးနွယ်စုအပေါ် ကျူးလွန်တဲ့ ရာဇဝတ်မှုဖြစ်တဲ့အပြင်၊ စစ်ရာဇဝတ်မှု ကျူးလွန်တာလည်းဖြစ်ပါတယ်။ ဒီအပြင် အသက်မပြည့်သေးတဲ့ ကလေး သူငယ်များပါ ပါဝင်နေတာဟာ အာဏာလု စစ်အုပ်စုက လူ့စိတ်ကင်းမဲ့ နေတာကို ပြသလိုက်တာပဲဖြစ်ပါတယ်Ó လို့ အေအေပီပီရဲ့ တာဝန်ရှိသူက ထပ်လောင်းပြောဆိုလိုက်ပါတယ်။

စစ်ကိုင်းတိုင်းအတွင်းက လူ့အခွင့်အရေးအခြေအနေကို လက်တွေ့ တွေ့ကြုံ ခံစားနေရတဲ့ ဒေသခံပြည်သူတစ်ဦး က Ò ကျွန်တော်တို့က PDF ဟုတ် ဟုတ်၊ မဟုတ်ဟုတ် သူတို့မိသွားရင် PDF နာမည်တပ်ပြီးသတ်တာပဲ။ အပြစ် လုပ်လုပ် မလုပ်လုပ် ဖမ်းမိရင်သတ်မှာပဲ၊ ဒါကြောင့် သူတို့နဲ့ဝေးဝေး ရှောင်နေရတာက အကောင်းဆုံးပဲÓလို့ပြောပါတယ်။

ဒီဇင်ဘာလအတွင်း စစ်ကောင်စီတပ်ဖွဲ့ဝင်တွေက ကျေးရွာတွေနဲ့ လူနေရပ်ကွက်တွေကို ၅၆ ကြိမ်ထက်မနည်း မီးရှို့ဖျက်စီးခဲ့ပြီး အဆောက်အဦ ၆၅၀ ထက်မနည်းဆုံးရှုံးခဲ့ရတယ်လို့လည်း ဖော်ပြပါတယ်။ အခုလိုပြည်သူတွေ ရဲ့နေအိမ်အဆောင်အဦတွေကို မီးရှို့ဖျက်ဆီးနေတာ၊ အပြစ်မဲ့ ပြည်သူတွေကို ရက်ရက်စက်စက်သတ်ဖြတ်နေတာ နဲ့ပတ်သက်ပြီး စစ်တပ်အပေါ်ကို ပြည်သူတွေ ဘယ်လိုယူဆနေလဲဆိုတာကို အေအေပီပီရဲ့ တာဝန်ရှိသူတစ်ဦးက Ò သေချာတာ က မြန်မာနိုင်ငံမှာ တရားဝင်စစ်တပ်ဆိုတာ မရှိတော့ဘူး၊ ပြည်သူကလည်း သူတို့ကို ဖက်ဆစ် စစ်တပ်လို့ ပြောနေပါတယ်။ သူတို့ရဲ့ လုပ်ရပ်တွေက အကြမ်းဖက်အုပ်စုတွေ လုပ်ဆောင်လေ့ရှိတဲ့ လုပ်ရပ် တွေဖြစ်နေတာကိုလည်းတွေ့ရှိရပါတယ်။ လူသတ်တယ်၊ ပြန်ပေးဆွဲတယ်၊ ညှင်းပန်းနှိပ်စက်တယ်၊ လူသတ် တယ်၊ မုဒိန်းကျင့်တယ်၊ အိမ်တွေကို မီးရိူ့တယ်၊ ပိုဆိုးလာတာက လူတွေကိုပါ အရှင်လတ်လတ် မီးရိူ့ သတ်လာ တာပါÓ လို့သုံးသပ်ပါတယ်။

ဒီဇင်ဘာ တစ်လတည်းမှာပဲ စစ်ကောင်စီရဲ့ မတရားဖမ်းဆီးမှု ထိန်းသိမ်းခံရသူ ၃၀၉ ဦးအထိရှိနေပြီး အမျိုးသမီး ၆၈ ဦးနဲ့ ကလေးသူငယ် ၁၅ ဦးအထိပါဝင်ပါတယ်။ ဒါ့အပြင် ဓားစာခံအဖြစ် ဖမ်းဆီးခံရသူ ၁၈ ဦးအထိ ရှိနေ တယ်လို့လည်း ဖော်ပြပါတယ်။ အာဏာသိမ်းစစ်အုပ်စုဟာ NLDပါတီဝင်တွေရဲ့ နေအိမ်တွေ၊ CRPH နဲ့ NUG မှာ ပါဝင်သူတွေရဲ့ နေအိမ်တွေနဲ့ PDFတွေရဲ့ နေအိမ်တွေကို လိုက်လံချိတ်ပိတ်ရာမှာ ဒီဇင်ဘာလအတွင်း ၃၃ လုံး ချိတ်ပိတ်သိမ်းဆည်းခဲ့ပါတယ်။

#RadioNUGLocalNews

#SpringRevolution