12th MAR 2022 - (Ethnic language program-CHO_DAAI) by Radio NUG

📌(ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ မတ်လ ၁၂ ရက်နေ့ ရပြည်တွင်းသတင်းများ

📌📌၁ ။ CDF-Kanpetlet၊ ယောဒေ သကာကွယ်ရေး ပူးပေါင်းတပ်ဖွဲ့ များနှင့် အကြမ်း ဖက်စစ်ကောင်စီတပ်အကြား တိုက်ပွဲဖြစ်

၂၀၂၂ ခုနှစ်၊ မတ်လ ၉ ရက်(ယနေ့) နံနက် ၁၀ နာရီ မိနစ် ၃၀ ခန့်မှ ၁၁ နာရီ ၄၀ မိနစ်ခန့်အထိ မကွေးတိုင်းဒေသကြီးနှင့် ချင်း ပြည်နယ်အစပ်ရှိ ကချောင်းကျေးရွာတွင် အကြမ်းဖက်စစ်ကောင် စီတပ်များနှင့် CDF Kanpetlet၊ ယောဒေသကာကွယ်ရေးအဖွဲ့ (The Youth Force)တို့ ပူးပေါင်းပြီး တစ်နာရီကျော်ခန့်တိုက်ပွဲပြင်းထန်ခဲ့ကြောင်း သိရသည်။

အဆိုပါ တိုက်ပွဲတွင် အကြမ်းဖက်စစ်ကောင်စီဖက်မှ (၅) ယောက်ခန့်သေဆုံးပြီး(၉) ဦးခန့် ပြင်းထန်ဒါဏ်ရာရရှိခဲ့သလို ပြည်သူ့ကာကွယ်ရေးတပ်၏ နင်းမိုင်းများ နင်းမိပြီးအကြမ်းဖက်စစ်ကောင်စီတပ်ဖက်မှ အထိနာလျက်ရှိကြောင်း CDF-KPL မှထုတ်ပြန်ထားသည်။

ပြီးခဲ့သည့် ဖေဖော်ဝါရီလ (၆) ရက်ခန့်မှစပြီး ယနေ့အထိ အကြမ်းဖက်စစ်ကောင်စီတပ်သည် သာလွန် အင်အားသုံးစစ်ကြောင်းထိုးခြင်း၊ ကန်ပက်လက်မြို့တွင်းအင်အား အဆမတန် ဖြည့်တင်းခြင်းများပြုလုပ်နေသောကြောင့် မိဘပြည်သူများအနေဖြင့် CDF-Kanpetlet၏ ထုတ်ပြန်ချက်များကို အလေးအနက်ထား လိုက်နာဆောင်ရွက်ပေးကြပါရန် တိုက်တွန်းထားပါသည်။

📌📌၂ ။ ကျောက်ထု PDF နှင့် CDF မင်းတပ်က ​ကျောက်ထုမြို့မရဲစခန်း နှင့် စစ်​ကောင်စီပတ်ကင်းကို တိုက်ခိုက်

မတ်လ ၈ ရက်နေ့ ယ​​နေ့ နံနက် (၈:၃၀) မိနစ်ဝန်းကျင်အချိန်တွင် ကျောက်ထုရဲစခန်းမှ မြို့ထဲသို့ ပတ်ကင်းလှည့်လာသော စစ်​ကောင်စီတပ်သား ၃၀ ခန့်အား ကျောက်ထု PDF မြို့ပြပျောက်ကြားတပ်ဖွဲ့ နှင့် CDF (Mindat) တို့ကပူးပေါင်း၍ မိုင်း ၃ လုံးဖောက်ခွဲပြီး လက်နက်ငယ်များဖြင့် ပစ်ခတ်တိုက်ခိုက်ခဲ့ကြရာ စစ်​ကောင်စီတပ်သား ၇ ဦး ​သေပြီး ၈ ဦးခန့် မိုင်းထိခိုက်ဒါဏ်ရာများရရှိသွား​ကြောင်း ​ကျောက်ထု PDF က သတင်းထုတ်ပြန်သည်။

ကျောက်ထု PDF ၏ လက်နက်ကြီးတပ်ဖွဲ့မှ ကျောက်ထုမြို့မရဲစခန်းအတွင်းသို့ လက်နက်ကြီးများဖြင့်ပစ်ခတ်တိုက်ခိုက်ခဲ့ပြီး စခန်းတွင်းထိခိုက်ကျဆုံးမှုများအားမသိရသေး​ကြောင်း သိရသည်။ ပြည်သူများ၏မေတ္တာကြောင့် PDF ​ကျောက်ထုနှင့် CDF မင်းတပ် ပူးပေါင်းတပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့​ကြောင်းသိရသည်။

ဖြစ်စဥ်အပြီး ကျောက်ထုလေတပ်အတွင်းသို့ ရဟတ်ယာဥ်တစ်စီးဖြင့် ပထမတစ်ခေါက်တွင် စစ်​ကောင်စီတပ် အကူများနှင့် လက်နက်ခဲယမ်းများလာချသွားပြီး ဒုတိယအခေါက်တွင် ဒါဏ်ရာရ တပ်သားဟုယူဆရသော ၈ ဦးအား ခေါ်​ဆောင်သွား​ကြောင်းသိရသည်။

ကျောက်ထုအမြှောက်တပ်ထဲမှလည်း တင့်ကားနှစ်စီး ကျောက်ထုဘဏ်ရုံးနားတွင်ရပ်ထားပြီး စစ်ဆေးမှုများပြုလုပ်နေကြသည့်အပြင် ကျောက်ထုမြို့အတွင်း ကြံရာမရ ရမ်းသမ်းပစ်ခတ်နေကြကာ မြို့တွင်းမှအိမ်အပြင်ထွက်ပါက ပစ်မိန့်ပေးထားသည်ဟုလည်း သိရသည်။

ထို့ပြင် တိုက်ပွဲဖြစ်ပွားရာအနီးအနားရှိ အ​ပြစ်မဲ့ပြည်သူ အမျိုးသမီး ၃ယောက်နှင့် အမျိုးသား၂ ယောက်ကိုလည်း ဖမ်းဆီးခေါ်ဆောင်သွားကြောင်းကြားသိရသည်။

မိဘပြည်သူများအနေနှင့် စခွေးးး၊ ရခွေးးးများနှင့်ပေါင်းသင်းဆက်ဆံခြင်း၊ ၎င်းတို့နှင့်အနီးကပ်သွားလာနေထိုင်ခြင်းများမပြုလုပ်ကြပါရန် ​ကျောက်ထု PDF က ယ​နေ့ ညဦးပိုင်းတွင် အထူးမေတ္တာရပ်ခံထားသည်။

📌📌၃ ။ ချောင်းဦးမြို့နယ် ကံကြီးကုန်းရွာရှိ စကစနှင့်ပျူ​စောထီးစခန်း စီးနင်း တိုက်ခိုက်ခ့ရ၊ စကစနှင့်ပျူ ​စောထီး (၄၀) ခန့်သေဆုံး

မတ် ၉ ရက်နေ့တွင် PDF စစ်ကိုင်းတိုင်း၊ ချောင်းဦးမြို့နယ်၊ ကံကြီးကုန်းရွာရှိ စကစနှင့် ပျူစခန်းအား MGN 35 ပြောက်ကျာ်းတပ်ဖွဲ့၊ Zero ပြောက်ကျားတပ်ဖွဲ့ (မြင်းခြံ)၊ The Value Of Young Men(တောင်သာ)၊ Myaung Revolution Army - MRA အဖွဲ့တို့ပူးပေါင်း၍ စီးနင်းတိုက်ခိုက်ခဲ့ရာ စကစနှင့် ပျူစောထီး စုစုပေါင်း (၄၀) ခန့်သေဆုံးခဲ့ကြောင်း သိရသည်။

ကံကြီးကုန်းရွာအနီးရှိ ကျေးရွာများအား ဒုက္ခပေးကာ ဖမ်းဆီးနှိပ်စက်ခြင်း၊ ပစ္စည်းများအား အတင်းအဓမ္မလုယူခြင်း၊ PDF ရဲဘော်များအား ဖမ်းဆီးသတ်ဖြတ်ခြင်း၊ ချောင်းမြောင်းသတ်ဖြတ်ခြင်းတို့ကြောင့် တိုက်ခိုက်ခဲ့ခြင်းဖြစ်ပြီး (၃) နာရီအကြာ အပြန်အလှန်ပစ်ခတ်မှုဖြစ်ပွားကာ စစ်ကောင်စီဘက်မှ (၁၂) ဦးသေဆုံးကာ ဒဏ်ရာရရှိသူများလည်းရှိကြောင်း MGN 35 ပြောက်ကျားတပ်ဖွဲ့ကထုတ်ပြန်သည်။

ထို့နောက် ယနေ့ နေ့လည်ပိုင်း သတင်းများအရ အကြမ်းဖက်စစ်ကောင်စီနှင့် ပျူ စုစုပေါင်း (၄၀) ခန့် သေဆုံးသွားပြီဖြစ်ကြောင်း MGN 35 ပြောက်ကျားတပ်ဖွဲ့က ဆက်လက်ထုတ်ပြန်သည်။

📌📌၄ ။ နိုင်ငံတကာ သတင်း တိုများ

- ယူကရိန်း လေသူရဲတွေ မောင်းနိုင်တဲ့ ရုရှားလုပ် MiG-29 တိုက်လေယာဥ်တွေကို လွှဲပေးမယ်လို့ ပိုလန်ကြေညာ

- ဂျာမနီမှာ ရှိတဲ့ အမေရိကန် လေတပ် အခြေစိုက် စခန်းဆီကို အဲဒီ တိုက်လေယာဥ်တွေကို အရင်ပို့မယ်

- ရုရှားရဲ့ စွမ်းအင်လောင်စာကဏ္ဍကိုလည်း အမေရိကန်၊ ဗြိတိန်၊ အီးယူ ချိန်ကိုက် ပိတ်ဆို့မှုတွေ ချမှတ်

- ဝန်ကြီးချုပ်ချာချီ ပြောခဲ့တဲ့ နာဇီဟစ်တလာကို အစွမ်းကုန် ခုခံ တွန်းလှန်မယ်ဆိုတဲ့ နာမည်ကျော် ဒုတိယကမ္ဘာစစ် မိန့်ခွန်းကို ကိုးကားပြီး ယူကရိန်းသမ္မတ ဇယ်လန်စကီးက ဗြိတိသျှ ပါလီမန်ကို အွန်လိုင်းဗီဒီယိုကနေ တဆင့် သမိုင်းဝင် မိန့်ခွန်းပြော

📌📌၅ ။ တောင်ကိုရီးယား အတိုက်အခံပါတီ ခေါင်းဆောင် သမ္မတ သစ်ဖြစ်လာ

တောင်ကိုရီးယား နိုင်ငံက သမ္မတ ရွေးကောက်ပွဲတွင် အတိုက်အခံ ကွန်ဆာဗေးတစ် ပါတီခေါင်းဆောင် ယွန်းဆက်ယို အနိုင်ရရှိခဲ့​ကြောင်းသိရသည်။

လက်ရှိအာဏာရ ဒီမိုကရက်တစ်ပါတီ မှ သမ္မတလောင်း အဖြစ်ဝင်ရောက်ယှဉ် ပြိုင်ခဲ့​သော လီဂျေးမြောင် ကလည်း ရွေးကောက်ပွဲတွင် ရှုံးနိမ့်ကြောင်း ဝန်ခံသွားခဲ့ပြီး သမ္မတသစ်အဖြစ် ​ရွေးချယ်ခံရသည့် ယွန်းဆက်ယို ကိုဂုဏ်ပြုစကားပြောကြားလိုက်​ကြောင်း သိရသည်။

ယခု တောင်ကိုရီးယား သမ္မတ ရွေးကောက်ပွဲတွင် သမ္မတလောင်းများ၏ မဲရရှိမှု ရလဒ်သည် အပြတ်အသတ်ကွာခြားခြင်း မရှိ​ကြောင်းသိရသည်။

မတ်လ ၉ ရက်နေ့၌ ဆန္ဒမဲ ၉၉ ရာခိုင်နှုန်းကျော်ရေ တွက်ပြီးချိန်တွင် ပြည်သူ့အာဏာပါတီမှ ယွန်းဆက်ယို က ၄၈.၆ ရာခိုင်နှုန်း၊ အာဏာရပါတီမှ လီဂျေမြောင် က ၄၇.၈ ရာခိုင်နှုန်း အသီးသီးရရှိခဲ့ကြပြီး။ကွန်ဆာဗေးတစ်ပါတီ ခေါင်းဆောင် ယွန်းဆက်ယိုက (၁) ရာခိုင်နှုန်းခန့် မဲအသာ ဖြင့် အနိုင်ရရှိခဲ့ ​ကြောင်းသိရသည်။

ယခု ရွေးကောက်ပွဲတွင် ​တောင်ကိုရီးယား ပြည်သူများ၏ မဲပေးမှု အ​ရေအတွက် များပြားခဲ့ပြီး၊ မဲပေးခွင့်ရ ပြည်သူ အားလုံး၏ သုံးပုံ တစ်ပုံ ကမဲပေးခဲ့​ကြောင်း တောင်ကိုရီးယားသတင်းများတွင်​ဖော်ပြသည်။

ရွေးကောက်ပွဲမှာ အနိုင်ရရှိခဲ့တဲ့ မစ္စတာ ယွန်းဆက်ယို က သူ့ကို အားပေးထောက်ခံသူတွေကိုလည်း ကျေးဇူးတင်စကား ပြောကြားခဲ့​ကြောင်းသိရသည်။

အမေရိကန် အိမ်ဖြူတော်ကလည်း ​ရွေး​ကောက်တင်​မြှောက်ခံရသည့် တောင်ကိုရီးယား သမ္မတသစ်အတွက် ဂုဏ်ယူဝမ်းမြောက်ခြင်း သတင်းစကားဆိုခဲ့​ကြောင်းသိရသည်။

တောင်ကို ရီးယားနိုင်ငံ၏ ​ရွေး​ကောက်ပွဲ သမိုင်းတွင် အကြိတ်အနယ်အဖြစ်ဆုံးသမ္မတရွေးကောက်ပွဲဖြစ်သည် ဟု နိုင်ငံတကာ သတင်းများ က ဆိုသည်။

​တောင်ကိုရီးယားသည် အ​မေရိကန် နှင့်ပိုမိုအားကောင်းသော မဟာမိတ်ဆက်ဆံရေးထူထောင်၍ ​မြောက်ကိုရီးယား နှင့်ဆက်ဆံရေးတွင် ပိုမိုတင်းမာလာနိုင်ဖွယ်ရှိသည်ဟု နိုင်ငံ​ရေး​လေ့လာ သုံးသပ်သူများက ဆို သည်။

​တောင်ကိုရီးယား နိုင်ငံတွင် Democratic Party of Korea ( Democratic Party", DPK) and the conservative People Power Party (PPP) ဟူ၍ အဓိကပါတီကြီး ၂ ခုရှိပြီး ၄ နှစ်တစ်ကြိမ် သမ္မတ​​ရွေး​ကောက်ပွဲ ကျင်းပ​လေ့ရှိသည်။

#RadioNUGLocalNews

#SpringRevolution