(Ethnic language program) 20th Jan 2022

📌တိုင်းရင်းသားဘာသာစကားဖြင့်ထုတ်လွှင့်မှုကဏ္ဍ ၂၀၂၂ ဇန်နဝါရီလ ၂၀ ရက်နေ့

📌📌ဘာဖြစ်လို့ တော်လှန်ကြတာလဲ? (Why do we revolt?)

တော်လှန်ရေးအကြောင်းရှင်းပြတဲ့ သီအိုရီတွေအများကြီးရှိပါတယ်။ ဒီ သီအိုရီတွေထဲမျာ ၁၉၆၂ တုန်းက James C. Davies ရေးထားတဲ့ “ Toward a Theory of Revolution “ ဟာ J-Curve theory လို့အတော်ထင်ရှားပါတယ်။

J-Curve theory အရဆိုရင် လူတွေဟာ စားဝတ်နေရေး လူနေမှုဘဝအတွက် လိုအပ်တဲ့ ရောင့်ရဲမှုအတိုင်းအတာနှင့် ၄င်းတို့ရဲ့ စွမ်းဆောင်နိုင်မှုတွေ ထပ်တူကနိုင်ဖို့ ရုန်းကန်နေကြခြင်းဖြစ်ပါတယ်။ ဒီလို ၄င်းတို့အနာဂါတ်အတွက် မျှော်မှန်းနိုင်တဲ့ တိုးတက်မှုအတိုင်းအတာရောက်ဖို့ အရှိန်ယူ ကြိုးစားရုန်းကန်နေတဲ့ အချိန်ကာလမှာ အခြေအနေတွေဟာ ရုတ်တရက် ဆိုးရွားပြီး သည်းခံလို့မရတဲ့ အတိုင်းအတာထိ အခြေအနေတွေ ကွာဟသွားခဲ့ရင် လူထုရဲ့ မကျေနပ်မှုကို လှုံ့ဆော်သလိုဖြစ်သွားပြီး လူထုတော်လှန်ရေးဆိုတာ ဖြစ်လာတယ်လို့ ဒီ James Davies က သုံးသပ်ထားပါတယ်။

အာဏာသိမ်းခြင်းဆိုတာ မလိုအပ်တဲ့ စစ်တပ်ရဲ့ စွက်ဖက်မှုဘဲဖြစ်ပါတယ်။

အာဏာရှင်စနစ်ကြောင့်၊ စစ်အုပ်ချုပ်ရေးစနစ်ကြောင့် ကြီးပွားတိုးတက်တဲ့ နိုင်ငံ တစ်နိုင်ငံမှ မရှိပါ။

ဒါကြောင့် နိုင်ငံတကာအဆင့်ထိ တက်လှမ်းဖို့ ဟန်ပြင်နေတဲ့ Generation-Z တွေဟာ ‘လူငယ်တွေမှာ အနာဂါတ်ရှိတယ်’ ဆိုပြီး လမ်းပေါ်ထွက်ပြီး ဒီနွေဦးတော်လှန်ရေး ဦးဆောင်ကြခြင်းဖြစ်ပါတယ်။

လူငယ်တွေဟာ တစ်စုံတစ်ယောက်/အဖွဲ့အစည်း တစ်ခုခုက အလွယ်တကူ သွေးထိုးရုံနှင့် တော်လှန်ရေးထဲပါသွားမယ့်သူတွေ မဟုတ်သလို၊ ဘယ်သူကမှလည်း အလွယ်တကူ တားနိုင်မှာ မဟုတ်ပါဘူး။

လူမှုဗေဒ၊ လူ့အသိုင်းအဝိုင်းပြောင်းလဲမှုမသိဘဲ အုပ်ချုပ်ရေး မစွက်ဖက်တာ အကောင်းဆုံးဖြစ်ပါတယ်။

#RadioNUGLocalNews

#SpringRevolution