25th MAR 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ မတ်လ ( ၂၅ ) ရက်နေ့ ရပြည်တွင်းသတင်းများ

========================

📌📌 ၁။ CDF-ZOTUNG Special Force Training သင်တန်းဆင်းပွဲအခမ်းအနားပြုလုပ်

 

The Matupi Times မတ်လ ၁၇၊ ၂၀၂၄ 

CDF-ZOTUNG မှ ဦးစီးကျင်းပသည့် Special Force Training(ရက်ရှည်သင်တန်း) ပြီးစီးမှုနှင့် ရဲဘော်သစ်များအား ဆုပေးခြင်း၊ ဆုတောင်‌ပေးခြင်းအခမ်းအနားကို မတ်လ (၁၆) ရက်နေ့တွင် ဇိုတုန်‌ဒေသတစ်နေရာ၌ အောင်မြင်စွာကျင်းပပြုလုပ်နိုင်ခဲ့တယ်လို့သိရပါတယ်။ 

ဆက်လက်၍ တန်းတူညီမျှမှုအပြည့်အဝရှိသော ပြည်ထောင်စုနိုင်ငံ‌‌တော်တည်ဆောက်ရေးနှင့် အမိချင်းလဲန်း၊ ချင်းလဲန်းရှိပြည်သူများအတွက် ဆက်လက်၍တိုက်ပွဲဝင်သွားမယ်လို့ ထုတ်ပြန်ပါတယ်။

 

========================

 

📌📌 ၂။ စစ်မှုထမ်းရန် စစ်ကောင်စီမှ ဟားခါးမြို့တွင် စတင်ဆင့်ခေါ်နေ

 

The Matupi Times မတ်လ ၁၈၊ ၂၀၂၄

ဟားခါးမြို့ပေါ်တွင် လူငယ်များစစ်မှုထမ်းဖို့ရန်အတွက်စာရင်းကောက်ယူမှုတွေကို စစ်ကောင်စီလက်အောက်ခံ၊ ဟားခါးမြို့နယ်စစ်မှုထမ်းဆင့်ခေါ်ရေးအဖွဲ့ကဦးဆောင်ပြီး မတ်လ ၁၈ ရက်နေ့ကစပြီးတော့ စတင်လုပ်ဆောင်နေပြီလို့ သိရပါတယ်။

"သူတို့ကဒီနေ့ ရပ်ကွက်အချို့မှာ ဆင့်ခေါ်စာတွေပေးပြီး စာရင်းစကောက်နေကြပြီ ၊ စာရင်းကောက်တဲ့ချိန် စစ်သားတွေကလုံခြုံရေးယူပေးတယ် ၊ ဘယ်ချိန်စစ်မှုစထမ်းခိုင်းမလဲအတိကျတော့့မသိဘူး၊ သင်္ကြန်ပြီးတာနဲ့ စခေါ်မယ်လို့တော့ကြားတယ်။ စစ်မှုထမ်းဖို့ ဆင့်ခေါ်စာပေးခံရတဲ့ မိသားစုဝင်တွေထွက်ပြေးရင် ဉပဒေအရအပြစ်ပေးခံရမယ်တဲ့ ၊ နိုင်ငံခြားသွားတယ်ပြောရင် ဓာတ်ပုံပြရမယ်။" လို့ဒေသခံတစ်ဦးက Matupi Times ကိုပြောပါတယ်။ 

 

========================

 

📌📌 ၃။ ကရင်ပြည်က စစ်ကောင်စီတပ်ဖွဲ့ဝင် 60 ကျော် ထိုင်းနိုင်ငံထဲသို့ထွက်ပြေး

 

The Matupi Times    မတ်လ ၂၁ ၊ ၂၀၂၄

 

ကရင်ပြည်၊ ကော့ကရိတ်မြို့နယ် ထိုင်း-မြန်မာနှစ်နိုင်ငံ နယ်စပ်ရှိ ရေတလျောက် စစ်ကောင်စီတပ်စခန်းနှင့် ဒူးပလာယာခရိုင် အတွင်းက စကစတပ်ဖွဲ့ဝင် ၆၀ ကျော်သည် ပြီးခဲ့တဲ့ ရက်ပိုင်း မတ်လ ၁၉ ၊ ၂၁ ရက်နေ့ တို့တွင်  ထိုင်းနိုင်ငံဘက်ကို ထွက်ပြေးခဲ့ကြပါတယ်။ 

 

ကရင်ပြည်၊ ဒူးပလာယာခရိုင် အတွင်းကစစ်ကောင်စီတပ်ဖွဲ့ဝင်အယောက် ၄၀ ကျော်သည် ပြီးခဲ့ မတ်လ ၁၉ ရက်နေ့လည်ခန့် တွင်  ပန်ခလန်ရွာဟောင်းတွင် ကရင် အမျိုးသား လွတ်မြောက်ရေးတပ်မတော်-KNLA တပ်ဖွဲ့နှင့် တိုက်ပွဲဖြစ်ပွားပြီးနောက် ထိုင်းနိုင်ငံရှိ အုန်းဖန်မြို့နယ် ပိုင်ခလန်ကျေးရွာထဲသို့ ထွက်ပြေးဝင်ရောက်ခဲ့ကြပါတယ်။ 

မတ်လ ၂၁ ရက်နေ့ ၊ နံနက် ၆နာရီခွဲကျော်အချိန်ခန့်တွင်လည်း  ကရင်ပြည်၊ ကော့ကရိတ်မြို့နယ် ထိုင်း-မြန်မာနှစ်နိုင်ငံ နယ်စပ်ရှိ ရေတလျောက် စစ်ကောင်စီတပ်စခန်းမှ တပ်ဖွဲ့ဝင် ၂၆ဦး ထိုင်းနိုင်ငံ ပန်ခလန်ကျေးရွာထဲသို့ ထပ်မံထွက်ပြေးခဲ့တယ်လို့ ကရင်ပြည်သတင်း ကေအိုင်စီကထံကသိရပါတယ်။

 

========================

 

📌📌 ၄။ မင်းတပ်မြို့နယ်အတွင်း လေပြင်းတိုက်ခိုက်ခဲ့တာကြောင့် လူနေအိမ် ၂၀၀ ခန့် ပျက်စီး

 

The Matupi Times မတ်လ ၂၂ ၊ ၂၀၂၄

ချင်းပြည်နယ် မင်းတပ်မြို့နယ်၊မြို့ပေါ်ရပ်ကွက်များနှင့် ကျေးရွာများတွင် ယမန်နေ့ မတ်လ ၂၁ ရက်နေ့ ညနေပိုင်းက လေပြင်းတိုက်ခတ်ခဲ့တာကြောင့် လူနေအိမ် (၂၀၀) ဝန်းကျင် ထိခိုက်ပျက်စီးခဲ့တယ်လို့ ဒေသခံသတင်းများထံက သိရပါတယ်။

လေပြင်းတိုက်ခိုက်မှုသည် (မတ် ၂၁ ရက်) ယမန်နေ့ (ည ၈ နာရီမှ ၁၀ နာရီ ဝန်းကျင်အထိ) လေပြင်းမုန်တိုင်း တိုက်ခတ်ခြင်း၊ မိုးရွာသွန်းခြင်းတို့ဖြစ်ပွားခဲ့တယ်လို့ မင်းတပ်မြို့နယ်(ပအဖ)ကလည်း သတင်းထုတ်ပြန်ထားပါတယ်။

အဆိုပါလေပြင်းတိုက်ခိုက်မှုကြောင့် မင်းတပ်မြို့နယ်အတွင်းက နေအိမ်၊ စာသင်ကျောင်း နှင့် သာသနာ့အဆောက်အဦများစွာ အမိုးလန် ပျက်စီးခြင်း၊ လေပြင်းတိုက်ခိုက်ခဲ့လို့ ဘုရားကျောင်း၊ ဘုန်းကြီးကျောင်း၊ စာသင်ကြောင်းနဲ့ လူနေအိမ် (၂၀၀) ဝန်းကျင်ခန့် ထိခိုက်ပျက်စီးခဲ့တယ်လို့ သိရပါတယ်။

 

========================

 

📌📌 ၅။ ချင်းစစ်ဘေးရှောင် ကျောင်းသားတစ်ဦး မီဇိုရမ်ပြည်နယ်အဆင့် အိုလံပစ်ပြိုင်ပွဲမှာ ပထမရရှိခဲ့တယ်လို့ သိရ

 

မတ်လ ၂၁ ရက်။

အိန္ဒိယနိုင်ငံ မီဇိုရမ်ပြည်နယ် စစ်ဘေးရှောင်စခန်းမှာ နေထိုင်တဲ့ ချင်းစစ်ဘေးရှောင် လူငယ် ဆလိုင်းပီတာဟာ မီဇိုရမ်ပြည်နယ်အဆင့် အိုလံပစ်ပြိုင်ပွဲမှာ ယှဉ်ပြိုင်ခဲ့ပြီး ပထမရခဲ့တယ်လို့ သိရပါတယ်။

 

အိန္ဒိယနိုင်ငံ မီဇိုရမ်ပြည်နယ် အိုက်ဇောမြို့မှာ မနေ့ မတ်လ (၂၀) ရက်နေ့က ကျင်းပခဲ့တဲ့ ပြည်နယ်ဆင့်အိုလံပစ်မှာ သူသင်ကြားနေတဲ့ ကျောင်းကနေ ကိုယ်စားပြု ဝင်ရောက်ဖြေဆိုရပြီး ပထမရခဲ့တယ်လိုု့လည်း သိရပါတယ်။

အသက်(၁၇)နှစ်အရွယ် ဆလိုင်းပီတာဟာ တစ်ကျောင်းကို တစ်ယောက်နှုန်းနဲ့ ဖြေရတာဖြစ်ပြီး၊ ပြိုင်ပွဲမှာ Mathematic နဲ့ Science ကို ဖြေခဲ့ရတာလို့လည်း သိရပါတယ်။

 

ဆလိုင်းပီတာဟာ ချင်းပြည်နယ် မင်းတပ်မြို့နယ်ဒေသခံ တစ်ဦးဖြစ်ပြီး အာဏာသိမ်းမှုအလွန်ဖြစ်ပေါ်ခဲ့တဲ့ ပဠိပက္ခတွေကြောင့် အိန္ဒိယနိုင်ငံမီဇိုရမ်ပြည်နယ်ကို မိဘတွေနဲ့အတူစစ်ဘေးရှောင် နေရသူလို့လည်း သိရပါတယ်။

 

========================

 

📌📌 ၆။ မိုးသက်လေပြင်း တိုက်ခိုက်မှုကြောင့် ကန်ပက်လက်မြို့နယ် လူနေအိမ်အလုံး ၁၂၀ နီးပါးပျက်စီး၊ အိမ်မွေးတိရစ္ဆာန်များ သေဆုံး

 

ချင်းပြည်နယ် တောင်ပိုင်းက ကန်ပက်လက်မြို့နယ်မှာ မနေ့ မတ်လ ၂၁ ရက်က မိုးသက်လေပြင်း တိုက်ခိုက်ခဲ့လို့ လူနေအိမ်အလုံး ၁၂၀ နီးပါး ပျက်စီးပြီး အိမ်မွေးတိရစ္ဆာန်များ သေဆုံးတယ်လို့ ကန်ပက်လက်မြို့အခြေစိုက် သတင်းဌာနက ဖော်ပြထားပါတယ်။

အဆိုပါ မိုးသက်လေပြင်း တိုက်ခိုက်မှုကြောင့် ပျက်စီးများထဲမှာ ဘာသာရေး အဆောက်အအုံများနဲ့ စာသင်ကျောင်းများလည်း အပါအဝင်ဖြစ်တယ်လို့ သိရပါတယ်။

ချင်းပြည်နယ်နဲ့စစ်ကိုင်းတိုင်းဒေသကြီးတို့မှာ မတ်လ ၂၁ရက်နေ့ကနေ ၂၃ ရက်နေ့အထိ ၃ ရက်တာအတွင်း မိုးရွာသွန်းမယ်လို့ စစ်ကောင်စီရဲ့ မိုးလေ၀သနဲ့ဇလဗေဒညွှန်ကြားမှုဦးစီးဌာနက မတ်လ ၂၁ ရက်နေ့၊ မနေ့ မနက်ပိုင်းမှာ ထုတ်ပြန်ကြေညာခဲ့ပါတယ်။

 

========================

 

📌📌 ၇။ ကန်ပက်လက်မြို့နယ်အတွင်း လေပြင်းတိုက်ခိုက်မှုကြောင့် လူနေအိမ်အလုံး ၁၂၀ နီးပါပျက်စီး၊ အိမ်မွေးတိရစ္ဆာန် များလည်းသေဆုံး

 

The Matupi Times မတ် ၂၂ ၊ ၂၀၂၄

ချင်းပြည်တောင်ပိုင်း၊ ကန်ပက်လက်မြို့နယ်အတွင်းတွင် ယမန်နေ့မတ် ၂၁ ရက်နေ့က မိုးသက် လေပြင်း တိုက်ခိုက်ခဲ့တာကြောင့် ဒေသခံကာကွယ္ရေးတပ် (တူမီးတပ်ရင်း)ထိန်းချုပ်နယ်မြေအတွင်းက လူနေအိမ်အလုံး ၁၂၀ နီးပါပျက်စီးခဲ့ပြီး အိမ်မွေးတိရစ္ဆာန်များ လည်းသေဆုံးခဲ့ တယ်လို့ (တူမီးတပ်ရင်း)၏ ဖော်ပြချက်အရ သိရပါတယ်။

လေပြင်းတိုက်ခိုက်မှုကြောင့် ပျက်စီးမှုများတွင် ဘာသာရေး အဆောက်အအုံးများ၊စာသင် ကျောင်းများလည်းပါဝင် တယ်လို့ ထုတ်ပြန် ထားပါတယ်။ 

မင်းတပ်မြို့နယ်အတွင်းတွင်လည်း ယမန်နေ့က လေပြင်းတိုက်ခိုက်ခဲ့တာကြောင့် လူနေအိမ် ၂၀၀ ဝန်းကျင်ပျက်စီး ခဲ့တယ်လို့သိရပါတယ်။

#RadioNUGLocalNews

#SpringRevolution