30th JUL 2022 - (Ethnic language program-CHO_DAAI) by Radio NUG ~ Newsletter by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ ဇူလိုင်လ ( ၃၀ ) ရက်နေ့ နောက်ဆုံးရပြည်တွင်းသတင်း

📌📌 ၁။ ဦးဂျင်မီ၊ ဦးဖြိုးဇေယျာသော်၊ ဦးအောင်သူရဇော်နှင့် ဦးလှမျိုးအောင်တို့အတွက် တရားမျှတမှုရယူရန် CDF ကန်ပက် လက်မှ စစ်ဆင်ရေးဖော်ဆောင်ခဲ့၊ ရဲအပါဝင် စစ်ကောင်စီတပ်သားလေးဦး ရှင်းလင်းနိုင်ခဲ့သည်ဟုထုတ်ပြန်

“ကိုဂျင်မီ၊ ကိုဖြိုးဇေယျာသော်၊ ကိုအောင်သူရဇော် နှင့်ကိုလှမျိုးအောင်”တို့ကို စစ်ကောင်စီက အကြမ်းဖက်တိုက်ဖျက် ရေးဥပ ဒေ၏ သက်ဆိုင်ရာပြဌာန်းချက် ပုဒ်မများဖြင့် စွဲချက်တင်ပြီး ပြစ်မှုထင်ရှားသဖြင့် တရားခံ လေးဦး အ ပေါ် သေဒဏ်ချမှတ်ရာ အဆိုပါတရားခံလေးဦးအ ပေါ်အကျဉ်း ထောင် လုပ်လုပ်ထုံးလုပ်နည်းများအတိုင်း ပြစ်ဒဏ် ဆောင်ရွက် ပြီးဖြစ် ကြောင်း" ဇူလိုင်လ ၂၅ ရက် ၊ တနင်္လာနေ့ထုတ် မြန်မာ့အလင်းသတင်းစာတွင် စစ် ကောင်စီက ထုတ်ပြန် ကြေညာ ထားသည်။၎င်းသည်မတရားကြိုးပေးကွက်မျက်မှုဖြစ်ပြီး တရားမျှတမှု ပြန်လည်ရယူရန် ဇူလိုင် ၂၇ ရက်နေ့တွင် စစ်ဆင်ရေးတစ်ရပ် ဖော်ဆောင်ခဲ့ ကြောင်း CDF ကန်ပက်လက်က သတင်းထုတ်ပြန်လာသည်။

CDF ကန်ပက်လက်မှ စစ်ကြောင်း ၃ ကြောင်းခွဲ၍ ကန်ပက်လက်မြို့၊ အထွေထွေအုပ်ချုပ်ရေးဦးစီးဌာန၊ မြို့နယ်ပညာ ရေးရုံးနှင့် မြို့နယ်အခြေခံပညာအထက်တန်းကျောင်းတို့တွင် တပ်စွဲထားသော စစ်ကောင်စီတပ်သားများကို တိုက်ခိုက်ခဲ့ ရာ ရဲ ၂ ဦး၊ စစ်သား၂ ဦး၊ စုစုပေါင်း ၄ ဦးသေဆုံး၍ စစ်သား ၁ ဦးဒဏ်ရာရရှိခဲ့ ကြောင်း သတင်းထုတ် ပြန်ချက် တွင်ပါရှိသည်။ တိုက်ပွဲကြာမြင့်ချိန်မှာ မွန်းတည့် ၁၂:၂၅ အချိန်မှ မွန်းလွဲ ၁:၂၀ အချိန်ထိဖြစ်ပြီး မိဘပြည်သူများ ပို့သ‌သောမေတ္တာကြောင့် မိမိတို့ဘက်မှ ထိခိုက် အကျအဆုံးမရှိဘဲ ပြန်လည်ဆုတ်ခွာနိုင်ခဲ့ ကြောင်း သိရသည်။

စစ်ကောင်စီမှ ယခုကဲ့သို့ မတရားကြိုးမိန့်ပေးခြင်းအပါအဝင်၊ စစ်ရာဇဝတ်မှုများကို ဆက်လက်လုပ်ဆောင်နေပါက CDF ကန်ပက်လက်အနေဖြင့် အမျိုးသားညီညွတ်ရေးအစိုးရ (MOD)၊ CJDC တို့၏ လမ်းညွှန်ချက်များကိုလိုက်နာ၍ မြို့တွင်း စစ်ဆင်ရေးများကို အရှိန်မြှင့်တင်‌ဆောင်ရွက်သွားမည်ဖြစ်ကြောင်း သတင်းထုတ်ပြန်ချက်တွင်ပါရှိသည်။

📌📌 ၂။ ဦးဖြိုးဇေယျာသော်၊ ဦးဂျင်မီနှင့် သာမန်ပြည်သူများဖြစ်သည့် ကိုမျိုး၊ ဦးအောင်သူရဇော်တို့အား စစ်ကောင်စီက သေဒဏ်ပေးခြင်းအပေါ် မြန်မာပြည်သူများနှင့်အတူ ဒေါသကြီးမှု၊ ဝမ်းနည်းကြေကွဲကြောင်း CDF မင်းတပ် ထုတ်ပြန်

စစ်အာဏာရှင်စနစ် အမြစ်ဖြုတ်ချေမှုန်းရန် ချင်းကာကွယ်ရေးတပ် (မင်းတပ်) အနေဖြင့်အစွမ်းကုန် ဆောင်ရွက်မည်ဟုဆို ပြည်သူလူထုအပေါ်နှစ်ပေါင်းများစွာ ရက်စက်ယုတ်မာသည့် စစ်ကောင်စီမှ ၂၀၂၁ ဖေဖော်ဝါရီ ၁ ရက်တွင် ပြည်သူလူထု၏ ဥပဒေပြုရေး၊ တရားစီရင်ရေး၊ အုပ်ချုပ်ရေးစသည့် အာဏာသုံးရပ်အား မတရားသိမ်းယူခဲ့ခြင်းကြောင့် မြန်မာပြည်သူ များအနေဖြင့် အကြမ်းမဖက်ဘဲ အာဏာရှင် အလိုမရှိကြောင်း စတင်ဆန္ဒထုတ်ဖော်ခဲ့ကြသည်ဟု CDF မင်းတပ်က ထုတ်ပြန်သည်။

ပြည်သူလူထုအပေါ်အကြမ်းဖက် ရက်စက်ယုတ်မာသည့် စစ်ကောင်စီ (နစက) မှ နိုင်ငံရေးအကျဥ်းသားများဖြစ်သည့် ဦးဖြိုးဇေယျာသော်၊ ဦးဂျင်မီနှင့် သာမန်ပြည်သူများဖြစ်သည့် ကိုမျိုး၊ ဦးအောင်သူရဇော်တို့အား ၂၀၂၂ ဇူလိုင် ၂၃ တွင် သေဒဏ်ပေးခြင်းအပေါ် ချင်းကာကွယ်ရေးတပ် (မင်းတပ်) အနေဖြင့် မြန်မာပြည်သူများနှင့် အတူ ဒေါသကြီးမှုနှင့် ဝမ်းနည်းကြေကွဲမှုများ ခံစားရကြောင်း ၎င်းထုတ် ပြန်ချက်တွင် ဖော်ပြသည်။

ယင်းနောက် နိုင်ငံရေးအသိုင်းအဝိုင်းများသာမက မြန်မာပြည်သူများမှ ယခုကဲ့သို့ သေဒဏ်ချမှတ်မည်စိုး၍ "သေဒဏ်ချ မှတ်ခြင်း" ကိုမလုပ်မိစေရန် သံတမန်များဖြင့် မေတ္တာရပ်ခံတားမြစ်သည့်ကြားမှ နိုင်ငံရေးအကျဥ်းသား များအား ရူးမိုက်စွာ သေဒဏ်စီရင်ခြင်းသည် ဂျီနီဗာသဘောတူညီချက်များအား အလေးမထား ချိုးဖောက်မျုများအပေါ် ပြင်းပြင်းထန်ထန် ရှုပ်ချသည်ဟုလည်း ဆိုသည်။

စစ်ကောင်စီက သေဒဏ်ချမှတ်ခြင်းအပေါ် အနယ်နယ်အရပ်ရပ်မှ တော်လှန်ရေးတပ်ဖွဲ့ဝင်များနှင့်အတူ နှလုံးသားတွင် ရင့်သီးစွာနာကျင်ခံစားရပြီး တော်လှန်ရေး အင်အားစုများအနေဖြင့် စစ်အာဏာရှင်အမြစ်ဖြုတ်ချေမှုန်းရန် ပိုမိုအားစိုက် ဆောင်ရွက်ရန်လိုအပ်ကြောင်းနှင့် ချင်းကာကွယ်ရေးတပ်ဖွဲ့ (မင်းတပ်) အနေဖြင့်လည်း စစ်ကောင်စီအား အစွမ်းကုန် တော်လှန်သွားမည်ဟု ထုတ်ပြန်ကြေညာသည်။

📌📌 ၃။ CDF မတူပီနှင့် စစ်ကောင်စီတပ်ဖွဲ့ဝင်များ လည်မျိုချောင်းအနီးထပ်မံ ထိတွေ့ပစ်ခတ်မှုရှိ၊ စစ်ကောင်စီဘက် အထိခိုက် များသည်ဟု CDF မတူပီပြော

CDF မတူပီနှင့် စစ်ကောင်စီတပ်ဖွဲ့ဝင်များ လေမျိုချောင်းတံတားအနီးတစ်ဝိုက်၌ ဇူလိုင် ၂၅ နံနက်ပိုင်း ၁၁ နာရီခန့်တွင် စတင်ထိတွေ့ပစ်ခတ်မှုဖြစ်ပွားခဲ့သည်ဟု CDF မတူပီ သတင်းနှင့် ပြန်ကြားရေးဌာနက ထုတ်ပြန်သည်။

ယင်းထိတွေ့ပစ်ခတ်မှုတွင် စစ်ကောင်စီတပ်ဖွဲ့ဝင် ၅ ဦးသေဆုံးပြီး ၄ ဦးခန့် ဒဏ်ရာရရှိသည်ဟု ၎င်းထုတ်ပြန်ချက်အရ သိရသည်။ ဤပစ်ခတ်မှုတွင် CDF မတူပီတပ်ဖွဲ့ဝင်များ အထိအခိုက်မရှိပြန်လည်ဆုတ်ခွါနိုင်ကြောင်းနှင့် မတူပီမြို့နယ် အတွင်း စစ်ကောင်စီ၏ ထိုးစစ်ဆင်မှုကြောင့် ပစ်ခတ်တိုက်ခိုက်မှုများ ဆက်လက်ဖြစ်ပွားလာနိုင်ကြောင်း CDF မတူပီ သတင်းနှင့် ပြန်ကြားရေးဌာနက ထုတ်ပြန်ချက်တွင် ဖော်ပြထားသည်။

📌📌 ၄။ စစ်ကောင်စီကို တရုတ်၊ ရုရှားအပါအဝင် လုံခြုံရေးကောင်စီအဖွဲ့ဝင် ၁၅ နိုင်ငံက ပြစ်တင်ရှုတ်ချ

ဒီမိုကရေစီလှုပ်ရှားသူလေးဦးကို သေဒဏ်ပေးကွပ်မျက်လိုက်တဲ့အပေါ် တရုတ်၊ ရုရှားအပါအဝင် လုံခြုံရေးအဖွဲ့ဝင် ၁၅ နိုင်ငံက ကန့်ကွက်မယ့်သူမရှိ တညီတညွတ်တည်း ပြစ်တင်ရှုတ်ချ လိုက်တယ်လို့ ဝါရှင်တန်ပို့စ်သတင်းစာမှာ ဖော်ပြလိုက်ပါတယ်။ အဲဒီအပြင် အကြမ်းဖက်မှုအားလုံး ချက်ချင်းရပ်ဖို့၊ လူ့အခွင့်အရေးနဲ့ တရားဥပဒေစိုးမိုးရေးကို အပြည့်အဝ လိုက်နာဖို့ ကိုလည်း စစ်ကောင်စီကို တောင်းဆိုလိုက်ပါတယ်။

သေဒဏ်ချမှတ်ခံထားရတဲ့သူတွေကို မကွပ်မျက်ဘဲ ပြန်စဉ်းစားဖို့ အာဆီယံအသင်း ပြန်ကြားနေတဲ့ကြားကပဲ အခုလို ဆောင်ရွက်လိုက်တယ်ဆိုတာ မှတ်သားထားတယ်လို့လည်း လုံခြုံရေးကောင်စီရဲ့ ကြေညာချက်မှာ ဖော်ပြထားပါတယ်။ မြန်မာပြည် ဒီမိုကရေစီပြုပြင်ပြောင်းလဲရေးအတွက် အပြည့်အဝ ထောက်ခံနေမယ်ဆိုတာ ထပ်ခါတလဲ ပြောဆိုလိုက်သလို၊ မြန်မာရဲ့ အချုပ်အခြာအာဏာတည်မြဲဖို့၊ နိုင်ငံရေးအရ လွတ်လပ်ဖို့၊ ကိုယ့်မြေကိုယ့်ရေနဲ့ ညီညွတ်ရေးဆက်လက်တည်ရှိဖို့ မြန်မာပြည်သူတွေရဲ့ မဆုတ်မနစ် လုံ့လကိုလည်း ဆက်လက်ထောက်ခံနေတယ်လို့ ဆိုပါတယ်။ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စနိုလင်းဟေဇာရဲ့ အာဆီယံ ကိုယ်စားလှယ်နဲ့ ပူးပေါင်းဆောင်ရွက်ရေးအခန်းကဏ္ဍဟာ အရေးကြီးတယ်လို့လည်း လုံခြုံရေးကောင်စီက မီးမောင်းထိုးပြလိုက်ပါတယ်။

အာဆီယံဥက္ကဋ္ဌအဖြစ် တာဝန်ယူနေတဲ့ ကမ္ဘောဒီးယားဝန်ကြီးချုပ် ဟွန်ဆန်ရဲ့ သဘောထားနဲ့ လုံခြုံရေး ကောင်စီရဲ့အမြင် တူညီနေတဲ့အပေါ်မှာ တရုတ်ကလည်း ကြိုဆိုတယ်လို့ ဆိုပါတယ်။

📌📌 ၅။ နိုင်ငံတကာပါလီမန်များအဖွဲ့ (IPU) နှင့် CRPH တို့ တွေ့ဆုံ၍ ဆက်သွယ်ဆက်ဆံရေးကဏ္ဍအပေါ် ဆက်လက်ပူးပေါင်းဆောင်ရွက်နိုင်ရေး ဆွေးနွေး

နိုင်ငံတကာပါလီမန်များအဖွဲ့ (IPU) နှင့် CRPH တို့ တွေ့ဆုံ၍ ဆက်သွယ်ဆက်ဆံရေးကဏ္ဍအပေါ် ဆက်လက်ပူးပေါင်းဆောင်ရွက်နိုင်ရေး ဆွေးနွေးခဲ့ပါတယ်။ ဇူလိုင်လ ၂၇ ရက်နေ့၊ မွန်းလွဲ ၁:၃၀ အချိန် ဗီဒီယိုကွန့်ဖရင့်ဖြင့် တွေ့ဆုံ၍ CRPH ၏ ပြင်ပဆက်ဆံရေးကဏ္ဍ နှင့်ဆက်သွယ်‌ရေးနည်းပညာကဏ္ဍတို့ အပေါ် ဆက်လက်ပူးပေါင်း ဆောင်ရွက်နိုင်ရေး ဆွေးနွေးခဲ့ကြတယ်လို့သတင်းရရှိပါတယ်။

အစည်းအဝေး၌ သတင်းနှင့် ပြန်ကြားရေးကော်မတီ ဥက္ကဌ ဒေါက်တာ ဝေဖြိုးအောင်၊ နိုင်ငံတကာဆက်ဆံရေးကော်မတီ ဥက္ကဌ ဒေါ်မြတ်သီတာထွန်းနှင့် အတွင်းရေးမှူး ဦးတင်ကိုကိုဦး၊ IPU မှ တာဝန်ရှိသူများနှင့် အကူအညီ‌ပေးရေး အစီအစဉ်တွင် ပါဝင်မည့် ကျွမ်းကျင်သူများ တက်ရောက်ခဲ့ကြပါတယ်။ IPU နှင့် မြန်မာလွှတ်တော်တို့အကြား သဘောတူညီထားတဲ့အကူအညီပေးရေး စီမံကိန်းအရ CRPH ၏ လုပ်ငန်းများ အားကောင်းလာစေရန် နိုင်ငံတကာ/သံတမန်ဆက်ဆံရေး၊ နည်းပညာကဏ္ဍတို့ အပါအဝင် နိုင်ငံတကာအသိုက်အဝန်းနှင့် လက်တွေ့ကျသော ပူးပေါင်းချိတ်ဆက်ဆောင်ရွက်မှုတို့ ပိုမိုဆောင်ရွက်နိုင်ရေး ပံ့ပိုးကူညီသွားမှာဖြစ်ပါတယ်။