08 JUL 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇူလိုင်လ ( ၈ ) ရက်နေ့ ရပြည်တွင်းသတင်းများ

📌📌 1. မတူပီမြို့သိမ်းတိုက်ပွဲအတွင်း စကစ၏လေကြောင်းတိုက်ခိုက်မှုကြောင့် ဘာသာရေးအဆောက်အုံများနှင့် နေအိမ်အချို့ပျက်စီး

 

The Matupi Times ၊ ဇူလိုင် ၂ ၊ ၂၀၂၄

ချင်းပြည်နယ်၊ မတူပီမြို့သိမ်း တိုက်ပွဲအတွင်း စစ်ကောင်စီမှ ဂျက်ဖိုက်တာ အသုံးပြုပြီး မတူပီမြို့တွင်းက ခရစ်ယာန်ဘာသာရေးအဆောက်အအုံများနှင့် နေအိမ်အချို့ကို ပစ်မှတ်ထား ဗုံးကြဲတိုက်ခိုက်ခဲ့တယ်လို့ CDF-Matupi တပ်မဟာ(၁)က ဒီ ေန့ ဇူလိုင်လ ၂ ရက်နေ့မှာ သတင်းထုတ်ပြန်ပါတယ်။

 

မြို့တွင်းက ဘာသာရေးအဆောက်အုံများနှင့် နေအိမ်အချို့သည် ၂၀၂၄ ခုနှစ်၊ ဇွန်လ (၉) ရက်နေ့မှ (၂၉) ရက်နေ့ထိ မတူပီ မြို့သိမ်း တိုက်ပွဲအတွင်း စစ်ကောင်စီမှ ဂျက်ဖိုက်တာ၊ လက်နက်ကြီးများဖြင့် ပစ်မှတ်ထား တိုက်ခိုက်မှုကြောင့်ပျက်စီးခဲ့တာဖြစ်ပါတယ်။

 

စစ်ကောင်စီ၏ ဗုံးကြဲတိုက်ခိုက်မှုကြောင့် မတူပီမြို့တွင်းက ခရစ်ယာန်များ အထွ‌ဋ်အမြတ်ထား‌သော ဘာသာရေး အဆောက်ဦးများဖြစ်သည့် ၁။ယူနီယံ ဓမ္မကောလိပ် Union Theological College (UTC) ၊ ၂။မတူပီနှစ်ခြင်း အသင်းတော် Matupi Baptist Church ၃။ ထပ်ဒွန်းနှစ်ခြင်းဘုရားကျောင်း ၊ That Dun Memorial Baptist Church တို့ထိခိုက်ပျက်စီးသွားခဲ့ပါတယ်။  ဒါ့အပြင် မတူပီမြို့တွင်းကနေအိမ်အချို့လည်းထိခိုက်ပျက်စီးခဲ့ကြောင်းသိရပါတယ်။

 

========================

 

📌📌 2. မတူပီမြို့နယ်တွင် ၊ ချင်းညီနောင်မဟာမိတ််တပ်ဖွဲ့ ရက္ခိုင့်တပ်တော် နှင့် ချင်းလဲန်းကောင်စီတပ်ဖွဲ့တို့ တိုက်ပွဲဖြစ်ပွား ၊ ပြည်သူ(၂)ဦးဖမ်းဆီးခံရပြီး ၊ (၁)ဦးမိုင်းနင်းမိ၍ လက်ဒဏ္ရာရ

 

The Matupi Times ၊ ဇူလိုင်၊ ၆၊ ၂၀၂၄

ချင်းပြည်နယ်၊ မတူပီမြို့နယ်တွင် CDF-matupi တပ်မဟာ(၁)ပါဝင်သော ချင်းညီနောင် မဟာမိတ်တပ်ဖွဲ့၊ ရက္ခိုင့်တပ်တော် AA နဲ့ ချင်းလဲန်းကောင်စီတပ်ဖွဲ့ဝင်များဖြစ်သည့် CDF-Matupi တပ်မဟာ (၂) နှင့် CNA/CNF ပူးပေါင်းတပ်တို့အကြား ယမန်နေ့ဇူလိုင်လ ၅ ရက်နေ့မှ  ၆ ရက်နေ့ မနက်ပိုင်းအထိ တိုက်ပွဲဖြစ်ပွားခဲ့ကြောင်းသိရပါတယ္။

 

မတူပီမြို့နယ် Valangte ကျေးရွာနှင့် Lesin ကျေးရွာကြားတွင် တိုက်ပွဲ ဖြစ်ပွားခဲ့ကြောင်း CDF-Matupi တပ်မဟာ ၂ ပြောရေးဆိုခွင့်ရှိသူ နိုင်ဂျွန်ကိမ်းက Matupi Times ကို ပြောပါတယ်။

"မနက်ထိ ရက္ခိုင့်တပ်တော်(AA)နဲ့ ကျနော်တို့တိုက်ပွဲဖြစ်တယ္။ တိုက်ပွဲအတွင်းမှာသူတို့ ဖက်ကထိခိုက်ဒဏ်ရာရရှိ သူတွေရှိတယ္။ ကျွန်တော်တို့ဘက်ကတော့ ထိခိုက်ဒဏ်ရာရရှိသူမရှိပါဘူး။ မတူပီ-ပလက်ဝလမ်းကြော ကရွာတိုင်းမှာ သူတို့တပ်စွဲထားတာ။ ရွာထဲက ပစ္စည်းတွေလည်းသူတို့ခိုးယူတယ်။ တချို့အိမ်ဆိုဘာမှမကျန်တော့ဘူးလို့။" လို့ CDF-Matupi တပ်မဟာ ၂ ပြောရေးဆိုခွင့်ရှိသူ နိုင်ဂျွန်ကိမ်းကပြောပါတယ္။

 

နံနက်(၁၁း၀၀)နာရီခန့်တွင် တိုက်ပွဲဖြစ်ပွားသည့် ကျေးရွာအနီး Kola ကျေးရွာမှပြည်သူနှစ်ဦးကို ချင်းညီနောင်မဟာမိတ်တပ်ဖွဲ့၊ရက္ခုိင့်တပ်တော်AA မှဖမ်းဆီးသွားသလို ပြည်သူတစ်ဦးသည်လည်း ၎င်းတို့ထောင်ထားသောနင်းမိုင်းနင်းမိဒါကြောင့်လက်တွင်ဒဏ်ရာရရိထား ကြောင်း သိရပါတယ္။

 

မတူပီ-ပလက်ဝလမ်းပေါ် ကျေးရွာများတွင် ရက္ခိုင့်တပ်တော်(AA)မှတပ်ဆွဲထားသောကြောင့်အဆိုပါ ကျေးရွာများမှ ပြည်သူများသည် တောထဲသို့ စစ်ဘေးရှောင်နေကြရတယ်လိုိ့သိရပါတယ္။

ချင်းပြည်နယ်တောင်ပိုင်းတွင် အကြီးဆုံးစစ်ဗျူဟာအခြေစိုက်ရာ မတူပီမြို့ကို ချင်းညီနောင်အဖွဲ့နဲ့ မဟာမိတ် အာရက္ခတပ်တော် AA ၊ Yaw Army၊ Yaw Defense Force ပူးပေါင်းအဖွဲ့က ပြီးခဲ့တဲ့ဇွန်လ ၂၉ ရက်နေ့မှာ အပြီးသတ်သိမ်း ပိုက်ခဲ့တာဖြစ်ပါတယ်။

 

========================

 

📌📌 3. ချင်းဖိုက်တာ Joshua Van ဇူလိုင် ၁၃ ရက်နေ့တွင်ထိုးသတ်မည်

 

The Matupi Times ဇူလိုင်၊၃၊၂၀၂၄

UFC ချင်းဖိုက်တာ Joshua Van ဟာ လာမယ့် ဇူလိုင်လ ၁၃ ရက်နေ့၌အမေရိကန်ဖိုက်တာနဲ့ယှဉ်ပြိုင်ထိုးသတ်သွားမည်ဖြစ်ကြောင်း သိရပါတယ္။

Joshua Van ဟာ ပြိုင်ဘက်ကစားသမားပြောင်းလဲမှုများကြောင့်(၂)ပွဲဆက်တိုက် ပွဲပျက်ခဲ့ရလို ပြီးခဲ့တဲ့လ ဇွန်လ ၁၅ ရက်နေ့မှာကျင်းပခဲ့တဲ့ UFC ပြိုင်ပွဲကိုလည်း ပြိုင်ဖက်ရုရှားဖိုက်တာရဲ့ဝိတ်ပိုမှုကြောင့်ပွဲထပ်မံပျက်ပြယ်သွားခဲ့ပါတယ္။

လာမယ့် ဇူလိုင်လ(၁၃) ရက်နေ့မှာကျင်းပမယ့် UFC Fight Night မှာတော့ Joshua Van ဟာအမေရိကန်နိုင်ငံသား Charles Johnson နဲ့ယှဉ်ပြိုင်ထိုးသတ်သွားမည် ဖြစ်ကြောင်းသိရပါတယ္။

========================

 

📌📌 4. မတူပီမြို့သိမ်းတိုက်ပွဲတွင် နိုင်ငံရေးအကျဉ်းသား(၁၃)ဦး ထွက်ပြေးလွတ်မြောက်လာ

 

The Matupi Times ၊ ဇူလိုင်၊ ၄၊ ၂၀၂၄

အကြမ်းဖက်စစ်ကောင်စီက ဖမ်းဆီးထိန်းသိမ်းထားသော မတူပီမြို့စစ်ကောင်စီတပ်စခန်းတွင်ဖမ်းဆီးထိန်းသိမ်းထားသော နိုင်ငံရေးအကျဉ်းသား(၁၃)ဦးသည် မတူပီမြို့သိမ်းတိုက်ပွဲအတွင်းတွင် ထွက်ပြေးလွတ်မြောက်လာခဲ့ကြောင်း သိရပါတယ္။

ပြီးခဲ့တဲ့ရက်ပိုင်းက ချင်းညီနောင်အဖွဲ့ကသိမ်းပိုက်လိုက်တဲ့ မတူပီမြို့သိမ်းတို်က်ပွဲအတွင်းတွင် စကစက ၎င်းတို့ကို စစ်ကြောင်းများတွင် ကြားညှပ်ထည့်ကာ စကစ ဒဏ်ရာရ ရဲဘော်များသယ်ဆောင်ရန် အတင်းအဓမ္မ ခိုင်းစေအသုံးပြုခဲ့တယ်လို့သိရပါတယ္။

"သူတို့ကို တိုက်ပွဲဖြစ်ပွားတဲ့အချိန် စစ်ကြောင်းကြားမှာ ကြားညှပ်ပြီးတော့လူနာသယ်ခိုင်းကြတယ်။ နှစ်ဖက်တိုက်ပွဲပြင်းထန် ဖြစ်ပွားတဲ့အချိန် သူတို့ထွက်ပြေးလွတ်မြောက်လာကြတာပါ။ သူတို့အားလုံးကိုကောင်းမွန်စွာ စောင့်ရှောက်ပေးထားပါတယ္။ ကျန်ရှိနေသေးတဲ့သူတွေကိုလည်းဆက်လက်ရှာဖွေနေဆဲပါ။ " ဟု CDF-Matupi တပ်မဟာ(၁)တာဝန်ရှိသူတစ်ဦးက Matupi Times ကိုပြောပါတယ္။

ထွက်ပြေးလွတ်မြောက်လာသူ(၁၃)ဦးထဲတွင် ထောင်ဒဏ်တသက်တကျွန်း ချမှတ်ခံခဲ့ရသည့် ဆလိုင်း မိန်ထဲန် နှင့် ကျော်ထန်လျန်အောင်တို့ သည်လည်း ထွက်ပြေးလွတ်မြောက်လာခဲ့ကြောင်းသိရပါတယ်။

 

========================

 

📌📌 5. မတူပီမြို့သိမ်းတိုက်ပွဲတွင် MDF တပ်ဖွဲ့၀င် ရဲဘော်(၃)ဦး မြင့်မြတ်စွာကျဆုံး

 

The Matupi Times ၊ဇူလိုင်၊ ၅၊၂၀၂၄

ချင်းညီနောင်မဟာမိတ်ပူးပေါင်းအဖွဲ့မှ ဖော်ဆောင်ခဲ့သော မတူပီမြို့သိမ်းတိုက်ပွဲအတွင်းတွင် မရာလဲန်းကာကွယ်ရေးတပ်(Maraland Defense Force-MDF)ဖွဲ့ဝင် (၃)ဦးမြင့်မြတ်စွာ အသက်ပေးလှူသွားကြကြောင်းသိရပါတယ်။

မတူပီမြို့သိမ်းတိုက်ပွဲတွင် စစ်အာဏာရှင်လက်အောက်မှလွတ်မြောက်၍ ဖက်ဒရယ်ဒီမိုကရေစီရရှိရေးအတွက် တိုက်ပွဲ၀င်ရင်းအသက်ပေးဆပ်ခဲ့ကြသည့် မရာလဲန်းကာကွယ်ရေးတပ်ဖွဲ့ဝင် ရဲဘော်အယ်လိုက်ဇာ(၁၈)နှစ်၊ ယေရုစလင်(၂၅နှစ်)၊ ဆီးထား (၁၉နှစ်) တို့အပေါ် ကျန်ရစ်သူရဲဘော်များ မိသားစုများနှင့်ထပ်တူ မရာနယ်မြေအုပ်ချုပ်ရေးကောင်စီ/မရာလဲန်းကာကွယ်ရေးတပ်ဖွဲ့ မှ ဝမ်းနည်းစွာဖြင့် မှတ်တမ်းတင် ဂုဏ်ပြုပါကြောင်း မရာလဲန်းကာကွယ်ရေးတပ်က ဖော်ပြထားပါတယ်။

 

========================

 

📌📌 6. နိုင်ငံကျော်အဆိုတော် David Lai ချစ်သူကောင်မလေးနဲ့လက်ထပ်ပြီ

 

The Matupi Times  ၊ ၇ ၊ ဇူလိုင် ၊ ၂၀၂၄

နိုင်ငံကျော်အဆိုတော် David လိုင်ဟာ ယမန်နေ့ ဇူလိုင်လ ၆ ရက်နေ့မှာ သူ့ချစ်သူကောင်မလေးနဲ့ မင်္ဂလာဆောင်ပွဲ ကိုထိုင်းနိုင်ငံ ဘန်ကောက်မြို့မှာကျင်းပပါတယ်။

 

အဆိုတော် David Lai လို့လူသိများတဲ့ David Lai Thawng Za Thang ဟာ  ချစ်သူကောင်မလေး Rose Duh Thluai Par နဲ့ ထိုင်းနိုင်ငံ မှာ ခရစ်ယာန်ထုံးတမ်း အစဉ်အလာအတိုင်း ထိမ်မြှားလက်ထပ်ခဲ့ကြတာဖြစ်ပါတယ်။

David Lai ဟာ ၂၀၁၆ ခုနှစ် ဇန်နဝါရီလ မှာ ကျင်းပခဲ့တဲ့ အိပ်မက်ဆုံရာ Season 2 သီချင်းဆိုပြိုင်ပွဲတွင် ပရိသတ်အားပေးမှုများဖြင့် Winner ဆုရရှိခဲ့သူဖြစ်ပါတယ်။

 

ဒါ့အပြင်စစ်ကောင်စီအာဏာသိမ်းယူပြီးနောက် နွေဦးတော်လှန်ရေး ရန်ပုံငွေရှာဖွေရေးတွင်အားဖြည့်ရန်အတွက် ချင်းအဆိုတော် Benjamin Sum,P thawng Bawi,David Lai တို့နဲ့ ဖွဲ့ထားတဲ့ Guys From Chin အဖွဲ့ဝင်တစ်ဦးလည်းဖြစ်ပါတယ်။ မင်္ဂလာအခမ်းအနားသို့ Guys From Chin အဖွဲ့ဝင် P thawng Bawi လည်းတက်ရောက် ဂုဏ်ပြုပေးခဲ့ပါတယ်။

#RadioNUGLocalNews

#SpringRevolution