05 AUG 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ သြဂုတ်လ ( ၅ ) ရက်နေ့ ရပြည်တွင်းသတင်းများ

📌📌 ၁. ထန်တလန်မြို့ ၊ Auto တောင် စခန်းသုံးခုအား Chinland Council ပူးပေါင်းတပ်ဖွဲ့မှ တိုက်ခိုက်သိမ်းပိုက် ၊ စကစတပ်ဖွဲ့ဝင် (၁၅) ဦးသေဆုံး

 

The Matupi Times ၊ဇူလိုင် ၂၈ ၊ ၂၀၂၄

ချင်းပြည်နယ်၊ ဟားခါးမြို့နှင့် ထန်တလန်မြို့ကြားရှိ စကစ၏ ထန်တလန်မြို့ရံ ရှေ့တန်းအမာခံစခန်းဖြစ်သည့် Auto တောင် စခန်းသုံးခုအား Chinland Council ပူးပေါင်းတပ်ဖွဲ့မှ ဇူလိုင် ၂၈ ရက်နေ့ မနက်ပိုင်းတွင် အပြီးသိမ်းပိုက်နိုင်ခဲ့ပြီဖြစ်ကြောင်း သိမ်းဆည်းရရှိတဲ့လက်နက်ခဲယမ်းများ ဓာတ်ပုံနဲ့အတူ သတင်းထုတ်ပြန်ပါတယ္။

 

အဆိုပါစခန်းမှာ စကစရဲ့တပ်မ ၇၇ လက်အောက်ခံ တပ်ရင်း အထိုင်ချသည့်နေရာဖြစ်ပြီး တိုက်ခိုက်သိမ်းပိုက်မှုအတွင်း လက်နက်အများအပြားသိမ်းဆည်းရမိခဲ့တယ်လို့ဆိုပါတယ္။ ဒါ့အပြင် တိုက်ပွဲအတွင်း စစ်ကောင်စီဘက်မှ (၁၅)ဦး သေဆုံးပြီး (၂) ဦး အရှင်ဖမ်းဆီးရမိကြောင်းသိရသည်။

 

Chinland Council ပူးပေါင်းတပ်ဖွဲ့များမှ ဟားခါး-ထန်တလန်ကြားရှိ စစ်ကောင်စီ၏ ရှေ့တန်းအမာခံစခန်းများအား ၂၀၂၄ခုနှစ် ဇူလိုင်လ ၂၂ ရက်နေ့မှ စတင်တိုက်ခိုက်ရာ တစ်ပတ်အတွင်း စခန်း ၆ ခု သိမ်းပိုက်ရရှိခဲ့ပြီး လက်နက်ခဲယမ်းများအပြင် သုံ့ပန်း (၃) ဦး ဖမ်းဆီးရမိကြောင်းသိရသည်။

 

========================

 

📌📌 ၂. မတူပီမြို့သိမ်းတို်က်ပွဲအတွင်း ထွက်ပြေးလွတ်မြောက်သည့် စကစတပ်ဖွဲ့ဝင်(၂၀၀)ခန့်ကို လက်နက်ခဲယမ်းများနဲ့အတူ ချင်းညီနောင်မဟာမိတ်အဖွဲ့က ထပ်မံဖမ်းဆီ္းရမိ

 

The Matupi Times ၊ ဇူလိုင် ၂၈ ၊ ၂၀၂၄

ချင်းညီနောင်မဟာမိတ်အဖွဲ့က မတူပီမြို့သိမ်းတိုက်ပွဲအတွင်း ထွက်ပြေးလွတ်မြောက်သွားသော စစ်ကောင်စီတပ်ဖွဲ့ဝင် (၁၂၀)ခန့်ကို လက်နက်ခဲယမ်းများနဲ့အတူ ထပ်မံဖမ်းဆီးရမိကြောင်း ဇူလိုင် ၂၈ ရက်နေ့မှာ သတင်းထုတ်ပြန်ပါတယ္။

 

အဆိုပါစကစတပ်ဖွဲ့ဝင် (၂၀၀)ခန့်ကို ပြီးခဲ့တဲ့ ဇူလိုင်လ (၁၇)ရက်နေ့မှာ ချင်းညီနောင်မဟာမိတ်ပူးပေါင်းအဖွဲ့က လက်နက်ခဲယမ်းများ၊ စစ်အသုံးဆောင်ပစ္စည်းများနဲ့အတူ ဖမ်းဆီးရမိခဲ့တာဖြစ်ကြောင်းသိရသည်။ ဖမ်းဆီးခံရသူများတွင် စစ်ဗျူဟာမှူးပါဝင်ပြီး စစ်ကောင်စီလက်အောက်မှာတာဝန်ထမ်းဆောင်နေတဲ့ အရပ်ဘက်ဝန်ထမ်း များလည်း ပါဝင် တယ် လို့ဆိုပါတယ္။

 

ထွက်ပြေးလွတ်မြောက်နေသည့် ကျန်စကစတပ်ဖွဲ့ဝင်များကိုလည်းလိုက်လံရှင်းလင်းလျက်ရှိကြောင်းသိရသည်။

ချင်းညီနောင်မဟာမိတ်အဖွဲ့က ဖမ်းဆီးရမိသည့် စစ်သုံ့ပန်းများကို ဆေးကုသပေးထားပြီး စစ်သုံ့ပန်းဉပဒေအညီ ကောင်းမွန်စွာထိန်းသိမ်းစောင့်ရှောက်ထားတယ်လို့ ထုတ်ပြန်ထားပါတယ္။

 

========================

 

📌📌 ၃. မတူပီမြို့နယ် ပြည်သူ့အုပ်ရေးအဖွဲ့အား လူနည်းစုမှဖွဲ့စည်းခြင်းဖြစ်ကြောင်း ၊ မိဘပြည်သူများအနေဖြင့် ပူးပေါင်းပါဝင်ခြင်းမလုပ်ကြရန် CDF-Matupi တပ်မဟာ(၂)ထုတ်ပြန်

 

The Matupi Times ၊ ဇူလိုင် ၃၀ ၊ ၂၀၂၄

ပြီးခဲ့တဲ့ရက်ပိုင်းက ဖွဲ့စည်းလိုက်သည့် မတူပီမြို့နယ္ ပြည်သူ့အုပ်ချုပ်ရေးအဖွဲ့ကို ချင်းလဲန်ကာကွယ်ရေးတပ်ဖွဲ့-မတူပီ တပ်မဟာ၂ အနေဖြင့် လုံးဝရှုတ်ချကြောင်း ၊ အဆိုပါအဖွဲ့ကိုလူနည်းစုမှဖွဲ့စည်းခြင်းဖြစ်ကြောင်း နှင့် မိဘပြည်သူများအနေဖြင့် ပူးပေါင်းပါဝင်မှုမလုပ်ကြရန် CDF-Matupi တပ်မဟာ(၂)ကသတင်းထုတ်ပြန်ပါတယ္။

 

မတူပီမြို့နယ်ပြည်သူ့အုပ်ချုပ်ရေးကို ရပ်ကွက်/ကျေးရွာမှ အမှတ်/တိုက်နယ် မှ မြို့နယ်အဖြစ်ပြည်သူ့ညီလာခံကြီးခေါ်ယူကာ အများသဘောတူရေးဆွဲသော အုပ်ချုပ်ရေးနည်း ဉပဒေဖြင့်သာဖွဲ့စညး်ရမည် ဖြစ်တယ်လို့ ဆိုပါတယ္။

 

ဒါ့အပြင် CDF-Matupi တပ်မဟာ(၁)နှင့်(၂)ကြား စည်းလုံးမှုကိုအလေးပေးဆောင်ရွက်ခြင်းမရှိတဲ့ ICNCC နှင့် ချင်းညီနောင်မဟာမိတ်အဖွဲ့ ဦးဆောင်သူများကို လုံးဝရှုတ်ချကြောင်း နှင့် မတူပီ-ပလက်ဝလမ်းပိုင်းရှိ ကျေးရွာများနှင့် တောတောင်တစ်လျောက်တွင် စစ်ကြောင်းထိုးနေသော ချင်းညီနောင်အဖွဲ့၊ ရက္ခိုင့်တပ်တော် AA နှင့် CDF-Matupi(၁) တို့အနေဖြင့် ယခုစာထုတ်ပြန်သည့်နေ့မှစ၍ အမြန်ဆုံးဆုတ်ခွာပေးရန်လည်း ထုတ်ပြန်ချက်မှာ တောင်းဆိုထားပါတယ္။

 

========================

 

📌📌 ၄. အာဏာသိမ်းစစ်ကောင်စီက အရေးပေါ်ကာလသက်တမ်း ၆ လထပ်တိုး

 

The Matupi Times ၊ ဇူလိုင် ၃၁၊ ၂၀၂၄

အာဏာသိမ်းစစ်ကောင်စီက ဇူလိုင်လ ၃၁ ရက်နေ့မှာ အရေးပေါ်ကာလ နောက်ထပ် ၆ လထပ်တိုးလိုက်ပါတယ်။

အာဏာသိမ်း ၃ နှစ်ခွဲပြည့်တဲ့နေ့မှာ စစ်ကောင်စီက နိုင်ငံတော်ကာကွယ်ရေးနဲ့ လုံခြုံရေးကောင်စီ အစည်းအဝေးခေါ် ပြီးကာလ သက်တမ်းတိုးလိုက်တာ ပါ။

ဒီကနေ့ မနက်ပိုင်း စစ်အုပ်ချုပ်ရေးနောက်ထပ် ၆ လ သက်တမ်း တိုးလိုက်တဲ့ ကာလုံအစည်းအဝေးကိုတော့ စစ်ကောင်စီ ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်ကပဲ ယာယီသမ္မတနေရာ ထိပ်ဆုံးခုံမှာ ထိုင်ပြီး အစည်းအဝေးလုပ်တာတွေ့ရပါတယ်။

နိုင်ငံတဝန်း တည်ငြိမ်ဖို့လိုသေးတယ်ဆိုတဲ့ အကြောင်းပြချက်ပေးပြီး ဒီတစ်ကြိမ်မှာလည်း သက်တမ်းထပ်တိုးတာပါ။အရေးပေါ်ကာလ ၆ လ သက်တမ်းကို အကြိမ်ကြိမ် တိုးခဲ့တာ အခုတစ်ကြိမ်နဲ့ ၆ ကြိမ်ရှိပြီဖြစ်ပါတယ်။

 

========================

 

📌📌 ၅. ကန်ပက်လက်မြို့က Non-CDM ဝန်ထမ်း(၈၈)ဦး ကန်ပက်လက်(ပအဖ)ထံအလင်းဝင်

 

The Matupi Times ၊ ဇူလိုင် ၃၁ ၊ ၂၀၂၄

ကန်ပက်လက်မြို့နယ်တွင် စစ်ကောင်စီလက်အောက်ရှိ ဌာနဆိုင်ရာရုံးများ၌ တာဝန်ထမ်းဆောင်နေကြသော Non-CDM ဝန်ထမ်း(၈၈)ဦးသည် ကန်ပက်လက်မြို့နယ်ပြည်သူ့အုပ်ချုပ်ရေးအဖွဲ့ထံသို့ အလင်းဝင်ရောက်လာကြောင်း ဇူလိုင် ၃၁ ညနေပိုင်းမှာ အလင်းဝင်ရောက်သည့် ဝန်ထမ်းများစာရင်းကို ထုတ်ပြန်ကြေငြာလိုက်ပါတယ်။

 

၂၀၂၄ ခုနှစ်၊ မေလ ၉ ရက်နေ့မှရက်ပေါင်း(၆၀)အတွင်း ကန်ပက်လက်မြို့နယ္အတွင်းရှိ Non-CDM ဝန်ထမ်းများ ဆောင်ရွက်နေသည့် ရုံးလုပ်ငန်းများ ရပ်တန့်၍ ကန်ပက်လက်မြို့နယ်ပြည်သူ့အုပ်ချုပ်ရေးအဖွဲ့ထံသို့ အလင်းဝင်ကြဖို့ ကြေငြာချက်ထုတ်ပြန်ပြီးနောက် ယခုလိုအလင်းဝင်ရောက်လာကြတာဖြစ်ပါတယ္။

 

ကန်ပက်လက်မြို့နယ်(ပအဖ)ထံ အလင်းဝင်ရောက်လာ သူများစာရင်းတွင် ဌာနပေါင်းစုံမှဝန်ထမ်း တော်တော်များများပါဝင်လာကြပေမယ့် ၊ ရဲတပ်ဖွဲ့ဝင်များ ၊ မီးသတ်ဝန်ထမ်း များနှင့် မြို့နယ်စည်ပင်သာယာရေးရုံးဝန်ထမ်းများ ပါဝင်လာခြင်းမရှိပါဘူး။

 

========================

 

📌📌 ၆. မင်းတပ်-မတူပီကြားတွင် စကစ၏ လေကြောင်းတိုက်ခိုက်မှုကြောင့် ပြည်သူတဦးဒဏ်ရာရရှိ

 

The Matupi Times ၊ ဩဂုတ် ၁ ၊ ၂၀၂၄

ချင်းပြည်နယ်တောင်ပိုင်း၊ မင်းတပ်မြို့နယ်၊ မင်းတပ်-မတူပီလမ်းပိုင်း မိုင်တိုင်အမှတ် ၂၀ဝန်းကျင် တွင် စစ်ကောင်စီက ဇူလိုင်လ ၃၁ ရက်နေ့မှာ လေကြောင့်ဖြင့် ဗုံးကြဲတိုက်ခို်က်ခဲ့တယ်လို့သိရပါတယ်။

 

အဆိုပါလမ်းပိုင်းကို ယမန်နေ့ညနေ(၆း၀၀)နာရီအချိန်ခန့်၌ ဗုံးကျဲတိုက်ခိုက်ခဲ့တာဖြစ်ပြီး တိုက်ခိုက်ခံရမှုကြောင့် ပြည်သူတဦး ဒဏ်ရာရရှိကာ ၊ လူနေအိမ် နှစ်လုံးထိခိုက်ပျက်စီးသွားတယ်လို့ သိရပါတယ်။

 

ဒါ့အပြင် ဇူလိုင်လ ၃၀ ရက်နေ့ည ၇ နာရီအချိန်ခန့်၌ ဂျက်ဖိုက်တာ တစ်စီးမှမင်းတပ်မြို့အနောက်ဘက်ခြမ်း ၃ နေရာကို လေကြောင်းဖြင့် ၃ ကြိမ် တိုက်ခိုက်သွားသည့်အပြင်စက်သေနတ်ဖြင့်လည်း ပစ်ခတ်တိုက်ခိုက်ခဲ့ပြီး ထိခိုက်ပျက်ဆီးမှုတစ်ချို့လည်းရှိတယ်လို့ ဒေသခံသတင်းတွေထံက သိရပါတယ်။

#RadioNUGLocalNews

#SpringRevolution