23rd JUL 2022 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ ဇူလိုင်လ ( ၂၃ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ ဒိုင်ရ်(ချင်း)မျိုးနွယ်စု အတိုင်ပင်ခံကောင်စီ စတင်ဖွဲ့စည်း၊ ရည်မှန်းချက်တူသည့် အဖွဲ့အစည်းများနှင့် ပူးပေါင်းဆောင်ရွက်သွားမည်

ဒိုင်ရ်(ချင်း) မျိုးနွယ်စု အတိုင်ပင်ခံ ကောင်စီ ကိုမေလ ၂၃ ရက် ရက် နေ့တွင် စတင်ဖွဲ့စည်းခဲ့ ကြောင်း IDCC က ဇွန်လ ၆ ရက် နေ့တွင် သတင်းထုတ်ပြန်ခဲ့ ကြောင်းသိရသည်။ ဒိုင်ရ် ချင်းမျိုးနွယ်စုများသည် ချင်းပြည်နယ် တောင်ပိုင်း မင်းတပ် ၊ ကန်ပက်လက် ၊ မတူပီ နှင့် ပလက်ဝ မြို့များတွင် ပျံ့နှံ့ နေထိုင်ကြပြီး မင်း အောင်လှိုင် ဦး ဆောင်သည့် စစ် ကောင်စီက အာဏာသိမ်းချိန်မှ စ၍ ဒိုင်ရ်မျိုးနွယ်စုများသည်လည်း သက်ဆိုင်ရာ ဒေသ များအလိုက် တော်လှန် ရေး လုပ်ငန်းများတွင် ပါဝင် ဆောင်ရွက် နေကြသည်ဟု ထုတ်ပြန်ချက်တွင် ဖော်ပြထားသည်။

ဒိုင်ရ်(ချင်း) မျိုးနွယ်စုများ အ နေဖြင့် တော်လှန် ရေးတွင် ခိုင်မာစွာ တိုက်ပွဲဝင်နိုင် ရေး ၊ နိုင်ငံ ရေးအခင်းအကျင်းတွင် ထိ ရောက်စွာပါဝင်နိုင် ရေး နှင့် ချင်းအမျိုးသား တည် ဆောက် ရေး လုပ်ငန်းများတွင် တက်ကြွစွာ ပါဝင်နိုင် ရေးအတွက် ဒိုင်ရ်(ချင်း) မျိုးနွယ်စု များကို ကိုယ်စားပြုသည့် နိုင်ငံ ရေး ဦး ဆောင်အဖွဲ့လိုအပ်လာသည် ဟုယုံကြည် သော ကြောင့် ၄ မြို့နယ် ဒိုင်ရ်(ချင်း) ပူး ပေါင်း ရေး ကော်မတီ ၊ CDF (Daai) ၊ ဒိုင်ရ်နယ် တော်လှန် ရေးအင်အားစုများ နှင့် ပြည်တွင်းပြည်ပရှိ ဒိုင်ရ်(ချင်း) မျိုးနွယ်စု ခေါင်း ဆောင်များ ပူး ပေါင်းကာ ၂၀၂၂ ခုနှစ် မေလ ၂၃ ရက် နေ့တွင် IDCC ခေါ် Interim Daai/Dai Consultative Council ကို ဖွဲ့ စည်းလိုက် ကြောင်း ထုတ်ပြန်ချက်တွင် ဖော်ပြပါရှိသည်။

ထို့ နောက် IDCC ခေါ် Interim Daai/Dai Consultative Council သည် အမျိုးသားတန်းတူ ရေး ၊ ကိုယ်ပိုင်ပြဌာန်းခွင့် အပြည့်အဝ အာမခံသည့် ဖက်ဒရယ် ဒီမိုက ရေစီ စနစ် ပေါ်ထွန်း ရေး ၊ လူမျိုးကြီးဝါဒ ပ ပျောက် ရေး နှင့် အာဏာရှင် စနစ်ချုပ်ငြိမ်း ရေး တို့အတွက် သက်ဆိုင်ရာ မြို့နယ် ပြည်သူ့အုပ်ချုပ် ရေး မြို့နယ် ပြည်သူ့အုပ်ချုပ် ရေးနှင့် ကာကွယ် ရေး အဖွဲ့များ ၊ တော်လှန် ရေးတွင် ပါဝင်သည့် တိုင်းရင်းသား လက်နက်ကိုင် EAO များ ၊ မျိုးနွယ်စုကို အ ခြေခံသည့် အုပ်ချုပ် ရေး နှင့် ကာကွယ် ရေး အဖွဲ့အစည်းများအပြင် ရည်မှန်းချက်တူညီသည့် မည်သည့် အဖွဲ့အစည်းများ နှင့်မဆို လက်တွဲ၍ ၍ ရည်မှန်းချက် အောင်မြင်သည် အထိ ပူး ပေါင်း ဆောင်ရွက် သွားမည် ဖြစ် ကြောင်း သိရသည်။

 

📌📌 ၂။ မင်းတပ် ခလရ ၂၇၄ တပ်ရင်းမှ တပ်သားတစ်ဦး PDF ကျောက်ထုထံ CDM ပြုလုပ်

မင်းတပ်မြို့ နယ်မြေခံ ခလရ ၂၇၄ တပ်ရင်းမှ ကိုယ်ပိုင်နံပါတ် တ/ ၅၇**** တပ်သား ဦးဟိန်းမင်းနိုင်သည် ဇူလိုင် ၁၈ နေ့တွင် လက်နက်နှင့်တကွ CDM ပြုလုပ်လာသည်ဟု PDF ကျောက်ထုက သတင်းထုတ်ပြန်သည်။

ယင်းတပ်သားသည် အမ်အေဝမ်း တစ်လက်၊ ကျည်ပေါက် ၅ခု၊ ကျည် ၂၇၀ တောင့်နှင့်အတူ CDM ပြုလုပ်လာခြင်း ဖြစ်သည်ဟု ထုတ် ပြန်ချက်တွင်ဖော်ပြထားသည်။ CDM ပြုလုပ်လာသည့် အဆိုပါတပ်သားအား ဆုကြေးငွေ ကျပ်သိန်း ၈၀ ချီးမြှင့်ပြီး လွတ်မြောက်နယ်မြေသို့ ပို့ဆောင်ပေးခဲ့ပြီးဖြစ်ကြောင်းနှင့် CDM ပြုလုပ်လိုသူ စစ်သား၊ ရဲသားများအနေဖြင့် PDF ကျောက်ထုသို့ အချိန်မရွေး ဆက်သွယ်ချိတ်ဆက်နိုင်ပါသည်ဟုဆိုသည်။

 

📌📌 ၃။ CDF ကန်ပက်လက်ထံသို့ ရဲတပ်သား တစ်ဦး အလင်းဝင်

ချင်းပြည်နယ်၊ ကန်ပက်လက်မြို့မရဲစခန်းတွင် တာဝန်ထမ်းဆောင်နေသော ရဲတပ်သား ပြည့်ဆန်းနောင်မှ လက်နက်ဖြင့် အလင်းဝင်လိုကြောင်း CDF ကန်ပက်လက်ထံသို့ ဆက်သွယ်လာခဲ့ သဖြင့် ၂၃-၆-၂၀၂၂ ရက်နေ့တွင် သွားရောက် ခေါ်ဆောင်ခဲ့ကြောင်း CDF ကန်ပက်လက်က ဇူလိုင်လ ၂၀ ရက် ညပိုင်းတွင် သတင်းထုတ်ပြန်သည်။ G-3 လက်နက်ဖြင့် အလင်းဝင်လာသူ ရဲတပ်သား ပြည့်ဆန်းနောင်၊ ကိုယ်ပိုင် အမှတ် (လ-၂၅၅၈၆၃) အား CDF ကန်ပက်လက်မှ ဂုဏ်ပြုချီးမြှင့်ငွေအဖြစ် ဆုကြေး သိန်း ၆၀ ကျပ် ပေးအပ်ခဲ့ပြီး ၄င်း၏ သဘောဆန္ဒအရ လွတ်မြောက်နယ်မြေသို့ ပို့ဆောင်ပေးပြီးဖြစ်ကြောင်း ထုတ်ပြန်ချက်တွင်ပါရှိသည်။ ပြည်သူနှင့်ပူးပေါင်းလိုသော မည်သည့် ရဲနှင့် တပ်မတော်သားကိုမဆို မိမိတို့ CDF-Kanpetlet မှ နွေးထွေးစွာ ဖိတ်ခေါ်လျက်ရှိကြောင်း CDF ကန်ပက်လက်က သတင်းထုတ်ပြန်ထားသည်။

 

📌📌 ၄။ ကျောက်ထု - ပခုက္ကူ လမ်းပိုင်း နှင့် ကျောက်ထု - ဆော လမ်းပိုင်းများ ခေတ္တအသုံးမပြုရန် ကျောက်ထု PDF ထုတ်ပြန်

ကျောက်ထုအမြှောက်တပ်ထဲတွင် စစ် ကောင်စီ ကားတန်းများမင်းတပ်မှ ပြန်လည်ရောက်ရှိလာပြီး ပခုက္ကူ နှင့် ဆော ဘက်သို့ ထွက်ခွာ နိုင် ကြောင်း ကျောက်ထု PDF က ဇူလိုင်လ ၂၁ ရက် ၊ မွန်းလွဲပိုင်းတွင် သတင်းထုတ်ပြန်သည်။ ရှေ့ပြေးလမ်းကြောကင်းများ ယူထားပြီးအချိန်မရွေး တိုက်ပွဲများ ဖြစ်ပွားနိုင်ပါသောကြောင့် (၂၁.၇.၂၀၂၂) ရက်နေ့မှစ၍ ကျောက်ထု - ပခုက္ကူ လမ်းပိုင်း နှင့် ကျောက်ထု - ဆော လမ်းပိုင်းများ အသုံးပြုခြင်းအား ခတ္တရပ်နားပေးထားကြပါရန်နှင့် သေရေးရှင်ရေးကိစ္စများအတွက်သွားလာရန်လိုအပ်ပါက ကျောက်ထု PDF ရုံးဖုန်းသို့ ဆက်သွယ်မေးမြန်းပေးကြပါရန် ကျောက်ထု PDF က အသိပေး မေတ္တာရပ်ခံထားသည်။ လမ်းပိုင်းအား လွတ်လပ်စွာအသုံးပြုနိုင်မည့်အချိန်အား ပြန်လည်တင်ပြပေးသွား မည်ဖြစ် ကြောင်း ကျောက်ထု PDF (YRPA) သတင်းနှင့်ပြန်ကြားရေး ၏ သတင်းထုတ်ပြန်ချက်အရ သိရသည်။ 

 

📌📌 ၅။ မြန်မာ့စီးပွားရေး ပြိုလဲမည့်အန္တရာယ်ရှိနေကြောင်း ကမ္ဘာ့ဘဏ်ပြော

စစ်တပ်အုပ်ချုပ်ထားတဲ့ မြန်မာနိုင်ငံမှာ ကုန်ဈေးနှုန်းတက်နေတာနဲ့အမျှ စီးပွားရေးက အထိမခံဖြစ်မြဲ ဖြစ်နေတယ်လို့ ကမ္ဘာ့ဘဏ်က ဆိုသည်။ ကပ်ရောဂါနာလန်ထူရေးအတွက် ငွေကြေးဖောင်းပွမှုမြင့်မားခြင်း၊ ဒေါ်လာ ရှားပါးပြတ်လပ်ခြင်းနဲ့ ပြည်တွင်းပဋိပက္ခ ရှည်ကြာမှုတွေက ပြဿနာဖြစ်နေပြီး မြန်မာ့စီးပွားရေးက အားပျော့မြဲ ပျော့နေကြောင်း မြန်မာ့စီးပွားရေးစောင့်ကြည့်မှု အစီရင်ခံစာမှာ ဖော်ပြလိုက်သည်။ 

၂၀၂၂ မှာ GDP ပြည်တွင်း အသားတင်ထုတ်လုပ်မှုတန်ဖိုးသည် ၂၀၁၉ ကထက် ၁၃ % ကျဆင်းမည်ဟု ခန့်မှန်းသည်။ ၂၀၂၁ ဘဏ္ဍာရေးနှစ်တွင် မြန်မာ့စီးပွားရေး ၁၈ % ကျဆင်းမည်ဟု ခန့်မှန်းခဲ့ပါသည်။ လောင်စာဆီအပါအဝင် ပြည်ပသွင်းကုန်အတွက် သုံးနိုင်ဖို့ အမေရိကန်ဒေါ်လာ ကုန်ခန်းနေသည်နှင့်အတူ BOP Balance of Payment ပြည်ပငွေပေး၊ ငွေယူလက်ကျန်ရှင်းတမ်းအခြေအနေက ပိုလို့ စိုးရိမ်နေရသည်ဟု ဆိုပါသည်။ နိုင်ငံတွင်းဒေသအတော်များများက ပဋိပက္ခတွေကြောင့် ကုန်ထုတ်လုပ်မှု ဆက်လက်အဟန့်အတား ဖြစ်မည်ဟု မျှော်မှန်းကြောင်းလည်း ဖော်ပြသည်။ ရလဒ်အဖြစ် ကပ်ရောဂါမဖြစ်ပွားခင်က စီးပွားရေးအဆင့်မျိုး မကြာခင် ပြန်လှည့်နိုင်ဖွယ် မရှိကြောင်း ဖော်ပြပါသည်။

#RadioNUGLocalNews

#SpringRevolution