3rd JUN 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇွန်လ ( ၃ ) ရက်နေ့ ရပြည်တွင်းသတင်းများ

📌📌 ၁။ စကစ၏မီးရှို့မှုကြောင့် တီးတိန်မြို့ထဲကနေအိမ် ၃၀ ကျော် မီးလောင်ပြာကျ

 

The Matupi Times မေလ ၂၈၊ ၂၀၂၄

ချင်းညီနောင်အဖွဲ့ဖော်ဆောင်နေတဲ့ တီးတိန်းမြို့ထဲကနေအိမ်အချို့ကို ယမန်နေ့ မေလ (၂၇) ညနေပိုင်းမှာ စစ်ကောင်စီက မီးရှို့ခဲ့တာကြောင့် နေအိမ်အများအပြားမီးလောင်ပျက်စီးသွားကြောင်း ဒေသခံသတင်းတွေထံကသိရပါတယ်။

စစ်ကောင်စီရဲ့မီးရှို့မှုကြောင့် တီးတိန်မြို့ မြို့မရပ်ကွက် နာရီစင်အနီးက နေအိမ်တွေမီီးလောင်ပြာကျသွားပြီး နေအိမ်များတစ်အိမ်ပြီးတအိမ်ကူးစက်လောင်ကျွမ်းခဲ့တာကြောင့် မြို့ထဲကနေအိမ် (၃၀)ကျော် မီးလောင်ပျက်စီးသွားပြီး ယမန်နေ့ညမိုးရွာသွန်းမှုကြောင့် မီးငြိမ်းသက်သွားကြောင်းသိရသည်။

အဆိုပါမီးလောင်ကျွမ်းမှုသည် တီးတိန်းမြို့နေဒေသခံပြည်သူများတိုက်ပွဲကြောင့် မြို့ကိုစွန့်ခွာစစ်ဘေးရှောင်ကြပြီးနောက် ယမန်နေ့ညနေပိုင်းတွင် စစ်ကောင်စီတပ်ဖွဲ့များက မီးရှို့ဖျက်ဆီးခဲ့တာဖြစ်ကြောင်းသိရသည်။

 

========================

 

📌📌 ၂။ မီဇိုရမ်၊ အိုင်ဇော်လ်ခရိုင်မှာ မိုးသည်းထန်စွာရွာသွန်းပြီး မြေပြိုမှုကြောင့် လူ(၃၀)ကျော်သေဆုံး

 

The Matupi Times မေလ ၂၇ ၊ ၂၀၂၄

အိန္ဒိယနိုင်ငံ ၊ မီဇိုရမ်ပြည်နယ်တွင် ယမန်နေ့ ညနေပိုင်းစ၍ တညလုံးမိုးသည်းထန်စွာရွာသွန်းမှုကြောင့် အိုင်းဇော်လ်မြို့ရှိ ရပ်ကွက်အချို့က နေအိမ်နှင့် လမ်းသားမြေပြိုကျမှုတွေဖြစ်ပွားခဲ့ပြီး မြေပြိုမှုကြောင့် လူ(၃၀)ဦးကျော်သေဆုံးခဲ့ကြောင်း သိရပါတယ်။

မိုးရွာသွန်းမှုကြောင့် အိုင်ဇောလ်မြို့အနီး Melthum နှင့် Hlimen ရွာကြားကနေအိမ်များမြေပြိုကျမှုတွင်လူ ၂၀ ကျော်သေဆုံးခဲ့ပြီး (၆)နှစ်အရွယ်ကလေးတစ်ဦးကိုတော့ ကယ်ထုတ်နိုင်ခဲ့တယ်လို့သိရပါတယ်။ ဒီကနေ့ညနေပိုင်းအထိ

အဆိုပါမြေပြိုကျမှုတွင်ပါဝင်သည့် ရုပ်အလောင်း (၁၄) လောင်းကိုဖော်ထုတ်ယူနိုင်ခဲ့ပြီး ကျန် (၁၉) ဦးကိုဆက်လက်ရှာဖွေ နေဆဲဖြစ်တယ်လို့သိရပါတယ်။ သေဆုံးသူများတွင် ကလေးငယ်တွေလညး်ပါဝင်ကြောင်းသိရပါတယ်။

အိုင်းဇော်လ်းမြို့အတွင်းဖြစ်ပွားခဲ့တဲ့ မြေပြိုကျမှုမှာ မိသားစုဝင်အလိုက်သေဆုံးမှုတွေလည်းရှိနေပြီး အချို့အလောင်းတွေကို ရှာဖွေ့တွေ့ရှိပြီးြဖစ်သလို ပျောက်ဆုံးနေတဲ့ရုပ်အလောင်းတွေကိုလည်းဆက်လက်ရှာဖွေလျက်ရှိပါတယ်။

အဆိုပါမြေပြိုကျမှုကြောင့် သေဆုံးသူများတွင် မီဇိုးဒေသခံမဟုတ်တဲ့ အခြားပြည်နယ်သား (၄) ဦးလည်းပါဝင်ကြောင်းသိရပြီး၊ မြေပြိုကျမှုကြောင့် သေဆံုံးသူများအားလုံးကို မီဇိုရမ်အစိုးရက အိန္ဒိယငွေ ၊ရူပီး (၄)သိန်းဆီပေးအပ်သွားမယ်လို့ မီဇိုးဒေသခံသတင်း ဇိုနက်ကေဘယ်လ် က ထံကသိရပါတယ်။

 

========================

 

📌📌 ၃။ တီးတိန်းမြို့မှစစ်ဘေးရှောင်လာသူများကို ငွေကြေးကောက်ခံသည်ဆိုသည့်အပေါ် CDF-Siyin ၏ရှင်းလင်းချက်

 

The Matupi Times မေလ ၂၉၊ ၂၀၂၄

ချင်းပြည်နယ်မြောက်ပိုင်း ၊ ချင်းညီနောင်အဖွဲ့ကဖော်ဆောင်နေတဲ့ တီးတိန်မြို့သိမ်းတိုက်ပွဲကြောင့် စစ်ဘေးရှောင်လာတဲ့ဒေသခံပြည်သူတွေကို တော်လှန်ရေးအဖွဲ့များက ငွေကြေးကောက်ခံသည် ဆိုသည့်အပေါ် CDF-CDM-Siyin ကရှင်းလင်းချက်ထုတ်ပြန်လို်က်ပါတယ်။

ချင်းပြည်နယ်၊ တီးတိန်မြို့မှာ တိုက်ပွဲတွေကြောင့် ထွက်ပြေး တိမ်းရှောင်လာတဲ့ စစ်ဘေးရှောင်ကားတွေကို ချင်းတော်လှန်ရေးအဖွဲ့တွေရဲ့ စစ်ဆေးရေး ဂိတ်တွေမှာ ဖြတ်သန်းသွားလာခ ပိုက်ဆံကောက်ခံနေတယ်လို့ ယခုရက်ပိုင်းမှာ သတင်းတွေထွက်ပေါ်နေတာပါ။

အဆိုပါကိစ္စနဲ့ပတ်သက်ပြီးတော့ ဒုက္ခရောက်နေသော စစ်ရှောင်မိဘပြည်သူများကို ရည်ရွယ်၍ လူပုဂ္ဂိုလ်တစ်ဦးခြင်း သို့မဟုတ် ကား ဆိုင်ကယ် အစီးလိုက် ငွေကောက်ခံခြင်း မဟုတ်ပဲ ပုံမှန်ပြေးဆွဲနေသော လိုင်းယာဥ်ငယ်/ကြီးများ ကုန်ကားများကိုသာ ယာဥ်စီးအလိုက် အလှူငွေကောက်ခံခြင်းရခြင်းသာဖြစ်ကြောင်း မေလ ၂၈ ရက်နေ့က အောက်ဖော်ပြပါအတိုင်း သတင်းထုတ်ပြန်ပါတယ္။

 

CDF CDM Siyin အနေဖြင့် အထူးစောင့်ကြပ်လျက်ရှိသော သိုင်းငင်းလမ်းမကြီးကို စစ်ရှောင်မိဘပြည်သူများအား တဖက်တလမ်းမှကူညီလိုသော ဆန္ဒဖြင့်သာ ခဏသာ လမ်းဖွင့်ပေးခြင်းဖြစ်ပြီး တရားဝင်လမ်းဖွင့်ခြင်း မပြုနိူင်သေးဘူးလို့ဆိုပါတယ်။

 

ဆက်လက် မီဒီယာများအနေဖြင့် လူတစ်ဦး ၏ သတင်းပိုမှု့ကို အလျှင်စလို ပို့တင်ခြင်းသည် လိုအပ်သည်ထက် သတင်းကို အဆိုးဖက် ရောက်စေသောကြောင့် သတင်းမှန်ကို ခဏသာစောင့်ပြီး ပိုစ်တင်သင့်ကြောင်း မီဒီယာသို့လည်း အသိပေးလိုကြောင်းဖော်ပြထားပါတယ်။

 

========================

 

📌📌 ၄။ မင်းတပ်၊ မတူပီ၊ ပလက်ဝ၊ ကန်ပက်လက် (၄)မြို့နယ်အတွင်းရှိ ဒေသခံကာကွယ်ရေးတပ်ဖွဲ့များစုပေါင်းပြီး ချင်းလဲန်းကာကွယ်ရေးတပ်ဖွဲ့(ဒိုင်ရ်)တည်ဆောက်သွားမည်ဟုဆို

 

The Matupi Times မေလ ၂၉၊ ၂၀၂၄

ပထမအကြိ်မ်ဒိုင်ရ်ဒေသလုံးဆိုင်ရာ ပြည်သူ့ညီလာခံကို ၂၀၂၄ခုနှစ် ၊မေလ ၁၆ ရက်နေ့မှ ၁၇ ရက်နေ့အထိိဒိုင်ရ်ဒေသတစ်နေရာတွင်ကျင်းပခဲ့ရာ မင်းတပ်၊ မတူပီ၊ ပလက်ဝ၊ ကန်ပက်လက်စသည့်(၄)မြို့နယ်ရှိ ဒိုင်ရ်နယ်မြေဒေသများကို ပြန်လည်ပေါင်းစည်းရန်သဘောတူပြီး ဖွဲ့စည်းပုံနှင့် အခြေခံမူများရေးဆွဲအတည်ပြုကာ ဒိုင်ရ်ဒေသန္တရကောင်စီကို ဖွဲ့စည်းနိုင်ခဲ့ တယ်လို့သိရပါတယ်။

 

အဆိုပါ(၄)မြို့နယ္အတွင်း၌ ခေတ်အဆက်ဆက် ပိုင်းခြားအုပ်ချုပ်ခြင်းခံရသောဒိုင်ရ်နယ်မြေများကို ဒိုင်ရ်ဒေသန္တရကောင်စီ၏ဦးဆောင်မှုဖြင့်အုပ်ချုပ်မှုတစ်ခုတည်းဖြင့်တစ်စုတစ်စည်းတည်းပြန်လည်တည်ထား၍ ဒေသန္တရအုပ်ချုပ်ရေးလုပ်ငန်းများကို အကောင်ထည်ဖော်ဆောင်ရွက်သွားမယ်လို့ဆိုပါတယ္။

 

ဆက်လက်၍ ညီလာခံတွင် ချင်းလဲန်းကာကွယ်ရေးတပ်ဖွဲ့(ဒိုင်ရ်)ကို မင်းတပ်၊ မတူပီ၊ ပလက်ဝ၊ ကန်ပက်လက်စသည့်(၄)မြို့နယ်အတွင်းရှိ ဒေသခံကာကွယ်ရေးတပ်ဖွဲ့များစုပေါင်း၍ ချင်းလဲန်းကာကွယ်ရေးတပ်ဖွဲ့(ဒိုင်ရ်)အဖြစ် တည်ဆောက်သွားမည်ဖြစ်ပြီး၊ တည်ဆောက်ရာတွင် သက်ဆိုင်ရာအိမ်နီချင်းမြို့နယ္အဖွဲ့အစည်းများ၊တော်လှန်ရေးအင်အားစုများနှင့်လိုအပ်သောတွေ့ဆုံညှိနှိုင်းမှုများကို ဒိုင်ရ်ဒေသန္တရကောင်စီက ကြိုးပမ်းဆောင်ရွက်သွားမယ်လို့ ထုတ်ပြန်ချက်မှာဖော်ပြပါတယ္။

 

အဆိုပါညီလာခံသို့ ကန်ပက်လက်၊ မင်းတပ်၊ မတူပီ၊ ပလက်ဝမြို့နယ်များရှိ ဒိုင်ရ်ဒေသကိုယ်စားလှယ်များ ၊ ပြည်သူ့အုပ်ချုပ်ရေး အဖွဲ့များ ၊ ကာကွယ်ရေးတပ်ဖွဲ့များ ၊အထူးဖိတ်ကြားထားသူများနှင့် လေ့လာသူများအပါအဝင် စုစုပေါင်း(၂၀၀)ကျော်တက်ရောက်နိုင်ခဲ့တယ်လို့သိရပါတယ်။

 

========================

 

📌📌 ၅။ တီးတိန်မြို့တိုက်ပွဲတွင် PDF-Zoland တပ်ဖွဲ့ရဲဘော်တစ်ဦးကျဆုံး

 

The Matupi Times မေလ ၃၀၊ ၂၀၂၄

ချင်းပြည်နယ်မြောက်ပိုင်း ၊တီးတိန်မြို့တိုက်ပွဲတွင် (PDF Zoland ကိုယ်ပိုင်အမှတ် F- 2103475) Tg. Sut Mun Mung အသက်(၁၉)နှစ်သည် မြင့်မြတ်စွာအသက်ပေးလှူသွားကြောင်း PDF-Zoland ကသတင်းထုတ်ပြန်ပါတယ္။

Tg. Sut Mun Mung သည် PDF-Zoland တပ်ဖွဲ့၏တပ်ရင်းတစ်ခုတွင် ဒုတပ်စိပ်မှူးတာဝန်ထမ်းဆောင်နေသူဖြစ်ပြီး ၊ ပြီးခဲ့တဲ့မေလ(၂၇)ရက်နေ့ တီးတိန်မြို့တိုက်ပွဲအတွင်းမှာကျဆုံးသွားခဲ့တာဖြစ်ပါတယ်။

တီးတိန််မြို့ကိုချင်းညီနောင်အဖွဲ့က ပြီးခဲ့တဲ့ မေလ ၂၆ ရက်ကနေစပြီး တီးတိန်မြို့သိမ်းတိုက်ပွဲစတင်ဖော်ဆောင်ခဲ့တာပါ။ တိုက်ပွဲတွင် စကစ စခန်း ၂ ခု (Macro နှင့် နတလ) တို့အား သိမ်းပိုက်ရရှိခဲ့ပြီး စကစ တပ်ဖွဲ့ဝင် (၉) ဦးအား အရှင်ဖမ်းဆီးနိုင်ခဲ့ပါတယ်။

 

========================

 

📌📌 ၆။ ဂန့်ဂေါ - ရေဇွာလမ်းပိုင်း ပြုပြင်မှုပြီးစီး၊ မော်တော်ယာဉ်များ ပုံမှန်အတိုင်းပြန်လည်သွားလာနိုင်

 

The Matupi Times မေလ ၃၁၊ ၂၀၂၄

ဂန့်ဂေါ - ရေဇွာလမ်းကြားက မြေပြိုနေရာကို ယနေ့ မေလ ၃၁၊၂၀၂၄ ရက်နေ့ နေ့ခင်း (၁း၃၀)အချိန်မှာ မော်တော်ယာဉ်များ ပုံမှန်အတိုင်းပြန်လည်သွားလာနိုင်ပြီဖြစ်ကြောင်းသိရပါတယ်။

ချင်းပြည်နယ်၊ မတူပီမြို့နယ် ၊ မတူပီမြို့၊လောက်တူဒေသ၊မရာဒေသ၊ဆဲင်ထန်ဒေသနှင့် ဇိုဖေဒေသကပြည်သူများအဓိကအသုံးပြုနေရတဲ့ ဂန့်ဂေါ - ရေဇွာလမ်းပိုင်း ၊ သာယာကုန်းနဲ့လောင်ဗားအကြား (၄၆) မိုင်တွင် လမ်းမြေသားပြိုကျပျက်စီးသွားတာကြောင့် ကမ်းပါးပြိုကျကာလမ်းပိတ်ခဲ့တာပါ။

အဆိုပါလမ်းပိုင်းကို ပြန်လည်သွားလာနိုင်ရန်အတွက် လမ်းပိုင်း တာဝန်ရှိသူတွေက ကြိုးစားဆောင်ရွက်ခဲ့ပြီး ဒီကနေ့မှာပြန်လည်အသုံးပြုနိုင်ပြီလို့ လမ်းပြုပြင်ထိန်းသိမ်းရေးတာဝန်ခံ ဆလိုင်းသောမတ်စ်က ၎င်းရဲ့လူမှုကွန်ရက်မှာဖော်ပြပါတယ်။

#RadioNUGLocalNews

#SpringRevolution