24th JUN 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇွန်လ ( ၂၄ ) ရက်နေ့ ရပြည်တွင်းသတင်းများ

📌📌 ၁. မင်းတပ်မြို့နယ်ကစစ်ဘေးရှောင်ပြည်သူများ ဝမ်းလျှောရောဂါကြုံတွေ့နေရ ၊ ဝမ်းရောဂါကြောင့် အသက်ကြီးပိုင်း(၂)ဦးအသက်ဆုံးရှုံးခဲ့ရ

The Matupi Times ဇွန်လ ၁၇၊ ၂၀၂၄

ချင်းပြည်နယ္ မင်းတပ်မြို့နယ်အတွင်းက စစ်ဘေးရှောင်ပြည်သူများသည် ယခုရက်ပိုင်းအဖြစ်များနေသော ( Cholera) ခေါ် ပြင်းထန်ဝမ်းပျက်ဝမ်းလျှောရောဂါနဲ့ ကြုံတွေ့နေကြရကြောင်းသိရပါတယ္။

၂၀၂၄ ခုနှစ် ဇန်နာ၀ါရီလ တွင် နောက်ဆုံးပြုစုခဲ့သော စာရင်းအရ မင်းတပ်မြို့နယ်တွင် စစ်ဘေးရှောင် ၁၀၅၀၀ ၀န်းကျင်ခန့်ရှိနေခဲ့ပြီး ယခုအချိန်ထိ မင်းတပ် နှင့် မတူပီမြို့တို့မှစစ်ဘေးရှောင်များ ထပ်မံတိမ်းရှောင်လာသည်ကို စာရင်းပြုစုနေဆဲဖြစ်ကြောင်း Mindat Township IDPs Camp Management Committee ကသတင်းထုတ်ပြန်ပါတယ္။

မြို့နယ်အတွင်းရှိကျေးရွာအများစုတွင် ယခုမိုးဉီးကာလ၌ ၀မ်းပျက်၀မ်းလျောအဖြစ်များနေကြပြီး တိုက်နယ်အမှတ် ၁၃ ရှိ ကျေးရွာတစ်ရွာတွင် သက်ကြီးပိုင်းနှစ်ဉီး ၀မ်းရောဂါကြောင့် အသက်ဆုံးရှုံးခဲ့ရတယ်လို့သိရပါတယ္။

အဆိုပါရောဂါကူးစက်ပြန့်ပွားမှုမရှိစေရေးအတွက်ကျေးရွာကိုယာယီ အ၀င်အထွက်ပိတ်ထားကြောင်းသိရသည်။

မင်းတပ်မြို့နယ်တိုက်နယ် အမှတ် ၁၊ ၂၊ ၃ နှင့် ၁၃ အတွင်းရှိကျေးရွာများ ပြည်သူများသည် လေကြောင်းတိုက်ခိုက်ဗုံးကြဲခဲ့သောကြောင့် ရွာပြင်ရှိတောင်ယာတဲများနှင့် ယာယီတဲများတွင်သာ ထိတ်လန့်စွာ တိမ်းရှောင်နေကြရတယ်လို့ဆိုပါတယ္။

လက်ရှိအချိန်တွင် စစ်ဘေးရှောင်များ အတွက် မိုးကာ ၊ အခြေခံစားသောက်ကုန် နှင့် ဆေး၀ါးအထောက်အပံ့များ ကြီးမားစွာလိုအပ်နေပါသဖြင့် ကူညီပါ၀င်ပေးကြဖို့ Mindat Township IDPs Camp Management Committee ကတောင်းဆိုထားပါတယ္။

ပြီးခဲ့တဲ့ ဇွန်လ ၁၀၊ ၂၀၂၄ ရက်နေ့တွင် ဓာတ်ဆီသယ်ရန်သွားသည့် ပလက်ဝမြို့နယ်၊ အောက်သံထောင်ရွာသား တစ်ဦးသည် ပိန်းချောင်းဝအရောက်တွင် ဝမ်းလျော့၊ဝမ်းပျက်ရောဂါဖြစ်ပြီး ဆေးဝါးမလုံလောက်မှုကြောင့်သေဆုံးခဲ့ရကြောင်း ဒေသခံသတင်းတွေထံကသိရပါတယ္။

========================

📌📌 ၂. မတူပီမြို့ ၃၀၄ တပ်ရင်းကို ချင်းညီနောင်မဟာမိတ်အဖွဲ့က အပြိီးသတ်သိမ်းပိုက် ၊ လက်နက်ခဲယမ်းအများပြားသိမ်းဆည်းရရှိ

The Matupi Times ဇွန်လ ၁၈၊ ၂၀၂၄

မတူပီမြို့မှာ အခိုင်အမာအထိုင်ချထားတဲ့ စကစ ခမရ ၃၀၄ တပ်ရင်းကို Chin Brotherhood (CB Operation) အနေဖြင့် ဇွန်လ (၁၇) ရက်နေ့တွင် အပြီးအပိုင် သိမ်းပိုက်ပြီးကြောင်း ထုတ်ပြန်ကြေညာလိုက်ပါတယ်။

ခမရ ၃၀၄ သည် မတူပီမြို့၏ ကုန်းထိပ် အမြင့်ဆုံးနေရာတွင် စစ်ကောင်စီတပ်ဖက်မှ အခိုင်အမာ တပ်စွဲထားသော စကစ အထိုင်ချတပ်ရင်းတစ်ခုဖြစ်ပါတယ်။

ချင်းညီနောင်ပူးပေါင်းတပ်ဖွဲ့နဲ့မဟာမိတ်ပူးပေါင်းတပ်ဖွဲ့တို့သည် စစ်ကောင်စီတပ်နဲ့ (၂)ပတ်ကျော်အကြာတိုက်ပွဲပြင်းထန်ပြီးနောက် စစ်ကောင်စီရဲ့အထိုင်ချတပ်စခန်းကိုသိမ်းပိုက်နိုင်ခဲ့ပြီဖြစ်ပါတယ္။

တိုက်ပွဲပြင်းထန်မှုကြောင့် စစ်ကောင်စီတပ်ဖွဲ့ဝင်ဘက်ကထိခိုက်သေဆုံးမှုရှိကြောင်းသိရပြီး လက်နက်ခဲယမ်းအချို့ကိုလညး်သိမ်းဆည်းရမိခဲ့ပါတယ္။

CDF-MATUPI တပ်မဟာ(၁)တပ်ဖွဲ့ဝင်(၆)ဦးသည်လည်းတိုက်ပွဲအတွင်းတွင် အသက်ပေးလှူသွားခဲ့ကြပါတယ်။

ခမရ ၃၀၄ သည် စကစ စစ်ဘီလူး သန်းရွှေခေတ်၌ ချင်းပြည်သူ ခရစ်ယာန်များ၏ အထွက်အမြတ်ထားကြသော အကြီးမားဆုံး လက်ဝါးကပ်တိုင် စိုက်ထူတည်ရှိရာ ဘိုးလ်တလန်းကို ရက်ရက်စက်စက် ဖြိုဖျက်ပြီး အခိုင်အမာ တပ်စွဲထားသော စကစ စခန်းဖြစ်ပါတယ္။

OPERATION-CB စစ်ဆင်ရေးတွင် ချင်းညီနောင်မဟာမိတ်အဖွဲ့နဲ့အတူ ၊ ရက္ခိုင့်တပ်တော် AA ၊ YAW ARMY-YA တို့အပြင် အခြားမဟာမိတ်တပ်ဖွဲ့ဝင်များလည်း ပူးပေါင်းတိုက်ပွဲဝင်ဆင်နွှဲခဲ့ပါတယ္။

========================

📌📌 ၃. မတူပီမြို့နယ်အတွင်း စစ်ဘေးရှောင်သူဦးရေ(၃၀၀၀)ဝန်းကျင်ရှိလာ ၊ အရေးအပေါ်အကူညီများလိုအပ်လျက်ရှိ

The Matupi Times ဇွန်လ ၂၂၊ ၂၀၂၄

မတူပီမြို့အတွင်းက၊ စစ်ဘေးရှောင်စခန်းများတွင် ဒီကနေ့ဇွန်လ ၂၂၊ ၂၀၂၄ ရက်နေ့အထိ မတူပီမြို့မှ စစ်ရှောင်ဦးရေထပ်တိုးလာပြီး စစ်ရှောင်လာသူဦးရေ(၃၀၀၀)ကျော်ရှိလာပြီလို့သိရပါတယ္။ စစ်ရှောင်များအတွက်အရေးအပေါ်အကူညီများလည်း လိုအပ်လျက်ရှိကြောင်းသိရသည်။

မတူပီမြို့တိုက်ပွဲကြောင့် တောတောင်များကြား စစ်ရှောင်နေရတဲ့ ပြည်သူတွေအတွက် အမည်မဖော်လိုသည့်အဖွဲ့အစည်းမှ အိန္ဒိယရူပီး( ၂၀၀,၀၀၀) လှူဒါန်း ပေးခဲ့တယ်လို့သိရပါတယ္။

မတူပီိမြို့တွင် ၂၀၂၄ ခုနှစ် ၊ ဇွန်လ (၉) ရက်နေ့တွင် တိုက်ပွဲစတင်ဖြစ်ပွားပြီးနောက် မြို့ပေါ်နေဒေသခံပြည်သူတွေဟာ မြို့ကိုစွန့်ခွာကာ ဘေးလွတ်ရာနေရာများသို့ စစ်ဘေးတိမ်းရှောင်ခဲ့ကြပါတယ္။ ပြီးခဲ့တဲ့ရက်ပိုင်းအတွင်းတွင် နီးစပ်ရာစစ်ဘေးရှောင်စခန်းများသို့ စစ်ရှောင်လာကြသည့် စစ်ရှောင်ဦးရေ(၁၅၀၀)ကျော်ထပ်တိုးလာတယ်လို့သိရပါတယ္။

တိုက်ပွဲကြောင့် မတူပီမြို့နေဒေသခံပြည်သူများသည့် မင်းတပ်မြို့နယ္နှင့်မတူပီမြို့နယ္အတွင်းရှိစစ်ရှောင်စခန်းများတွင် စစ်ဘေးရှောင်နေကြရပါတယ္။

" စစ်ရှောင်ဦးရေထပ်တိုးလာတာကြောင့် ဆက်လက်စာရင်းပြုစုနေဆဲပါ။ တချို့က စစ်ရှောင်စခန်းတွေကိုရောက်လာပြီး အိိန္ဒိယနိုင်ငံ၊ မီဇိုးရမ်ဘက်ဆက်သွားတဲ့သူတွေလည်း ရှိတယ်။ ဒီနေ့အထိ စစ်ရှောင်သူဦးရေကတော့ (၃၀၀၀)ကျော်လာပြီ ။ မတူပီမြို့နယ္အတွင်းကစစ်ရှောင်စခန်းတွေမှာ ယခုရက်ပိုင်းတွင်းတွင်အဖြစ်များနေတဲ့ ဝမ်းပျက်ဝမ်းလျှောရောဂါတွေ ဖြစ်ပွားတာမျိုးတော့မရှိသေးဘူး။ တုပ်ကွေးဖျားနာတဲ့သူ အချို့တော့ရှိတယ်။ " လို့ စစ်ရှောင်တွေကို ကူညီပေးနေသူတစ်ဦးက Matupi Times ကိုပြောပါတယ်။

မိုးဉီးကာလသို့ရောက်ရှိလာပြီဖြစ်သောကြောင့် မတူပီမြို့နယ်အတွင်းက စစ်ဘေးရှောင်ပြည်သူများအနေဖြင့် အရေးပေါ် မိုးကာ၊ခြင်ထောင် ၊ အိမ်သာခွက် ၊ အခြေခံစားသောက်ကုန်များ ဆန်၊ ဆီ၊စား နှင့် ဆေး၀ါးအထောက်အပံ့ပစ္စည်းများ အရေးပေါ်လိုအပ်နေတယ်လိုိ့သိရပါတယ္။

========================

📌📌 ၄. မတူပီမြို့တွင် ချင်းညီနောင်မဟာမိတ်အဖွဲ့နဲ့ ချင်းပြည်ကောင်စီ တို့ထိတွေ့တိုက်ပွဲဖြစ်ပွားနေ

ချင်းပြည်နယ်၊ မတူပီမြို့တွင် CDF-Matupi တပ်မဟာ(၁)ပါဝင်တဲ့ ချင်းညီနောင်မဟာမိတ်အဖွဲ့နဲ့ CDF-Matupi တပ်မဟာ(၁)ပါဝင်တဲ့ ချင်းပြည်ကောင်စီ(Chinland Coucil) တို့ထိတွေ့ပစ်ခတ်မှုတွေဖြစ်ပွားနေတယ်လို့သိရပါတယ်။

ပြီးခဲ့တဲ့ရက်ပိုင်းက ချင်းညီမဟာမိတ်အဖွဲ့နဲ့ Arakan Army(AA) ၊ Yaw Army(YA) တို့ပူးပေါင်းပြီး မတူပီမြို့တွင်း စစ်ကောင်စီအခြေစိုက်ရုံးများဖြစ်တဲ့ ထွေအုပ်နှင့်မြို့မရဲစခန်းတွေကို သိမ်းပိုက်ပြီး ၊ မတူပီ-ပလက်ဝလမ်းက ၃၀၄ တပ်စခန်းကိုအပြီးသတ်သိမ်းပိုက်ခဲ့ပါတယ်။

ချင်းပြည်ကောင်စီအနေဖြင့်လည်း မတူပီ-ဟာခါးလမ်း ဘက်ရှိ မတူပီခရိုင်ရုံးနယ်မြေကို ပြီးခဲ့တဲ့ လကသိမ်းပိုက်နိုင်ခဲ့ကြောင်း CDF-Matupi တပ်မဟာ(၂)ကသတင်းထုတ်ပြန်ထားတာပါ။

လက်ရှိမှာ ကျန်ရှိနေသေးတဲ့ ၁၄၀ တပ်ရင်းနဲ့ ဗျူဟားကုန်တို့ကျန်ရှိနေပြီး အဆိုပါနယ်မြေအတွင်းတိုက်ပွဲဖြစ်ပွားနေစဉ် နှစ်ဖက်ကြားထိတွေ့တိုက်ပွဲဖြစ်ပွားဖြစ်ပွားခဲ့တာပါ။ ဒီကနေ့အချိန်ထိ ဆက်လက်တိုက်ပွဲပြင်းထန်နေပြီး နှစ်ဖက်စလုံးထိခိုက်သေဆုံးမှုတွေရှိလာသလို ဖမ်းဆီးခံရသူတွေလည်းရှိနေတယ်လို့ ဒေသခံသတင်းတွေထံက သိရပါတယ်။