27th NOV 2023 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ နိုဝင်ဘာလ ( ၂၇ ) ရက်နေ့ ရပြည်တွင်းသတင်းများ

📌📌 ၁။ 2023 Chin Youth Of Year ကို မတူပီမှတက်သစ်စစီးပွားရေးလုပ်ငန်းရှင် Rome Thalop မှရရှိ

 

The Matupi Times နိုဝင်ဘာ ၁၈/၂၀၂၃

ယနေ့နိုဝင်ဘာလ ၁၉ /၂၀၂၃ ရက််နေ့မှာကျင်းပပြုလုပ်တဲ့ Chin Tv International ပွဲတွင်ပေးအပ်သည့် 2023 Chin Youth Of The Year ကို အမေရိကန်နိုင်ငံတွင်နေထိုင်သည့် မတူပီမှ တက်သစ်စ စီးပွားရေးလုပ်ငန်းရှင် Rome Thalop မှရရှိသွားကြောင်းသိရပါတယ်။ အဆိုပါပွဲသို့ Rome Thalop ကိုယ်တိုင် တက်ရောက်ခဲ့တယ်လို့သိရပါတယ်။ 

Chin Youth Of The Year ကိုရရှိခဲ့တဲ့ Rome Thalop သည်Thalop Holding လုပ်ငန်းကို အသက် ၁၇ နှစ်ရွယ်မှာ စတင်ခဲ့တာပါ။ လက်ရှိမှာ The Thalop Group ရဲ့ Executive Chairman ဖြစ်ပြီး အသက် ၂၅ နှစ်ခန့်သာ ရှိသေးတဲ့ကြိုးစားရင် ဘာမဆိုဖြစ်နိုင်တယ်ဆိုတဲ့ ယုံကြည်ချက်ပြင်းပြသူ တက်သစ်စလူငယ်တစ်ယောက်ဖြစ်ပါတယ်။ Thalop Capital မှ the Managing Partner ဖြစ်သော Rome Thalop သည် ကုမ္ပဏီမှတစ်ဆင့် ပိုင်ဆိုင်မှုအခြေခံငွေကြေးထောက်ပံ့မှုတွင် ပံ့ပိုးကူညီမှုများကို ကြီးကြပ်ခဲ့သူဖြစ်သည်။ Rome Thalop သည် Alternative Credit Counsel (ACC) နှင့် Alternative Investment Management Association (AIMA)တို့တွင်တက်ကြွစွာပါဝင်သော အဖွဲ့ဝင်တစ်ဦးလည်းဖြစ်ပါတယ်။

Rome Thalop ဟာလာမည့် ၂၀၂၃ ခုနှစ် ဒီဇင်ဘာလ ၉ ရက်နေ့တွင် Chin Tube ပေးအပ်မည့် Entreprenuer Of The Year အတွက် စံကာတင်စာရင်းတွင်ထပ်မံလ်ာထားခံရပါတယ်။ 

 

========================

 

📌📌 ၂။ ဩစတြေးလျနိုင်ငံတွင် (Matu Cangyom Poei) ခေါ် မတူနှစ်သစ်ကူးပွဲတော်ကျင်းပ

 

The Matupi Times နိုဝင်ဘာ ၁၉/၂၀၂၃ 

ဩစတြေးလျနိုင်ငံ Waterford West, QLD တွင် မတူပီ ချင်းလူမျိုးတို့၏ စန်ယိုမ်း (CANGYOM ) ခေါ် နှစ်သစ်ကူးပွဲတော်ကို Matu Community of Queensland Inc. ၏ဦးဆောင်မှုဖြင့် ယမန်နေ့နိုဝင်ဘာ ၁၈/၂၀၂၃ ရက်နေ့တွင် ကျင်းပပြုလုပ်ခဲ့ကြပါတယ်။ အဆိုပါပွဲသို့ မတူပီလူငယ်တေးသံရှင်တစ်ဦးြဖစ်သည့် David Thintuep တက်ရောက်ဖျော်ဖြေခဲ့တယ်လို့သိရပါတယ်။ 

 

========================

 

📌📌 ၃။ လိုင်လင်းပီမြို့ကို ဒေသခံကာကွယ်ရေးပူးပေါင်းအဖွဲ့ကသိမ်းပိုက် ၊ စကစတပ်သားများစခန်းစွန့်ခွာထွက်ပြေး

 

The Matupi Times နိုဝင်ဘာ ၂၄၊ ၂၀၂၃

ချင်းပြည်နယ်တောင်ပိုင်း၊ မတူပီမြိို့နယ်၊ လိုင်လင်းပီမြို့အ ခြေစိုက် စကစတပ်ခန်းကို ယနေ့နိုင်ဝင်ဘာ ၂၄ ရက်နေ့နံနက်ပိုင်းတွင် ဒေသခံကာကွယ်ရေးပူးပေါင်းအဖွဲ့မှသိမ်းပိုက်လိုက်ပြီလို့ တာ၀န်ရှိသူတစ်ဦးက Matupi Times ကိုအတည်ပြု ပြောဆိုပါတယ်။ 

“စခန်းထဲမှာတော့ စစ်ကောင်စီတပ်ဖွဲ့ဝင်ရဲ့ ပျက်စီးနေတဲ့အလောင်းတစ်လောင်းတွေ့ရတယ် ။ သေဆုံးသူက ဘာရာထူးလဲတော့အတည်မပြုနိုင်သေးဘူး။ သူတို့စခန်းကိုလဲ စွန့်ခွာထွက်ပြေးသွားကြတယ်။ ထွက်ပြေးသွားတဲ့ စကစတပ်ဖွဲ့၀င်တွေကိုလိုက်လံဖမ်းဆီးနေပြီး နယ်မြေရှင်းလင်းရေးလုပ်ဆောင်နေတယ်လို့ ။” CDF-Mara တာ၀န်ရှိသူတစ်ဦးက Matupi Times ကိုပြောပါတယ်။ 

 

စခန်းသိမ်းတိုက်ပွဲတွင် CNA မှ(၁)ဦး ၊ CDF-Lautu မှ(၁)ဦး ဒဏ်ရာရရှိခဲ့ပါတယ်။ လိုင်လင်းပီမြို့တွင်မှလည်း စကစ၏ဗုံးကြဲတိုက်ခိုက်မှုကြောင့်ဒေသခံ(၁) ဦးသေဆုံးသွားပြီး (၁)ဦးဏ်ရာရရှိခဲ့ပြီးတော့ တိုက်ပွဲကြောင့်စစ်ဘေးရှောင်နေသည့် ပြည်သူ(၂)ဦး ကွယ်လွန်သွားတယ်လို့သိရပါတယ်။

 

========================

 

📌📌 ၄။ စစ်ကောင်စီက ပလက်ဝမြို့နယ်၊ မီးဇာရွာကို ဗုံးကြဲတိုက်ခိုက်တာကြောင့် ဒေသခံ(၁၀)ဦးဝန်းကျင် ဒဏ်ရာရရှိ

The Matupi Times နိုဝင်ဘာ ၂၀/၂၀၂၃

ချင်းပြည်နယ်တောင်ပိုင်း၊ ပလက်ဝမြို့နယ်၊ မီးဇာရွာကို စစ်ကောင်စီတပ်က ယနေ့နိုဝင်ဘာလ ၂၀ရက်နေ့ ညနေပိုင်းတွင် လေကြောင်းဖြင့် ဗုံးကြဲတိုက်ခိုက်ခဲ့တယ်လိုိ့သိရပါတယ်။ 

စကစ၏လေကြောင်းတိုက်ခိုက်မှုကြောင့် မီးဇာရွာမှဒေသခံအရပ်သားပြည်သူ(၁၀)ဦးဝန်းကျင် ထိခိုက်ဒဏ်ရာရရှိခဲ့ကြောင်း မတူပီမြို့နယ်ဒေသခံတစ်ဦးထံမှသိရပါတယ်။

"နေ့လည်(၂း၀၀)နာဝန်းကျင် စကစဂျက်လေယာဉ်တွေပျံသန်းသွားတာတော့မြို့ထဲကနေကြားရတယ် ။ ဘယ်ဘက်သွားတာလဲတော့မသိဘူး။ ညနေပိုင်းလောက်က ဒီသတင်းကြားရတာပါ။ (၁၀)ဦးထက်မနည်းဒဏ်ရာရရှိခဲ့တယ်လို့ကြားရတယ်။ အကြောင်းရင်းတော့ သေချာမသိဘူး။ ကြားရသလောက်ပြန်ပြောပြတာပါလို့။ " မတူပီမြို့နယ်ဒေသခံတစ်ဦးကပြောပါတယ်။ 

အကြောင်းရင်းအသေးစိတ်ကို The Matupi Times မှဆက်သွယ်စုံစမ်းလျက်ရှိပြီး အတည်ပြုနိုင်ခြင်းမရှိသေးပါ။

 

========================

 

📌📌 ၅။ ကနေဒီတောင်အခြေချစခန်းသိမ်းတိုက်ပွဲတွင် ထွက်ပြေးသွားသည့် စကစတပ်ဗိုလ်မှူးအဆင့်ရှိသူအပါဝင်(၁၀)ဦးကို အရှင်ဖမ်းဆီးရမိ

The Matupi Times နိုဝင်ဘာလ ၂၁၊ ၂၀၂၃

ချင်းပြည်နယ်မြောက်ပိုင်း ၊ တီးတိန်မြို့နယ်၊ ကနေဒီတောင်ပေါ်ရှိ စစ်ကောင်စီစခန်း သိမ်းတိုက်ပွဲအတွင်းတွင် ထွက်ပြေးသွားသည့် စစ်ကောင်စီတပ်ဗိုလ်မှူးအဆင့်ရှိသူနှင့်အဖွဲ့ဝင်တွေအားလုံးကို ပြန်လည်ဖမ်းဆီးရမိကြောင်း ဒေသခံသတင်း Zoland VTV မှာ ဖော်ပြလာပါတယ်။

ကနေဒီတောင်ထိပ်ပေါ်က စကစတပ်စခန်းကို ယနေ့ နိုဝင်ဘာလ ၂၁၊ ၂၀၂၃မနက်ပိုင်း (၄း၀၀) နာရီဝန်းကျင်ကစ၍ PDF-Zoland တပ်ဖွဲ့က ဝင်ရောက်တိုက်ခိုက်ခဲ့ပြီး ၂ နာရီအကြာတိုက်ပွဲဖြစ်ပွားပြီးနောက် သိမ်းယူနိုင်ခဲ့တာပါ။

တိုက်ပွဲအတွင်းတွင် နှစ်ဘက်မှသေဆုံးမှုရှိခဲ့ပြီး စကစဘက်မှတပ်သား အနည်းဆုံး (၂) ဦးသေဆုံးကာ PDF-Zoland ဘက်မှ(၁)ဦးကျဆုံးခဲ့ပါတယ်။ ထွက်ပြေးသွားတဲ့ စစ်ကောင်စီတပ်သားတွေကို PDF Zoland က လိုက်လံဖမ်းဆီးခဲ့ပြီး စကစတပ်ဗိုလ်မှူးအဆင့်ရှိသူအပါအဝင် ၁၁ ဦးကိုညနေပိုင်းမှာဖမ်းဆီးနိုင်ခဲ့ကာ ၁၀ ဦးကို အရှင်ဖမ်းဆီးနိုင်ခဲ့တယ်လို့ရေးသား ဖော်ပြထားပါတယ်။

PDF-Zolandမှ စခန်းသိမ်းတိုက်ပွဲအတွင်းတွင် စစ်ကောင်စီတပ်ဖွဲ၏ သေနတ် ၂၄ လက်၊ နှင့် အခြားဆက်စပ်ပစ္စည်းတွေကို သိမ်းဆည်းရမိတယ်လို့သိရပါတယ်။

 

========================

 

📌📌 ၆။ ထင်းရှူးစခန်းမှ စကစတပ်သားများစခန်းစွန့်ခွာထွက်ပြေးမှုကြောင့် ဖလမ်း-ကလေးလမ်းပိုင်းအား အသုံးမပြုရန်အသိပေး

The Matupi Times နိုဝင်ဘာ ၂၂ ၊၂၀၂၃

ဖလမ်းမြို့နယ်၊ ကစကစတပ်ရင်းတစ်ခုဖြစ်သည့် ခလရ၂၆၈ လက်အောက်ခံ ထင်းရှူးစခန်းမှ စကစတပ်ဖွဲ့ဝင်များ စခန်းစွန့်ခွာ ထွက်ပြေးသွားကြသောကြောင့် ဖလမ်း-ကလေးလမ်းပိုင်းကို အသုံးမပြုကြဖို့ CNO/CNDF က အရေးပေါ်သတိပေးချက်ထုတ်ပြန်လိုက်ပါတယ်။

ထွက်ပြေးသွားသည့် စကစတပ်ဖွဲ့၀င်များမှ ခရီးသွားပြည်သူများအား လူသားဒိုင်းအဖြစ် အသုံးချနိုင်သောကြောင့် ဒေသခံပြည်သူများအနေဖြင့် ဖလမ်း-ကလေးလမ်းမကြီးအား လုံးဝ အသုံးမပြုကြဖို့ သတိပေးချက်ထဲမှာ ထည့်သွင်းဖော်ပြထားပါတယ်။

 

========================

 

📌📌 ၇။ CDF Hualngoram ၏ထိန်းချုပ်မှုအောက်တွင် ဒေသပညာရေးရုံး စတင်ဖွင့်လှစ်

The Matupi Times နိုဝင်ဘာ ၂၂/၂၀၂၃

HPO/CDF Hualngoram ၏ထိန်းချုပ်မှုလက်အောက်တွင် ဟွားလ်ငိုးဒေသပညာရေးရုံး ( Hualngoram Regional Edication Office - HREO )ကို ဖလမ်းမြို့နယ်တစ်နေရာတွင် ယနေ့နိုဝင်ဘာလ ၂၂ရက်နေ့၌ အောင်မြင်စွာ စတင်ဖွင့်လှစ်နိုင်ခဲ့တယ်လို့ CDF Hualngoram သတင်းထုတ်ပြန်ပါတယ်။

ယခုဖွင့်လှစ်လိုက်သည့် ဟွားလ်ငိုးဒေသပညာရေးရုံး ၏ပညာရေးရုံးဆိုင်လုပ်ငန်းများကို ၂၀၂၂ ဧပြီလတွင် ဖွဲ့စည်းထားသော ပညာရေးဦးဆောင်ကော်မတီ ( Education Working Committee - EWC )အဖွဲ့ဝင်များမှ ဆက်လက်ဆောင်ရွက်သွားမယ်လို့သိရပါတယ်။

CDF Hualngoram မှထိန်းချုပ်ထားသည့် ဒေသအတွင်းတွင် ယနေ့အချိန်ထိ ကျောင်းပေါင်း ၃၀ ကျော်ဖွင့်လှစ်နိုင်ခဲ့ပြီး ၎င်းကျောင်းများကို ပညာရေးဦးဆောင်ကော်မတီ( EWC) မှ ဖယ်ဒရယ်စနစ်ကျကျ အုပ်ချုပ်ကိုင်တွယ်နေဆဲဖြစ်ကြောင်းထုတ်ပြန်ချက်အရ သိရပါတယ်။

#RadioNUGLocalNews

#SpringRevolution