24th SEP 2023 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ စက်တင်ဘာလ ( ၂၄ ) ရက်နေ့ ရပြည်တွင်းသတင်းများ 

📌📌 1.CDF-Paletwa တပ်ဖွဲ့ဝင်ရဲဘော် (၂) ဦး  ကွယ်လွန်

 

စက်တင်ဘာ ၁၆,၂၀၂၃

CDF-Paletwa တပ်ဖွဲ့ဝင်ရဲဘော် (၂) ဦးဖြစ်သည့် ဆလိုင်းမောင်မောင် အသက် (၂၅)နှစ် နှင့် ဆလိုင်း ဧနောက်  အသက်(၁၉)နှစ် တို့သည် ချင်းလဲန်းနှင့်ချင်းလူမျိုးအတွက် အမျိုးသားရေးတာဝန်ကို ထမ်းဆောင်ရင်း နောက်တန်းတစ်နေရာတွင် ကွယ်လွန်သွားကြကြောင်း သိရပါသည်။

ဆလိုင်းမောင်မောင် အသက် (၂၅)နှစ် နှင့်် ဆလိုင်း ဧနောက်  အသက်(၁၉)နှစ်တို့သည် ဩဂုတ်လ ၃ ရက်နှင့် ၈,ရက်၂၀၂၃ ရက်နေ့တို့တွင် နောက်တန်းတစ်နေရာ၌ အသီးသီး တာဝန်ထမ်းဆောင်ရင်း ကွယ်လွန်သွားကကြောင်း CDF-Paletwa ကသတင်းထုတ်ပြန်ပါတယ်။

 

========================

 

📌📌 2. တွန်းဇံမြို့နယ်တွင် ဆိုင်ကယ် တိမ်းမှောက်ပြီး သေဆုံးနေသည့် အမည်မသိ အလောင်းတွေ့ရှိ

 

စက်တင်ဘာ ၂၀ ရက် 

ချင်းပြည်နယ်၊တွန်းဇံမြို့နယ် အတွင်းရှိ ကျီသွီးချောင်း(Citui Lui) နဲ့ ငါလ်ဘွာလ်ကျေးရွာကြားတွင် ယမန်နေ့(စက်တင်ဘာ ၁၉ ရက်) တွင် ဆိုင်ကယ် တစ်စီးတိမ်းမောက်ပြီးသေဆုံးနေသည့်  အမည်မသိအလောင်း တွေ့ရှိခဲ့ကြောင်း  ငါလ်ဘွာလ် ZYA တာဝန်ရှိသူမှပြောကြားသည်။

"ကျနော်တို့သတင်းရတာက ဒီမနက်ပိုင်းမှ မှ ဖြစ်တယ် ၊ ငါလ်ဘွာလ်လမ်းဘက်ကနေ တွန်းဇံ ဘက်ကိုအသွားပိုင်းဖြစ်ဖို့များတယ်”လို့ ZYA တာဝန်ရှိသူက ပြောပါတယ်။

၎င်းသေဆုံးသူ၏အလောင်းအား သိရှိသူများရှိပါက ဆက်သွယ်အကြောင်းကြားပေးပါရန်လည်း ZYA အဖွဲ့ တာဝန်ရှိသူ မှ သတင်းထုတ်ပြန်ထားတယ်လို့ ဒေသခံသတင်းရင်းများထံမှသိရသည်။

 

========================

 

📌📌 3. ထန်တလန်တွင်ထပ်မံတိုက်ပွဲဖြစ် CDF ဘက်မှတစ်ဦးကျဆုံး

 

စက်တင်ဘာ ၁၉,၂၀၂၃

စက်တင်ဘာ ၁၇ ,၂၀၂၃ရက်နေ့ ၌  ထန်တလန်မြို့ အနီးတွင် ချင်းပြိည်သူ့ကာကွယ်ရေးပူးပေါင်းတပ်အဖွဲ့ နှင့် စစ်ကောင်စီတပ်တို့တိုက်ပွဲ ထပ်မံဖြစ်ပွားခဲ့ပြီး လို့ ဒေသခံများထံမှသိရပါတယ်။ 

အဆိုပါတိုက်ပွဲအတွင်းတွင် ဟားခါးမြို့ရှိစစ်ကောင်စီတပ်မှ တိုက်ပွဲဖြစ်ပွားရာနေရာသို့ လက်နက်ကြီးလက်နက်ငယ်ပစ်ကူများဖြင့်ကူညီပစ်ခတ်ပေးခဲ့ခြင်းများရှိပြီး  ချင်းပြည်သူ့ကာကွယ်ရေးတပ် CNA ဘက်မှ တပ်ဖွဲ့ဝင်ရဲဘော်တစ်ဦးဖြစ်သည့် ဆလိုင်း လာလ်လျန်းဆန်း(Salai Lal Lian Sang)သည် တိုက်ပွဲအတွင်းတွင်ကျဆုံးသွားကြောင်းသိရသည်။ တိုက်ပွဲသတင်းနှင့်ပတ်သက်၍ ချင်းပြည်သူ့ကာကွယ်ရေးတပ်တစ်ခုဖြစ်သည့် CDF-Thantlang အနေဖြင့်တိုက်ပွဲသတင်းထုတ်ပြန်ထားချင်းမရှိသေးပါ။

ယခင်လ ဩဂုတ်လအတွင်းတွင်လည်း ထန်တလန်မြို့အနီးရှိ စစ်ကောင်စီအခြေချရာတပ်စခန်းများကို ချင်ပြည်သူ့ကာကွယ်ရေးတပ် ပူးပေါင်းအဖွဲ့မှဝင်ရောက်တိုက်ခိုက်ခဲ့ပြီး (၂)ရက်အကြာတိုက်ပွဲဖြစ်ပွားခဲ့ရာ ချင်ပြည်သူ့ကာကွယ်ရေးတပ် ပူးပေါင်းအဖွဲ့မှ(၁၅)ဦးတိုက်ပွဲတွင်ကျဆုံးခဲ့ပြီး စစ်ကောင်စီဘက်မှ(၃၀)ဦးသေဆုံးကာ (၅၀)ဝန်းကျင်ဒဏ်ရာရရှိခဲ့သည်။

 

========================

 

📌📌 4. မင်းတပ်တက္ကသိုလ်ကျောင်းအနီး ပစ်ခတ်မှု ကာကွယ်ရေးတပ်ဖွဲ့ဝင် ၁ ဦး တိုက်ပွဲကျဆုံး

 

၂၀ စက်တင်ဘာ၊ ၂၀၂၃

စက်တင်ဘာ ၁၃ ရက် ညနေ ၃ နာရီဝန်းကျင်က မင်းတပ် မြို့အနောက်ဘက် ၆ မိုင် ‌ရှိမင်းတပ်တက္ကသိုလ်ကျောင်းအနီး တွင်ပစ်ခတ်မှုဖြစ်ပွားခဲ့ရာ CDF-Mindat မှရဲဘော် ၁ ဦး ကျဆုံးပြီး နောက်ထပ်ထိခိုက်သူရှိတယ်လို့ ချင်းကာကွယ်ရေးတပ်ဖွဲ့ (မင်းတပ်) နဲ့ နီးစပ်သူတွေထံက သိရပါတယ်။ 

 “စခတွေ ကင်းပုန်းနဲ့ တိုးမိသွားတာ၊ ဒဏ်ရာရတဲ့သူလည်း ရှိတယ်။” လို့ ကာကွယ်‌ရေးတပ်ဖွဲ့နဲ့ နီးစပ်သူတစ်ဦးက The Mindat Post ကို ပြောပါတယ်။

စက်တင်ဘာ ၁၃ ရက်နေ့က ကျဆုံးတဲ့ ရဲဘော်ဟာ အသက် ၂၀ ဝန်းကျင်သာရှိသေးတဲ့ ချင်းကာကွယ်ရေးတပ်ဖွဲ့ (မင်းတပ်) တပ်ရင်း ၁ က လို့ ကနဦး သိထားရပါတယ်။

ကာကွယ်ရေးတပ်ဖွဲ့ ၁ ဦး ကျဆုံးတာနဲ့ ပတ်သက်လို့ ချင်းကာကွယ်ရေးတပ်ဖွဲ့ (မင်းတပ်) က တရားဝင်သတင်းထုတ်ပြန်တာ မရှိသေးသလို စစ်ကောင်စီတပ်ဘက် ထိခိုက်မှုကိုလည်း မသိရသေးပါဘူး။

 

========================

 

📌📌 5. ဖလမ်းမြို့တွင် မိုးသည်းထန်စွာရွာသွန်းမှုကြောင့် မြေပြိုမူဖြစ်ပွားပြီးသွားလာရန်ခက်ခဲနေ

 

၂၀၂၃ ခုနှစ်၊ စက်တင်ဘာ ၂၀ ရက် 

ချင်းပြည်နယ်၊ ဖလမ်းမြို့တွင် စက်တင်ဘာလ ၁၇ရက်ကစပြီး မိုးဆက်တိုက်ရွာသွန်းမူကြောင့် မြို့တွင်းနေရာတစ်ချို့တွေမှာ မြေပြိုမှုတွေဖြစ်ပေါ်ကြောင်း ဒေသခံများထံမှသိရပါတယ်။

၎င်း မြေပြိုသောနေရာသည် ဖလမ်း-ဟားခါး လမ်းမပေါ် ရှိ လန်ပါး (Lampaa) ရပ်ကွက် တွင် မြေပြိုပြီး ဒေသခံပြည်သူများဖြတ်သန်းသွားလမ်းသွားလာရန် လမ်းလာအဆင်မပြေမှူများဖြစ်သောကြောင့် စက်တင်ဘာ ၁၉ ရက်နေ့တွင် မြေကော်စက် (JCB) ဖြင့် မြေစာတွေကို ရှင်းလင်းတာတွေပြုလုပ်နေရတယ်လို့ဒေသခံတစ်ဦးကပြောပါတယ်။

#RadioNUGLocalNews

#SpringRevolution