12th FEB 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဖေဖေါ်ဝါရီလ ( ၁၂ ) ရက်နေ့ ရပြည်တွင်းသတင်းများ

📌📌 ၁။ ရခိုင်ပြည်နယ်၊ မောင်တောရှိ စစ် ကောင်စီတပ်ဖွဲ့၆၀နီးပါး ဘင်္ဂလား ဒေ့ရှ်နိုင်ငံထဲသို့ ထွက် ပြေး

The Matupi Times ဖေဖော်ဝါရီ ၄/၂၀၂၄

ရခိုင်ပြည်နယ်၊ မောင် တော မြောက်ပိုင်းမှာရှိတဲ့ စစ် ကောင်စီစခန်းကို ရက္ခိုင့်တပ် တော် (AA) က ဝင် ရောက်တိုက်ခိုက်ခဲ့တာကြောင့် စစ် ကောင်စီတပ်ဖွဲ့ဝင်အချို့သည် ဘင်္ဂလား ဒေ့ရှ်နိုင်ငံအတွင်းသို့ ဝင် ရောက်ထွက် ပြေးသွား ကြကြောင်းသိရသည်။

မောင်တောမြို့နယ် မြောက်ပိုင်းရှိ စစ် ကောင်စီ၏ တောင်ပြိုလက်ဝဲဗျူဟာကုန်းကို ယ နေ့ဖေဖော်ဝါရီလ ၄ရက်နေ့ နံနက်၃နာရီတွင် ရက္ခိုင့်တပ် တော်(AA) က ဝင် ရောက်တိုက်ခိုက်ခဲ့တယ်လို့သိရပါတယ်။

တိုက်ပွဲအပြင်းအထန်ဖြစ်ပွားပြီး နောက် AA၏ တိုက်ခိုက်မှုကိုမခုခံနိုင် တော့၍ စခန်းအတွင်းရှိ စစ် ကောင်စီတပ်သားများ ဦးတည်ရာမဲ့ ကစဥ့်ကလျား ထွက် ပြေးခဲ့ကြပြီး စစ် ကောင်စီ၏ နယ်ခြား စောင့် BGPအဖွဲ့ဝင် ၁၄ ဦးသည် ရခိုင်နယ်စပ်မှတဆင့် ဘင်္ဂလား ဒေ့ရှ်နိုင်ငံအတွင်းသို့ ထွက် ပြေးဝင် ရောက်သွား ကြောင်းသိရသည်။

စစ် ကောင်စီတပ်ဖွဲ့မှထွက် ပြေးလာသည့် တပ်ဖွဲ့ဝင် ၁၄ ဦးကို ဘင်္ဂလား ဒေ့ရှ်နိုင်ငံ နိုက် ချောင်ဆူရီနယ်စပ်ရှိ BGB စခန်းတွင် ထိန်းသိမ်းထား ကြောင်းဧရာဝတီတိုင်းမ်ဖော်ပြချက်အရ သိရသည်။

ဘင်္ဂလား ဒေ့ရှ်နယ်စပ်သို့ ထွက် ပြေးဝင် ရောက်လာသည့် စစ် ကောင်စီတပ်ဖွဲ့ဝင်များမှာ ယ နေ့မနက်အ စောပိုင်းအချိန်က ၁၄ဦးရှိသည်ဟု ဘင်္ဂလား ဒေ့ရှ်ရှိ မီဒီယာများကတွင် ဖော်ပြထား သော်လည်း ယ နေ့ည နေပိုင်းတွင် ထွက် ပြေးလာသူ စစ်ကောင်စီတပ်ဖွဲ့ဝင် ၆၆ဦးအထိရှိ လာပြီဖြစ်ကြောင်း Bangla Vision မီဒီယာတွင် ဖော်ပြထားပါတယ်။

========================

📌📌 ၂။ ကရင်နီပြည်၊ ဒီးမော့ဆိုက စစ်ဘေးရှောင် စာသင်ကျောင်းကို စစ်ကောင်စီ လေယာဥ်နဲ့ဗုံးကြဲ၊ ကလေးတွေ ထိခိုက်သေဆုံးမှုများနိုင်

The Matupi Times ဖေဖော်ဝါရီ ၅/၂၀၂၄

ကရင်နီပြည်နယ်၊ ဒီးမော့ဆိုအနောက်ခြမ်းရှိ ပရဟိတစာသင်ကျောင်းတစ်ကျောင်းကို စစ်ကောင်စီက ဒီနေ့ ဖေဖော်ဝါရီ ၅ ရက် မနက်ပိုင်းမှာ လေကြောင်းကနေ ၁၀ ကြိမ်မက တိုက်ခိုက်ခဲ့လို့ ကလေးငယ်(၄)ဦးသေဆုံးခဲ့ပြီး ထိခိုက်ဒဏ်ရာရရှိမှုနဲ့ သေဆုံးမှုများတယ်လို့ ဒေသခံသတင်းများထံကသိရပါတယ္။

လွယ်နန်းဖကျေးရွာရှိ ဒေါစီအိစာသင်ကျောင်းကို ဒီကနေ့ မနက် ၁၁ နာရီခန့်ကစပြီး လေယာဥ်နဲ့ အကြိမ် ၁၀ ကြိမ်ကျော် လာပစ်ခဲ့တာလို့ သိရပါတယ်။

“ကျောင်းက ၂ ကျောင်းရှိတယ်။ သူငယ်တန်း ကနေ ၉ တန်းထိသင်ပေးတာ။ ကယ်ဆယ်ရေး လိုက်သွားတဲ့သူတွေပြန်လာမှ သေချာသိရမယ်။ တစ်စစီဖြစ်သွားတဲ့ ကလေးတွေလည်းရှိတယ် ပြောတယ်” လို့ ကရင်နီအခြေစိုက် ရှမ်းတောင် PDF ရဲဘော်တစ်ဦးက ဒေသခံသတင်း MK News ကိုပြောပါတယ်။

လက်ရှိမှာ ကယ်ဆယ်ရေးလုပ်ငန်းတွေ လုပ်နေဆဲဖြစ်တာကြောင့် ထိခိုက်ပျက်စီးမှု အခြေအနေ အသေးစိတ်ကိုတော့ မသိရသေးပါဘူး။

အဲ့ဒီ ဒေါစီအိ ပရဟိတစာသင်ကျောင်းမှာ စစ်ဘေးရှောင်ကလေး ၁၀၀ ရာကျော်ရှိပြီး သူငယ်တန်းကနေ နဝမတန်းအထိ စာသင်ကြားပေးနေတဲ့အပြင် ကွန်ပျူတာသင်တန်းလည်း သင်ကြားပေးနေတဲ့ ကျောင်းဖြစ်တယ်လို့ သိရပါတယ်။

========================

📌📌 ၃။ TNLA သိမ်းပိုက်ထားသည့် မန်တုံမြို့ကို NUG ဒုဝန်ကြီးနှင့် TNLA ခေါင်းဆောင်များ သွားရောက်ကြည့်ရှု

The Matupi Times ဖေဖော်ဝါရီလ ၅/၂၀၂၄

တအာင်းပြည် မန်တုံမြို့နယ်ရှိ စစ်ကောင်စီ၏ အမှတ်(၁၃၀) ခြေလျင်တပ်ရင်းကုန်းအား ပလောင်ပြည်နယ်လွတ်မြောက်ရေးတပ်ဦး PSLF/ TNLA ဒုတိယဥက္ကဋ္ဌ (၁) ဗိုလ်ချုပ် တားဂျုတ်ဂျားနှင့် အထွေထွေအတွင်းရေးမှူး ဗိုလ်မှူးချုပ် တားဘုန်းကျော်တို့ သွားရောက်ကြည့်ရှူခဲ့သည်။

တပ်တွင်းအခြေအနေ၊ ပျက်စီးသွားသည့် အဆောက်အဦးများကို ဖေဖော်ဝါရီလ ၃ ရက်နေ့တွင် NUG ဖက်ဒရယ်ရေးရာဝန်ကြီးဌာန ဒုတိယဝန်ကြီး မိုင်းဝင်းထူးနှင့် တအာင်းနိုင်ငံရေးအတိုင်ပင်ခံကော်မတီ (TPCC) အတွင်းရေးမှူး မိုင်းနိုင်ဂေါင်ဇားတို့နှင့်အတူ သွားရောက်ကြည်ရှူခဲ့ကြတယ်လို့ PSLF/TNLA ကသတင်းးထုတ်ပြန်ပါတယ်။

၎င်းစခန်းကို တအာင်းတပ်မတော် PSLF/TNLA က ၂၀၂၃ခုနှစ် ဒီဇင်ဘာလ ၂၂ ရက်နေ့ ညနေပိုင်းအချိန်တွင် တိုက်ခိုက်သိမ်းနိုင်ခဲ့တာဖြစ်ပြီး မန်တုံမြို့သည် စတုတ္ထမြို့အဖြစ် PSLF/TNLA သိမ်းပိုက်နိုင်ခဲ့သည့် မြို့တစ်မြို့လည်းဖြစ်တယ်လို့ဆိုပါတယ်။

========================

📌📌 ၄။ လောက်ကိုင်မြို့တွင် MNDAA က ရှင်းလင်းရေးပြုလုပ်ပြီး တရားမဝင် လက်နက်မျိုးစုံ ၆၃၁ ခု သိမ်းဆည်းရမိ

The Matupi Times ဖေဖော်ဝါရီ ၆၊၂၀၂၄

ရှမ်းမြောက် ကိုးကန့်ဒေသ လောက်ကိုင်မြို့မှာ နယ်‌မြေရှင်းလင်းရေး လုပ်နေစဉ်အတွင်း တရားမဝင် လက်နက်မျိုးစုံ ၆၃၁ ခုကို သိမ်းဆည်းရမိတယ်လို့ ကိုးကန့်တပ်မတော်- MNDAA ရဲ့ သတင်းတွေကို ဖော်ပြနေတဲ့ The Kokang မှာယမန်နေ့ ဖေဖော်ဝါရီ ၅ ရက်က ထုတ်ပြန်ထားပါတယ်။

အထူးအုပ်ချုပ်ရေးဒေသရဲ့ အကြီးစား စစ်ဆေးရေးနဲ့ ပြုပြင်ရေး လုပ်ငန်းဌာနချုပ်ရဲ့ အဆိုအရ ဖေဖော်ဝါရီ ၃ ရက် နေ့လယ်ပိုင်းမှာ မြို့နေလူထုတွေရဲ့ သတင်းပေးချက်အရ ရပ်ထားတဲ့ ရေဖြန်းထရပ်ကားတစ်စီးအတွင်း လက်နက်တွေ ဝှက်ထားခဲ့ကြောင်း သိရှိခဲ့ရတာလို့ ဆိုပါတယ်။

တရားမဝင် လက်နက်တွေဟာ Type 56 မောင်းပြန်ရိုင်ဖယ် ၂၄၂ လက်၊ Type 81 မောင်းပြန်ရိုင်ဖယ် ၂၉၆ လက်၊ M416 အော်တိုမက်တစ်ရိုင်ဖယ် ၂၈ လက်၊ သေနတ် ၁၇ လက်၊ အမြှောက် ၁၁ လက်၊ Type 69 ဒုံးပစ်လောင်ချာ ၄ လက်၊ အမျိုးအစားစုံ စက်သေနတ် ၇၄ လက်၊ ၆၀ မီလီမီတာ မော်တာ ၇ လက်၊ အထွေထွေ စက် ၂ လုံး၊ 12.7 လေးလံတဲ့ စက်သေနတ်နဲ့ ခေတ်မမီတော့တဲ့ စည် ၁ ခုတို့ကို သိမ်းဆည်းရမိတယ်လို့ ဆိုပါတယ်။

========================

📌📌 ၅။ စစ်အုပ်စုနဲ့ပျူစောထီးတို့က လူမဆန်စွာမီးရှို့သတ်ဖြတ်ခဲ့သည့်ရဲဘော်(၂) ဦးသည် YDF တပ်ဖွဲ့ဝင်များဖြစ်ကြောင်း သတင်းထုတ်ပြန်

The Matupi Times ဖေဖော်ဝါရီလ ၇/၂၀၂၄

မကွေးတိုင်း၊ ဂန့်ဂေါမြို့နယ်၊ မြောက်ခင်ရန်းရွာ၊ ရွာမြောက်အထွက်၊ ဆေးရုံရှေ့က ကုက္ကိုလ်ပင်တွင် စစ်ကောင်စီတပ်နဲ့ ပျူစောထီးတို့၏ ရက်ရက်စက်စက်လူမဆန်စွာ အရှင်လတ်လတ်မီးရှို့သတ်ဖြတ်ခြင်းခံခဲ့ရတဲ့ ရဲဘော်(၂)ဦးဟာ ယောကာကွယ်ရေးတပ် - YDF တပ်ဖွဲ့ဝင်တွေဖြစ်တယ်လို့ သတင်းထုတ်ပြန်ပါတယ်။

YDF တပ်ဖွဲ့ဝင်တွေဖြစ်တဲ့ ရဲဘော်ဖိုးတေ၊ ရဲဘော် သာထောင်တို့ဟာ Alliance Operation တွင် တာဝန်ထမ်းဆောင်ရင်းစစ်အုပ်စုနဲ့လက်၊ပါး စေ ပျူစောထီးတွေ ရဲ့ ရက်၊ရက်၊စက်၊စက် အရှင်လတ်လတ် မီးရှို့သတ်ဖြတ်ခံခဲ့ရတာပါ။

"မသတ်ခင်မှာ အကြိမ်ကြိမ် ညှင်း၊ပန်း၊နှိပ်၊ စက်မှုများစွာကိုလည်း ပြုလုပ်ခဲ့ကြတယ်။ ရွာကလူတွေကို တစ်အိမ်တစ်ယောက် ခေါ်ပြီး အကြ_မ်း၊ဖက်မှုတွေကို ကြည့်ခိုင်းခဲ့တယ်။ " လို့ဆိုပါတယ်။

သတ်ဖြတ်ခံရတဲ့ ရုပ်သံဖိုင်ဟာ စစ်ကောင်စီဝါဒဖြန့် Telegram ချန်နယ်တွေမှတဆင့် ယခုရက်ပိုင်းတွင်ပြန့်နှံ့လာခဲ့ပြီး YDFရဲဘာ်(၂)ဦးကို လူမဆန်စွာ အရှင်လတ်လတ်မီးရှို့သတ်ဖြတ်နေစဉ် နှင့်သတ်ဖြတ်ပြီးနောက် မှာ စစ်ကောင်စီလက်ပါးစေ ပျူစောထီးတပ်ဖွဲ့ဝင်တွေ အောင်ပွဲခံနေကြတာကိုလည်း ပြန့်နှံ့နေတဲ့ ရုပ်သံဖိုင် ထဲမှာတွေ့မြင်ရပါတယ်။

ဆက်လက်၍ ပြည်သူတွေအားလုံးလည်း သွေးမအေးဘဲ တော်လှန်ရေးအောင်မြင်သည်အထိ အရှိန်မြှင့်တင် ပူးပေါင်းပါဝင်သွားကြရန်နှင့် မြင့်မြတ်စွာ အသက်ပေး သွားတဲ့ YDF ရဲဘော်တို့ကို လေးစားသောအားဖြင့် ရဲဘော်တွေရဲ့ပုံတွေကို အသုံးချပြီး ပုံမှားရိုက် အလှူခံနေကြတာမျိုး အလွဲသုံးစားမလုပ်ကြဖို့ိ ယောကာကွယ်ရေးတပ် - YDF က မေတ္တာရပ်ခံထားပါတယ်။