9th JUL 2022 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ ဇူလိုင်လ ( ၉ ) ရက်နေ့ နောက်ဆုံးရပြည်တွင်းသတင်းများ

📌📌 ၁။ မင်းတပ် ပအဖ တရားစီရင်ရေးဌာန စတင်ဖွဲ့စည်းခြင်း တစ်နှစ်ပြည့်ခဲ့ပြီး တစ်နှစ်တာ လုပ်ဆောင်ချက်များထုတ်ပြန်

မင်းတပ်မြို့နယ် ပြည်သူ့အုပ်ချုပ်ရေးအဖွဲ့ ၊ တရားရေး ဌာန/ တရားစီရင်ရေးဌာန ကို ၂၀၂၁ ခုနှ် ဇူလို်လ ၇ ရက်နေ့တွင် စတင်ဖွဲ့စည်းလိုက်ကြောင်း တရားစီရင်ရေးဌာန ၏သတင်းထုတ်ပြန်ချက်အရ သိရသည်။

အဆိုပါထုတ် ပြန်ချက်တွင် ပြည်သူများအား ဥပဒေအကာအကွယ်ပေးနိုင်ရန်နှင့် ပြစ်မှုများပေါ်ပေါက်လာပါက ဓလေ့ထုံးတမ်း၊တည်ဆဲဥပဒေနှင့်အညီ ဖြေရှင်းဆောင်ရွက်ပေးနိုင်ရန်ရည်ရွယ်၍ ဖွဲ့စည်းခဲ့ခြင်းဖြစ်ကြောင်း တရား စီရင်ရေးဌာန-မင်းတပ်မြို့ကို မြို့နယ်တရားစီရင်ရေးအဖွဲ့၊တိုက်နယ်/ကျေးရွာ ဖြန်ဖြေရေးအဖွဲ့ဟူ၍ အဆင့်ဆင့် ဖွဲ့စည်းထားကြောင်း၊ မှုခင်းပြဿနာများကြုံတွေ့ရပါက မိမိကျေးရွာ၊တိုက်နယ် ဖြန်ဖြေရေးအဖွဲ့ထံသို့ ဆက်သွယ် တိုင်ကြား အကူညီတောင်းကြရန်၊ ကျေးရွာ/တိုက်နယ်များမှ ဖြန်ဖြေဆောင်ရွက်နိုင်ခြင်းမရှိသည့် အမှုများကို မြို့နယ်တရား စီရင်ရေးအဖွဲ့မှ ဥပဒေနှင့်အညီစစ်ဆေးစီရင်ပေးနိုင်ရန်စီစဉ်ထားကြောင်း ကျေးရွာ၊တိုက်နယ် ဖြန်ဖြေရေး အဖွဲ့များကို ချင်းဓလေ့ထုံးတမ်းများအား နှံ့စပ်နားလည်သူများနှင့် ဖွဲ့စည်းထားသည့်အားလျော်စွာ ၎င်းအဖွဲ့များမှ ချင်းဓလေ့ထုံးတမ်းနှင့်အညီ ကျေအေးပြီးပြတ်အောင် ဆောင်ရွက်ပေးမည်ဖြစ်သည်။ ဓလေ့ထုံးတမ်းနှင့်အညီ မပြီးပြတ်နိုင်သည့်ပြစ်မှုများကို မြို့နယ်တရားစီရင်ရေးအဖွဲ့မှ ရာဇသတ်ကြီး၊ ရာဇ၀တ် ကျင့်ထုံးဥပဒေ နှင့်အညီ စစ်ဆေးစီရင်ပေးမည်ဖြစ်ကြောင်း ယခုအချိန်တွင် ပြည်သူ့ရဲတပ်ဖွဲ့ ဖွဲ့စည်းပြီးဖြစ်သည့်အတွက် မြို့နယ်တရားစီရင်ရေးအဖွဲ့မှ အမှုများကို စောလျှင်စွာပြီးပြတ်အောင် ကြိုးစားဆောင်ရွက်ပေးနေပြီဖြစ် ဖော်ပြပါရှိသည်။ ထို့နောက် တစ်နှစ်အတွင်း တရားစီရင်ရေးဌာန၏ လုပ်ငန်းဆောင်ရွက်ပြီးအခြေအနေများကို ဆက်လက် တင်ပြသွား မည်ဖြစ်ကြောင်း သိရသည်။

 

📌📌 ၂။ ကျော့တော်ကျေးရွာပြည်သူနှစ်ဦးကို စစ်ကောင်စီက မတရားဖမ်းဆီးထား၊ နှိပ်စက်မေးမြန်းပြီး ပြန်လွှတ်ပေးဟုဆို 

မင်းတပ်မြို့နယ် ကျော့တော်ကျေးရွာမှာရှိတဲ့ ပြည်သူနှစ်ဦးကို ဇူလိုင် ၆ ရက်နေ့ မနက် ၅ နာရီ ၄၅ မိနစ်ဝန်းကျင်မှာ စစ် ကောင်စီတပ်က လာရောက်ဖမ်းဆီးသွားတယ်လို့ CDF မင်းတပ် သတင်းမှန်ပြန်ကြားရေးအဖွဲ့က သတင်းထုတ် ပြန်ပါတယ်။ 

ကျေးရွာနေ ပြည်သူနှစ်ဦးကို ဖမ်းဆီးတာအပြင် ကျော့တော်ကျေးရွာ တရွာလုံးက ပြည်သူ့နေအိမ်တွေကို ဝင်ရောက်မွှေနှောက်တာရှိတယ်လို့ အဲဒီထုတ်ပြန်ချက်ထဲမှာ ဖော်ပြထားပါတယ်။ 

အခု ဖမ်းဆီးခံထားရတဲ့ ပြည်သူနှစ်ဦးဟာ အမျိုးသားနှစ်ဦးဖြစ်ပြီး ပြီးခဲ့တဲ့နေ့ကလည်း မင်းတပ်မြို့နယ်အတွင်းက အမျိုးသမီးတစ်ဦးနဲ့ အမျိုးသားတစ်ဦးကို စစ်ကောင်စီက မတရားဖမ်းဆီးထားတယ်လို့ CDF မင်းတပ်ကဆိုပါတယ်။ 

မနက်အစောပိုင်းမှာဖမ်းဆီးတဲ့ ပြည်သူနှစ်ဦးကို နှိပ်စက်မေးမြန်းပြီး မွန်းလွဲပိုင်းမှာ ပြန်လွှတ်ပေးတယ်လို့ ဖမ်းဆီးခံရသူနဲ့ နီးစပ်သူ တစ်ဦးက The Mindat Post ကိုပြောပါတယ်။ 

“မနက်ကဖမ်းထားတဲ့ နှစ်ယောက်ကို ရွာထဲမှာဘဲ မေးတာမြန်းတာလုပ်ပြီး ပြန်လွှတ်ပေးတယ်၊ နှိပ်စက်ထားတာတော့ လွန်လွန်းတယ်ဗျာ” လို့သူက ပြောပါတယ်။ 

စစ်ကောင်စီတပ်သားတွေရဲ့ ပြည်သူတွေအပေါ် မတရားဖမ်းဆီးတာတွေပိုများလာတာကြောင့် မြို့တွင်း၊ မြို့ပြင်မှာ သွားလာခြင်းကို သတိပြုကြဖို့ CDF မင်းတပ်က သတိပေးထုတ်ပြန်ထားပါတယ်။ 

📌📌 ၃။ မင်းတပ် လေကြောင်းတိုက်ခိုက်မှုမှာ သူလျှို/ ဒလန်များ၏ သတင်းပေးခြင်းကြောင့်ဖြစ်ကြောင်း CDF-မင်းတပ် ထုတ်ပြန်၊ လက်တုံ့ပြန်သွားမည်ဟုဆို

မင်းတပ်မြို့နယ်ရှိ ကျေးရွာ ၂ ရွာကို ပြီးခဲ့သည့် ဇူလိုင် ၂ နံနက် (၁၁း၀၉) မိနစ်မှ စတင်ကာ စစ်ကောင်စီဘက်မှ လေကြောင်းတိုက်ခိုက်မှုပြုလုပ်ခဲ့ပြီး ဘုရားကျောင်းနှင့် စာသင်ကျောင်းများကို ပစ်မှတ်ထား၍ ၂ ကြိမ်တိတိ ဗုံး ကြဲတိုက်ခိုက်ခဲ့သည်။

အဆိုပါ စစ်ကောင်စီ၏ လေကြောင်းတိုက်ခိုက်မှုကြောင့် CDF မင်းတပ်တပ်ဖွဲ့ဝင် ၃ ဦးကျဆုံးကာ အရပ်သားပြည်သူ ၁၀ ဦးထက်မနည်း ဒဏ်ရာရရှိခဲ့ကြောင်း CDF မင်းတပ်က ထုတ်ပြန်သည်။

ယင်းဖြစ်ရပ်သည် သူလျှို/ ဒလန်များ၏ သတင်းပေးခြင်းကြောင့်ဖြစ်ကြောင်းနှင့် ၎င်းအဖို့ လက်တုံ့ပြန်သွားမည်ဟု CDF မင်းတပ်က ထုတ်ပြန်ချက်ထဲတွင် တပါတည်းဖော်ပြသည်။

စစ်ကောင်စီ၏ လေကြောင်းတိုက်ခိုက်မှုဖြစ်စဉ်အပြီး (၅း၁၅) မိနစ်အချိန်ခန့်တွင် လက်တုံ့ပြန်သည့်အနေဖြင့် မင်းတပ် မတူပီလမ်းအနီး ၄ မိုင်ကုန်းရှိ စစ်ကောင်စီကင်းစခန်းနှင့် ခလရ ၂၇၄ တပ်ရင်းဂိတ်တို့ကို CDF မင်းတပ်မှ သွားရောက်တိုက်ခိုက်ခဲ့ရာ သေဆုံးမှုများရှိနိုင်ပြီး အတိကျမသိရကြောင်းလည်း ဖော်ပြထားသည်။

စစ်ကောင်စီ ဗုံးကြဲတိုက်ခိုက်မှုကြောင့် မပေါက်ကွဲသေးသော (၅ဂါလံပုံး အရွယ်ရှိ) ဗုံးဆံ အများအပြား ကျေးရွာထဲတွင်ရှိ‌နေသည်ဟု မင်းတပ်မြို့နယ်ပြည်သူ့အုပ်ချုပ်ရေးအဖွဲ့က ဆိုသည်။

ထို့အ ပြင် စစ်ကောင်စီဘက်မှ မင်းတပ်မြို့နယ်အတွင်း လေကြောင်းဖြင့် ကင်းထောက်မှုများ ဆက်တိုက်ပြုလုပ် လျက်ရှိကြောင်း၊ နောက်ထပ် လေကြောင်းတိုက်ခိုက်မှုများ ထပ်မံပြုလုပ်လာနိုင်သဖြင့် ရပ်ရွာနေပြည်သူများ ဗုံခိုကျဉ်းများတူးဖော်၍ လုံခြုံသည့်နေရာများ ပြင်ဆင်ထားကြရန် CDF မင်းတပ်က အများပြည်သူသို့ သတိပေးချက်ထုတ်ပြန်ထားသည်။

 

📌📌 ၄။ မင်းတပ်မြို့နယ်ရှိကျေးရွာ ၂ ရွာကို စစ်ကောင်စီက လေကြောင်း တိုက်ခိုက်မှုအပေါ် ကန့်ကွက်ရှုတ်ချကြောင်း ICNCC ထုတ်ပြန်

မင်းတပ်မြို့နယ်ရှိကျေးရွာ ၂ ရွာ ကို စစ်ကောင်စီက လေကြောင်း တိုက်ခိုက်မှုအပေါ် ကန့်ကွက်ရှုတ်ချကြောင်း ကြားကာလချင်းအမျိုးသား အတိုင်ပင်ခံကောင်စီ (ICNCC) က ထုတ်ပြန်ချက် အမှတ် (၉/၂၀၂၂) ဖြင့် ထုတ်ပြန်သည်။၂၀၂၂ ခုနှစ် ဇူလိုင်လ (၂) ရက်၊ နံနက် (၁၁) နာရီဝန်းကျင်တွင် ချင်းပြည်နယ်၊ မင်းတပ်မြို့နယ်၊ ချပ်ကျေးရွာနှင့် စွန်တောင်ကျေးရွာတို့ကို အကြမ်းဖက်စစ်ကောင်စီက စစ်လေယာဥ်များဖြင့် အင်အားသုံးပစ်ခတ်တိုက်ခိုက်ခဲ့ရာ ချပ်ကျေးရွာတွင် ချင်းတိုင်းရင်းသားသုံးဦး ထိမှန်သေဆုံးပြီး၊ ပြည်သူအများအပြားထိခိုက်ဒဏ်ရာရရှိခဲ့ကာ ခရစ်ယာန်ဘုရားကျောင်းတစ်ကျောင်း၊ စာသင်ကျောင်းတစ်ကျောင်းနှင့် လူနေအိမ်များထိခိုက်ပျက်စီးခဲ့ ကြောင်း၊ ယခုကဲ့သို့ ချင်းပြည်နယ်အတွင်းရှိ ချင်းတိုင်းရင်းသားများနေထိုင်ရာကျေးရွာများသို့ စစ်လေယာဥ်များဖြင့် ကျုးကျော်ဝင်ရောက်ပစ်ခတ်တိုက်ခိုက်ခြင်းသည် စစ်ကောင်စီတပ်ဖွဲ့က ချင်းတိုင်းရင်းသားပြည်သူများအပေါ် ကျူးလွန်သော စစ်ရာဇဝတ်မှုဖြစ်သဖြင့် မိမိတို့ကောင်စီအနေဖြင့် ပြင်းထန်စွာကန့်ကွက်ရှုတ်ချကြောင်း ချင်းပြည်နယ် အပါအဝင် တိုင်းရင်းသားပြည်နယ်များနှင့် ပြည်မဒေသများရှိ ပြည်သူများအား စစ်လေယာဥ်များအသုံးပြု၍ သာလွန်အင်အားအသုံးပြုပစ်ခတ်တိုက်ခိုက်ခြင်းဖြင့် မည်သည့်ကောင်းကျိုးမျှ ရရှိဖြစ်ထွန်းစေနိုင်မည်မဟုတ်ဘဲ၊ စစ်ကောင်စီအပေါ်တိုင်းရင်းသားလူထု၏ နာကျည်းမှုကိုသာ ပိုမိုကြီးထွားစေမည်ဖြစ်ကြောင်းကြားကာလ ချင်းအမျိုးသား အတိုင်ပင်ခံကောင်စီ (ICNCC) ၏ ထုတ်ပြန်ချက်တွင် ရေးသားဖော်ပြထားသည်။

#RadioNUGLocalNews

#SpringRevolution