29 JUL 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇူလိုင်လ ( ၂၉ ) ရက်နေ့ ရပြည်တွင်းသတင်းများ

📌📌 ၁. မတူပီမြို့နယ်၊ ဝေတူးကျေးရွာမှာစစ်ရှောင်ပြည်သူများကို CDF-Matupi တပ်မဟာ(၁)က စားနပ်ရိက္ခာများထောက်ပံ့ပေးအပ်

 

The Matupi Times ၊ ဇူလိုင် ၂၄ ၊ ၂၀၂၄

မတူပီမြို့နယ်၊ ဝေတူးကျေးရွာက စစ်ဘေးသင့်ပြည်သူများအား အခြေခံစားနပ်ရိက္ခာ ထောက်ပံ့ပေးအပ်ခဲ့တယ်လို့ ချင်းပြည်ကာကွယ်ရေးတပ်ဖွဲ့ - မတူပီ (တပ်မဟာ-၁) မှ ရုပ်သံဖိုင်ထုတ်ပြန်လာပါတယ္။

 

မတူပီမြို့သိမ်းတိုက်ပွဲအတွင်း မတူပီမြို့အရှေ့ဖက်ရှိ ဝေတူးကျေးရွာဘက်သို့ ထွက်ပြေးသွားကြသည့် စစ်ကောင်စီတပ်ဖွဲ့အချို့ကို ချင်းညီနောင်မဟာမိတ်ပူးပေါင်းအဖွဲ့ကလိုက်လံရှင်းရာ ကျေးရွာအနီးတွင် တိုက်ပွဲဖြစ်ပွားခဲ့တာကြောင့် ကျေးရွာမှဒေသခံပြည်သူများသည်စစ်ဘေးတိမ်းရှောင်ခဲ့ကြရတယ်လို့သိရပါတယ္။

 

ကျေးရွာ အနီးတိုက်ပွဲပြင်းထန်သည့် ကာလအတွင်း ချင်းညီနောင် နှင့် မဟာမိတ် တပ်များမှ ကျေးရွာနေပြည်သူများအား ကိုယ်စီတပ် ရိက္ခာ ဆန်ဗူးများ မျှဝေ ပေးခဲ့တယ်လို့ CDF-Matupi တပ်မဟာ(၁)ရဲ့ထုတ်ပြန်ချက်အရသိရပါတယ္။

ဝေတူးကျေးရွာဟာ လမ်းပန်းဆက်သွယ်ရေး ခက်ခဲသည့် ကျေးရွာဖြစ်ပြီး မတူပီစစ်ဆင်ရေးအတွင်း စားနပ်ရိက္ခာ ပြတ်လတ်မှုကြုံတွေ့ကြရတယ္လို့ဆိုပါတယ်။

 

တပ်မဟာ (၁) အနေဖြင့် ပထမ အသုတ်အဖြစ် ကူညီထောက်ပံ့ခြင်း ဖြစ်ပြီး နောက်ထပ် ကူညီထောက်ပံ့နိုင်ရန် အုပ်ချုပ်ရေး၊ စစ်‌ဘေးရှောင်ကူညီရေးအသင်းများနှင့် ဆက်လက်ဆောင်ရွက်လျက်ရှိတယ်လို့သိရပါတယ္။

 

========================

 

📌📌 ၂. Melbourne မြို့တွင် မတူရိုရားလိုဆာ့ခ်ခိုတူးပွဲကျင်းပ

 

The Matupi Times ၊ ဇူလိုင် ၂၄ ၊ ၂၀၂၄

Australia နိုင်ငံ ၊ Melbourne မြို့တွင် မတူရိုရားလိုဆာ့ခ်ခိုတူးပွဲ( Losak Khotue) ကို ပြီးခဲ့တဲ့ဇူလိုင်လ ၂၀ ၊၂၀၂၄ ရက်နေ့က ကျင်းပပြုလုပ်ခဲ့တယ္လို့သိရပါတယ္။ အဆိုပါပွဲတွင် မတူရိုးရာအကလှများ ၊ ဖက်ရှင်ရှိုးပွဲများပါဝင်ပြီး ၊ မတူလူငယ္အဆိုရှင်တွေဖြစ်တဲ့ MT.James နဲ့ MT. Nang တို့က တေးသီချင်းများဖြင့်ပါဝင်ဖျော်ဖြေပေးခဲ့ကြတယ်လို့သိရပါတယ္။

 

========================

 

📌📌 ၃. ဟားခါး-ထန်တလန်ကြား စစ်စခန်း(၃)ခုကို ချင်းပြည်အစိုးရပူးပေါင်းတပ်ဖွဲ့က သိမ်းပိုက်ဟုဆို

The Matupi Times ၊ ဇူလိုင် ၂၂ ၊ ၂၀၂၄

ချင်းပြည်နယ်မြို့တော် ဟားခါးမြို့နှင့် ထန်တလန်မြို့ကြားက စစ်ကောင်စီတပ်စခန်း(၃)ခုကို ချင်းပြည်အစိုးရ ပူးပေါင်းတပ်ဖွဲ့ကသိမ်းပိုက်နိုင်ခဲ့ကြောင်း ခေါနုသုမ်သတင်းထံကသိရပါတယ္။

 

စစ်ကောင်စီတပ်စခန်းများကို ချင်းပြည်အစိုးရ ပူးပေါင်းတပ်က ဇူလိုင်လ ၂၂ ရက်နေ့မှစတင်ထိုးစစ်ဆင်တိုက်ခိုက်ခဲ့ရာ စစ်စခန်း ၃ ခုကို အပြီးသတ် သိမ်းပိုက်နိုင်ခဲ့ပြီး ကျန်ရှိနေသေးတဲ့စစ်စခန်း ၁ ခုကို ဆက်လက် တိုက်ခိုက် နေဆဲ ဖြစ်ကြောင်း ချင်းအမျိုးသားတပ်ဦး CNF/CNA ပြောရေး ဆိုခွင့်ရှိသူ ဆလိုင်းထက်နီက ခေါနုသုမ်သတင်းကို ပြောဆိုခဲ့တာပါ။

 

အဆိုပါစစ်ဆင်ရေးကို ဟားခါးမြို့စစ်ကောင်စီတပ်နှင့် ထန်တလန်မြို့က စစ်ကောင်စီတပ်များအကြား မချိတ်ဆက်နိုင်စေရန် ဖြတ်တောက်ပစ်နိုင်ရန်အတွက်တိုက်ခိုက်ရခြင်းဖြစ်တယ်လို့ဆိုပါတယ္။ တိုက်ပွဲအတွင်းမှာ ဟားခါးမြို့ဘက်က လက်နက်ကြီးများဖြင့် ပစ်ကူပေးနေကြောင်းသိရပါတယ္။

 

========================

 

📌📌 ၄. ကန်ပက်လက်မြို့မရဲစခန်းမှ ရဲတပ်ကြပ််တစ်ဦး CDF-Kanpetlet ထံ လက်နက်နဲ့အတူအလင်းဝင်

 

The Matupi Times ၊ ဇူလိုင် ၂၂ ၊ ၂၀၂၄

ချင်းပြည်နယ်၊ ကန်ပက်လက်မြို့မရဲစခန်း၌ တာဝန်ထမ်းဆောင်နေသော ရဲတပ်ကြပ် ဦးကွီးလိန်းသည် ပြီးခဲ့တဲ့ ဇူလိုင်လ ၁၈ ရက်နေ့တွင် CDF-Kanpetletထံသို့အလင်းဝင်ရောက်လာကြောင်းသိရပါတယ္။

ရဲဒုတပ်ကြပ်ဦးကွီးလိန်းသည် ၎င်းနဲ့အတူ BA. 63 (၁)လက် ၊ ကျည် ၃၀တောင်.၊ ကျည်ဘောက် (၂)ခု နှင့် ဆက်သွယ်ရေးစက် (၁)လုံး တို့နှင့်အတူ CDF-Kanpetletထံသို့အလင်းဝင်ရောက်လာခဲ့တာဖြစ်ပြီး ၊ ကန်ပက်လက်မြို့အတွင်းရှိ စစ်ကောင်တပ်သား၊ ရဲသားများအနေဖြင့် CDF-Kanpetlet ထံသို့ ယုံကြည်စွာ ဆက်သွယ် အလင်းဝင်နိုင်ကြောင်း ထုတ်ပြန်ထားပါတယ္။

 

========================

 

📌📌 ၅. မတူပီမြို့နယ် ပြည်သူ့အုပ်ချုပ်ရေးအဖွဲ့စတင်ဖွဲ့စည်းကြောင်း သတင်းထုတ််ပြန်

 

The Matupi Times ၊ ဇူလိုင် ၂၇ ၊ ၂၀၂၄

မတူပီမြို့နယ်တွင် ပြည်သူ့အုပ်ချုပ်ရေးလုပ်ငန်းများစတင်ဖော်ဆောင်ရန်အတွက် မတူပီမြို့နယ်ပြည်သူ့အုပ်ချုပ်ရေးအဖွဲ့ကို စတင်ဖွဲ့စည်းလိုက်တယ်လို့ ဒီကနေ့ဇူလိုင် ၂၇ ၊ ၂၀၂၄ ရက်နေ့မှာသတင်းထုတ်ပြန်ပါတယ္။

 

၂၀၂၂ ခုနှစ် ၊ အောက်တိုဘာလ(၅-၆)ရက်နေ့တွင် စတင်ဖွဲ့စည်းခဲ့ပြီး ၂၀၂၃ ခုနှစ်အောက်တိုဘာလ(၅-၆)ရက်နေ့တွင် သက်တမ်းကုန်ဆုံးပြီးဖြစ်တာကြောင့် ပြည်သူလူထုအတွက်လိုအပ်သော အုပ်ချုပ်ရေးပိုင်းဆိုင်ရာ လုပ်ငန်းများဆက်လက်အကောင်ထည်ဖော်ဆောင်ရွက်နိုင်ရန် ၂၀၂၄ ခုနှစ် ၊ ဇူလိုင်လ ၂၀ ရက်နေ့တွင် မတူပီမြို့နယ်ပြည်သူ့အုပ်ချုပ်ရေးအဖွဲ့ကို ပြန်လည်ဖွဲ့စည်းခဲ့တယ်လို့ထုတ်ပြန်ပါတယ်။

 

မတူပီမြို့နယ်ပြည်သူ့အုပ်ချုပ်ရေးအစည်းအဝေးသို့ကာကွယ်ရေးနဲ့ပြည်သူ့အုပ်ချုပ်ရေးအဖွဲ့ဝင်(၄၃)ဦးတက်ရောက်နိုင်ခဲ့တယ်လို့သိရပါတယ်။

မတူပီမြို့နယ်ပြည်သူ့အုပ်ချုပ်ရေးအဖွဲ့အနေဖြင့်ရှေ့ဆက်ဆောင်ရွက်မည့်လုပ်ငန်းစဉ်များကိုလည်းမကြာမီရက်ပိုင်းအတွင်းပြန်လည် သတင်းထုတ်ပြန်ကြေငြာသွားမယ်လို့ မတူပီ(ပအဖ)တာဝန်ရှိသူတစ်ဦးက Matupi Times ကိုပြောပါတယ်။

 

မတူပီမြို့နယ်ပြည်သူ့အုပ်ချုပ်ရေးအဖွဲ့အနေဖြင့် ချင်းညီနောင်(Chin Brotherhood)နှင့် ကြားကာလချင်းအမျိုးသား အတိုင်ပင်ခံကောင်စီ(ICNCC)၏နိုင်ငံရေးလမ်းစဉ်အတိုင်း ပူးပေါင်းဆောင်ရွက်သွားမည်ဖြစ်ကြောင်းသိရသည်။

 

========================

 

📌📌 ၆. ဖလမ်းမြို့နေ ပြည်သူတချို့ မြို့သိမ်းတိုက်ပွဲသတင်းကြောင့် စတင်ရှောင်တိမ်း

 

The Matupi Times ၊ ဇူလိုင် ၂၆ ၊ ၂၀၂၄

ချင်းပြည်နယ္၊ ဖလမ်းမြို့ပေါ်က ဒေသခံပြည်သူတချို့ဟာ ဖလမ်းမြို့သိမ်းတိုက်ပွဲသတင်းတွေကြောင့် အခြားမြို့၊ကျေးရွာများသို့ စတင်ရှောင်တိမ်းနေကြပြီလို့ ဒေသခံတွေထံက သိရပါတယ္။

 

" မြို့ပေါ်ကပြည်သူအချို့တော့ ဒီလဆန်းပိုင်းကတည်းက စရှောင်နေကြပြီ ၊ ကုန်သည်တွေဆိုလည်း သူတို့ပစ္စည်းတွေကို အရင်လကတည်းက ကြိုတင်ပြောင်းရွှေ့တာတွေလုပ်နေကြတယ်။ တမြို့လုံးတိမ်းရှောင်ကြတာတော့မဟုတ်သေးဘူးပေါ့ မြို့ထဲမှာနေတဲ့သူတွေလည်းရှိနေသေးတယ္။ " ဟု ဖလမ်းဒေသခံံတစ်ဦးက Matupi Times ကိုပြောပါတယ္။

 

========================

 

📌📌 ၇. အမေရိကန် သမ္မတဘိုင်ဒန် သမ္မတရွေးကောက်ပွဲမှ နုတ်ထွက်ကြောင်း ကြေညာ

 

The Matupi Times ၊ ဇူလိုင် ၂၂ ၊ ၂၀၂၄

အမေရိကန် သမ္မတ ဘိုင်ဒန်သည် ၂၀၂၄ ခုနှစ် သမ္မတ ရွေးကောက်ပွဲမှ နုတ်ထွက်ကြောင်း ဇူလိုင်လ ၂၁ ရက်နေ့က ကြေညာလိုက်ပါတယ်။

ကျန်ရှိနေတဲ့ သက်တမ်းမှာ သမ္မတတာဝန်ကိုပဲ အာရုံစိုက်ပြီး ပြီးမြောက်အောင် ဖြည့်ဆည်းသွားနိုင်ဖို့ ပါတီနဲ့ တိုင်းပြည်ရဲ့ အကျိုးစီးပွားကို ရှေ့ရှုပြီး ဆက်မပြိုင်တော့ဖို့ ဆုံးဖြတ်လိုက်တဲ့အကြောင်း သမ္မတ Joe Biden က ကြေညာချက် ထုတ်ပြန်ပါတယ်။

သူ့ ဆုံးဖြတ်ချက်နဲ့ ပတ်သက်လို့ တိုင်းပြည်ကို ဒီသီတင်းပတ်နှောင်းပိုင်းမှာ အသေးစိတ်ပြောပြမယ်လို့သိရပါတယ်။

ပါတီကိုယ်စားပြု သမ္မတလောင်းအဖြစ် Kamala Harria ကလက်ခံ ယှဉ်ပြိုင်မှာဖြစ် ပြီး "သမ္မတ Biden ရဲ့ ထောက်ခံမှုကို ဂုဏ်ယူဝမ်းမြောက်စွာလက်ခံတဲ့အကြောင်းနဲ့ ပါတီကိုယ်စားပြု သမ္မတလောင်း အဖြစ် အဆိုပြုတာကိုလက်ခံမှာဖြစ်ကြောင်း" ဒုသမ္မတ Kamala Harris က X လူမှုကွန်ယက်မှာ ရေးသားပါတယ်။

#RadioNUGLocalNews

#SpringRevolution