29th OCT 2023 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ အောက်တိုဘာလ ( ၂၉ ) ရက်နေ့ ရပြည်တွင်းသတင်းများ 

📌📌 ၁။ စကစတပ်သားတစ်ဦး CDF CDM-Siyin ထံအလင်းဝင်(Matupi version below) 

 

The Matupi Times အောက်တိုဘာလ ၂၃/၂၀၂၃

စကစတပ်သားတစ်ဦးသည် တာဝန်ထမ်းဆောင်နေသည့် သိုင်ငင်းစစ်ကောင်စီစခန်းမှ CDM/CDF-Siyin ထံသို့ ၂၀.၁၀.၂၀၂၃ ရက်နေ့တွင်အလင်းဝင်ရောက်ခဲ့ကြောင်းသိရသည်။

စကစတပ်ရင်း (၂၆၉) မှ တပ်သား ကိုစိုင်းဇော်ထွေး သည် စကစလက်အောက်တွင်ဆက်လက်တာဝန်ထမ်းဆောင်လိုခြင်းမရှိသောကြောင့် တာဝန်ထမ်းဆောင်နေသည့် သိုင်ငင်းစစ်ကောင်စိီစခန်းမှ CDF CDM Siyin ထံသို့ အလင်းဝင်ရောက်လာခဲ့တယ်လို့ CDF-Siyin ယမန်နေ့ အောက်တိုဘာ ၂၂/၂၀၂၃ရက်နေ့က သတင်းထုတ်ပြန်ပါတယ်။

အလင်းဝင်ရောက်သည့်တပ်သား ကိုစိုင်းဇော်ထွေးကို ပြည်သူ့တော်လှန်ရေးအဖွဲ့ဘက်မှ အားရကျေနပ်မှုအပြည့်နှင့် ကြိုဆိုခဲ့သည့်အပြင်၊ လွတ်မြောက်နယ်မြေသို့ ရောက်ရှိသည်အထိ လုံခြုံစိတ်ချစွာ နေထိုင်နိူင်ရန်အတွက် လိုလေသေးမရှိကိစ္စအဝဝကို စီစဉ်ဆောက်ရွက်ပေးနေတယ်လို့သိရပါတယ်။

စကစတပ်လက်အောက်တွင်ဆက်လက်တာဝန်ထမ်းဆောင်လိုခြင်းမရှိသည့် စကစတပ်ဖွဲ့ဝင်များအနေဖြင့် ပြည်သူ့ရင်ခွင်ဆီသို့ အချိန်မှီ အလင်းဝင်‌ရောက်လိုသည့် မည်သူ့ကိုမဆို CDF CDM Siyin အနေဖြင့် အားပေးထောက်ခံ ကြိုဆိုသွားမည်ဖြစ်ကြောင်း ထုတ်ပြန်ထားသည်။

လက်နက်ခဲယမ်းများနှင့်အတူ အလင်းဝင်ရောက်လာပါက အနည်းဆုံး သိန်း(၅၀)နှင့်အထက်မှ ပစ္စည်းအမျိုးအစားနှင့် အရေအတွက်အပေါ်မူတည်၍ ထိုက်တန်စွာ ဆုငွေများထပ်တိုးချီမြင့်သွားမည်ဖြစ်ကြောင်းရေးသားဖော်ပြထားပါတယ်။

 

========================

 

📌📌 ၂။  CNDF အတွက်ပြည်သူများမှ လက်နက်တပ်ဆင်ပေး( Matu_Version_ Below)

The Matupi Times အောက်တိုဘာ ၂၄/၂၀၂၃

ဖက်ဒရယ်ဒီမိုကရေစီရရှိရေးအတွက် တိုက်ပွဲဝင်နေသည့် CNDF အတွက် အလိုအပ်ဆုံးသော သေနတ်(၃)လက်ကို ပြည်သူများမှဝယ်ယူတပ်ဆင်ပေးခဲ့တယ်လို့သိရပါတယ် ။ 

 

========================

 

📌📌 ၃။ CDF_Kanpetlet ၏ကျပ်သိန်းငါးထောင်ကမ်ပိန်းအတွက် Documentary Video ပြသသွားမည်

 

The Matupi Times အောက်တိုဘာ ၂၄/၂၀၂၃

CDF_Kanpetlet၏ ကျပ်သိန်းငါးထောင်ကမ်ပိန်း ရန်ပုံငွေရှာဖွေရေးအတွက် အမည် “အာဏာရူးတစ် သိုက်ကိုတော်လှန် သောမှတ်တမ်းပုံရိပ်များ(၁)” ( Documentary Video) ကို လာမည့် အောက်တိုဘာလ ၂၅ ရက်နေ့မှ နိုဝင်ဘာလ ၂၅ ရက်နေ့အထိ ပြသသွားမည်ဖြစ်ကြောင်းသိရသသည်။ 

CDF မှတ်တမ်း (Documentary Video) ပြသ ရန်ပုံငွေရှာဖွေရေး စီမံချက် မှတ်တမ်း (Documentary Video) အမည် “အာဏာရူးတစ် သိုက်ကိုတော်လှန် သောမှတ်တမ်းပုံရိပ်များ(၁)”

(၁)တော်လှန်ရေးတိုက်ပွဲဝင် Video မှတ်တမ်း အချို့ 

(၂)ချင်း(ကန်ပက်လက်)ရိုးရာ တေးဂီတနှင့် သီချင်းများ

(၃)တော်လှန်ရေးလှုပ်ရှားမှုမှတ်တမ်းများ 

(၄)Campiagn ပုံရိပ် တစ်ချို့

(၅)တစ် ပိုင်းတွင်ပျမ်းမျှ(၁၅) မိနစ်ခန့် စီဖြင့် အပိုင်း(၄) ပိုင်းဖြစ်ပါသည်။

(၆)https://video.crfp.space တွင် ဝယ်ယူထားသော လက်မှတ်နံပတ်ဖြင့်ဝင်ရောက် ကြည့်ရှု့ရန် (ကြည့်ရှု့နည်းအသေးစိပ်ကိုထပ်မံတင်ပေးပါမည်။)

(၇)အောက်တိုဘာ ၂၅ မှ နိုဝင်ဘာ ၂၅ နေ့ ညသန်းခေါင် အထိ(တစ်လတိတိ)ပြသမည်။ 

(၈)လက်မှတ်ကို နိုဝင်ဘာ ၂၅ ည ၁၁ နာရီ(မြန်မာချိန်)နောက်ဆုံးထားဝယ်ယူနိုင်သည်။ 

(၉)လက်မှတ်တန်ဘိုးမှာ Malaysia ငွေ RM 40, မြန်မာ ကျပ် ဖြင့်၂၀,၀၀၀ နှင့် ကျန်နိုင်ငံများအတွက် US 510 နှင့်ညီမျှသောငွေဖြစ်ပါသည်။

 

========================

 

📌📌 ၄။ တိရိစ္ဆာန်နာရောဂါကူးစက်မှုကြောင့် ရေဇွာမြို့အနီးရွာများမှ နွားနောက်သေဆုံးမှုများဖြစ်ပေါ်နေ

 

The Matupi Times အောက်တိုဘာ ၂၆/၂၀၂၃

မတူပီမြုိ့နယ်၊ ရေဇွာမြို့အနီးကျေးရွာများတွင် ယခုရက်ပိုင်းအဖြစ်များနေသည့် အမည်မသိတိရိစ္ဆာန်နာရောဂါ ဖြစ်ပွားနေကြောင်းသိရသည်။ အမည်မသိတိရိစ္ဆာန်နာရောဂါကူးစက်မှုကြောင့် ဇိုတုန်နယ်ထဲက နွားနောက်သေဆုံးမှုတွေ များလာတယ်လို့ ဒေသခံတွေကဆိုပါတယ်။

အဆိုပါရောဂါသည် နွားနောက်များသာမက မြင်း နှင့် ကျွဲများတွင်လည်းကူးစက်မှုတွေဖြစ်ပေါနေပြီး အခုလို ရောဂါကူးစက်မှုတွေကြောင့် ရောဂါဆက်လက်မပြန့်ပွားစေဖို့အတွက် ဇိုတုန်နယ်ထဲမှာတိရိစ္ဆာန်ရောင်းဝယ်တာတွေမပြုလုပ်ကြဖို့နဲ့ တစ်ရွာနဲ့တစ်ရွာသွားလာတာတွေကို တားမြစ်ထားတယ်လို့ ဇိုတုန်ဖက်ဒရယ်ကောင်စီက သတိပေးချက်ထုတ်ပြန်ထားပါတယ်။ 

မတူပီမြို့နယ်အတွင်းတွင် အောက်တိုဘာလအစောပိုင်းကတည်းက တိရိစ္ဆာန်နာရောဂါကြောင့် နွားနောက်နှင့် အိမ်မွေးတရိစ္ဆာန်များဖြစ်သည့် ကျွဲ၊ ဝက်တို့တွင် အနာရောဂါကူးစက်မှုတွေဖြစ်ပွားနေတာပါ။ အဆိုပါရောဂါကြောင့် မတူပီမြို့အနီးတောများမှ နွားနောက်များအပြင် အခြားကျေးရွာများမှ နွားနောက်သေဆုံးမှုတွေ များလာတယ်လို့ ဒေသခံတစ်ဦးက The Matupi Times ကိုပြောပါတယ်။ 

“အဓိက နွားနောက်တွေ(ခွာနာ၊ရှာနာ)ဖြစ်နေတယ်။ ခြေထောက်တွေပုပ်ပြီး နာနေတဲ့အတွက်ကြောင့်အစာသေချာ မစားနိုင်ကြဘူး။ ဒီအနာရောဂါကြောင့်သေသွားတဲ့နွားနောက်တွေလည်းရှိလာတယ်။ တိရိစ္ဆာန်နာနေတဲ့သတင်းတွေသိကြပြီးတဲ့နောက် ဈေးထဲမှာရောင်းကြတဲ့ အမဲသားတွေလည်းသိပ်မဝယ်ကြတော့ဘူး။ အမဲသားတွေဆိုလည်း ဘယ်သူမှဝယ္မစားကြတော့ဘူးလို့။ "ပြောပါတယ်။ 

စကစမှအာဏာသိမ်းပြီးနောက် အရင်လိုတောထဲမသွားရဲကြတော့ နွားတွေကိုထိန်းကျောင်းမယ့်သူတွေလည်း သီးသန့်မရှိတော့ဘူး။ စစ်တပ်ကကန့်သတ်ထားသည့်နေရာများသာ သွားလာနိုင်သည့်အတွက် အခုဖြစ်ပေါ်နေတဲ့တိရိစ္ဆာန်နာရောဂါကြောင့် တောထဲမှာသေနေတဲ့နွားနောက်တွေလည်းရှိနေနိုင်တယ်လို့ ဆိုပါတယ်။

 

========================

 

📌📌 ၅။ MRRC မှမီဇိုးရမ်ရှိ မြန်မာစစ်ဘေးရှောင်ပြည်သူများအတွက်စားသောက်ကုန်နှင့်အခြားပစ္စည်းများကို ထောက်ပံ့လှူဒါန်းပေး

The Matupi Times အောက်တိုဘာ ၂၆ / ၂၀၂၃

မီဇိုရမ်ပြည်နယ်အတွင်းရှိ မြန်မာပြည်မှစစ်ဘေးရှောင်အဖြစ်ခိုလှုံနေထိုင်ကြသည့် စစ်ဘေးရှောင်စခန်းများသို့ မီဇိုရမ်ရှိစစ်မြန်မာဘေးရှောင်ပြည်သူများကိုကူညီပေးနေသည့် မြန်မာစစ်ဘေးဒုက္ခသည်ကယ်ဆယ်ရေးကော်မတီ (MRRC-Mizoram) မှသွားရောက်ကာ စစ်ဘေးရှောင်ပြည်သူများအတွက် စားသောက်ကုန်များနှင့်အခြားလိုအပ်သောပစ္စည်းများကို ထောက်ပံ့လှူဒါန်ပေးခဲ့ကြောင်းသိရသည်။

မြန်မာစစ်ဘေးဒုက္ခသည်ကယ်ဆယ်ရေးကော်မတီ ( MRRC) မှ မီဇိုရမ်ပြည်နယ်အတွင်းရှိ စစ်ဘေးရှောင်စခန်းများဖြစ်သည့် ဇိုခွာထာရ်ရှိ စစ်ဘေးရှောင်စခန်း(Zokhawthar Camp)/ ချန်ဖိုင်းခရိုင်ရှိ ဇိုးသဲစစ်ဘေးရှောင်စခန်း(Zote Camp) / Sihhmui ရှိစစ်ဘေးရှောင်စခန်း များသို့သွားရောက်ကာလှူဒါန်းပေးခဲ့တယ်သိရပါတယ်။ 

အဆိုပါ စစ်ဘေးရှောင်စခန်းများသို့ အောက်တိုဘာလ ၁၄ ရက်နေ့မှ ၂၄ နေ့အတွင်းတွင် ဆန်အိတ်ပေါင်း ၁၆၅ အိတ် ၊ အာလူး (၂)အိတ် ၊ ကုလားပဲ (၂)အိတ်၊ ကြက်သွန်ဖြူ(၁) အိတ် ၊ Nutrila (၅) အိတ် နှင့်အခြားပစ္စည်းများကိုလှူးဒါန်းပေးခဲ့ပါတယ်။

မြန်မာစစ်ဘေးဒုက္ခသည်ကယ်ဆယ်ရေးကော်မတီ ( MRRC)ဟာ မီဇိုရမ်ဘက်သို့စစ်ဘေးရှောင်လာကြတဲ့ စစ်ဘေးသင့်မြန်မာပြည်သူတွေကိုကူညီပေးနေတဲ့အဖွဲ့အစည်းတစ်ခုလည်းဖြစ်ပါတယ်။ 

#RadioNUGLocalNews

#SpringRevolution