8th JAN 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇန်နဝါရီလ ( ၈ ) ရက်နေ့ ရပြည်တွင်းသတင်းများ

📌📌 ၁။ ပလက်ဝကနေ မီဇိုရမ်ပြည်နယ်ကို ထွက်ပြေးလာတဲ့စစ်ကောင်စီတပ်သား ၁၄၀ကျော်ကို မြန်မာပြည်ပြန်ပို့

 

The Matupi Times    ဇန်နဝါရီ ၃/၂၀၂၄

ချင်းပြည်နယ်၊ ပလက်၀မြို့နယ်ထဲက စကစတပ်စခန်း(၂)ခုကို ပြီးခဲ့တဲ့၂၀၂၃ ဒီဇင်ဘာ ၂၈ ရက်နေ့က ရက္ခိုင့်တပ်တော် AA မှသိမ်းပိုက်ခဲ့ပြီးနောက် အိန္ဒိယနိုင်ငံ မီဇိုရမ်ပြည်နယ်သို့ ထွက်ပြေးသွားကြတဲ့ စစ်ကောင်စီတပ်သား ၁၄၀ကျော်ကို ယမန်နေ့ဇန်နဝါရီလ(၂)ရက်နေ့က ယခင်ထွက်ပြေးလာသည့် စစ်သားများနည်းတူ မြန်ပြည်ပြန်ပို့လိုက်ပါတယ္။

ယခင် ရိခေါဒါရ်နှင့် လိုင်လင်းပီမြို့စကစစခန်းသိမ်းတိုက်ပွဲများတွင် အိန္ဒိယနိုင်ငံ၊မီဇိုရမ်ဘက် ထွက်ပြေးလာတဲ့စစ်ကောင်စီတပ်သားတွေကိုမဏိပူရ်-မိုးရေးမြို့ဘက်နေတဆင့်ပို့ဆောင်ပေးခဲ့တာပါ။

ပလက်ဝမှစခန်းစွန့်ခွာထွက်ပြေးသွားသည့် စစ်ကောင်စီတပ်သာ၁၅၁ ဦးထဲက ၁၄၇ ဝန်းကျင်ကို ၊မီဇိုရမ်၊အိုင်ဇောလ်မြို့ Lengpui လေဆိပ်ကတဆင့် မြန်မာလေကြောင်းလိုင်းဖြင့် ပြန်လည်ပို့ဆောင်ခဲ့တယ္လို့သိရပါတယ်။ကျန်(၄)ဦးကတော့ဒဏ်ရာပြင်းအထန်ရရှိထားတာကြောင့် နယ်စပ်တစ်နေရာမှာ ဆေးကုသပေးနေတယ်လို့သိရပါတယ်။

 

========================

 

📌📌 ၂။  မင်းတပ်မြို့ တိုက်ပွဲတွင် စနိုက်ပါ ထိမှန်ခဲ့သည့်စကစဗိုလ်မှူး ၁ ဦး သေဆုံး

 

The Matupi Times ဇန်နဝါရီ ၅/၂၀၂၄

မင်းတပ်မြို့ တိုက်ပွဲတွင် စနိုက်ပါ ထိမှန်ခဲ့သော စကစတပ်ကဗိုလ်မှူး ၁ ဦးသေဆုံးသွားကြောင်း Chin Defence Force -Mindat မှပြည်တွင်းမီဒီယာတစ်ခုကိုယနေ့ ဇန်နဝါရီ ၅ နေ့ နေ့လယ်ပိုင်းက အတည်ပြု ပြောဆိုပါတယ်။

ပြီးခဲ့တဲ့ ဇန်နဝါရီလ ၁ ရက်နေ့တွင် မင်းတပ်မြို့၊ အရှေ့ပြင်ရပ်ကွက်၌ အကြမ်းဖက် စစ်တပ်နှင့် ချင်းကာကွယ်ရေးတပ်ဖွဲ့ (မင်းတပ်) တို့ တိုက်ပွဲဖြစ်ပွားခဲ့တာပါ။

အဆိုပါပစ်ခတ်မှုတွင် အကြမ်းဖက် စစ်တပ်ဘက်မှ ဗိုလ်မှူး ၁ ဦး စနိုက်ပါကျည်ထိမှန်ခဲ့ပြီး လက်ရှိချိန်တွင် သေဆုံးသွားကြောင်းသိရသည်။

 

========================

 

📌📌 ၃။ Hope Ministry မှ အိုင်းဇော်ခရိုင်ရှိ စစ်ဘေးရှောင်ကလေးများအတွက် youth camping ပြုလုပ်ပေး

 

The Matupi Times ဒီဇင်ဘာ ၃၁/၂၀၂၃

Hope Ministry ( မျော်လင့်ခြင်းသာသနာ ) မှ မီဇိုရမ်ပြည်နယ်၊ အိုင်းဇော်လ်ခရိုင်အတွင်းရှိ ဆိုင်းရန်၊ ဆီမွှီး နှင့် အိုင်းဇော်လ်မှစစ်ဘေးရှောင်ကလေးများအတွက် Youth Camping အစီစဉ်ကို ဒီဇင်ဘာ ၂၉/၂၀၂၃ ရက်နေ့က Holiday Palace, Sihhmui တွင်ကျင်းပပြုလုပ် ပေးခဲ့ပါတယ်။ 

အစီအစဉ်တွင် Dr.Eileen Lalrinpuii (Medical Director at Seventhday Adventist Hospital)က ကလေးငယ်များအတွက် ကျန်းမာရေးအသိပညာပေးခြင်းများ ပြောကြားပေးခဲ့ပြီး Hope Ministry မှ T-Shirt နှင့်နှစ်သစ်အကြိုလက်ဆောင်များလည်း ပေးဝေခဲ့တယ်လို့သိရပါတယ္။ 

အဆိုပါ Camping အစီစဉ်၌ အိုင်းဇော်လ်ခရိုင်အတွင်းရှိ စစ်ဘေးရှောင်လူငယ်နှင့် ကလေး စုစုပေါင်း ဉီးရေ(၅၀) ကျော်ပါဝင်ခဲ့ကြပါတယ်။

 

========================

 

📌📌 ၄။ မီဇိုရမ်၊ Thaizawl စစ်ရှောင်စခန်းအနီးတွင် အိမ်စီးကားတိမ်းမှောက်၊ တစ်ဦးသေဆုံး

 

The Matupi Times ဇန်န၀ါရီ ၂၊ ၂၀၂၄

အိန္ဒိယ၊ မီဇိုရမ်ပြည်နယ်၊ လုံးလေမြို့၊ Thaizawl စစ်ဘေးရှောင်စခန်းအနီးတွင် ယနေ့ ဇန်န၀ါရီ ၂၊ ၂၀၂၄

နေ့လည်ပိုင်းက မီဇိုးဒေသခံတစ်ဦးမောင်းနှင်သည့် အိမ်စီးကားတစ်စီးတိမ်းမှောက်ခဲ့ကြောင်းသိရပါတယ်။

အဆိုပါတိမ်းမှောက်မှုတွင် ကားတွင်လိုက်ပါသူခရီးသည်တစ်ဦး သေဆုံးသွားတယ်လို့ စစ်ဘေးရှောင်စခန်းအနီးရှိ စစ်ရှောင်တစ်ဦးကပြောပါတယ်။

"အိမ်စီးကားအမျိုးအစားပါ။ ကားက ချောက်ထဲမောင်းမိသွားတာ။ ခရီးသည်တစ်ဦးဆုံးသွားတယ်။ " လို့ Thaizawl Campနေ စစ်ရှောင်တစ်ဦးကပြောပါတယ်။

အဆိုပါအိမ်စီးကားဟာ လောင်တလိုင်မြိုမှ လုံးလေမြို့သို့ထွက်ခွာလာပြီး Thaizawl စစ်ဘေးရှောင်စခန်းအနီးအ ေရာက်တွင် တိမ်းမှောက်ခဲ့တာဖြစ်ပြီး သေဆုံးသူမှာ ကားဆရာ၏ဖခင်ဖြစ်ကြောင်း ကနဦးသိရပါတယ်။

 

========================

 

📌📌 ၅။ မတူပီမြို့တွင် ဆန်ပြတ်လပ်နေ

 

The Matupi Times ဇန်နဝါရီလ ၂/၂၀၂၄

ချင်းပြည်‌ေတာင်ပိုင်း ၊ မတူပီမြို့တွင် ဆန်ပြတ်လပ်နေပြီး ဒေသခံပြည်သူများအခက်ကြုံတွေ့နေရကြောင်း သတင်းကြားသိရပါတယ်။ 

"ပခုက္ကူဘက်ကနေမြို့ထဲကို ကားဝင်တာတွေရှိတယ် ဒါပေမယ့်ဆန်သယ်မလာကြဘူး။ ဝယ်ချင်ရင်တောင် ဆိုင်တွေမှာဆန်မရှိဘူး။ "လို့ဒေသခံတစ်ဦးကပြောပါတယ်။

မြို့တွင်းဆန်ပြတ်လပ်မှုများကြောင့် ဒေသခံပြည်သူအချို့အနေဖြင့် အခြားနေရာများသို့ပြောင်းရွှေ့ဖို့ ပြင်ဆင်တဲ့သူတွေရှိတယ်လို့ဆိုပါတယ်။

ပြည်မဘက်ကနေ မတူပီဘက်သို့ ခရီးသည်တင်ကားများ သွားလာတာတွေရှိပေမယ့် လမ်းပန်းဆက်သွယ္ရေးခက်ခဲမှုကြောင့် ကုန်ပစ္စည်းအများကြီးမတင်ဆောင်ဘဲ ခရီးသည်များသာအဓိကဦးစားပေး ကြတယ်လို့သိရပါတယ်။

 

========================

 

📌📌 ၆။ လောက်ကိုင်တွင် စစ်တပ်မှ တပ်ဖွဲ့ဝင် ၂၃၀၀ ကျော် လက်နက်ချအညံ့ခံ၊ လက်နက်အများအပြားသိမ်းဆီးရမိ

 

The Matupi Times ဇန်န၀ါရီ ၆/၂၀၂၃

လောက်ကိုင်မြို့ရှိ စကစတပ်၏ နယ်မြေခံ စစ်ဆင်ရေးဌာနချုပ် နှင့် အနီးပတ်ဝန်းကျင်ရှိ စစ်စခန်းများမှ ရာနှင့်ချီသော တပ်ဖွဲ့ဝင် ၂၃၀၀ကျော် ဟာ ပြီးခဲ့တဲ့ဇန်န၀ါရီလ၄ ရက်နေ့ညပိုင်းက MNDAA ထံသို့လက်နက်ချအညံ့ခံခဲ့ကြတာပါ။ 

အဆိုပါ လက်နက်အညံ့ချအညံ့ခံခဲ့သည့်စကစတပ်ဖွဲ့ဝင်များတွင်စစ်တပ်က ဗိုလ်မှူးချုပ် ၆ ဦးနှင့် ရာထူးကြီးပိုင်းက ၂၀၀ ၀န်းကျင်ပါ၀င်တယ်လို့ဆိုပါတယ်။

စကစထံမှသိမ်းဆည်းရသောပစ္စည်းများတွင် လက်နက်ကြီးများ၊သံချပ်ကာ တင့်ကားများ၊ ထရပ်ကားများနှင့် ဟောင်ဝစ်ဇာများ ပါဝင်ပြီး အချို့မှာ သယ်ဆောင်ရနိုင်သော မြေပြင်လေကြောင်း ဒုံးကျည်များပါ၀င်တယ်လို့သိရပါတယ်။

လက်နက်ချအညံ့ခံထားသော စစ်တပ်နဲ့မိသားစု၀င် ၂၃၀၀ ျေကာ်ကို ၎င်းတို့ဆန္ဒအတိုင်း ပြောင်းရွှေ့နေရာချပေးထား ကြောင်းသိရပါတယ်။

#RadioNUGLocalNews

#SpringRevolution