15th OCT 2022 - (Ethnic language program-CHO_DAAI) by Radio NUG ~ Newsletter by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ အောက်တိုဘာလ ( ၁၅ ) ရက်နေ့ နောက်ဆုံးရပြည်တွင်းသတင်းများ

📌📌 ၁။ CDF-Daaiက Vaurawng အဖွဲ့နဲ့အတူ Facebook Liveကနေ ရန်ပုံ ငွေရှာ ဖွေ မည်

Chinland Defense Force - Daai (CDF - Daai) အတွက် Vaurawng အဖွဲ့နဲ့အတူ အောက်တိုဘာလ USA (13-15) ရက် နေ့ တွေမှာ Fundraising ပွဲကို Facebook live က နေတဆင့် ကျင်းပပြုလုပ်သွားမှာဖြစ်တယ်လို့ သိရပါတယ်။

CDF-Daai က အဆို တော် ထောင် ဘွေးနှင့် ဒေးဗစ်လိုင်တို့အား ရန်ပုံ ငွေရှာ ဖွေ ရေးဖွဲ့တွင် လာ ရောက် ဖျော် ဖြေ ပေးရန် အကူညီ တောင်းခံ ကြောင်း CDF Daai ရဲ့ထုတ်ပြန်ချက်အရသိရပါတယ်။

"CDF-Daaiအတွက်လိုအပ်တဲ့ လက်နက်ခဲယမ်း၊ ဆေးဝါးတွေဝယ်ယူနိုင်ဖို့ အောက်တိုဘာ ၁၄/၁၄/၁၆ရက်တွေမှာ အလှူခံမှာဖြစ်ပါတယ်၊ လျာထားငွေ သိန်းနှစ်ထောင်ဖြစ်တယ်၊ ဒါကြောင့် ပြည်တွင်းပြည်ပက မိဘပြည်သူတွေအနေနဲ့ ကူညီပေးစေလိုပါတယ်"လို့ CDF Daai တပ်မဟာမှူး ဆလိုင်းအောင်မင်းကပြောပါတယ်။

Chinland Defense Force - Daai ဟာ ချင်းပြည်နယ် ပလက်ဝမြို့နယ်မှာ အခြေချလှုပ်ရှား နေပြီး မင်းတပ်၊ မတူပီ၊ ကန်ပက်လက်မြို့နယ်တို့ကို စစ်ကူတပ်ဖွဲ့အဖြစ် စစ်ကောင်စီကို တော်လှန်တိုက်ပွဲဝင်နေတဲ့ အဖွဲ့အစည်းဖြစ်တယ်လို့ CDF Daai အဖွဲ့က အကူညီ တောင်းခံစာမှာ ရေးသားဖော်ပြထားပါတယ်။

ချင်းပြည်နယ်ရဲ့ အမျိုးသားလုံခြုံရေးအတွက် အလွန်အရေးကြီးသည့် ချင်းပြည်နယ်နှင့် ရခိုင်ပြည်နယ်နယ်စပ်တစ် လျောက်တွင် အဓိက လှုပ်ရှားနေသောအဖွဲ့ဖြစ်သောကြောင့် မိမိတို့ဒေသကာကွယ်ရေးတပ်ဖွဲ့ CDF - Daai အတွက် လက်နက်ခဲယမ်း အရေးပေါ် လိုအပ်နေလျက်ရှိကြောင်း CDF Daai က အကူညီ တောင်းခံစာမှာ ရေးသားဖော်ပြထားပါတယ်။

တော်လှန်ရေးကာလ အရှိန်မြင့်လာတာနှင့်အမျှ မြေပြင်မှာ တိုက်ပွဲဝင်နေကြတဲ့ ရဲဘော်များအတွက် ဆေးဝါးပစွည်း ပြတ်လတ်နေပြီး မိုးကာအကျီများနှင့် အနွေထည်များစွာ လိုအပ်လျှက်ရှိနေသည့်အတွက် ကူညီပေးနိုင်ပါရန် ရည်ရွယ်ချက်ဖြင့် ရန်ပုံ ငွေရှာ ဖွေ ရေး အစီအစဉ် ပြုလုပ်ရခြင်းဖြစ် ကြောင်း မြန်မာဘာသာစကားနဲ့ လိုင်ဘာသာစကားစတဲ့ ၂ ဘာသာနဲ့ အကူညီ တောင်းခံစာမှာ ရေးသား ဖော်ပြထားပါတယ်။

အဲဒီ ရန်ပုံ ငွေရှာ ဖွေ ရေးပွဲကို Myanmar time 7:30 am , Sigapore 9:00 am & India 6:30 am တွေမှာ စတင်မယ်လို့ သိရပါတယ်။

📌📌 ၂။ CNO/CNDF မှ ပြည်သူများထံ ငွေကြေးကောက်ခံသည်ဆိုသည့် မှားယွင်းသတင်းဖြန့်မှုနှင့် စပ်လျဉ်း၍ သတိပေး ထုတ်ပြန်

ချင်းအမျိုးသားအဖွဲ့ချုပ် နှင့် ချင်းအမျိုးသား ကာကကွယ် ရေး တပ်ဖွဲ့ (CNO/CNDF) မှ ပြည်သူများထံ ငွေကြေး ကောက်ခံသည်ဆိုသည့် မှားယွင်းသတင်းဖြန့်မှုနှင့် စပ်လျဉ်းပြီး အဆိုပါအဖွဲ့က သတိပေးထုတ်ပြန်လာပါတယ်။

ထုတ်ပြန်ချက်အား အောက်ပါအတိုင်း ပြန်လည် ဖော်ပြအပ်ပါသည်။

ချင်းအမျိုးသားအဖွဲ့ချူပ်သည် စတင်ဖွဲ့စည်းသည့် အချိန်မှစ၍ ဖလမ်းမြို့နယ်နှင့် ကလေး-ကဘော်‌ ‌‌ဒေသအတွင်း နေထိုင်သည့် မျိူးနွယ်စုအားလုံးပါဝင်လျက် ကျယ်ပြန့်စွာဖွဲ့စည်းထားသည့် အဖွဲ့အစည်းကြီးဖြစ်သဖြင့် လက်ရှိ ဖလမ်းမြို့နယ် နယ်နမိတ်အတွင်း အုပ်ချုပ်ရေးကိစ္စအဝဝကို စီမံပိုင်ခွင့်ရှိသည့် တစ်ခုတည်းသောအဖွဲ့အစည်း ဖြစ်ကြောင်း၊ CNO/CNDF မှ ဖလမ်းမြို့နယ် နယ်နိမိတ်အတွင်းနှင့် မိမိတို့လှုပ်ရှားနယ်မြေ မည်သည့်လမ်းကြောင်းတွင်မဆို ပြည်သူများထံမှ ငွေကြေးကောက်ခံခြင်းနှင့် တံစိုးလက်ဆောင် လက်ခံခြင်းများ လုံးဝ (လုံးဝ) မပြုလုပ်ရန် CNDF တပ်သားများအားလုံးထံ အမိန့်ထုတ်ပြန်ထားပြီးဖြစ် ကြောင်း၊ ပြည်သူများမှ မေတ္တာဖြင့်ပေးကမ်းလာသော လက်ဆောင် များပင် အဖွဲ့ခေါင်းဆောင်ထံသို့ အသိပေးအ‌ကြောင်းကြားပြီးမှသာ စနစ်တကျလက်ခံရန် မိန့်ကြားထားပြီး ဖြစ်သည့် အတွက် လမ်းမကြီးတလျှောက် တပ်စွဲသည့်နေ့မှစ၍ ယနေ့အချိန်ထိ ပြည်သူများထံ အခွန်ကဲ့သို့လည်းကောင်း၊ ဆက်ကြေးကဲ့သို့ သော်လည်းကောင်း ငွေကြေးကောက်ခံခြင်း တစ်စိုးတစ်စဉ်းမျှ မရှိခဲ့ပါ ကြောင်း၊ ကလေး-တီးတိန်-တီအိုချောင်း လမ်းမတလျှောက်တွင် မိမိတို့ CNO/CNDF မှ တပ်စွဲထားခြင်း မရှိသကဲ့သို့ ပြည်သူများထံမှ ငွေကြေး တစ်စုံတစ်ရာတောင်းခံခြင်း လုံးဝ (လုံးဝ) မရှိပါ။ သို့သော် မိမိတို့ CNO/CNDF အမည်နာမကို အလွဲသုံးစားလုပ်၍ လမ်းမ ကြီးတွင် ငွေကြေးကောက်ခံနေကြောင်း ပြည်သူများထံမှ ကြားသိရ ကြောင်းနှင့် အထက်တွင် ဖော်ပြသကဲ့သို့ ဖလမ်း မြို့နယ်အတွင်း စစ်ရေး၊ အုပ်ချုပ်ရေး၊ ပညာရေး၊ ကျန်းမာရေးနှင့် အခွန်ကောက်ခံရေး ကိစ္စအဝဝတွင် မိမိတို့ CNO/CNDF သည်သာ စီမံပိုင်ခွင့်ရှိသည့်အလျောက် မိမိတို့ အမည်နာမကို အသုံးပြုလျက်ငွေကြေးကောက်ခံခြင်းများ ဆက်လက် လုပ်ဆောင်လာပါက ထိုကဲ့သို့ လုပ်ရပ်များသည် တရားဝင်မှုမရှိကြောင်းနှင့် လုပ်ဆောင်သူများက မိမိတို့လုပ်ရပ်အပေါ် တာ၀န်ခံရမည်ဖြစ်ကြောင်း သတိပေး ထုတ်ပြန်ချက်မှာပါရှိပါတယ်။

📌📌 ၃။ မင်းတပ်မြို့ ဘော ၃ ကျေးရွာက ပြည်သူ ၆ ဦး မတရားဖမ်းဆီးခံရပြီး ၄ ဦးသာပြန်လွတ်လာ

မင်းတပ်မြို့၊ ဘော ၃ ကျေးရွာက အပြစ်မဲ့ပြည်သူ ၆ ဦးကို စစ်ကောင်စီတပ်ဖွဲ့ဝင်နဲ့ ရဲပူးပေါင်းအဖွဲ့က အောက်တိုဘာလ ၁၂ ရက် မွန်းလွဲပိုင်းမှာ ရိုက်နှက်ဖမ်းဆီးသွားတယ်လို့ ဒေသတွင်းသတင်းတွေ ဖော် ပြပေးလေ့ရှိတဲ့ HKL ဖေ့ဘုတ် အကောင့်ကနေ ရုပ်ပုံမှတ်တမ်းနဲ့အတူ ဖော်ပြထားတာ တွေ့ရပါတယ်။

ဒီလို မတရားဖမ်းဆီးခံရတဲ့ ပြည်သူခြောက်ဦးဟာ ကိုဗစ်ကာကွယ်ဆေးထိုးဖို့အသွားလမ်းမှာ ခုလိုမတရား ဖမ်းဆီးခံ ရတာဖြစ်တယ်လို့ ဆိုပါတယ်။

စစ်ကောင်စီကဖမ်းဆီးထားတဲ့ အပြစ်မဲ့ပြည်သူ ၆ ဦးမှာ ၄ ဦးကို ညနေပိုင်းက ပြန်လည်လွှတ်ပေးခဲ့ပေမယ့် ကျန် ၂ ဦး ကိုတော့ နယ် မြေခံ ၂၇၄ တပ်ရင်းမှာ ချုပ်နှောင်ထားဆဲဖြစ်တယ်လို့လည်း စုံစမ်းသိရှိရပါတယ်။

စစ်ကောင်စီရဲ့ မတရား ဖမ်းဆီးခံထားရတဲ့ အပြစ်မဲ့ပြည်သူ ၆ ဦးနဲ့ ပတ်သက်ပြီး အသေးစိတ်အချက်လက်ကိုတော့ The Mindat Post အနေနဲ့ သီးခြားအတည်ပြုနိုင်ခြင်း မရှိသေးပါဘူး။

📌📌 ၄။ ယော ဒေသ ကာကွယ် ရေးတပ်ဖွဲ့ YDF ဒုတိယ စစ်ဦးစီးချုပ်နှင့် ရဲ ဘော်တစ်ဦး တိုက်ပွဲတွင်ကျဆုံး

ယော ဒေသ ကာကွယ် ရေးတပ်ဖွဲ့ YDF ဒုတိယ စစ်ဦးစီးချုပ်ဖြစ်သူ ဖြိုး ဝေစိုးနှင့် ရဲ ဘော် ပြည့်ဖြိုးလင်းတို့ဟာ အောက်တိုဘာလ ၉ ရက် နေ့ ဂန့် ဂေါမြို့နယ်၊ ကျွန်းခုံသာကျေးရွာအနီးတိုက်ပွဲမှာ ကျဆုံးခဲ့တဲ့အ ကြောင်း YDF က အောက်တိုဘာ ၁၀ ရက်က သတင်းထုတ်ပြန်ခဲ့ပါတယ်။

YDF ဒုတိယ စစ်ဦးစီးချုပ်ဖြစ်သူ ဖြိုး ဝေစိုး ကျဆုံးခြင်းအတွက် ရက္ခိုင့်တပ် တော် (AA) ၏ အာလဖာ (၃) စစ် ဒေသကလည်း ဝမ်းနည်း ကြောင်း သတင်းထုတ်ပြန်ပေးပို့ခဲ့ပါတယ်။

ရဲ ဘော်ဖြိုး ဝေစိုးသည် YDF ကို စတင်ဦးစီးတည် ထောင်သူများထဲ တစ်ဦးအပါအဝင်ဖြစ်ခဲ့ပြီး ရဲ ဘော်ရဲဘက်များက ချစ်ခင် လေးစား အားထားရသူတစ်ဦးဖြစ် ကြောင်းနှင့် တိုက်ရည်ခိုက်ရည်ကောင်း သောမှတ်တမ်းရှိပြီး ရဲ ဘော်များက လေးစားအားထားရသူတစ်ဦးဖြစ် ကြောင်း ရက္ခိုင့်တပ် တော် (AA) ၏ ဝမ်းနည်း ကြောင်း ထုတ်ပြန်ချက်တွင် ပါရှိပါတယ်။