27th JAN 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ ဇန်နဝါရီလ ( ၂၇ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ ပလက်ဝက ထွက်ပြေးတဲ့ စစ်ကောင်စီတပ်နဲ့ ချင်းပူးပေါင်းတပ်ဖွဲ့အကြား ၃ ရက်ကြာ တိုက်ပွဲ ပြင်းထန်နေ

 

ချင်းပြည်၊ ပလက်ဝမြို့နယ်မှာ တိုက်ခိုက်ခံရလို့ ထွက်ပြေးတဲ့ စစ်ကောင်စီတပ်ဖွဲ့ဝင်တွေနဲ့ ဆက်တိုက် တိုက်ပွဲဖြစ်ပွားနေတယ်လို့ ချင်းလဲန်းကာကွယ်ရေးတပ်ဖွဲ့ (မတူပီ) က  ထုတ်ပြန်လာပါတယ်။

စစ်ကောင်စီတပ်ဖွဲ့ဝင်တွေကို CDF - Matupi၊ မဟာမိတ် CDF - Paletwa၊ CNA ပူးပေါင်းတပ်က တိုက်ခိုက်နေပြီး စစ်ကောင်စီဘက် ဆယ်ချီထိခိုက်သေဆုံးမှုရှိတယ်လို့ ပြောပါတယ်။ 

ထိခိုက်သေဆုံးမှုများတဲ့ စစ်ကောင်စီဟာ မတူပီမြို့နယ်အတွင်းရှိ ပြည်သူ့ဆေးရုံကို မီးရှို့ပြီး အရပ်သား ၈ ဦး ဖမ်းဆီးသွား တယ်လို့ ချင်းလဲန်းကာကွယ်ရေးတပ်ဖွဲ့ (မတူပီ) က ထုတ်ပြန်ပါတယ်။

ဖမ်းဆီးခံရသူတွေထဲက အမျိုးသမီး ၅ ဦး ပြန်လွတ်လာပေမယ့် ကျန်ရှိတဲ့ အမျိုးသား ၃ ဦးနဲ့ အဆက်အသွယ် ပြတ်နေတယ် လို့လည်း ဆိုပါတယ်။

ပလက်ဝမြို့နယ်၊ ဆမီးမြို့နယ်မှာ တိုက်ခိုက်ခံရလို့ ထွက်ပြေးတဲ့ စစ်ကောင်စီတပ်ဖွဲ့ဝင်ရာချီဟာ မတူပီမြို့အခြေစိုက် ခလရ (၁၄၀) နဲ့ (၃၀၄) ကို သွားရောက်ပူးပေါင်းဖို့ ဖြစ်နိုင်ပါတယ်။

၃ ရက်ကြာလာတဲ့ တိုက်ပွဲကို CDF - Matupi နဲ့အတူ CDF - Paletwa၊ CNA တို့က ပူးပေါင်းတိုက်ခိုက်နေပြီး CDF - Daai အနေနဲ့ စစ်ကူအဖြစ်ရောက်လာတယ်လို့ သတင်းထုတ်ပြန်ထားပါတယ်။

 

========================

 

📌📌 ၂။ အိန္ဒိယရောက် စစ်ရှုံးတပ်သားတွေ သွားကြိုတဲ့ စစ်ကောင်စီလေယာဉ် ပြေးလမ်းချော်ပြီး ထိခိုက်မှုရှိဟုဆို

 

စစ်ရှုံးပြီး အိန္ဒိယနိုင်ငံ၊ မီဇိုရမ်ကို ထွက်ပြေးတဲ့ စစ်ကောင်စီတပ်ဖွဲ့ဝင်တွေကို သွားကြိုတဲ့ စစ်ကောင်စီလေယာဉ် လမ်းချော်ပြီး ပျက်ကျတယ်လို့ Khonuthung Burmese က ဖော်ပြပါတယ်။

စစ်ကောင်စီတပ်ဖွဲ့ဝင်တွေကို လာကြိုတဲ့ စစ်လေယာဉ်ဟာ ဇန်နဝါရီ ၂၃၇က် မနက် ၁၀ နာရီဝန်းကျင်က အိုင်ဇော်မြို့၊ Lengpui လေဆိပ်အရောက်မှာ အရှိန်မထိန်းနိုင်ဘဲ အခုလိုပျက်ကျတာပါ။အဆိုပါ ဖြစ်စဉ်ကြောင့် လေယာဉ်ပေါ်ပါလာသူ တချို့ ထိခိုက်ပြီး၊ အရေးပေါ်ကားတွေနဲ့ တင်ဆောင်သွားတယ်လို့ သတင်းတွေက ဖော်ပြပါတယ်။

၂၀၂၃ နိုဝင်ဘာကနေစပြီး ဇန်နဝါရီလဆန်းပိုင်းအထိ အိန္ဒိယ၊ မီဇိုရမ်ပြည်နယ်ဘက် ထွက်ပြေးတဲ့ စစ်ကောင်စီတပ်ဖွဲ့ဝင် ၄၀၀ ကျော်ကို အိန္ဒိယဗဟိုအစိုးရက မြန်မာစစ်တပ်ထံ ပြန်ပို့ပေးခဲ့ပြီး ဖြစ်ပါတယ်။

 

========================

 

📌📌 ၃။ မြန်မာနဲ့နယ်စပ် ခြံစည်းရိုးခတ်ဖို့ အိန္ဒိယပြင်ဆင်၊ ဗဟိုအစိုးရရဲ့ လုပ်ဆောင်မှုကို လွန်ဆန်လို့မရကြောင်း မီဇိုရမ်ဝန်ကြီးပြော 

 

မြန်မာနဲ့ နယ်စပ်တလျှောက်မှာ ခြံစည်းရိုးခတ်သွားမယ်လို့ အိန္ဒိယပြည်ထဲရေးဝန်ကြီး Amit Shah က ဇန်နဝါရီ ၁၉ ရက်နေ့ ပြောကြားလိုက်ပါတယ်။ 

မြန်မာနိုင်ငံအတွင်း လက်ရှိဖြစ်ပေါ်နေတဲ့ စစ်ရေးပဋိပက္ခတွေကြောင့် အိန္ဒိယနိုင်ငံအတွင်းကို မြန်မာစစ်ကောင်စီ တပ်ဖွဲ့ဝင်တွေ ထွက်ပြေး ဝင်ရောက်လာတဲ့အရေအတွက် ရာနဲ့ချီ ရှိလာချိန်မှာ အိန္ဒိယ ဗဟိုအစိုးရက အခုလို နယ်စပ်ခြံစည်းရိုးခတ်ဖို့ စီစဉ်လာတာပါ။

၂၀၂၃ နိုဝင်ဘာလကနေ အခုဇန်နဝါရီလဆန်းပိုင်းအထိ ၂ လဝန်းကျင်အတွင်း အိန္ဒိယနိုင်ငံ၊ မီဇိုရမ်ပြည်နယ်အတွင်းကို ထွက်ပြေးတဲ့ စစ်ကောင်စီတပ်ဖွဲ့ဝင် ၇၀၀ နီးပါး ရှိနေတာ ဖြစ်ပါတယ်။

မြန်မာနဲ့ နယ်စပ်တလျှောက် ခြံစည်းရိုးခတ်သွားဖို့ ဗဟိုအစိုးရရဲ့ ကြေညာချက်အပေါ် “အိန္ဒိယ - မြန်မာနယ်စပ်ကို ခြံစည်းရိုးခတ်ပြီး Free Movement Regime (FMR) ကို ဖျက်သိမ်းဖို့လုပ်သွားမယ်ဆိုရင် ကျနော်တို့အနေနဲ့ တားဆီးလို့ မရဘူး။” လို့ မီဇိုရမ်ဝန်ကြီးချုပ် Lalduhoma က ဆိုတဲ့အကြောင်း Mizoram News ရဲ့ သတင်းတပုဒ်မှာ ဖော်ပြပါတယ်။

တကယ်လို့ အိန္ဒိယအနေနဲ့ နယ်စပ်ခြံစည်းရိုးခတ်လိုက်မယ်ဆိုရင် ၂ ဖက် တိုက်ပွဲကြောင့် မီဇိုရမ်ပြည်နယ်ထဲ ထွက်ပြေး တိမ်းရှောင်နေရတဲ့ စစ်ဘေးရှောင်သောင်းချီအပေါ်မှာပါ ရို၊က်ခတ်မှု ရှိလာနိုင်တယ်လို့ ပြောဆိုနေကြပါတယ်။

 

========================

 

📌📌 ၄။ ကချင်ပြည်မှာ စစ်ကောင်စီတပ်ဖွဲ့ဝင် အင်အား ၂၀၀ ဝန်းကျင် လက်န၊က်ချ အညံ့ခံ

 

ကချင်ပြည်၊ မံစီမြို့နယ် မန်ဝိန်းကြီးစစ်ကောင်စီတပ်စခန်းကို ကချင်လွတ်လပ်ရေးတပ်မတော် (KIA) က တိုက်ခိုက်ပြီး တဲ့နောက် စစ်ကောင်စီတပ်ဖွဲ့ဝင် ၂၀၀ နီးပါးလ၊က်နက်ချလာတယ်လို့ People’s Spring က ဖော်ပြပါတယ်။ 

မန်ဝိန်းကြီးစခန်းကို ဇန်နဝါရီ ၂၁ မနက်ပိုင်းမှာ အပြီးသိမ်းနိုင်ခဲ့ပြီး လက်န၊က်ကြီး၊ လက်န၊က်ငယ်မျိုးစုံ အလက် ၂၀၀ ကျော်သိမ်းဆည်းရရှိတယ်လို့ ဖော်ပြပါတယ်။ တရက်တည်းမှာပဲ KIA ပူးပေါင်းတပ်ဖွဲ့က ရှမ်းမြောက် မဘိမ်းမြို့ကိုလည်း သိမ်းပိုက်ခဲ့ကြောင်း သိရပါတယ်။စစ်ဆင်ရေး ၁၀၂၇ စတင်ကြောင်းကြေညာလိုက်ချိန်ကစလို့ အခုလို တပ်ရင်း၊ တပ်မအလိုက် လ၊က်နက်ချအညံ့ခံတာ၊ အင်အားရာချီ စခန်းစွန့်ထွက်ပြေးတာမျိုး ကချင်၊ ကရင်နီ၊ ရှမ်း၊ ရခိုင်၊ ချင်းနဲ့ တိုင်းဒေသကြီးတွေမှာ ဖြစ်ပွားလာတာ ဖြစ်ပါတယ်။

#RadioNUGLocalNews

#SpringRevolution