18th DEC 2023 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ ဒီဇင်ဘာလ ( ၁၈ ) ရက်နေ့ ရပြည်တွင်းသတင်းများ

📌📌 ၁။ CDF-Mindat နှင့် စစ်ကောင်စီတပ်တို့ တိုက်ပွဲပြန်လည်ဖြစ်ပွားနေ ၊စကစတပ်ဖွဲ့ဝင်အချို့ဒဏ်ရာရရှိ

The Matupi Times နိုဝင်ဘာ ၂၆/၂၀၂၃

ချင်းပြည်နယ်အတွင်းမှာဒေသခံကာကွယ်ရေးပူးပေါင်းတပ်တွေက စခန်းသိမ်းတို်က်ပွဲတွေဆက်တိုက်ဆင်နွှဲနေကြသလို မင်းတပ်မြို့မှာလည်းယနေ့နိုဝင်ဘာလ ၂၆ ရက်နေ့ နံနက်ပိုင်းက နှစ်ဘက်ပစ်ခတ်မှုပြန်လည်ဖြစ်ပွားနေတယ္လို့သိရပါတယ်။

မင်းတပ်မြို့၊ ဘဝသစ်ရပ်ကွက်၊ မိခင်နှင့်ကလေးရုံးနားမှာ CDF-Mindat နှင့် စစ်ကောင်စီတို့ ပစ်ခတ်မှုဖြစ်ပွားခဲ့တာလို့သိရပါတယ်။ နှစ်ဘက်ပစ်ခတ်မှုကြောင့် စကစဘက်မှတပ်သားအချို့ထိခိုက်ဒဏ်ရာရရှိခဲ့ပြီးဒဏ်ရာရ စကစတပ်သားတွေကို မြို့ပေါ် ၂၇၄ တပ်ရင်းထဲက တပ်ဆေးခန်းမှာ ကုသမှုများပြုလုပ်နေကြတယ် လို့ဒေသခံသတင်းတွေကဖော်ပြပါတယ်။ မင်းတပ်မြို့မှာ ၂ လကျော်ကြာပြီးနောက် ပထမဆုံးအကြိမ် ပစ်ခတ်မှုပြန်လည် ဖြစ်ပွားနေတာပါ။

========================

📌📌 ၂။ မတူပီမြို့နယ်မှ ရဲတပ်သားတစ်ဦးမိသားစုနဲ့အတူ CDF matupi Battalion (၂)ထံ အလင်းဝင်(Matupi version below)

The Matupi Times နိုဝင်ဘာလ ၂၇၊ ၂၀၂၃

မတူပီခရိုင်၊ မတူပီမြို့နယ်ရဲစခန်းမှရဲတပ်သားမိုးကန့်သည်၎င်း၏မိသားစု၀င်(၃)ဦးနဲ့အတူCDF-Matupi Battalion-2 ထံသို့ နိုဝင်ဘာလ (၂၆)ရက်၊၂၀၂၃ ရက်နေ့က အလင်း၀င်လာခဲ့တယ်လို့သိရပါတယ်။

CDF-Matupi Battalion-2 ထံသို့အလင်း၀င်ရောက်လာသည့် ရဲတပ်သားသည် အလုပ်သက်တမ်း(၇)နှစ်ရှိပြီး ၎င်း၏လက်နက် G3 တစ်လက်၊ G3ကျည်ဘောက် (၂)ခု G3 ကျည်ဆံ (၁၀၀) ထောင့်နှင့်အတူအလင်း၀င်ရောက်လာခဲ့တာဖြစ်ကြောင်း CDF-Matupi(B2)က ယနေ့ဝင်ဘာ ၂၇ ရက်နေ့မှာ သတင်းထုတ်ပြန်ပါတယ်။

========================

📌📌 ၃။ CDF-Zotungထံလက်နက်နဲ့အတူ အလင်းဝင်လာသည့် ရေဇွာမြို့မှစကစတပ်သား(၂)ဦးကို ဆုငွေ သိန်း ၁၀၀ ချီးမြှင့်

The Matupi Times နိုဝင်ဘာ ၂၇/ ၂၀၂၃

မတူပီမြို့နယ် ၊ ရေဇွာမြို့က စကစလက်အောက်ခံတပ်သား ၂ဦးသည်ချင်းကာကွယ်ရေးတပ် CDF-Zotungထံကို လက်နက်တွေယူဆောင်လာပြီး အလင်းဝင်ရောက်ခဲ့တယ်လို့သိရပါတယ်။

အလင်းဝင်ရောက်လာသည့် စစ်ကောင်စီ တပ်သား၂ဦးသည် ၎င်းတို့နဲ့အတူ MA1 တစ်လက်၊ကျည်အတောင့် ၃၈၀၊ အီနာဂါဗုံးသီး ၅ လုံး၊ လက်ပစ်ဗုံး၃လုံး၊ နင်းမိုင်း ၁ လုံး၊ ကျည်ကာဦးထုပ်တစ်ခုနဲ့ ကျည်ကာအင်္ကျီတစ်ထည်တို့ကို ယူဆောင်လာပြီး အလင်းဝင်ရောက်ခဲ့တာလို့ သိရပါတယ်။

အဆိုပါ လက်နက်နဲ့တကွ အလင်းဝင်ရောက်လာတဲ့ စစ်သား၂ဦးကို CDF-ZOTUNG တပ်ဖွဲ့က ငွေကျပ် သိန်း၁၀၀ပေးအပ်ခဲ့ပြီး လုံခြုံတဲ့နေရာမှာ ကောင်းမွန်စွာ ပို့ဆောင်ပေးခဲ့တယ်လို့ သိရပါတယ်။

========================

📌📌 ၄။ CDF-Hakha မှမြို့သိမ်းတိုက်ပွဲပထမအဆင့်စတင်၊ စကစတပ်သား (၈)ဦးထက်မနည်းသေဆုံး

The Matupi Times နိုဝင်ဘာ ၂၈/၂၀၂၃

ညီနောင်သုံးဖွဲ့မှအစပြုခဲ့သည့် ၁၀၂၇ စစ်ဆင်ရေးကို ကြိိုဆိုထောက်ခံသောအားဖြင့် CDF-Hakha မှ ချင်းပြည်နယ်မြို့တော်၊ ဟားခါးမြို့၌ မြို့သိမ်းတိုက်ပွဲပထမအဆင့် (Rung Operation) ကို နိုဝင်ဘာလ ၂၆/၂၀၂၃ ရက်နေ့က စတင်ဖော်ဆောင်လိုက်ပြီလို့ သတင်းထုတ်ပြန်လိုက်ပါတယ်။

CDF-Hakha မှ နို၀င်ဘာလ ၂၆- ၂၇ရက်နေ့ (၂)ရက်အတွင်းတွင်ဟားခါးမြိို့ပေါ်၌ စကစတပ်စွဲထားသည့် နေရာအချို့ကို ဝင်ရောက်တိုက်ခိုက်ခဲ့ကာ စကစတပ်ဖွဲ့ဝင် (၇) ဦးထက်မနည်းသေဆုံးခဲ့ပြီး (၈) ဦး ထိခိုက်ဒဏ်ရာရှိခဲ့တယ်လို့ သိရပါတယ်။

မြို့တွင်း ၆လမ်းဆုံအနီးတွင်လည်း ပစ်ခတ်မှုဖြစ်ပွားခဲ့ပြီး အနီးနာရှိ လူနေအိမ်တစ်ချို့၊ ကားတစ်စီးနဲ့ လျှပ်စစ်မီးကြိုးများ ပျက်စီးမှုရှိပြီး အိမ်ထဲ၌ပုန်းအောင်းနေသော သားအဖ ၂ဦးလည်း (မစိုးရိမ်ရ) ဒဏ်ရာရရှိခဲ့တယ်လို့ ဟားခါးမြို့ဒေသခံ သတင်းတွေအရသိရပါတယ်။

Rung Operation စတင်တဲ့နေ့၌ စကစလက်အောက်ခံ ရဲနှင့်စစ်သားများအနေဖြင့် လက်နက်ပါ၍ဖြစ်စေ၊ မပါ၍ဖြစ်စေ ပြည်သူ့ရင်ခွင်ထံ အချိန်မနှောင်းခင်ဝင်ရောက် ခိုလှုံကြဖို့ CDF-Hakhaမှ နိုင်ဝင်ဘာ ၂၆ ရက်နေ့ ညပိုင်းက သတင်းထုတ်ပြန်ထားတာပါ။

========================

📌📌 ၅။ CNF နှင့် CDF – Mara ပူးတို့ပူးပေါင်း၍ လိုင်လင်းပီမြို့ အုပ်ချုပ်ရေးလုပ်ငန်းများကို အကောင်ထည်ဖော်ဆောင်ရွက်မည်ဟုဆို

The Matupi Times နိုဝင်ဘာ ၂၉/၂၀၂၃

ချင်းပြည်နယ်တောင်ပိုင်း အိန္ဒိယမြန်မာနယ်စပ်မြို့ဖြစ်သည့် မတူပီမြို့နယ်၊ လိုင်လင်းပီမြို့ကို ဒေသခံများကိုယ်တိုင်ဖော်ဆောင်သည့် CNF နှင့် CDF – Mara တို့ ပူးတွဲပြီး ဆက်လက်အကောင်ထည်ဖော်ဆောင်ရွက်သွားမယ်လို့ CNFက သတင်းထုတ်ပြန်လိုက်ပါတယ်။

မတူပီမြို့နယ် ၊ လိုင်လင်းပီမြို့ကို နိုဝင်ဘာလ ၂၄ ရက် နံနက် ပိုင်းက CDF-Mara/CDF-Senthang/CDF-Zophei/ CDF-Lautu/ CDF-Matupi(Battalion-2) /CDF-Thantlang နှင့် CNA အဖွဲ့ကသိမ်းပိုက်နိုင်ခဲ့တာပါ။ တိုက်ပွဲကြောင့် စစ်ဘေးတိမ်းရှောင်နေကြတဲ့ လိုင်လင်းပီမြို့ကဒေသခံပြည်သူတွေ လုံခြုံစွာပြန်လည်နေထိုင်နိုင်ရန်အတွက် CNF/CNA နှင့် Maraland Council /CDF-Mara တို့ကနယ်မြေရှင်းလင်းရေးနှင့်ပြန်လည်နေရာချထားရေးတို့ကို ပြည်သူလူထုပါဝင်ပူးပေါင်းမှုဖြင့်ဆောင်ရွက်လျက်ရှိတယ်လို့ဆိုပါတယ်။

========================

📌📌 ၆။ ရေဇွာမြို့သိမ်းကို CNDF /CNAမှသိမ်းပိုက် /တိုက်ပွဲတွင်စစ်သုံ့ပန်းအများအပြားဖမ်းစီးရမိပြီး/ လက်နက်ခဲယမ်းများ သိမ်းဆည်းနိုင်ခဲ့

The Matupi Times နိုဝင်ဘာလ ၃၀ ၊ ၂၀၂၃ခုနှစ်

ရေဇွာ မြို့သိမ်းတိုက်ပွဲကို ၂၀၂၃ခုနှစ်၊နိုဝင်ဘာလ(၂၅)ရက်နေ့တွင်စတင်ခဲ့တာပါ။ နိုဝင်ဘာလ(၂၈) ရက်နေ့တွင်ZZLMSညီနောင်များနှင့်အတူ ချင်းအမျိုးသားတပ်ဉီး CNA၊ CDF-MATUPI(B2) တို့မှ ပါဝင်ပူးပေါင်း တိုက်ခိုက်ခဲ့ပြီး၂၀၂၃ခုနှစ်၊နိုဝင်ဘာလ(၂၉) ရက်မနက်ပိုင်း ၁၀ နာရီဝန်းကျင်တွင်စခန်းအားအပြီးပိုင်သိမ်းပိုက် နိုင်ခဲ့တာပါ။

ZZLMS Operation မတူပီမြို့နယ်၊ ရေဇွာမြို့သိမ်းတိုက်ပွဲတွင် စကစဘက်မှစစ်သုံ့ပန်းအများအပြားဖမ်းဆီးရမိပြီး ၊ လက်နက်ခဲယမ်းများကိုလည်းသိမ်းဆည်းနိုင်ခဲ့တယ်လို့ သိရပါတယ်။

"စခန်းသိမ်းတိုက်ပွဲတွင်စစ်သုံ့ပန်း(၃၀)ဝန်းကျင်ကို ဖမ်းဆီးရမိပြီးလက်နက်နှင့်ခဲယမ်းအများအပြားကိုလည်း သိမ်းဆည်းရမိပါတယ်။မြို့ပေါ်တွင်ဒေသခံပြည်သူများဘေးကင်စွာနေထိုင်နိုင်ရေးအတွက်အကောင်းဆုံးဆောင်ရွက်နေပါတယ် ။ "လို့ CDF-Matupi မှတာဝန်ရှိသူတစ်ဦးက Matupi Times ကိုပြောပါတယ်။

တိုက်ပွဲအတွင်းတွင် စကစ၏လေကြောင်းတိုက်ခိုက်မှုကြောင့် ရေဇွာမြိုု့မှနေအိမ်အများ အပြားပျက်စီးသွား တယ်လို့သိရပါတယ်။

အဆိုပါ ZZLMS Operation တွင် ဒေသခံကာကွယ်ရေးပူးပေါင်းတပ်ဘက်မှ CDF-Zotung က(၁)ဦး၊ CDF-Maraက(၁)ဦး ၊ CDF-Lautu က(၁)ဦး ၊ CNAက(၁)ဦး ရှေ့တန်းမှာတိုက်ပွဲဝင်ရင်း အသက်ပေးလှူခဲ့ကြပါတယ်။

========================

📌📌 ၇။ အိန္ဒိယသို့ လိုင်လင်းပီစခန်းမှထွက်ပြေးလာတဲ့စစ်ကောင်စီတပ်သား ၃၀ ဦးကို မြန်မာနိုင်ငံပြန်ပို့

The Matupi Times နိုဝင်ဘာ၊ ၃၀ ၊၂၀၂၃

လိုင်းလင်းပီမြို့အခြေချ စစ်ကောင်စီတပ်စခန်းမှအိန္ဒိယဘက်သို့ စခန်းစွန့်ခွာ ထွက်ပြေးလာသည့်စကစတပ်သား(၃၀)ဦးကို မြန်မာနိုင်ငံသို ထုံးစံအတိုင်း မဏိပူးရ်-မိုးရေးမြို့ဘက်မှပြန်လည် ပို့ဆောင်သွားမယ်လို့သိရပါတယ်။

ချင်းပြည်နယ်တောင်ပိုင်း ၊ မတူပီမြို့နယ် ၊ လိုင်လင်းပီမြို့ စစ်ကောင်စီတပ်စခန်းကို ချင်းကာကွယ်ရေး ပူးပေါင်းတပ်က ယခင်ရက်ပိုင်းနိုဝင်ဘာလ၂၄ရက်နေ့က သိမ်းပိုက်နိုင်ခဲ့တာပါ။

လိုင်လင်းပီမြို့စကစစခန်းမှ အလံဖြူထောင်ပြီး ထွက်ပြေးသွားတဲ့စကစတပ်ဖွဲ့ကို ဗိုလ်ကြီးရန်နိုင်ဦးက ဦးဆောင်လာတာဖြစ်ပြီး နိုဝင်ဘာ ၂၉ ရက်နေ့မှာ မီဇိုးရမ်၊ ဆိုင်းဟားခရိုင် ၊ တွီပန်မြို့က အာသံရိုင်ဖယ်စစ်တပ်စခန်းတွင် ထိန်းသိမ်းထားပြီး စစ်ဆေးမေးမြန်ပြီးနောက် ညနေပိုင်းတွင် မဏိပူးရ်ဘက်သို့ အိန္ဒိယစစ်တပ်လေယာဉ်ဖြင့်ပို့ဆောင်ခဲ့ပြီး မိုးရေးမြို့မှဆင့် စကစထံဆက်လက်ပို့ဆောင်သွားမယ်လို့သိရပါတယ်။