1st OCT 2022 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ အောက်တိုဘာလ ( ၁ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ CDF ကန်ပက်လက်ထံ ရဲတစ်ဦးနှင့် စစ်ကောင်စီတပ်သားတစ်ဦး လက်နက်၊ ခဲယမ်းအပြည့်စုံဖြင့် ထပ်မံ CDM ပြုလုပ်လာ

ကန်ပက်လက်နယ်တွင် တာဝန်ထမ်းဆောင်သော စစ်ကောင်စီတပ်သား နေသူအောင်နှင့် ရဲတပ်သား ဗန်ဒိန်းတို့နှစ်ဦး လက်နက်အပြည့်စုံ ဖြင့် CDM ပြုလုပ်လာကြောင်း CDF ကန်ပက်လက်က စက်တင်ဘာ ၂၆ တွင် ထုတ်ပြန်သည်။ CDM ပြုလုပ်လာသူတို့နှင့်အတူ G3 ၁လက်၊ MA2 ၁လက်၊ G3 ကျည်ဘောက် ၂ခု၊ MA2 ကျည်ဘောက် ၄ခု၊ G3 ကျည် ၂၈တောင့်၊ MA ကျည် ၃၄၆ တောင့်နှင့် ကျည်ကာ ၁ထည်တို့ပါလာကြောင်း CDF ကန်ပက်လက်၏ ထုတ်ပြန်ချက်တွင် ဖော်ပြသည်။

 

ပြီးခဲ့သည့် စက်တင်ဘာ ၁၆ ရက်ကလည်း လက်နက် ၂ လက်၊ ခဲယမ်းအပြည့်အစုံဖြင့် CDM ပြုလုပ်သည့် ရဲတပ်သားတစ်ဦးကို CDF ကန်ပက်လက်က ဂုဏ်ပြုဆုငွေနှင့်တကွ လွတ်မြောက်နယ်မြေသို့ ပို့ဆောင်ပေးခဲ့ပြီးဖြစ်သည်။ ထို့ ပြင် ပြည်သူနှင့်ပူးပေါင်းလိုသူ မည်သည့်ရဲနှင့် တပ်မတော်သားကိုမဆို နွေးထွေးစွာ ဖိတ်ခေါ်လျက်ရှိကြောင်း CDF ကန်ပက်လက်က ဆိုသည်။ 

 

📌📌 ၂။ ငလိုင်ကျေးရွာအနီးတိုက်ပွဲတွင် စစ်ကောင်စီထိခိုက် သေဆုံးမှုများပြီး CDF မတူပီရဲဘော်တစ်ဦးကျဆုံး

 

မတူပီ - ဟားခါးကားလမ်းပိုင်း ငလိုင်ကျေးရွာအနီး အင်အား ၂၀၀ ဝန်းကျင်ဖြင့် စစ်ကြောင်းထိုးလာသည့် စစ်ကောင်စီနှင့် CDF မတူပီတို့ စက်တင်ဘာ ၂၇ နံနက်အစောပိုင်းက ထိတွေ့ပစ်ခတ်မှုရှိကြောင်း CDF မတူပီက သတင်းထုတ်ပြန်သည်။ အဆိုပါပစ်ခတ်မှုတွင် စစ်ကောင်စီတပ်ဖွဲ့ဝင် ၄ယောက်ခန့်သေဆုံးပြီး၊ ထိခိုက်ဒဏ်ရာရရှိသူများကြောင်းနှင့် CDF မတူပီ ရဲဘော်တစ်ဦးကျဆုံးခဲ့ကြောင်း ၎င်းထုတ်ပြန်ချက်အရ သိရသည်။ 

 

စစ်ကောင်စီတပ်နှင့် CDF မတူပီတို့ ပစ်ခတ်မှုဖြစ်ပွားနေသည့် မတူပီ - ဟားခါးလမ်းပိုင်းတွင် ပြည်သူများခရီးသွားလာခြင်း လုံးဝ (လုံးဝ) မပြုရန် CDF မတူပီ၏ ယခင်ထုတ်ပြန်ချက်တွင် ဖော်ပြထားပြီးဖြစ်သည်။ 

 

📌📌 ၃။ မင်းတပ် ပအဖ၊ စိုက်ပျိုး ရေးဌာနက ဒေသထွက် ဝဥကို အစားအ သောက်အဖြစ်ပြုလုပ်နည်းသင်တန်းပို့ချ 

 

မင်းတပ်မြို့နယ် ပြည်သူ့အုပ်ချုပ် ရေး ၊ စိုက်ပျိုး ရေးဌာနက ဒေသထွက် ဝဥများကို အစားအစာ အဖြစ် ပြောင်းလဲ ပြုလုပ်နည်း သင်တန်းများကို ပို့ချခဲ့ ကြောင်း စက်တင်ဘာ ၂၉ရက် နေ့စွဲနဲ့ သတင်းထုတ်ပြန်လာပါတယ်။

 

စိုက်ပျိုး ရေးဌာနအ နေနဲ့ မင်းတပ်မြို့နယ်ပြည်သူ့အုပ်ချုပ်ရေးအဖွဲ့ ထိန်းချုပ် နယ် မြေ အတွင်းရှိ တိုက်နယ်၊ ကျေးရွာအုပ်စု၊ ကျေးရွာများမှ စစ်‌ဘေးရှောင်ပြည်သူများနှင့် မိဘပြည်သူများအား ဝဥမှသည် ၀တုံပြုလုပ်နည်းသင်တန်းကို TOT စနစ်ဖြင့် လက်တွေ့သင်တန်း ပို့ချခဲ့ ကြောင်း သတင်းထုတ်ပြန်ချက်မှာ ပါရှိပါတယ်။ သင်တန်းသူ/သား ပေါင်း (၃၅၀)ဦးကို သင်တန်းပို့ချခဲ့တယ်လို့ လည်း ထုတ်ပြန်ထားပါတယ်။

စစ် ကောင်စီက အာဏာသိမ်းပြီး နောက်ပိုင်းမှာ မင်းတပ်မြို့နယ်အတွင်း တိုက်ပွဲ တွေ ဖြစ်ပွားလာတဲ့အချိန်ကစပြီး စစ် ကောင်စီက နေ ဖြတ် ၄ ဖြတ်စနစ်နဲ့ မင်းတပ်မြို့ကို ပိတ်ဆို့ တားမြစ်ခဲ့တာဖြစ်ပါတယ်။ အစားအ သောက်၊ ဆေးဝါးအစရှိတဲ့ လူသုံးကုန်ပစ္စည်း တွေကို စစ် ကောင်စီဘက်က ပိတ်ပင်ခဲ့တာ ကြောင့် မင်းတပ်မြို့နယ် အတွင်းမှာ စစ် ဘေး ရှောင် ပြည်သူ တချို့ အချိန်မီဆေးဝါး ကုသခွင့်မရတာ၊ အစာ ရေစာပြတ်လပ်မှု တွေကြောင့် အသက် ဆုံးရှုံးတာမျိုး တွေရှိခဲ့တာ ဖြစ်ပါတယ်။

 

📌📌 ၄။ ချင်းပြည်နယ်တွင် နွားနောက်၊ ဝဥနှင့် ကော်ဖီအခြေခံပြီး စက်မှုဇုန်တည်ဆောက်ကာ ဖယ်ဒရယ် အခွင့်အလမ်း ပေးမည် ဟု စစ်ကောင်စီဥက္ကဌပြော

ချင်းပြည်နယ်အတွင်း အဓိကထုတ်ကုန်တွေဖြစ်တဲ့ နွားနောက်၊ ကော်ဖီနဲ့ ဝဥ စတာတွေကို အခြေခံပြီး ပြည်သူတွေတွက် အလုပ်ကိုင်အခွင့်လမ်းဖန်တီးဖို့ စက်မှုဇုန်တည်ဆောက်ပေးသွားမယ်လို့ အာဏာသိမ်း စစ်ကောင်စီဥက္ကဌ ဗိုလ်ချုပ်မှူးကြီး မင်းအောင်လှိုင် ပြောပါတယ်။ 

 

စက်တင်ဘာ ၂၇ ရက်နေ့၊ နေပြည်တော်မှာပြုလုပ်တဲ့ စစ်ကောင်စီခန့်ဝန်ကြီးများ အစည်းအဝေး (၈/ ၂၀၂၂) မှာ ခုလို ပြောသွားတာပါ။ ဒီလို အလုပ်အကိုင်ဖန်တီးပေးတာကြောင့် ပြည်နယ်အတွင်းက ပြည်သူတွေအနေနဲ့ အလုပ်အကိုင် အဆင်ပြေနိုင်ပြီး မိမိတို့ (စစ်ကောင်စီ) အုပ်ချုပ်သူတွေအနေနဲ့ ဖယ်ဒရယ်အခွင့်အရေးပေးတဲ့ သဘောဖြစ်တယ်လို့လည်း သူကဆက်ပြော ထားပါတယ်။

 

စစ်ကောင်စီဥက္ကဌက ခုလိုပြောပေမယ့် အာဏာသိမ်းပြီးတဲ့နောက် မင်းတပ်မြို့နယ်အတွင်းမှာ နွားနောက်အကောင်ရေ ၃၀ ဝန်းကျင် (ကာလတန်ဖိုး ကျပ်သိန်း ၄၀၀ ခန့်) စစ်ကောင်စီတပ်ရဲ့ ခိုးယူသတ် ဖြတ်ခံထားရတယ်လို့ ယခုနှစ် ဧပြီလ ဆန်းပိုင်းက စာရင်းတွေအရ စုံစမ်းသိရှိရပါတယ်။ 

 

📌📌 ၅။ တိုက်ပွဲဖြစ်လို့ မတူပီမြို့နယ် ဖနိုင်နဲ့ ငလိုင်ရွာက ပြည်သူ ၁၅၀၀ ကျော်ထွက်ပြေးတိမ်းရှောင်နေရ

 

ချင်းပြည်နယ်၊ မတူပီမြို့နယ် မတူပီ-ဟားခါး ကားလမ်းပေါ်က ဖနိုင်နဲ့ ငလိုင်ရွာအကြား စစ်ကောင်စီတပ်နဲ့ ချင်းဒေသ ကာကွယ်ရေး တပ်ဖွဲ့တို့ စက်တင်ဘာ ၂၆ ရက်နေ့ မနက်ပိုင်းက တိုက်ပွဲဖြစ်ပွားခဲ့တာကြောင့် အရပ်သား ၁၅၀၀ ကျော် ထွက်ပြေးတိမ်းရှောင်နေရတယ်လို့ ဒေသခံတွေက ပြောပါတယ်။

 

ဖနိုင်ကျေးရွာမှာ အရပ်သား ၉၀၀ ကျော်ရှိပြီး ငလိုင်ရွာမှာ အရပ်သား ၆၀၀ ကျော်ရှိတယ်လို့ ဒေသခံတွေက ပြောပါတယ်။ မတူပီမြို့နယ်ကနေ စစ်ကောင်စီတပ်သား အင်အား ၅၀ ဝန်းကျင်ဟာ ဟားခါးမြို့နယ်ဘက်ကိုအသွား ဖနိုင်နဲ့ ငလိုင်ကျေးရွာ အကြား စက်တင်ဘာ ၂၄ ရက်ကလည်း တိုက်ပွဲဖြစ်ပွားခဲ့ပါတယ်။

 

အဲဒီတိုက်ပွဲမှာ စစ်ကောင်စီတပ်ဘက်က လေးဦး သေဆုံးပြီး ဒေသကာကွယ်ရေးတပ်ဖွဲ့က တစ်ဦးဒဏ်ရာရခဲ့တယ်လို့ CDF မတူပီ ပြောရေးဆိုခွင့်ရှိသူက RFAကို ပြောပါတယ်။ အာဏာသိမ်းပြီးနောက် ချင်းပြည်နယ်မှာ စစ်ကောင်စီတပ်နဲ့ ဒေသ ကာကွယ်ရေး တပ်ဖွဲ့တွေအကြား တိုက်ပွဲတွေကြောင့် ကျေးရွာပေါင်း ၃၀၀ ကျော်ဟာ စစ်ဘေးဒုက္ခခံစား နေရတယ်လို့ ချင်းရေး ရာအဖွဲ့ချုပ်က ပြောပါတယ်။

ကုလသမဂ္ဂ လူသားချင်းစာနာမှုဆိုင်ရာညှိနှိုင်းရေးရုံး (UNOCHA) ရဲ့ စက်တင်ဘာ ၅ ရက်က ထုတ်ပြန်တဲ့ အစီရင်ခံစာအရ စစ်အာဏာသိမ်းပြီးနောက် ချင်းပြည်နယ်မှာ စစ်ဘေးဒုက္ခသည် လေးသောင်းဝန်းကျင်တိုးလာပါတယ်။

#RadioNUGLocalNews

#SpringRevolution