2nd DEC 2023 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၃ ဒီဇင်ဘာလ ( ၂ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ ၅ ရက်အတွင်း စစ်ကောင်စီတပ်ဖွဲ့ဝင် ၄ ဦးနဲ့ မိသားစုဝင်တချို့ CDF ထံ လက်၊နက်အပ် အလင်းဝင်

 

စခန်းသိမ်းတို၊က်ပွဲ အရှိန်မြင့်လာတဲ့ ချင်းပြည်မှာ ၅ ရက်အတွင်း စစ်ကောင်စီတပ်ဖွဲ့ဝင် ၄ ဦးနဲ့ သူတို့ မိသားစုဝင်တချို့ လ၊က်နက်အပြည့်အစုံအပ်ပြီး အလင်းဝင်လာတယ်လို့ သိရပါတယ်။

နိုဝင်ဘာ ၂၂ ရက်နေ့က မတူပီမြို့နယ် ဇိုတုန်‌‌ဒေသ၊ ရေဇွာမြို့ တပ်စခန်းမှ ဒုတပ်ကြပ် ဦးထန်လျန်ကျင်းဟာ CDF – ZOTUNG ထံ အလင်းဝင်တာကြောင့် လက်ခံထားတယ်လို့ သိရပါတယ်။

နိုဝင်ဘာ ၂၆ကလည်း မတူပီမြို့နယ် စစ်ကောင်စီလက်အောက်ခံ ရဲတပ်သားတဦးဟာ ဇနီးသည်အပါအဝင် ရင်သွေးငယ် လေးနဲ့အတူ အလင်းဝင်လာတာ ရှိပါတယ်။

သူတို့နဲ့အတူ G3 သေ၊နတ် တလက်၊ G3 ကျ၊ည်ဘောက် ၂ ခုနဲ့ G3 ကျ၊ည်ဆန်အတောင့် ၁၀၀ ပါလာတယ်လို့ ချင်းလဲန်းကာကွယ်ရေးတပ်ဖွဲ့ (မတူပီ) တပ်ရင်း ၂ က ထုတ်ပြန်ပါတယ်။

နောက်ထပ် ရေဇွာမြို့ရှိ စစ်ကောင်စီ တပ်သား ၂ ဦး MA1 သေနတ် ၁ လက်၊ကျည်အတောင့် ၃၈၀၊ အီနာကာ ၅ လုံး၊ လက်ပစ်၊ဗုံး ၃ လုံး၊ နင်းမို၊င်း ၁ လုံး၊ ကျ၊ည်ကာဦးထုပ် ၁ ခုနဲ့ ကျ၊ည်ကာအင်္ကျီ ယူလာပြီး အလင်းဝင်တာကြောင့် ငွေကျပ် သိန်း ၁၀၀ ချီးမြှင့်ခဲ့တယ်လို့ CDF – ZOTUNG က ထုတ်ပြန်ပါတယ်။

အလင်းဝင်လာတဲ့ စစ်ကောင်စီ တပ်သားတွေကို ဆုငွေတွေနဲ့အတူ လုံခြုံတဲ့နေရာ ပို့ဆောင်ပေးမယ့်အပြင် စိတ်ပိုင်းဆိုင်ရာ၊ ရုပ်ပိုင်းဆိုင်ရာ လိုအပ်ချက်တွေ ကူညီထောက်ပံ့ပေးမယ်လို့လည်း သက်ဆိုင်ရာ ချင်းတော်လှန်ရေးအင်အားစုတွေက ကြိုဆိုဖိတ်ခေါ်နေပါတယ်။

 

========================

 

📌📌 ၂။ ဟားခါးမှာ ၂ ရက်ဆက်တိုက် တို၊က်ပွဲဖြစ်ပွား

 

ချင်းပြည် မြို့တော် ဟားခါးမြို့တွင်းမှာ Rung operation ပထမအဆင့် မြို့သိမ်းအကြိုတို၊က်ပွဲ စတင်ဖော်ဆောင်နေပြီလို့ ချင်းလဲန်းကာကွယ်ရေးတပ်ဖွဲ့ (ဟားခါး) က တရားဝင် ထုတ်ပြန်လာပါတယ်။

Operation 1027 က အစပြုတဲ့ စခန်းသိမ်းတို၊က်ပွဲတွေကို ကြိုဆိုထောက်ခံတဲ့အနေနဲ့ နိုဝင်ဘာ ၂၆၊ ၂၇ ရက်နေ့တွေမှာ ဟားခါးမြို့တွင်းရှိ စစ်ကောင်စီတွေကို တို၊က်ခိုက်ခဲ့တာလို့ ပြောပါတယ်။

နှစ်ရက်တာ တိုက်ပွဲအတွင်း စစ်ကောင်စီ ၇ ဦးထက်မနည်း သေ၊ဆုံးခဲ့ပြီး ၈ ဦး ထိခိုက်ဒဏ်ရာရတယ်လို့ ချင်းလဲန်း ကာကွယ်ရေးတပ်ဖွဲ့ (ဟားခါး) ရဲ့ ထုတ်ပြန်ချက်မှာ ဖော်ပြပါတယ်။

လ၊က်နက်ချ အလင်းဝင်လာတဲ့ စစ်ကောင်စီတပ်ဖွဲ့ဝင်တွေကို ဆုငွေပေးမယ့်အပြင် စားဝတ်နေရေးနဲ့ ကျန်းမာရေး စောင့်ရှောက်မှုဆောင်ရွက်ပေးပြီး လူသားဆန်ဆန် ဆက်ဆံသွားမယ်လို့ ကာကွယ်ရေးတပ်ဖွဲ့က နိုဝင်ဘာ ၂၆ ရက်နေ့မှာ ဖိတ်ခေါ်ထားပါတယ်။

ဒါ့အပြင် ထန်တလန်မြို့မှာလည်း ဒီရက်ပိုင်း ၂ ဖက် တို၊က်ပွဲတွေ ဆက်လက်ဖြစ်ပွားနေတယ်လို့ စစ်ရေးသတင်းအရင်းမြစ် တွေက ပြောပါတယ်။

 

========================

 

📌📌 ၃။ ရေဇွာမြို့ကို အလုံးစုံသိမ်းပိုက်ကြောင်း ကြေညာ၊ ချင်းပြည်အတွင်း မြို့သိမ်း တိုက်ပွဲအရှိန် မြင့်လာ

 

ချင်းပြည်၊ ဇိုတုန်ဒေသ၊ ရေ‌ဇွာမြို့ကို သိမ်းပိုက်ပြီး အလုံးစုံ ထိန်းချုပ်လိုက်ကြောင်း ချင်းလဲန်းကာကွယ်ရေးတပ်ဖွဲ့ (ဇိုတုန်) က တရားဝင်ကြေညာပါတယ်။

ZZLMS Operation အမည်ပေးထားတဲ့ မြို့သိမ်းတို၊က်ပွဲကို CNA နဲ့ CDFs ပူးပေါင်းအဖွဲ့က နိုဝင်ဘာ ၂၆ ရက်မှာ စတင်ဖော် ဆောင်ခဲ့တာဖြစ်ပြီး ၂၉ရက်နေ့ မနက်၁၀ နာရီကျော်မှာ သိမ်းနိုင်တာလို့ ပြောပါတယ်။

ZZLMS ဟာ (Zotung, Zophei, Lautu, Mara, Sengthang) စတဲ့ မဟာမိတ် ညီနောင်တွေ ဖြစ်ပါတယ်။

နိုဝင်ဘာလ ဒုတိယအပတ်ကစလို့ ချင်းအမျိုးသားတပ်မတော် (CNA) နဲ့ ချင်းကာကွယ်ရေးတပ်ဖွဲ့ (CDF) ပူးပေါင်းတပ်က သိမ်းထားတဲ့ မြို့ ၃ မြို့အထိ ရှိလာပါတယ်။

နို၀င်ဘာ ၁၃ ရက် ဖလမ်းမြို့နယ်၊ ရိဒ်ခေါဒါရ်မြို့၊ နို၀င်ဘာ ၂၄ မှာ မတူပီမြို့နယ်၊ လိုင်လင်းပီမြို့နဲ့ ဒီနေ့ (နို၀င်ဘာ ၂၉) တွင် ဇိုတုန်နယ်၊ ရေဇွာမြို့ကို ထပ်မံသိမ်းပိုက်နိုင်ခဲ့တာ ဖြစ်ပါတယ်။ 

ဒါ့အပြင် စစ်ကောင်စီအထိုင်ချတဲ့ ဖလမ်းမြို့နယ်၊ တီပွာစခန်းကို CNDF နဲ့ တီးတိန်မြို့နယ် ကနေဒီတောင်အခြေချစခန်းကို PDF – ZOLAND တို့က တို၊က်ခိုက်သိမ်းယူခဲ့တာ ရှိပါတယ်။

ချင်းပူးပေါင်းတပ်က သိမ်းယူတဲ့မြို့တွေဟာ ချင်းပြည် မြောက်ပိုင်း၊ တောင်ပိုင်းတွေဆက်သွယ် ချိတ်ဆက်နိုင်ဖို့ လက်တွေ့ မှာ အချက်အခြာကျတဲ့ မြို့တွေလို့ ပြောရမှာပါ။

ဒီလို မြို့သိမ်းတို၊က်ပွဲအတွင်း ချင်းကာကွယ်ရေးပူးပေါင်းတပ်ဘက်ကလည်း ထိခိုက်ကျဆုံးမှုတွေ ရှိနေပါတယ်။

 

========================

 

📌📌 ၄။ ပလက်ဝရှိ စစ်ကောင်စီဗျူဟာကုန်း ၂ ခု အပြီးသိမ်းဖို့ ရက္ခိုင့်တပ်တော် (AA) က ထိုးစစ်ဆင်

 

ချင်းပြည်၊ ပလက်ဝမြို့နယ်ရှိ စစ်ကောင်စီအခိုင်အမာတပ်စွဲထားတဲ့ 'နှုံးဘူးဗျူဟာ' နဲ့ 'တရွန်အိုင်ဗျူဟာ' တို့ကို အပြီးသ၊တ်သိမ်းပိုက်ဖို့ ရက္ခိုင့်တပ်တော် (AA) က ထိုးစစ်ဆင် တို၊က်ခိုက်နေတယ်လို့ ညီနောင်မဟာမိတ်သုံးဖွဲ့က သတင်း ထုတ်ပြန်ပါတယ်။

နိုဝင်ဘာ ၂၉ ရက်နေ့ ဖော်ပြတဲ့ ၁၀၂၇ စစ်ဆင်ရေး (၃၄) ရက်မြောက် တို၊က်ပွဲသတင်း ထုတ်ပြန်ချက်မှာ အခုလို အသိပေး ထားတာပါ။

အဲဒီ စစ်ကောင်စီဗျူဟာ ၂ ခုကို ရက္ခိုင့်တပ်တော် (AA) က နိုဝင်ဘာ ၁၄ မှာ စတင်တို၊က်ခိုက်ခဲ့တာဖြစ်ပြီး စစ်ကောင်စီက လေကြောင်း ပစ်ကူ အကြိမ်ကြိမ်ရယူခုခံနေတယ်လို့ (MNTJP/MNDAA)၊ (PSLF/TNLA) နဲ့ (ULA/AA) ညီနောင်မဟာမိတ် ၃ ဖွဲ့က ထုတ်ပြန်ပါတယ်။

'နှုံးဘူးဗျူဟာ' နဲ့ 'တရွန်အိုင်ဗျူဟာ' တည်နေရာတွေဟာ အိန္ဒိယ - မြန်မာ ဆက်သွယ်ဆောင်ရွက်ဖို့ အရေးပါတဲ့ လမ်းကြောင်းဖြစ်နေတာကြောင့် တပ်စခန်းသိမ်းပိုက်နိုင်ဖို့ AA က အဆက်မပြတ် တို၊က်ခိုက်နေတာလို့ ရက္ခိုင်ပြည် အခြေစိုက် DMG သတင်းဌာနက ရေးသားပါတယ်။

ဒါ့အပြင် ပလက်ဝမြို့နယ်အတွင်း ကုန်းလမ်း၊ ရေလမ်းကြောင်း အဝင်အထွက်အားလုံး နိုဝင်ဘာလ ၁၃ ရက်နေ့ကစလို့ ပိတ်ပင်ထားပြီး အဓိက ကုန်သွယ်ရေးလမ်းကြောင်းဖြစ်တဲ့ ပလက်ဝ - ကျောက်တော် ရေလမ်းကြောင်းပါ ပိတ်ထားတယ်လို့ ဆိုပါတယ်။

တို၊က်ပွဲပြင်းထန်နေတဲ့ ချင်းပြည်၊ ပလက်ဝမြို့နယ်နဲ့ ရက္ခိုင်ပြည်၊ ပေါက်တောမြို့တွေမှာ စစ်ကောင်စီရဲ့ လေကြောင်း ပ၊စ်ခတ်တို၊က်ခိုက်မှုတွေကြောင့် အရပ်သားထိခိုက် သေ၊ဆုံးမှုများပြီး နေအိမ်အဆောက်အအုံ ထိခိုက်ပျက်စီးတာ တွေလည်း ရှိနေပါတယ်။

#RadioNUGLocalNews

#SpringRevolution