20th MAY 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ မေလ ( ၂၀ ) ရက်နေ့ ရပြည်တွင်းသတင်းများ

📌📌 ၁။ ကျင်ဒွေးမြို့သိမ်းတိုက်ပွဲတွင် CDF-Kanpetlet တပ်ဖွဲ့ဝင် ၁၃ ဦးကျဆုံး

The Matupi Times မေလ ၁၃၊ ၂၀၂၄

ချင်းပြည်နယ်၊ ကန်ပက်လက်မြို့နယ် ၊ ကျင်ဒွေးမြို့စစ်ဆင်ရေးတိုက်ပွဲအတွင်းတွင် ချင်းပြည်ကာကွယ်ရေးတပ်-ကန်ပက်လက် တပ်ဖွဲ့ဝင်ရဲ (၁၃) ဦးကျဆုံးသွားကြောင်း ၂၀၂၄ ခုနှစ် မေလ ၁၂ ရက်နေ့ညပိုင်းမှာသ တင်းထုတ် ပြန်လိုက်ပါတယ်။

ကျင်ဒွေးမြို့ စစ်ဆင်ရေးကို ပြီးခဲ့တဲ့ ၂၀၂၃ ခုနှစ်၊ ဒီဇင်ဘာလ ၂၂ ရက်နေ့ကစတင်ဖော်ဆောင်ခဲ့တာဖြစ်ပြီး လေးလအကြာအပြင်းအထန်တိုက်ပွဲဖြစ်ပွားပြီးနောက် ၂၀၂၄ ခုနှစ်၊ ဧပြီလ (၂၉) ရက်နေ့တွင် ကျင်ဒွေးမြို့ကိုသိမ်းပိုက်နိုင်ခဲ့တာပါ။

ကျင်ဒွေးမြို့စစ်ဆင်ရေးကိုအရှိန်အဟုန်မြှင့်သည့်အနေဖြင့်၂၀၂၄ ခုနှစ် မတ်လ (၇) ရက်နေ့မှစ၍ "ချင်းညီနောင်စစ်ဆင်ရေး" အဖြစ်ပြောင်းလဲခဲ့ပြီး "အာရက္ခတပ်တော်"၏ စစ်ရေးဦးဆောင်မှုဖြင့် စုပေါင်း၍ဆက်လက်တိုက်ခိုက်ခဲ့ကြတယ်လို့ဆိုပါတယ်။

အဆိုပါတိုက်ပွဲအတွင်းတွင် CDF-Kanpetlet တပ်ဖွဲ့ဝင်များဖြစ်သည့် ဆလိုင်းဖွေထန်း ၊ ဆလိုင်း ချိုင်မနား ၊ ဆလိုင်း ပီတာလိန်းဟုန်း ၊ ဆလိုင်း လိန်းကီး၊ ဆလိုင်း ရွှေဝင်း၊ ဆလိုင်း ယောကွီး ၊ ဆလိုင်း မနားဟုန်း ၊ ဆလိုင်း နိုင်းထန်း၊ ဆလိုင်း လိန်းထန်း၊ ဆလိုင်း ရှိုခိုင်၊ ဆလိုင်း ရဲမာန်အောင် ၊ ဆလိုင်း နေလင်းအောင် ၊ဆလိုင်း ကွီရှိန်း တို့သည် မြတ်မြင့်စွာကျဆုံးသွားကြောင်း CDF-Kanpetlet ကသတင်းထုတ်ပြန်ပါတယ်။

========================

📌📌 ၂။ CDF-Paletwa ၏တော်လှန်ရေး (၃)နှစ်ပြည့‌်နေ့ ကျင်းပပြုလုပ်

The Matupi Times မေလ ၁၄၊ ၂၀၂၄

Chinland Defense Force-Paletwa တော်လှန်ရေး (၃)နှစ်ပြည့်နေ့ကို ယခုမေလအစောပိုင်းက ကျင်းပပြုလုပ်ခဲ့ပြီး အထိမ်းအမှတ်ပုံရိပ်များကို သတင်းထုတ်ပြန်လိုက်ပါတယ္။

"အဘက်ဘက်အားနည်းချက်ကနေ ရုန်းကန်လာကြတာ ခုဆို (၃)နှစ်ပြည့်လာခဲ့ပါပြီ၊ ခုချိန်ထိ တတ်နိုင်တဲ့ဘက်ကနေ

ကိုယ်ကျရာကဏ္ဍအသီးသီးမှာ ကူညီထောက်ပံ့ပေးကြတဲ့ ပြည်သူလူထု အားလုံးကို အထူးကျေးဇူးတင်ရှိကြောင်းနှင့် ဆက်လက်ပြီး အာဏာရှင်စနစ်အမြစ်ပြတ်ချေမှုန်းရေး ၊ဖယ်ဒရေဒီမိုကရေစီတည်ဆောက်ရေးနှင့် အမျိုးသားကိုယ်ပိုင်ပြဌာန်းရေးတို့မှာ အဆုံးထိ တိုက်ပွဲဝင်သွားဖို့ကတိသစ္စာပြုသည့်အလျှောက် လိုအပ်သည်များကို ကူညီထောက်ပံ့ပေးကြဖို့ တိုက်တွန်းအပ်ပါတယ်။" လို့ CDF-Paletwa၏ မေလ ၁၁ ရက်နေ့ထုတ်ပြန်ချက်မှာ ရေးသားဖော်ပြထားပါတယ်။

========================

📌📌 ၃။ CDF-Daai ၏ အမှတ်စဥ်(၅) အခြေခံစစ်ပညာ သင်တန်းဆင်းပွဲကျင်းပ

The Matupi Times မေလ ၁၅ ၊ ၂၀၂၄

ချင်းပြည်ကာကွယ်ရေးတပ်ဦး(ဒိုင်ရ်) CDF-Daai ၏ အမှတ်စဥ်(၅) အခြေခံ စစ်ပညာသင်တန်းဆင်းပွဲ အခမ်းအနားကို ဒီကနေ့ မေလ ၁၅.၅.၂၀၂၄ ရက်နေ့တွင် အောင်မြင်စွာကျင်းပပြုလုပ်ခဲ့တယ်လို့သိရပါတယ်။

အမှတ်စဉ်(၅)စစ်ပညာသင်တန်းကို သင်တန်းကာလ(၂)လအကြာ ပြုလုပ်ခဲ့ပြီး သင်တန်းသား ဦးရေး (၁၀၀) ကျော် တက်ရောက်ခဲ့ကြတယ်လို့သိရပါတယ်။

အဆိုပါသင်တန်းဆင်းပွဲအခမ်းအနားသို့ ဒိုင်ရ်ဒေသအုပ်ချုပ်ရေးအဖွဲ့များ ၊ CDF - Daai ၏ ကာကွယ်ရေးအကြီးအကဲများ နှင့် မိတ်ဖက်အဖွဲ့အစည်းများမှ တာဝန်ရှိပုဂ္ဂိုလ်များ တက်ရောက်ခဲ့ကြကြောင်းသိရသည်။

========================

📌📌 ၄။ ချင်းပြည်ကောင်စီကို ထောက်ခံကြောင်း CDF_Matupi တပ်မဟာ(၂)သတင်းထုတ်ပြန်

The Matupi Times မေလ ၁၅၊ ၂၀၂၄

ချင်းလဲန်းကာကွယ်ရေးတပ်ဖွဲ့ - မတူပီ (တပ်မဟာ -၂)အနေဖြင့် ချင်းပြည် (Chinland Council) ကို ထောက်ခံကြောင်း မေလ ၁၄ ရက်နေ့တွင် သဘောထားထုတ်ပြန်ပါတယ်။

ချင်းလဲန်းကာကွယ်ရေးတပ်မဟာ(၂)ကို CDF-Matupi တပ်ရင်းများဖြစ်သည့် (တပ်ရင်း၂-အောက်ချင်းတပ်ရင်း)၊ (တပ်ရင်း-၃ ကိုင်ဆီးတပ်ရင်း)၊ (တပ်ရင်း-၄ လီစန်တပ်ရင်း)၊ တပ်ရင်း-၆အိုင်ဒါပ်တပ်ရင်း)တို့ဖြင့်ဖွဲ့စည်းထားတာပါ။

ပြီးခဲ့တဲ့ ဧပြီလ ၁၀-၁၁ ရက်၊ ၂၀၂၄ ခုနှစ်တွင် CDF-Matupi တပ်မဟာ-၂ တပ်ရင်းမှူးများနှင့်ဒေသအုပ်ချုပ်ရေးအဖွဲ့များဖြင့် ညီလာခံကျင်းပခဲ့ကြပြီး တပ်မဟာ(၂)၏ရပ်တည်ချက်နှင့်အခြေခံမူများကိုရေးဆွဲနိုင်ခဲ့ကြပြီး ၊ ချင်းလဲန်းကာကွယ္ရေးတပ်ဖွဲ့-မတူပီ(တပ်မဟာ-၂)၏ချင်းပြည်နို်င်ငံရေးရပ်တည်ချက်သည် မတူပီမြို့နယ် ပြည်သူလူထုအများသဘောတူ Chinland Council ကိုထောက်ခံကြောင်း သဘောထားရပ်တည်ချက်ကို သတင်းထုတ်ပြန်လိုက်ပါတယ်။

========================

📌📌 ၅။ ဆောမြို့နယ်အတွင်း စစ်ကောင်စီကလေကြောင်းဖြင့်ထပ်မံတိုက်ခိုက်၊ ပြည်သူ ၇ဦးသေဆုံးပြီး ၉ဦး အပြင်းထန်ဒဏ်ရာရရှိ

The Matupi Times မေလ ၁၄ , ၂၀၂၄

မကွေးတိုင်း၊ ဆောမြို့နယ်အတွင်းရှိ ၊ တောမကျေးရွာရှိ လူနေအိမ်များပေါ်သို့ ယမန်နေ့ မေလ၁၄ ရက် နေ့လည် ၃နာရီခန့်အချိန်တွင် စစ်ကောင်စီကဂျက်ဖိုက်တာ တစ်စီးဖြင့် ဗုံးကြဲတိုက်ခိုက်ခဲ့တယ်လို့သိရပါတယ်။

စစ်ကောင်စီရဲ့လေကြောင်းတိုက်ခိုက်မှုကြောင့် တောမကျေးရွာရှိ လူနေအိမ် ၂လုံး မီးလောင်းကျွမ်းခဲ့ပြီး ၊ ၉လုံးပျက်စီးကာ

ဒေသခံအရပ်သားအပြစ်မဲ့ပြည်သူ ၇ ဦးသေဆုံးကာ ၉ ဦး ပြင်းထန်ဒဏ်ရာရရှိခဲ့ပြီး ဒဏ်ရာရပြည်သူ အများအပြားရှိတယ်လို့ဆိုပါတယ်။ သေဆုံးသူထဲတွင် လသွားအရွယ် ကလေးငယ်တစ်ဉီးအပါအဝင် ၊ ယောက်ျား ၃ဦး နှင့်အမျိုးသမီး ၄ဦး ပါဝင်ကြောင်း ဒေသခံတစ်ဦးက‌ ယောအလင်းတန်း ကိုပြောပါတယ်။

ပြီးခဲ့တဲ့ မေလ ၉ရက်နေ့ မနက် ၁၁နာရီခန့်၌လည်း ဆောမြို့နယ် အကြည်ပန်းပလွန်းရွာ ဘုန်းကြီးကျောင်းကို လေကြောင်းတိုက်ခိုက်ခဲ့ပြီး ပြည်သူ ၁၆ဦး သေဆုံးကာ ၂၅ ဦး ထိခိုက်ဒဏ်ရာရရှိခဲ့ပါတယ်။ စစ်ကောင်စီက တပတ်အတွင်း ဆောမြို့နယ်အတွင်းသို့ ဒုတိယအကြိမ်မြောက် လေကြောင်းဖြင့်ထပ်မံတိုက်ခိုက်ခဲ့ခြင်းဖြစ်ပါတယ်။

========================

📌📌 ၆။ တွန်းဇံမြို့စစ်ကောင်စီတပ်နှင့် CNA ဦးဆောင်သည့် တော်လှန်ရေးတပ်တို့တိုက်ပွဲဖြစ်ပွားနေ

The Matupi Times မေလ ၁၇ ၊ ၂၀၂၄

ချင်းပြည်နယ်၊ တွန်းဇံမြို့တွင် CNA ဦးဆောင်တဲ့ တော်လှန်ရေး ပူးပေါင်းတပ်နဲ့ စစ်ကောင်စီတပ်တို့တိုက်ပွဲဖြစ်ပွားနေပြီး ဒရုန်းနဲ့ ဗုံးသီးချတိုက်ခိုက်သံတွေတစ်ညလုံးကြားနေရတယ်လို့ ဒေသခံများထံကသိရပါတယ်။

တွန်းဇံမြို့က စစ်ကောင်စီတပ်စခန်းကိုCNA ဦးဆောင်တဲ့ ချင်းကာကွယ်ရေးပူးပေါင်းတပ်က ယမန်နေ့ မေလ ၁၆ ရက်နေ့ မနက်ပိုင်းက စတင်တိုက်ခိုက်ခဲ့တာဖြစ်ပြီး "တွန်းဇံမြို့ထဲက နေအိမ်အချို့ပျက်စီးမှုရှိနိုင်ပြီး ပြည်သူများ အပြင်မထွက်ရဲ ကြတာကြောင့်သတင်းအတိအကျတော့မသိရသေးဘူးလို့" ဒေသခံသတင်းတွေ ထံကသိရပါတယ်။

========================

📌📌 ၇။ Malaysia Fight League တွင် ချင်းလူငယ်ဖိုက်တာ Timothy ဒိုင်အမှတ်ဖြင့်ရှုံးနိမ့်

The Matupi Times မေလ ၁၈ ၊ ၂၀၂၄

မေလ ၁၈ ရက်နေ့ မနက်ပိုင်းမှာ ကျင်းပတဲ့ Malaysia Fight League ,Kick Boxing ပွဲတွင် ချင်းလူငယ်ဖိုက်တာ MT Timothy သည်ပြိုင်ဘက် ပါကစ္စတန်နိုင်ငံသား Siyukri ကိုဒိုင်အမှတ်နဲ့ရှုံးနိမ့်သွားခဲ့တယ္်လို့သိရပါတယ်။

အဆိုပါပြိုင်ကို Star Avenue Mall, Malaysiaတွင်ပြုလုပ်ခဲ့တာဖြစ်ပြီး ပြိုင်ပွဲတွင် ချင်းလူငယ်ဖိုက်တာ MT Timothy သည်ပြိုင်ဘက်ပါကစ္စတန်နိုင်ငံသားနဲ့ Round-3 အထိယှဉ်ပြိုင်ထိုးသတ်ခဲ့ကြပြီး ပွဲအပြီးတွင် ဒိုင်အမှတ်ဖြင့် ရှုံးနိမ့်ခဲ့တာပါ။

MT Timothy သည် လာမည့် ၂၀၂၄ခုနှစ်၊ ဇွန်လအတွင်းတွင် Professional ပြိုင်ပွဲယှဉ်ပြိုင်ထိုးသွားဖို့ရှိပေမယ့် ယနေ့ယှဉ်ပြိုင်ထိုးသတ်စဉ် ဒုတိယအချီတွင် လက်ခလယ်ကြိုးသွားတာာကြောင့် (၂)လခန့် အနားယူရမယ်လို့သိရပါတယ်။