13th NOV 2023 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ နိုဝင်ဘာလ ( ၁၃ ) ရက်နေ့ ရပြည်တွင်းသတင်းများ

📌📌 ၁။ ဂန့်ဂေါ(PDF) နှင့် (ABSDF)ပူးပေါင်းအဖွဲ့ကဂန့်ဂေါမြို့နယ်၊ မင်းရွာရဲစခန်းကို သိမ်းပိုက်

The Matupi Times နိုဝင်ဘာ ၄/၂၀၂၃

ဂန့်ဂေါမြို့နယ်၊ မင်းရွာရဲစခန်းကို ဂန့်ဂေါနယ်မဟာမိတ်ပူးပေါင်းတပ်ဖွဲ့က တိုက်ခိုက်သိမ်းပိုက်နိုင်ခဲ့ တယ်လို့ NUG MoDက ယနေ့ညနေပိုင်းကသတင်းထုတ်ပြန်ပါတယ်။

စခန်းသိမ်းတိုက်ပွဲအတွင်းတွင် စကစဘက်မှ တပ်သား (၆) ဦး သေဆုံးကာ စစ်သုံ့ပန်းအဖြစ် (၁၁) ဦး လက်နက်ချ အညံ့ခံအလင်းဝင်ခဲ့ပြီး အခြားတပ်ဖွဲ့ဝင် (၄) ဦး စခန်းစွန့်ခွာ ထွက်ပြေးသွားခဲ့တယ်လို့သိရပါတယ်။ လက်နက်ပစ္စည်းများအဖြင့် စကစဘက်မှသေနတ်(၁၇)လက် အပါအဝင် လက်နက်ကြီး၊ ကျည်ဆံများနှင့်စစ်အသုံးအဆောင်များ သိမ်းဆည်းရရှိခဲ့ တယ်လို့သိရပါတယ်။

မကွေးတိုင်း၊ ဂန့်ဂေါခရိုင်၊ဂန့်ဂေါမြို့နယ်၊မင်းရွာရဲကင်းစခန်းအား ပြည်သူ့ကာကွယ်ရေး တပ်မတော်(PDF) ဂန့်ဂေါခရိုင်အမှတ်(၁/၇/၁၁/၁၂/၁၄/၁၉)တပ်ရင်း၊ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF)၊နယ်မြေခံ ပကဖ တို့ပူးပေါင်းကာ နိုဝင်ဘာလ (၃) ရက်နေ့ မနက်ပိုင်းကနေစပြိီး စခန်းသိမ်း တိုက်ပွဲစတင်ဆင်နွှဲခဲ့တာလို့သိရပါတယ်။

========================

📌📌 ၂။ မတူပီမြို့ ခလရ-၁၄၀ မှစကစတပ်သား( ၂ )ဦးလက်နက်နဲ့အတူ CDF-Matupi ထံအလင်းဝင်

The Matupi Times ၂၀၂၃ ခုနှစ်၊ နိုဝင်ဘာ ၆ ရက်

မတူပီမြို့ စစ်ကောင်စီ အခြေစိုက် ခလရ-၁၄၀ တပ်စခန်းမှ ရဲဘော်(၂) ဦးသည် CDF-Matupi ထံ ယမန်နေ့နို၀င်ဘာလ ၅ ၊ ၂၀၂၃ ရက်နေ့တွင် လက်နက်နဲ့အတူ အလင်း၀င်လာခဲ့ကြောင်း CDF-Matupi ကသတင်းထုတ်ပြန်လာပါတယ်။

မတူပီအခြေစိုက် စစ်ကောင်စီ ခလရ ၁၄၀ တပ်ရင်းမှ တပ်သား (၂)ဦးဖြစ်သည့် ညဏ်လင်းအောင်နှင့် မျိုးလင်းဦး တို့သည် လက်နက်များဖြစ်သည့် MA-1 (၁)လက်၊ ကျည်ဆံ (၁၃၄)၊ ကျည်ဘောက်(၅)ခု နှင့်အတူအလင်း၀င်ခဲ့ကြောင်းသိရသည်။

အလင်း၀င်လာသည့် စစ်ကောင်စီတပ်သား ၂ဦးကို သတ်မှတ်ချက်အတိုင်း ဆုငွေ ကျပ်သိန်း (၆၀) ချီးမြင့်ခဲ့ကြောင်း ချင်းလဲန်းကာကွယ်ရေးတပ်ဖွဲ့-မတူပီ ထုတ်ပြန်ချက်တွင်ရေးသားဖော်ပြထားသည်။

လွန်ခဲ့သည့်အောက်တိုဘာလ(၂၇) ရက်နေ့ ညနေပိုင်းက ခလရ-၁၄၀ မှ မတူပီ-ဟားခါးလမ်းရှိ မတူပီခရိုင်ရုံးဘက်ကိုအင်းအားဖြည့်တင်းလာသည့် စကစတပ်ဖွဲ့အား ချင်းလဲန်းကာကွယ်ရေးတပ်ဖွဲ့-မတူပီမှ လက်ဦးမှုယူကာ ပစ်ခတ်တိုက်ခိုက်ခဲ့ပြီး စကစ ဘက်မှ ၂ဦးသေဆုံးပြီး ၅ဦးအထက်ဒဏ်ရာရရှိခဲ့ပါတယ်။

========================

📌📌 ၃။ ဆောမြို့တွင် ၊ ကန်ပလက်ဒေသခံ(၂)ဦးကို စစ်ကောင်စီက ပစ်သတ်

The Matupi Times နိုဝင်ဘာလ ၇/၂၀၂၃

မကွေးတိုင်း၊ ဆောမြို့ပေါ်တွင် ဆိုင်ကယ်စီးနေသော ခရစ်ယာန်ဓမ္မအမှုတော်ဆောင်ပါစတာမန်ကွီးကို ယနေ့၊ နိုဝင်ဘာလ ၇ ရက်နေ့၊ နံနက် ပိုင်းမှာ စစ်ကောင်စီတပ်ဖွဲ့ဝင်များကပစ်သတ်လိုက်တယ်လို့ ဒေသခံသတင်းများထံမှသိရပါတယ်။ ပစ်ခတ်မှုကြောင့် ပါစတာမန်ကွီးသည် ဦးခေါင်းထိမှန်ကာ ပွဲချင်းသေဆုံးသွားတယ်လိုိ့သိရပါတယ်။

ဆက်လက်၍ သေဆုံးသွားသော ဖခင်ကို ကြည့်ရှုရန် သွားရောက်သည့် သားဖြစ်သူကိုလည်း စစ်ကောင်စီတပ်က ထပ်မံပစ်ခတ်ခဲ့ပြီး ရင်အုပ်တွင် ကျည်ထိမှန်သေဆုံးသွားကြောင်း ကန်ပက်လက်အသံ သတင်းကဖော်ပြပါတယ်။

ဆောမြို့တွင် စစ်ကောင်စီက ပစ်ခတ်၍ သေဆုံးသွားသော ခရစ်ယာန်ပါစတာနှင့် သားဖြစ်သူတို့သည် ကန်ပက်လက်ဒေသခံတွေဖြစ်တယ်လို့သိရပါတယ်။

========================

📌📌 ၄။ ချင်းပြည်နယ်၊ တီးတိန်မြို့တွင် အိမ်စီးကားတစ်စီးပေါက်ကွဲပြီး လူ(၂)ဦးသေဆုံး

The Matupi Times နိုဝင်ဘာ ၈/၂၀၂၃

ချင်းပြည်နယ် ၊ တီးတိန်မြို့ပေါ် Lawibual ရပ်ကွက်တွင် ယမန်နေ့ နိုဝင်ဘာလ ၇ရက်နေ့ည ၆း၄၅ ဝန်းကျင်တွင် အိမ်စီးကားတစ်စီး (SURF ကား) တစ်စီးပေါက်ကွဲမှုဖြစ်ပွားခဲ့ပြီး လူ(၂)ဦးသေဆုံးသွားကြောင်း ဒေသခံသတင်းကဖော််ပြပါတယ်။

ပေါက်ကွဲမှုကြောင့် သေဆုံးသူများ၏ရုပ်အလောင်းသည်လည်း တစ်စစီပျက်စီးသွားပြီးပြန့်ကျဲနေသောကြောင့် ပြန်လည်ကောက်ယူနိုင်ခြင်းမရှိတော့ကြောင်းသိရသည်။ အနီးရှိ်နေအိမ်(၅)လုံးပျက်စီးမှုများရှိပြီး 125ဆိုင်ကယ်တစ်စီးလည်းပေါက်ကွဲပျက်စီးသွားတယ်လို့သိရပါတယ်။

သေဆုံးသူ(၂)ဦးဟာ ဒေသခံကာကွယ်ရေးတပ်ဖွဲ့ဝင်တွေဖြစ်တယ်လို့သိရပါတယ်။

========================

📌📌 ၅။ စကစလက်အောက်ခံ ရဲတပ်သား (၄)ဦး တွန်းဇန် မြို့နယ် ပြည်သူ့ အုပ်ချုပ်ရေးထံ CDM ပြုလုပ်

The Matupi Times နို၀င်ဘာ ၈ ၊ ၂၀၂၃

တွန်းဇံမြို့ အခြေစိုက် စစ်ကောင်စီလက်အောက်ခံရဲစခန်း မှ ရဲတပ်သား(၃) ဦး နှင့် ခမ်းပတ်မြို့ အခြေစိုက် ရဲစခန်းမှ ရဲတပ်သား(၁) ဦးတို့သည် တွန်းဇန်မြို့ နယ် ပြည်သူ့ အဖွဲ့ ထံသို့ အောက်တိုဘာလအတွင်းတွင် လက်နက်မဲ့ဖြင့် CDM ပြုလုပ်ကာ အလင်းဝင်ရောက်ခဲ့ကြတယ်လို့ သိရပါတယ်။

ဆက်လက်၍ စစ်ကောင်စီ လက်အောက်မှ ပြည်သူ့ဘက် သို့ ဘက်ပြောင်း ခိုလှုံ လိုသည့် ရဲ တပ်ဖွဲ့ဝင် များအား တွန်းဇန် ပြည်သူ့အုပ်ချုပ်ရေး အဖွဲ့ (ပအဖ-တွန်းဇန်) မှ အမြဲ လက်ကမ်းလက် ကြိုဆိုလျက်ရှိကြောင်း ယနေ့ နိုဝင်ဘာ ၈ ရက်နေ့တွင် သတင်းထုတ်ပြန်သည်။

========================

📌📌 ၆။ UFC ဒုတိယမြောက်ပွဲ ယှဉ်ပြိုင်ထိုးသတ်မည့် ချင်းဖိုက်တာ Joshua Van

The Matupi Times နိုဝင်ဘာ ၈/၂၀၂၃

ချင်းဖိုက်တာ Joshua Van (The Fearless) သည် လာမည့် နိုဝင်ဘာလ ၁၁ ရက်နေ့တွင် အမေရိကန်ပြည်ထောင်စု၊ နယူးယောက်မြို့ Madison Square Garden တွင်ကျင်းပပြုလုပ်မည့် UFC 295 ပွဲစဉ်တွင် ယှဉ်ပြိုင်ထိုးသတ်သွားမည်ဖြစ်ဖြစ်ကြောင်းသိရသည်။

ယခုထိုးသတ်မည့် UFC 295 ပြိုင်ပွဲသည် ချင်းဖိုက်တာ Johsua Van(The Fearless) ၏ဒုတိယမြောက်ပွဲစဉ် ြဖစ်ပြီး ပြိုင်ဘက်အဖြစ် ပီရူးနိုင်ငံသား Kevin Borjas နဲ့ယှဉ်ပြိုင်ထိုးသတ်သွားမှာဖြစ်ပါတယ်။

Joshua Van သည် ဇွန်လ ၁၄ ၊ ၂၀၂၃ ရက်နေ့၌ထိုးသတ်ခဲ့သည့် ပထမဆုံးအကြိမ် UFC ပွဲဦးထွက်တွင် ပြိုင်ဖက် Kazakhstan နိုင်ငံသား Zhagas Zhumagulov ကိုဒိုင်အကဲဖြတ်မှတ်ဖြင့် အနိုင်ရရှိထားသူဖြစ်သည်။

ယခုယှဉ်ပြိုင်ထိုးသတ်မည့် ပီရူးနိုင်ငံသား Kevin Borjas သည် MMA လက်ဝှေ့လောကတွင် ၁၀ပွဲထိုးသတ်ရာ ၉ ပွဲအနိုင်ရရှိခဲ့ပြီး မကြာသေးမီက UFC ပွဲကို စတင်ဝင်ရောက်ယှဥ်ပြိုင်ခွင့်ရရှိထားသူဖြစ်ပါတယ်။

========================

📌📌 ၇။ Chin Tv Awards (10) ကြိမ်မြောက်ပွဲတွင်ပြုလုပ်မည့် Miss&Mrs MAO မှ Miss တစ်ဦးပါဝင်မည်

The Matupi Times နိုဝင်ဘာ ၉/၂၀၂၃

Chin Tv Awards (10)ကြိမ်မြောက်ပြိုင်ပွဲကို လာမည့် နိုဝင်ဘာလ ၁၈/၂၀၂၃ ရက်နေ့တွင် အမေရိကန်နိုင်ငံ ၊ Indianapolis တွင်ကျင်းပပြုလုပ်သွားမယ်လို့သိရပါတယ်။ အဆိုပါပွဲတွင် ပြုလုပ်မည့် Mrs&Mr ပြိုင်ပွဲတွင် Austrailia မတူလူမှုအဖွဲ့စည်းတစ်ခုဖြစ်သည့် MAO မှ Miss Merry John San သည် မတူပီမြို့(ချင်း)ကိုယ်စားပြုအနေဖြင့် ဝင်ရောက်ယှဉ်ပြိုင်သွားမယ်လို့သိရပါတယ်။

Miss Merry john San သည်ယခုနှစ် ဇူလိုင်လအတွင်းတွင် အမေရိကန်နိုင်ငံ၌ Matu Affair Organization မှကြီးမှူး၍ ကျင်းပပြုလုပ်ခဲ့သည့် မတူရိုးရာလိုဆာ့ခ်ခိုတူးပွဲ Mrs&Mr ပြိုင်ပွဲတွင် Miss ရရှိခဲ့သူတစ်ဦးဖြစ်ပါတယ်။

ယခုနှစ် Chin Tv Awards ဆုပေးပွဲတွင်ပေးအပ်မည့် Chin Youth Of The Year & Chin Gospel Singer Of The Year အတွက် မတူပီချင်းလူငယ်(၂)ဦးဖြစ်သည့် Salai Rome Thalop Tuem နှင့် Mai Dahlia Htaw တို့သည် ဆန်ကာ တင်စာ ရင်းတွင် လျာထားခြင်းခံထားရပါတယ်။