22 JUL 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇူလိုင်လ ( ၂၂ ) ရက်နေ့ ရပြည်တွင်းသတင်းများ

📌📌 ၁. မတူပီစစ်ဘေးရှောင်တစ်ဦး ဆေးဝါးမလုံလောက်မှုကြောင့်ကွယ်လွန်

 

The Matupi Times ၊ ဇူလိုင် ၁၅၊ ၂၀၂၄

ချင်းပြည်နယ် တောင်ပိုင်း၊ မတူပီမြို့နယ်တွင်းရှိ စစ်ဘေးရှောင်စခန်းတစ်ခုတွင်နေထိုင်သည့် ဒေသခံပြည်သူတစ်ဦးသည် ဇူလိုင် ၁၄ ရက်နေ့ည ၇ နာရီဝန်းကျင်၌ ကွယ်လွန်သွားကြောင်း သိရပါသည်။

ကွယ်လွန်သူသည် မတူပီမြို့အရှေ့လောင်ဗန်းရပ်ကွက်တွင်နေထိုင်သူ ဦး ပါဆန်း ( U Pa Sang) ဆိုသူဖြစ်ပြီး ရောဂါအခံရှိသူဖြစ်ကာ မြို့သိမ်းတိုက်ပွဲကြောင့် လေဆင်းရွာတွင် စစ်ရှောင်ရင်းဆေးကုသမှုခံယူနေသူဖြစ်ကြောင်းသိရပါတယ္။ ဆေးကုသမှုခံယူရာတွင် လိုအပ်သော ဆေးဝါးမရှိခြင်းနှင့် လိုအပ်သော ဆေးကုသမှုအချိန်မီမရနိုင်ခြင်းကြောင့် ဆုံးပါးသွားခြင်းဖြစ်ကြောင်းသိရပါတယ္။

“ သူကကျန်းမားရေးသိပ်မကောင်းဘူ ။ ကျောက်ကပ်နဲ့ အစာအိမ်ရောဂါအခံရှိတယ်လို့သိရတယ်။ ဌက်ဖျား၊ တုပ်ကွေးစတဲ့ရောဂါတွေအတွက်လိုအပ်တဲ့ဆေးတွေတော့ရှိပေမယ့် ၊ ဒီလိုရောဂါမျိုးတွေအတွက်တော့ဆေးဝါးမရှိဘူး။ သူ့ကိုလည်းမီဇိုရမ်ဘက် သွားကုဖို့ အစီအစဉ်ရှိတယ်လို့ကြားတယ်၊ ဒါပေမဲ့တိုက်ပွဲကြောင့် လမ်းပိတ်တာတွေ၊ မိုးများလို့မြေပြိုတာတွေကြောင့် သွားရလာရအလွန်ခက်ခဲတဲ့အခြေအနေပါ။ ဒီလိုမျိုးတွေ မကြုံတွေ့ရဖို့ သက်ဆိုင်ရာတာဝန်ရှိသူတွေအနေနဲ့ သွားလာခွင့်လမ်းဖွင့်ပေးဖို့လိုပါတယ်။ " ဟု မတူပီမြို့နယ် စစ်ရှောင်တွေိကို ကူညီပေးနေတဲ့ တာဝန်ရှိသူတစ်ဦးက Matupi Times ပြောပါတယ္။

မတူပီမြို့နယ်အတွင်းတွင်းရှိစစ်ရှောင်စခန်းများတွင် စစ်ရှောင်သူဦးရေ( ၃၀၀၀ ကျော်) ရှိပြီး ၊ တော်လှန်ရေးတပ်ဖွဲ့အချို့မှ စစ်ရေးအရ မတူပီမြို့နယ်၊အချို့ဒေသများသို့ သွားလာခွင့်ပိတ်ပင်ထားခြင်းကြောင့် စစ်ဘေးရှောင်များ အရေးပေါ် သွားလာခြင်း၊ စားနပ်ရိက္ခာနှင့် ဆေးဝါးများ အချိန်မီဝယ်ယူ၊သယ်ဆောင်နိုင်ခြင်းမရှိတာတွေကြောင့် အခက်ကြုံတွေ့နေရ ကြောင်း သိရပါတယ်။

 

========================

 

📌📌 ၂. ဖလမ်းမြို့ကဒုတပ်ကြပ်တစ်ဦး လက်နက်နှင့်အတူ CNO/CNDF ထံအလင်းဝင်

 

The Matupi Times ၊ ဇူလိုင်လ ၁၇ ၊ ၂၀၂၄

ချင်းပြည်နယ်၊ ဖလမ်းမြို့ ခလရ(၂၆၈) တပ်ရင်းမှ ဒုတပ်ကြပ် မိုးဇက်သည် ပြီးခဲ့တဲ့ ဇူလိုင်လ ၃ ၊ ၂၀၂၄ ရက်နေ့က CNO/CNDF ထံ လက်နက်နှင့်အတူအလင်းဝင်ရောက်လာ ခဲ့ကြောင်းသိရပါတယ္။

အဆိုပါ အလင်းဝင်ရောက်လာသူ ဒုတပ်ကြပ် မိုးဇက် သည် ၎င်းနှင့်အတူ MA-4 (၁) လက်၊ ကျည်ဘောက် (၄)ခု၊ ကျည်ဆံ (၁၂၀)တောင့် နှင့် 40 MM ဗုံးသီး (၁၄)လုံးကို ယူဆောင်လာခဲ့ကာ CNO/CNDF မှ ဆုကြေးငွေ သိန်း (၈၀)ချီးမြှင့်ခဲ့ပြီး လွတ်မြောက်နယ်မြေသို့ ပို့ဆောင်ပေးပြီးဖြစ်ကြောင်း (CNO/CNDF )သတင်းပြန်ကြားရေးနှင့် ပြည်သူ့ဆက်ဆံရေးဌာနကသတင်းထုတ်ပြန်ပါတယ္။

 

 

 

========================

 

📌📌 ၃. နိုင်ငံကျော်တေးသံရှင် စိုင်းဆိုင်မောဝ် ကွယ်လွန်

 

The Matupi Times ၊ ဇူလိုင် ၁၇ ၊ ၂၀၂၄

နိုင်ငံကျော်‌ေတးသံရွင္ စိုင္းဆိုင္ေမာဝ္(အသက္ ၇၆ ႏွစ္) ဟာ ဒီေန႔ ဇူလိုင္လ(၁၇)ရက္ ညပိုင္း {၇}နာရီေက်ာ္က ကွယ်လွန်သွားပြီဖြစ်ကြောင်းသိရပါတယ္။ စိုင္းဆိုင္ေမာဝ္ဟာ အင်းစိန်မြိုနယ် ကောင်း အထူးကုဆေးရုံမှာ ၉၆ ပါးသော ရောဂါနဲ့ ကွယ်လွန်ခဲ့တာဖြစ်တယ်လို့ ကြားသိရပါတယ်။

နိုင်ငံကျော်အဆိုတော် စိုင္းဆိုင္ေမာဝ္ဟာ ၂၀၁၆ ခုနှစ်၌ ချင်းပြည်နယ်၊ မတူပီမြို့တွင် ကျင်းပပြုလုပ်ခဲ့တဲ့ (၆၈)နှစ်မြောက်ချင်းအမျိုးသားနေ့အခမ်းအနားမှာ လာရောက်ဖျော်ဖြေပေးခဲ့ပါတယ္။

 

========================

 

📌📌 ၄. ချင်းညီီနောင်မဟာမိတ်အဖွဲ့မှ စကစမိသားစုဝင် ၁၀၀ ကျော်နှင့် အသက်မပြည့်သေးသည့် ကလေးငယ် ၃၀ ဦး ကယ်ဆယ်ထိန်းသိမ်းထား

 

The Matupi Times ၊ ဇူလိုင် ၂၀ ၊ ၂၀၂၄

ချင်းညီနောင်နှင့် မဟာမိတ် တပ်ဖွဲ့ဝင်များမှ (Operation CB) မတူပီမြို့သိမ်းတိုက်တွင် စစ်ကောင်စီ နှင့် မိသားစုဝင် ၁၀၀ ကျော်ကို စစ်သုံ့ပန်းအဖြစ် ကယ်ဆယ်ထိန်းသိမ်းထားသည့်အပြင် အသက်မပြည့်သေးသည့် ကလေးငယ် ၃၀ ဦးကိုလည်း ချင်းညီနောင် ဖက်မှ ကျွေးမွေး ပြုစုထားတယ်လို့ ချင်းညီနောင်အဖွဲ့က သတင်းထုတ်ပြန်လာပါတယ္။

အောက်ဖော်ပြပါရုပ်သံဖိုင်ထဲမှာ ကယ်ဆယ်ထိန်းသိမ်းကာစောင့်ရှောက်ထားသည့် အသက်မပြည့်သေးသည့် ကလေးငယ် ၃၀ ဦးထဲက ကလေးအချို့ရဲ့ပြောဆိုချက်တွေဖြစ်ပါတယ္။

ချင်းညီနောင်အဖဲြ့က ထိန်းသိ်မ်းစောင့်ရှောက်ထားသည့် ကလေးငယ်များထဲတွင် တောထဲသို့ ထွက်ပြေးရင်း လမ်းခရီးတွင် ခရီးလမ်း ကြမ်းတမ်းမှု၊ မိုးဒဏ် လေဒဏ်၊ အစာငတ်ဒဏ် ခံစားခဲ့ကြရပြီး မိသားစုဝင်အားလုံး ဆုံးရှုံးခဲ့ရသော ကလေးငယ်များလည်ပါဝင်နေတယ်လို့သိရပါတယ္။

အများစုသည် ခြေလက် သဲ‌ဝဲစား မှကို ချင်းညီနောင် နှင့် မဟာမိတ် ‌တပ်‌ဆေးရဲဘော်/ရဲမေ များက ဆေးဝါးကုသပေးနေဆဲဖြစ်တယ္လို့ထုတ်ပြန်ချက်အရ သိရပါတယ္။

 

========================

 

📌📌 ၅. ဟားခါးမြို့မရဲစခန်းကို CDF-Hakha က၀င်ရောက်စီးနင်း ၊ အကျဉ်းသား(၆၂)ဦးကယ်ထုတ်နိုင်ခဲ့ ၊ လက်နက်ခဲယမ်းများသိမ်းဆည်းရရှိဟုဆို

 

The Matupi Times ၊ ဇူလိုင်လ ၂၀ ၊ ၂၀၂၄

ချင်းပြည်နယ်၊ ဟားခါးမြို့မရဲစခန်းကို ဒီကနေ့မနက် ဇူလိုင်လ ၂၀ရက်၊ နံနက် ၅ နာရီခွဲခန့်တွင် Operation Rung အမည်ဖြင့် ၀င်ရောက်စီးနင်းတိုက်ခိုက်ခဲ့ပြီး၊ လက်နက်ခဲယမ်းများလည်း သိမ်းဆည်းရရှိခဲ့ကြောင်း Chinland Defense Force - Hakha က တရားဝင်သတင်း ထုတ်ပြန်ပါတယ္။

ရဲစခန်းကိုသိမ်းပိုက်စဉ် အကျဥ်းသား ၆၂ ဦး (ယောက်ျား ၄၉ယောက် နှင့် မိန်းကလေး ၁၃ယောက်) တို့ကိုလည်း ကယ်ထုတ်နိုင်ခဲ့တယ်လို့ဆိုပါတယ္။ တိုက်ပွဲတွင် စစ်ကောင်စီလက်အောက်ခံ ရဲတပ်ဖွဲ့၀င် ၄ ဦး သေဆုံးပြီး အများအပြား ဒဏ်ရာ ရခဲ့ တယ်လို့ ထုတ်ပြန်ချက်မှာဖော်ပြပါတယ်။

CDF-Hakha အနေဖြင့် အာဏာရှင်စနစ်အမြစ်ပြတ်ချေမှုန်းရေး ‌‌နှင့် ဖက်ဒရယ်ဒီမိုကရေစီ ပြည်ထောင်စုပေါ်ပေါက်ရေးအတွက် ဆုံးခန်းတိုင်အောင် ဆက်လက် တိုက်ပွဲဖော်ဆောင်သွားမည်ဖြစ်သည့်အတွက် ပြည်လူထုမှ ပူးပေါင်းပါဝင်ဆောင်ရွက်‌‌ပေးကြဖို့ မေတ္တာရပ်ခံထားပါတယ္။

 

========================

 

📌📌 ၆. စပိန်အသင်း နှင့် အာဂျင်တီးနားအသင်းတို့ ချန်ပီဆုအသီးသီးဆွတ်ခူး

 

ပြီးခဲ့တဲ့ ဇူလိုင်လ ၁၄ ရက်နေ့က ယှဉ်ပြိုင်ကစားကြတဲ့ ကိုပါအမေရိက နှင့် Euro ၂၀၂၄ ချန်ပီယံလုပွဲစဉ်များတွင် ကိုပါအမေရိကဖလားကို အာဂျင်းတီးနားနှင့် Euro ၂၀၂၄ ဖလားကို စပိန်အသင်းတို့က ရရှိသွားခဲ့ကြပါတယ်။

Copa America Final ပွဲစဉ်မှာ အာဂျင်တီးနားအသင်းဟာ လော်တာရို မာတီနက်ဇ်ရဲ့ အချိန်ပိုသွင်းဂိုးနဲ့ ကိုလံဘီယာအသင်းကို အနိုင်ယူပြီး ၂၀၂၄ ကိုပါအမေရိက ချန်ပီယံ ဖြစ်လာခဲ့တာပါ။

(၂)ကြိမ်ဆက် ကိုပါအမေရိက ချန်ပီယံဖြစ်တဲ့ အာဂျင်တီးနားဟာ ကိုပါအမေရိကဖလားကို (၁၆)ကြိမ်အထိ ပိုင်ဆိုင်နိုင်ခဲ့တာကြောင့် ပြိုင်ပွဲသမိုင်းတစ်လျှောက် အအောင်မြင်ဆုံး အသင်း ဖြစ်လာပါတယ်။

ယူရို ၂၀၂၄ နောက်ဆုံး ဗိုလ်လုပွဲအဖြစ် တနင်္ဂနွေနေ့ညက စပိန်နဲ့ အင်္ဂလန်အသင်းတို့ ယှဉ်ပြိုင်ကစားကြတာမှာ စပိန်အသင်းက ၂ ဂိုး ၁ ဂိုးနဲ့အနိုင်ရသွားပါတယ်။ စပိန်အသင်းဟာ အခုနှစ်ပြိုင်ပွဲမှာ ၄ ကြိမ်မြောက် ချန်ပီယံဆုဖလားကို ရရှိခဲ့တာဖြစ်ပြီး ယူရိုပြိုင်ပွဲရဲ့ ဆုဖလားအများဆုံးအသင်းအဖြစ်လည်း မှတ်တမ်းတင်နိုင်ခဲ့ပါတယ်။

#RadioNUGLocalNews

#SpringRevolution