13th JAN 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ ဇန်နဝါရီလ ( ၁၃ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ တီးတိန်မြို့ အခြေစိုက် ခလရ(၂၆၉)မှ စစ်ကောင်စီတပ်သား သုံးဦး လက်နက်နှင့်အတူ အလင်းဝင်

 

ချင်းပြည်နယ်၊ တီးတိန်မြို့အခြေစိုက် ခလရ(၂၆၉)မှ စစ်ကောင်စီတပ်သား သုံးဦး လက်နက်အပြည့်အစုံနဲ့ အလင်းဝင်ခဲ့ တယ်လို့ PDF-Zolandက သတင်းထုတ်ပြန်ပါတယ်။ 

အလင်းဝင်ရောက်တဲ့ စစ်ကောင်စီတပ်သားတွေဟာ အခြားအဖွဲ့အစည်းထံ သွားရောက်ရန် အကူအညီတောင်းဆို ကြတဲ့အတွက် ကြားခံကူညီပေးတာဖြစ်ပြီး သက်ဆိုင်ရာ အဖွဲ့အစည်းဆီကို ပို့ဆောင်ထားပြီးဖြစ်တယ်လို့ ဆိုပါတယ်။

အခုလို တိုက်ပွဲများပြင်းထန်နေတဲ့အချိန်မှာ လက်နက်နှင့်အတူ အလင်းဝင်ရောက်တာကို ကြိုဆိုကြောင်းနှင့် အလင်းဝင် ရောက်လာသူများကိုလည်း လုံခြုံရေးအာမခံကြောင်း PDF-Zolandက ပြောပါတယ်။ 

PDF-Zolandထံ အလင်းဝင်ရောက်လာတဲ့ စစ်ကောင်စီတပ်သားနှင့် ရဲတပ်ဖွဲ့ဝင်ပေါင်း ၃၀ကျော်ရှိပြီလို့ ထုတ်ပြန်ထားပါ တယ်။

 

========================

 

📌📌 ၂။ ပလက်ဝမြို့အနီးရှိ ခမရ (၃၀၉)စခန်းကို AAကသိမ်းပိုက်

 

ပလက်ဝမြို့အနီးရှိ စကခ (၁၉) လက်အောက်ခံ ခြေမြန်တပ်ရင်း- ခမရ ၃၀၉တပ်စခန်းအား တိုက်ခိုက်သိမ်းနိုင်ခဲ့ပြီး လက်နက်ခဲယမ်းများရရှိ ခဲ့တယ်လို့ ဇန်နဝါရီလ ၆ရက်နေ့က ရက္ခိုင့်တပ်တော်AAက ထုတ်ပြန်ထားပါတယ်။ 

ဇန်နဝါရီလ (၉) ရက်တစ်နေ့လုံး ပလက်ဝမြို့အနီးပတ်ဝန်းကျင်မှာ AA နှင့် စစ်ကောင်စီတပ်တို့ တိုက်ပွဲအပြင်းအထန်ခဲ့ပြီး စစ်ကောင်စီဘက်မှလက်နက်ကြီးပစ်ကူ၊ ဂျက်တိုက်လေယာဉ်များဖြင့် အပြင်းအထန်ခုခံတိုက်ခိုက်‌နေတယ်လို့ သိရပါ တယ်။ 

ဒါ့အပြင် ပလက်ဝနှင့်ကျောက်တော်အစပ်မှာရှိတဲ့စစ်ကောင်စီရဲ့ မီးဝဗျူဟာကိုလည်း အပြီးသတ်သိမ်းပိုက်နိုင်ဖို့အတွက် AAက ထိုးစစ်ဆင်တိုက်ခိုက်နေတယ်လို့ ဆိုပါတယ်။ မီးဝဗျူဟာကုန်းတိုက်ပွဲမှာလည်း စစ်ကောင်စီက ဂျက်တိုက်လေ ယာဉ်များအသုံးပြု ဗုံးကြဲတိုက်ခိုက်ခဲ့တယ်လို့ ဖော်ပြထားပါတယ်။

ရက္ခိုင့်တပ်တော်(AA)ဟာ ပလက်ဝဒေသတစ်ခုလုံးစစ်ကောင်စီကင်းစင်သည့် နယ်မြေဖြစ်လာနိုင်ဖို့အတွက် လက်ကျန် စခန်းများကို ဆက်လက်တိုက်ခိုက်နေတယ်လို့ဆိုပါတယ်။

 

========================

 

📌📌 ၃။ ၂ လအတွင်း အိန္ဒိယဘက် ထွက်ပြေးလို့ မြန်မာပြည်ပြန်ပို့တဲ့ စစ်ကောင်စီတပ်ဖွဲ့ဝင် ၃၀၀ ကျော် အထိရှိနေ

 

ချင်းပြည်အတွင်း တိုက်ပွဲတွေမှာ အရေးနိမ့်ပြီး အိန္ဒိယဘက်ထွက်ပြေးလို့ အိန္ဒိယဗဟိုအစိုးရက မြန်မာနိုင်ငံပြန်ပို့တဲ့ စစ်ကောင်စီတပ်ဖွဲ့ဝင် ၃၀၀ ကျော်အထိ ရှိလာပါတယ်။

၂၀၂၃ နိုဝင်ဘာကနေ ၂၀၂၄ အစောပိုင်းအထိ ၂ လအတွင်းမှာ အခုလို စစ်ကောင်စီတပ်ဖွဲ့ဝင် ရာချီ စခန်းစွန့်ခွာ ထွက်ပြေးကြတာပါ။

၂၀၂၃ နိုဝင်ဘာ လလယ် ရိဒ်ခေါဒါရ်မြို့အထိုင် စစ်ကောင်စီစခန်း ၂ ခုကို ချင်းအမျိုးသားတပ်မတော် (CNA) နဲ့ ချင်းတော်လှန်ရေးပူးပေါင်းတပ်က သိမ်းပိုက်စဉ် မီဇိုရမ်ပြည်ဘက် ထွက်ပြေးတဲ့ တပ်သား ၄၀ ကျော်ကို အိန္ဒိယဗဟိုအစိုးရက မြန်မာပြည် ပြန်ပို့လိုက်ပါတယ်။

နိုဝင်ဘာလထဲမှာပဲ သီးဘွာလ် စစ်ကောင်စီတပ်စခန်းကို ချင်းအမျိုးသားကာကွယ်ရေးတပ်ဖွဲ့ (CNDF) က တိုက်ခိုက် သိမ်းပိုက်မှုအတွင်း စစ်ကောင်စီတပ်ဖွဲ့ဝင်တွေ အိန္ဒိယဘက်ထွက်ပြေးတာရှိပေမယ့် အရေအတွက် အတိအကျကိုတော့ မသိရပါဘူး။

ဒီဇင်ဘာ ၂၈ ရက်နေ့ ချင်းပြည်၊ ပလက်ဝရှိ ပွိုင့် (၃၇၇) ကို ရက္ခိုင့်တပ်တော် (AA) က ထိန်းချုပ်လိုက်ပြီးတဲ့နောက် ထွက်ပြေးတဲ့ စစ်ကောင်စီတပ်ဖွဲ့ဝင် ၁၅၀ ဝန်းကျင်ကိုလည်း မီဇိုရမ်ပြည်နယ် လဲန်ပွီးလေဆိပ် (Lengpui Airport) ကတဆင့် ပြန်ပို့တာရှိပါတယ်။

ချင်းပြည်၊ ပလက်ဝမြို့နယ်က ရှင်းလက်ဝ စစ်ကောင်စီတပ်စခန်းကို ရက္ခိုင့်တပ်တော် (AA) နဲ့ မရာဒေသ ကာကွယ်ရေးတပ်ဖွဲ့ (MDF) တို့က ထပ်မံသိမ်းပိုက်ခဲ့သလို တို၊က်ပွဲအတွင်း အိန္ဒိယဘက် ထပ်မံထွက်ပြေးခဲ့တဲ့ စစ်ကောင်စီတပ်ဖွဲ့ဝင် ၁၀၀ ကျော်ကို ဇန်နဝါရီ ၉ ရက်နေ့မှာ မြန်မာနိုင်ငံ ပြန်ပို့ပေးခဲ့တယ်လို့ သိရပါတယ်။

#RadioNUGLocalNews

#SpringRevolution