5th FEB 2024 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဖေဖေါ်ဝါရီလ ( ၅ ) ရက်နေ့ ရပြည်တွင်းသတင်းများ

📌📌 ၁။ အမည်မသိလက်နက်ကိုင်အချို့၏ ချောင်းမြောင်းပစ်ခတ်မှုကြောင့် ခရီးသွားပြည်သူ(၁)ဦးသေဆုံးခဲ့ဟု CDF-Kanpetlet ဆို

 

The Matupi Times ဇန်နဝါရီလ ၂၈/၂၀၂၄

ကန်ပက်လက်မြို့နယ်၊ တိုက်နယ်အမှတ်(၅)ဒေသ၊ မကြားကျေးရွာအုပ်စု၊ လုံဘောက်ကျေးရွာအုပ်စုအတွင်းတွင် ယမန်နေ့ ဇန်နဝါရီလ ၂၇ ရက်နေ့၌ အမည်မသိလက်နက်ကိုင်အချို့၏ ပစ်ခတ်မှုကြောင့် ခရီးသွားလာနေသည့် အရပ်သားပြည်သူ(၁)ဦးသေဆုံးခဲ့ရတယ်လို့ CDF-Kanpetlet ကသတင်းထုတ်ပြန်ပါတယ်။

အဆိုပါနယ်နိမိတ်အတွင်းတွင် အရပ်သားပြည်သူများ ကား(၂)စီးဖြင့် သွားလာနေစဉ် အမည်မသိလက်နက်ကိုင်အချို့က ချောင်းမြောင်းပစ်ခတ်ခဲ့တာကြောင့် ယာဉ်မောင်း(၁)ဦး ပွဲချင်းပြီးသေဆုံးသွားခဲ့တယ်လို့ဆိုပါတယ်။

အဆိုပါဖြစ်ရပ်နှင့်ပတ်သက်၍ အမှုပေါ်ပေါက်စေရေးအတွက် စုံစမ်းစစ်ဆေးမှုများပြုလုပ်နေပြီး ပြစ်မှုကျူးလွန်သူများကို ထိရောက်စွာအရေးယူသွားမယ်လို့ CDF-Kanpetlet ကသတင်းထုတ်ပြန်ပါတယ်။

 

========================

 

📌📌 ၂။ Chinland Council နှင့် ICNCC နှစ်ဖွဲ့အနေဖြင့် အမြန်ဆုံးပူးပေါင်းဆောင်ရွက်ကြရန် ကမ္ဘာလုံးဆိုင်ရာမတူမျိုးနွယ်စုများအဖွဲ့ (GMSC)ကတိုက်တွန်း

 

The Matupi Times ဇန်နဝါရီလ ၂၉/၂၀၂၄

Chinland Council နှင့် ICNCC နှစ်ဖွဲ့မှတာဝန်ရှိသူများအနေဖြင့် ချင်းပြည်သူများစိတ်ဝမ်းမကွဲစေရေးအတွက် အမြန်ဆုံးတွေ့ဆုံညှိနှိုင်း၍ ပြန်လည်ပူးပေါင်းဆောင်ရွက်ကြပါရန် ကမ္ဘာလုံးဆိုင်ရာမတူမျိုးနွယ်စုများ-(Global Matu Supporting Committee) က တိုက်တွန်းလိုက်ပါတယ်။

အဆိုပါ(၂)ဖွဲ့အပါအဝင်မည်သည့်အဖွဲ့အစည်းမဆို ချင်းလူမျိုးများပြန်လည်စည်းလုံးညီညွတ်မှုမရှိမချင်း ချင်းအစိုးရဖွဲ့ခြင်းအား အလျင်စလို မဆောင်ရွက်ကြဖို့လည်း ထုတ်ပြန်ချက်မှာထည့်သွင်းဖော်ပြပါတယ်။

ဆက်လက်၍ မည်သည့်အဖွဲ့အစည်းမဆို ချင်းလူမျိုးများပြန်လည်စည်းလုံးညီညွတ်မှုမရှိဘဲ ချင်းအစိုးရ အတင်းဖွဲ့စည်းခြင်းများ လုပ်ဆောင်ပါက အောက်ဖော်ပြပါ မတူမျိုးနွယ်စုအဖွဲ့များအနေဖြင့်လုံးဝအသိမှတ်ပြုမည်မဟုတ်ကြောင်းနှင့် နောက်ဆက်တွဲပြသနာအားလုံးကို တာဝန်ရှိသူများက တာဝန်ယူ/တာဝန်ခံရမည်ဖြစ်ကြောင်း သတင်းထုတ်ပြန်လိုက်ပါတယ်။

 

========================

 

📌📌 ၃။ ပလက်ဝမြို့၊ဟုမ်းကျေးရွာကို စစ်ကောင်စီက လေကြောင်းဖြင့်ဗုံးကြဲတိုက်ခိုက်မှုကြောင့် အရပ်သားြပည်သူ ၇ ဦးသေဆုံး

 

The Matupi Times ဇန်နဝါရီ ၃၀ ၊ ၂၀၂၄

ချင်းပြည်နယ်၊ ပလက်ဝမြို့နယ်၊ ဒိုင်ရ်ဒေသက၊ ဟုမ်းကျေးရွာကို စစ်ကောင်စီက ယမန်နေ့ ဇန်နဝါရီလ ၂၉ ရက်နေ့တွင် လေကြောင်းဖြင့် ဗုံးကြဲတိုက်ခိုက်ခဲ့တာကြောင့် အရပ်သားပြည်သူ ၇ ဦးသေဆုံးခဲ့တယ်လို့ သိရပါတယ္။

စစ်ကောင်စီတပ်က တိုက်ပွဲဖြစ်ပွားခဲ့ခြင်းမရှိသည့် ဟုမ်းကျေးရွာကို ယမန်နေ့ နေ့လည် ၁ နာရီဝန်းကျင်တွင်လေကြောင်းဖြင့် သုံးကြိမ်ခန့်လာရောက် ဗုံးကြဲတိုက်ခိုက်ခဲ့လို့ လူနေအိမ်အများအပြားပျက်စီးခဲ့တယ်လို့ဆိုပါတယ်။

 

သေဆုံးမှုတွင် မင်းတပ်မြို့နယ်၊ ကြုတ်ကျေးရွာဒေသခံ(၆)ဦးပါဝင်ပြီး ၊ဒိုက်ချောင်းဝ ရွာက၁ ဦးပါဝင်ပြီး ကြုတ်ကျေးရွာဒေသခံ(၆)ဦးမှာ ဟုမ်းကျေးရွာကိုဆီလာရောင်းတဲ့ ကယ်ရီသမားများ ဖြစ်တယ်လို့သိရပါတယ်။

========================

 

📌📌 ၄။ ဟားခါးမြို့က ရဲတပ်သားတစ်ဦး CDF-KKG ထံ လက်နက်ခဲယမ်းနဲ့အတူ အလင်းဝင်

 

The Matupi Times ဖေဖော်ဝါရီလ ၁ /၂၀၂၄

ချင်းပြည်နယ်၊ ဟားခါးမြို့က စစ်ကောင်စီလက်အောက်ခံ ရဲတပ်သားတစ်ဦးသည် ဇန်နဝါရီလ ၂၈ /၂၀၂၄ ရက်နေ့တွင် လက်နက်ခဲယမ်းတွေနဲ့အတူ အလင်းဝင်လာခဲ့တယ်လို့ CDF-Kalay-Kabaw-Gangaw (KKG) သတင်းထုတ်ပြန်ပါတယ်။

စစ်ကောင်စီလက်အောက်ခံ ရဲတပ်သားဟာ G3 လက်နက်အမျိုးအစား တစ်လက်နဲ့ ကျည်ဆံ ၂၃၂တောင့်နဲ့ CDF-KKG အဖွဲ့ထံကို လာရောက်အလင်းဝင်ခဲ့တာလို့ ဆိုပါတယ်။

လက်နက်ခဲယမ်းတွေနဲ့အတူ အလင်းဝင်လာခဲ့တဲ့ ရဲတပ်သားကို CDF-KKG အဖွဲ့က ဆုကြေးငွေအနေနဲ့ ကျပ်သိန်း (၅၀) ချီးမြှင့်ခဲ့ပြီး လွတ်မြောက်နယ်မြေသို့ ပို့ဆောင်ခဲ့ပြီးဖြစ်ကြောင်းသိရပါတယ်။

 

========================

 

📌📌 ၅။ ဒိုင်ရ်ဒေသတွင် စကစဗိုလ်ကြီးအဆင့်ရှိသူ(၂)ဦးအပါအဝင်၊ စကစတပ်ဖွဲ့ဝင်(၁၅)ဦးကို CDF-DAAI ဖမ်းဆီးရမိ

 

The Matupi Times ဖေဖော်ဝါရီလ ၁၊၂၀၂၄ခုနှစ်

ဒိုင်ရ်ဒေသအတွင်း၌ စစ်ကောင်စီတပ်၊ တပ်မ ၁၁ - ခမရ၂၁၇၊ ခမရ ၃၇၆၊ ခမရ ၅၃၈၊ ခမရ ၂၂၀၊ ခမရ ၂၁၉၊ ခမရ ၃၈ ၊ ခမရ ၅၈၇ နှင့် ခမရ ၉၀၈ တို့မှ ထွက်ပြေးလာ သုံးပွင့်ဗိုလ်ကြီးအဆင့် (၁) ဉီး ၊ နှစ်ပွင့် ဗိုလ်အဆင့် (၁) ဉီးနှင့် ထောက်လှန်းရေးအရာရှိ (IO) တစ်ဉီးအပါအဝင် အကြပ်ရဲဘော် စုစုပေါင်း (၁၅) ဦးကို (၃၀.၁.၂၀၂၄) ရက်နေ့တွင် CDF-Daai မှ ဖမ်းဆီးရမိခဲ့

တယ်လို့သိရပါတယ်။

ဖမ်းဆီးရမိသောစစ်ကောင်စီတပ်ဖွဲ့ဝင်တွေဟာ ချင်းပြည်နယ်နှင့်ရခိုင်ပြည်နယ်အတွင်းက တိုက်ပွဲတွေကြောင့် စခန်းစွန့်ခွာထွက်ပြေးသူများဖြစ်ကြပြီး CDF - Daai ၏နယ်မြေအတွင်းတွင် ဖမ်းဆီးရမိတာဖြစ်တယ်လို့ CDF - Daaiမှတာဝန်ရှိသူတစ်ဦးက Matupi Times ကိုအတည်ပြုပြောဆိုပါတယ်။

 

========================

 

📌📌 ၆။ ချင်းပြည်(Chinland)အစိုးရအဖွဲ့ စတင်ဖွဲ့စည်းကြောင်းကြေငြာ

 

The Matupi Times ဖေဖော်ဝါရီလ ၁/၂၀၂၄

ချင်းလဲန်းကောင်စီသည် ချင်းပြည်အစိုးရအဖွဲ့ကို ချင်းပြည်(Chinland) ဖွဲ့စည်းပုံအခြေခံဉပဒေ အရ စတင်ဖွဲ့စည်းလိုက်ပြီြဖစ်ကြောင်း ယနေ့ ‌ဖေဖော်ဝါရီလ ၁ ရက်နေ့မှာ ထုတ်ပြန််ကြေငြာလိုက်ပါတယ်။

 

ယခုဖွဲ့စည်းလိုက်တဲ့ ချင်းပြည်ကောင်စီတွင်  ဝန်ကြီးချုပ်အဖြစ်  Pu Pa Pathang တာဝန်ယူဆောင်ရွက်သွားမှာဖြစ်ပါတယ်။

ချင်းပြည်ကောင်စီ ညီလာခံပထမသက်တမ်း၊ ဒုတိယအကြိမ် ချင်းပြည်ကောင်စီအစည်းအဝေးကို ၂၀၂၄ ခုနှစ် ဇန်နဝါရီလ ၃၀ မှ ၃၁ ရက်နေ့ထိ ချင်းလုံမြို့တွင် ကျင်းပပြုလုပ်ခဲ့ပြီး ကောင်စီဝင်စုစုပေါင်း ၁၀၀ ဦးတက်ရောက်ခဲ့တယ်လို့သိရပါတယ်။

အစည်းအနေဝးတွင် ချင်းပြည်ဖွဲ့စည်းပုံအခြေခံဉပဒေအရ ရွေးချယ်တင်မြှေရေးကော်မတီမှတင်သွင်းသော ချင်းပြည်အစိုးရအဖွဲ့ ဝန်ကြီးချုပ်နှင့်ဝန်ကြီးများ၊ ရှေ့နေချုပ်၊ စာရင်းစစ်ချုပ်၊ ချင်းပြည်တရားလွှတ်တော်ချုပ် တရားသူကြီးချုပ်နှင့်တရားသူကြီးများ၏ အမည်စာရင်များကိုအတည်ပြုပြီး ချင်းပြည်လွှတ်တော် အပါအဝင် မဏိုင်ကြီး(၃)ရပ်ကို ဖွဲ့စည်းအတည်ပြုနိုင်ခဲ့တယ်လို့သိရပါတယ်။

#RadioNUGLocalNews

#SpringRevolution