30th DEC 2023 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၃ ဒီဇင်ဘာလ ( ၃၀ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ မင်းတပ်မြို့ပေါ်ရှိ စစ်ကောင်စီအထိုင်နေရာ ၃ ခု ထပ်မံ တို၊က်ခိုက်ခဲ့ကြောင်း ထုတ်ပြန်

 

မင်းတပ်မြို့ပေါ်ရှိ စစ်ကောင်စီအထိုင်နေရာ ၃ ခုကို ထပ်မံတို၊က်ခိုက်ခဲ့တယ်လို့ ချင်းကာကွယ်ရေးတပ်ဖွဲ့ (မင်းတပ်) က ထုတ်ပြန်ပါတယ်။

ဒီဇင်ဘာ ၂၆ ရက်နေ့ ထုတ်ပြန်တဲ့ တို၊က်ပွဲသတင်းထုတ်ပြန်ချက်မှာ အခုလိုဖော်ပြထားတာပါ။ 

“မင်းတပ်မြို့တွင်း စစ်ဆင်ရေးအနေဖြင့် ၂၃.၁၂.၂၀၂၃ တွင် စကစများ နေထိုင်ရာ ထွေအုပ်ရုံး၊ အထကကျောင်း၊ ရန်အောင်စေတီကင်းစခန်းတို့အား သွားရောက်တို၊က်ခိုက်ခဲ့ရာ စကစ ၂ ဦး သေ၊ဆုံးခဲ့သည်။” လို့ ဆိုပါတယ်။

၂၀၂၃ ဒီဇင်ဘာလအတွင်းမှာ ချင်းကာကွယ်ရေးတပ်ဖွဲ့ (မင်းတပ်) အနေနဲ့ မကွေးတိုင်း၊ ထီးလင်းမြို့နယ်၊ ဂန့်ဂေါမြို့နယ်နဲ့ ချင်းပြည်၊ မတူပီမြို့နယ်တွေမှာ မဟာမိတ်တွေနဲ့အတူ စခန်းသိမ်းတို၊က်ပွဲဖော်ဆောင်ခဲ့ပြီး ရဲဘော် ၄ ဦး အသက်ပေးခဲ့ပါတယ်။

လက်ရှိမှာ ချင်းကာကွယ်ရေးတပ်ဖွဲ့ (မင်းတပ်) က Project Mindat 2024 အမည်နဲ့ကမ်ပိန်းတခု ပြုလုပ်နေပြီး တတ်နိုင်တဲ့ဘက်က ဝန်းရံပေးကြဖို့လည်း ကာကွယ်ရေးတပ်က အသိပေးပါတယ်။

 

========================

 

📌📌 ၂။ ချင်းနှင့် မကွေးရှိ စစ်ကောင်စီအထိုင်စခန်း သိမ်းပိုက်မှုအတွင်း CDF မင်းတပ် ရဲဘော် ၄ ဦး ကျဆုံး

 

ချင်းပြည်နဲ့ မကွေးတိုင်းက စစ်ကောင်စီစခန်းသိမ်းပိုက်တဲ့ ၂၀၂၃ ဒီဇင်ဘာလအတွင်း ချင်းကာကွယ်ရေးတပ်ဖွဲ့ (မင်းတပ်) ရဲဘော် ၄ ဦး ကျဆုံးခဲ့ပါတယ်။

“ရေမျက်နီ တို၊က်ပွဲမှာ နှစ်ဦး၊ မတူပီနယ်မှာ တဦးနဲ့ မြစ်သာဆည်သိမ်းပွဲမှာ တဦးကျပါတယ်။” လို့ ချင်းကာကွယ်ရေးတပ်ဖွဲ့ (မင်းတပ်) သတင်းနှင့်ပြန်ကြားရေးအဖွဲ့က The Mindat Post ကို ပြောပါတယ်။

၂၀၂၃ ဒီဇင်ဘာအစောက မဟာမိတ်တွေနဲ့အတူ ဖော်ဆောင်ခဲ့တဲ့ မကွေးတိုင်း ရေမျက်နီတို၊က်ပွဲတွင်း စစ်ကောင်စီရဲ့ လေကြောင်းဆက်တိုက် တို၊က်ခိုက်မှုတွေကြောင့် ချင်းကာကွယ်ရေးတပ်ဖွဲ့ (မင်းတပ်) နှစ်ဦး ကျဆုံးရတာပါ။

နောက်ပြီး ဒီဇင်ဘာ ၁၈ ရက်နေ့ Vui Bawk (ဆင်ဖြူစစ်ကြောင်း) အမည်ပေးထားတဲ့ မတူပီမြို့နယ်၊ ထယ်ဘွေးစခန်းသိမ်းတို၊က်ပွဲမှာ ချင်းကာကွယ်ရေးတပ်ဖွဲ့ (မင်းတပ်) ရဲဘော် တဦး ကျဆုံးပါတယ်။

ဒီစစ်ဆင်ရေးကို CDF မတူပီ၊ မင်းတပ်၊ လောက်တူနဲ့ CNDF ပူးပေါင်းတပ်က ပူးပေါင်းခဲ့တာဖြစ်ပြီး စခန်းသိမ်းပိုက်မှုအတွင်း စစ်ကောင်စီထံက လ၊က်နက်တချို့နဲ့ ကျ၊ည်ထောင်ချီကို ကာကွယ်ရေးပူးပေါင်းတပ်က သိမ်းယူခဲ့ပါတယ်။

ဒီဇင်ဘာ ၂၂ ရက်နေ့ မကွေးတိုင်း၊ ဂန့်ဂေါမြို့နယ်၊ မြစ်သာဆည် တို၊က်ပွဲတွင်းမှာလည်း ချင်းကာကွယ်ရေးတပ်ဖွဲ့ (မင်းတပ်) ရဲဘော်တဦး ထပ်မံ အသက်ပေးခဲ့ရပါတယ်။ 

စစ်ဆင်ရေးကို ZZLMS (CDF - Zophei၊ Zotung၊ Lautu၊ Mara၊ Senthang)၊ CDF - Mindat၊ CDF - KKG၊ ဒေသအခြေစိုက်ကာကွယ်ရေးတပ်ဖွဲ့နဲ့ ဂန့်ဂေါခရိုင်တပ်ရင်း ပူးပေါင်းတပ်ဖွဲ့က တို၊က်ခိုက်ခဲ့တာဖြစ်ပြီး စစ်ကောင်စီစခန်းကိုလည်း သိမ်းနိုင်ခဲ့တယ်လို့ သိရပါတယ်။

လက်ရှိမှာ ချင်းကာကွယ်ရေးတပ်ဖွဲ့ (မင်းတပ်) က Project Mindat 2024 အမည်နဲ့ကမ်ပိန်းတခု ပြုလုပ်နေပြီး တတ်နိုင်တဲ့ဘက်က ဝန်းရံပေးကြဖို့လည်း ပြန်ကြားရေးတာဝန်ခံက ဆက်ပြောပါတယ်။

 

========================

 

📌📌 ၃။ စစ်ကောင်စီ လက်အောက်ခံ ၄ ဦး လ၊က်နက်နဲ့အတူ CDF ပလက်ဝထံ ထပ်မံ အလင်းဝင်လာ

 

ချင်းပြည်၊ ပလက်ဝခရိုင်၊ ဆမီးမြို့အခြေစိုက် စစ်ကောင်စီလက်အောက်ခံ ရဲစခန်းရှိ တပ်ကြပ်အဆင့်ရှိသူ ၂ ဦး အပါအဝင် ၄ ဦး ချင်းလဲန်းကာကွယ်ရေးတပ်ဖွဲ့ (ပလက်ဝ) ထံ လက်၊န၊က်ချ အလင်းဝင်လာကြတယ်လို့ ပလက်ဝ ကိုယ်ပိုင်အုပ်ချုပ်သောခရိုင်ကောင်စီက ထုတ်ပြန်ပါတယ်။

ဒီဇင်ဘာ ၁၄ ရက်နေ့က G3 (၃) လက်၊ ကျည်ဘောက် (၇) ခု၊ ကျည်ဆံ (၄၈၀) တောင့်၊ 94 သေန၊တ် (၁) လက်၊ ကျ၊ည်ဘောက် (၂) ခုနဲ့ ကျ၊ည်ဆံ (၂၀၀) တောင့်နဲ့အတူ ယူဆောင်လာကြတယ်လို့ ပြောပါတယ်။

အလင်းဝင်လာသူတွေကို ပလက်ဝကိုယ်ပိုင်အုပ်ချုပ်သောခရိုင်ကောင်စီ/ ချင်းနယ်မြေကာကွယ်ရေးတပ်ဖွဲ့ - ပလက်ဝရဲ့ ထုတ်ပြန်ချက်အတိုင်း ဆုငွေပေးအပ်ပြီး ဘေးကင်းလုံခြုံတဲ့နေရာကို ပို့ဆောင်ပေးခဲ့တယ်လို့ သိရပါတယ်။

ပြီးခဲ့တဲ့ ဒီဇင်ဘာဆန်းပိုင်းကလည်း ပလက်ဝခရိုင်၊ ရှင်းလက်ဝကျေးရွာအခြေစိုက် ဗျူဟာ ၃ ခလရ ၂၉၉ ရှိ စစ်ကောင်စီတပ်သားနဲ့ ရဲတပ်ဖွဲ့ဝင် ၁၀ ဦး အလင်းဝင်လာတာကြောင့် ချင်းလဲန်းကာကွယ်ရေးတပ်ဖွဲ့ (ပလက်ဝ) က လက်ခံပြီး လွတ်မြောက်နယ်မြေကို ပို့ဆောင်ပေးခဲ့ပါတယ်။

#RadioNUGLocalNews

#SpringRevolution