16 SEP 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ စက်တင်ဘာလ ( ၁၆ ) ရက်နေ့ ရပြည်တွင်းသတင်းများ

📌📌 1/ မင်းတပ်မြို့နယ်ကို စစ်ကောင်စီ လေကြောင်းမှထပ်မံဗုံးကြဲ

 

The Matupi Times ၊ စက်တင်ဘာ ၉ ၊ ၂၀၂၄

ချင်းပြည်၊ မင်းတပ်မြို့နယ် တိုက်နယ်(၃)တစ်နေရာကို စစ်ကောင်စီကဒီကနေ့ မနက်စောပိုင်းမှာ လေကြောင်းဖြင့်ထပ်မံ ဗုံးကြဲတိုက်ခိုက်ခဲ့တယ်လို့သိရပါတယ္။

ယနေ့ (စက်တင်ဘာ ၉ရက်)နံနက် ၆ နာရီခွဲခန့်တွင် မင်းတပ်မြို့ တိုက်နယ်(၃) တစ်နေရာကို တိုက်လေယာဉ်ဖြင့် ပေါင် ၅၀၀ ဖျက်အားပြင်း ဗုံးနှင့် ဗုံးအသေး ၃လုံး ကြဲချတိုက်ခိုက်ခဲ့တာဖြစ်ကြောင်း ဒေသခံသတင်းထံကသိရပါတယ္။

စစ်ကောင်စီတပ်သည်စက်တင်ဘာ ၇ရက်က တိုက်နယ်(၂)၊ စက်တင်ဘာ ၆ရက်က တိုက်နယ်(၄)နှင့် စက်တင်ဘာ ၄ရက်တွင် မင်းတပ်မြို့အနီးကို ဗုံးကြဲတိုက်ခိုက်ခဲ့ပါတယ္။

 

========================

 

📌📌 2/ ဟားခါးမြို့က ဒုရဲအုပ်တစ်ဦး(၁)ဦး CDF-Hakha ထံ အလင်းဝင်

 

The Matupi Times ၊ စက်တင်ဘာ ၁၂ ၊ ၂၀၂၄

ချင်းပြည်နယ် ၊ ဟားခါးမြို့က စစ်ကောင်စီလက်အောက်ခံ ရဲတပ်ဖွဲ့မှဒုရဲအုပ်(၁)ဦး သည် ဒီကနေ့ စက်တင်ဘာလ ၁၂ ရက်နေ့ ၌ ဒေသခံကာကွယ်ရေးတပ်ဖွဲ့ CDF-Hakha ထံသို့ အလင်းဝင်လာကြေင်းသိရသည်။

လက်နက်ခဲယမ်းများယူဆောင်၍ အလင်းဝင်လာသူကို CDF-Hakha မှ ဆုကြေးငွေပေးအပ်ချီးမြှင့်ခဲ့ပြီး လွတ်မြောက်နယ်မြေသို့ပို့ဆောင်ပေးခဲ့သလို စစ်ကောင်စီလက်အောက်တွင် တာဝန်ထမ်းနေသူများအနေဖြင့် အလင်းဝင်လိုပါက ကောင်းမွန်စွာလက်ခံကြိုဆိုသွားမည်ဖြစ်ကြောင်းနှင့် လွတ်မြောက်နယ်မြေသို့ပို့ဆောင်ပေးမည်ဖြစ်ကြောင်း CDF-Hakha ကသတင်းထုတ်ပြန်ထားပါတယ္။

 

========================

 

📌📌 3/ ရှမ်း/ကယားစစ်ဆင်ရေးတွင် စကစတပ်ဖွဲ့ဝင်(၃၀)သေဆုံး၊ စစ်သုံ့ပန်း(၃)ဦးအရှင်ဖမ်းဆီးရမိ

 

The Matupi Times ၊စက်တင်ဘာ ၁၃ ၊ ၂၀၂၄

လွိုင်ကော်ဒေသခံပြည်သူ့ ကာကွယ်ရေးတပ်(Loikaw Local Pdf)၊Loikaw pdf ၊ KNDF ၊ KNPLF ၊ ရှမ်းတောင် အခြေစိုက်တပ် အသီးသီး တို့ ပူးပေါင်း၍ဖော်ဆောင်ခဲ့သည့် ရှမ်း/ကယားစစ်ဆင်ရေးတွင် စကစတပ်ဖွဲ့ဝင်(၃၀)သေဆုံး၊ စစ်သုံ့ပန်း(၃)ဦးအရှင်ဖမ်းဆီးရမိကြောင်း Loikaw Local Pdf ကသတင်းထုတ်ပြန်ပါတယ်။

စက်တင်ဘာလ ၅ ရက်နေ့ ၊ ၂၀၂၄ခုနှစ် မှစ၍ ရှမ်း/ကယားနယ်စပ် စစ်ဆင်‌ရေး တစ်ခု ဖော်ဆောင်ခဲ့တာဖြစ်ပြီး စစ်ကောင်စီ တပ်များ စိုးမိုးထား သော တပ် ၊ ရဲစခန်း ၊ စခန်းကုန်း များ အား တိုက်ခိုက် ခဲ့ရာ စစ်ကောင်စီ တပ်များ မှ အထိအခိုက် ‌သေဆုံး (၃၀)ဦး ရှိခဲ့ပြီး စစ်သုံ့ပန်း (၃)ဦး ကို အရှင်ဖမ်းမိနိုင်ခဲ့သည့်အပြင် လက်နက် အများအပြား သိမ်းဆည်းထားနိုင်ခဲ့ကြောင်းသိရသည်။

တိုက်ပွဲအတွင်း လွိုင်ကော်ဒေသခံ ပြည်သူ့ကာကွယ်ရေး တပ် မှ ရဲဘော် ၃ ဦး ထိခိုက် ဒဏ်ရာ ရရှိခဲ့ပြီး (၁)ဦး (စိုးရိမ်) ၊ KNDF ၊KNPLF၊ ရှမ်းတောင် အခြေစိုက်တပ်များ မှလည်း ထိခိုက်ကျဆုံးမူ ရှိခဲ့ကြောင်း ထည့်သွင်းဖော်ပြထားပါသည်။

 

========================

 

📌📌 4/ KNDF ဆေးသင်တန်းမှ သင်တန်းသား ရဲဘော် (၁၈) ဦး ရေထဲမျောပါ ကျဆုံး

 

The Matupi Times ၊ စက်တင်ဘာ ၁၃ ၊၂၀၂၄

ကရင်နီအမျိုးသားများကာကွယ်ရေးတပ် - KNDF ကသင်တန်းသား ရဲဘော်(၁၈)ဦးသည် စက်တင်ဘာ (၁၁) ရက် နေ့ ညနေက လက်တွေ့လေ့ကျင့်ရေးပြုလုပ်နေစဉ် ရေထဲမျောပါ ကျဆုံးသွားကြကြောင်းသိရသည်။

အဆိုပါသင်တန်းသည် ကရင်နီအမျိုးသားများကာကွယ်ရေးတပ် - KNDF ဆေးဌာနမှကြီးမှူးဖွင့်လှစ်တာဖြစ်ပြီး ဆေးသင်တန်းသားများ သင်္ခန်းစာလေ့ကျင့်ရေး ဆောင်ရွက်စဉ် ချောင်းတခုကိုဖြတ်ကျော်ရန် ကြိုးစားစဉ်အတွင်း မတော်တဆဖြစ်ပြီး ရေထဲမျောပါကာ အသက်ဆုံးရှုံးရတယ်လို့ သိရပါတယ်။

ဆေးသင်တန်းအတွင်း ယခုကဲ့သို့ မတော်တဆဖြစ်ပြီး သင်တန်းသား ရဲဘော် (၁၈) ဦး ဆုံးရှုံးခဲံရသည့်အပေါ် KNDF အနေဖြင့် သက်ဆိုင်ရာ မိသားစုဝင်များ၊ တပ်ရင်းတပ်ဖွဲ့များနှင့်အတူ များစွဝြမ်းနည်းကြွေကွဲရပြီး၊ ယခုဖြစ်စဉ်ကို KNDF ဗဟိုအနေဖြင့် စုံစမ်းစစ်ဆေးမှုများပြုလုပ်သွားမည်ဖြစ်ကြောင်း ထုတ်ပြန်ထားသည်။

 

========================

 

📌📌 5/ ကလောမှာ လူ ၁၀၀ ကျော် ရုပ်အလောင်းတွေ့၊ ၂၀၀ ကျော် ပျောက်ဆုံးနေ

 

The Matupi Times ၊ စက်တင်ဘာ ၁၄ ၊ ၂၀၂၄

ရှမ်းပြည်နယ်တောင်ပိုင်း၊ ကလောမြို့ မှာ ရေကြီးပြီး မြေပြိုတာတွေကြောင့် သေဆုံးသူ အယောက် ၁၀၀ ကျော်ရှိနေပြီး လူ ၂၀၀ ကျော် ပျောက်ဆုံးနေတယ်လို့ မြေပြင်သတင်းအရင်းမြစ်တွေက ဘီဘီစီသတင်းကို အတည်ပြုပါတယ္။

“သေဆုံးသူ ၁၀၀ ကျော်ရဲ့ ရုပ်အလောင်းတွေကို ရထားပြီးပြီ။ ပျောက်နေတဲ့သူတွေကို ဆက်ရှာနေကြတယ်။ သေဆုံးတဲ့အထဲမှာ လသားအရွယ်ကလေးငယ်တွေနဲ့ အသက်ကြီးတဲ့အဖိုးအဖွားတွေပါတယ်’’ လို့ ကူညီကယ်ဆယ်ရေးလုပ်နေသူ တစ်ဦးက ဘီဘီစီ ကို ပြောပါတယ်။

ရေဘေးဒုက္ခရောက်တဲ့ နေရာတွေထဲမှာ မန္တလေးတိုင်း ရမည်းသင်းမြို့နယ်ဟာလည်း အဆိုးဝါးဆုံး ခံစားခဲ့ရပြီး လူရာဂဏန်းအထိ ပျောက်ဆုံး၊သေဆုံးတာတွေ ဖြစ်နေကာ သေဆုံးသူအရေအတွက် များပြားကြောင်းသိရပါတယ္။

လက်ရှိအချိန်မှာ ကလောမြို့ပေါ်မှာ ဖုန်းလိုင်းများပြတ်တောက်နေသလို ရေပြန်ကျသွားပြီးနောက် မြို့ပေါ်ကလမ်းတွေ ရှင်းတာတွေ၊ မြေကြီးထဲ မြုပ်နေတဲ့ ကားတွေပြန်ဖော်တာတွေ လုပ်ဆောင်နေပြီး ၊ အစားအသောက်၊ အနွေးထည်၊ ခြုံထည်နဲ့ ဆေးဝါးတွေ အရေးပေါ်လိုအပ်နေတယ်လို့သိရပါတယ္။

စစ်ကောင်စီကတော့ ရေဘေးသင့်ပြည်သူတွေကို အရေးပေါ်ကယ်ဆယ်ရေးလုပ်ငန်းတွေလုပ်ဆောင်ပေးခြင်းမရှိဘဲ တော်လှန်ရေးတပ်တွေထိန်းချုပ်ထားတဲ့ မြို့ရွာတွေကို ယမန်နေ့ညထိလေကြောင်းတိုက်ခိုက်မှုတွေ လုပ်ဆောင်နေပြီး ဒဏ်ရာရ၊သေဆုံးသူတွေလည်းရှိကြောင်းပြည်တွင်းသတင်းတွေထံက သိရပါတယ္။

 

========================

 

📌📌 6/မလေးရှားနိုင်ငံ Rage(MMA) Welterweight မှာ ချန်ပီယံသစ်ဖြစ်လာတဲ့ ကချင်သားလေး

 

The Matupi Times ၊ စက်တင်ဘာလ ၉ ၊ ၂၀၂၄

မလေးရှားနိုင်ငံ၊ ကွာလာလမ်ပူမြို့ Lalaport shopping mall the Cage မှာ စက်တင်ဘာ ၇ ရက်နေ့ ကျင်းပခဲ့တဲ့ သိုင်းပေါင်းစုံ Rage(MMA)Amateur level) ပွဲမှာ မြန်မာပြည်ဖွား ကချင်သားလေး Joseph Sut Du Aung ဟာ ဗိုလ်လုပွဲကိုအနိုင်ရပြီး ချန်ပီယံသစ်ဖြစ်လာခဲ့တယ္လို့သိရပါတယ္။

အဆိုပါ မလေးရှားနိုင်ငံအခြေစိုက် သိုင်းပေါင်းစုံ ပြိုင်ပွဲ ချန်ပီယံသစ်ရှာဖွေပွဲမှာ ပြိုင်ဘက်ကစားသမားဖြစ်တဲ့ မလေးရှားနိုင်ငံသား Kumarendran ကို ၅ ချီထိကစားကာ အမှတ်နဲ့အနိုင်ရခဲ့တာဖြစ်ပါတယ်။

 

========================

 

📌📌 7/ ပြိုင်ဖက်ကိုအသာစီးထိုးသတ်ပြီး အနိုင်ရခဲ့တဲ့ ချင်းဖို်က်တာ Joshua Van

 

The Matupi Times ၊ စက်တင်ဘာလ ၁၅ ၊ ၂၀၂၄

ချင်းလူငယ် Joshua Van ဟာဒီကနေ့မနက်မှာ အမေရိကန်ပြည်ထောင်စု၊ လာစ်ဗီးဂတ်စ် မှာ ဒီကနေ့ ကျင်းပပြုလုပ်တဲ့ UFC: 306 ပြိုင်ပွဲမှာ မက္ကဆီကိုဖိုက်တာ Edgar Chairez ကို အနိုင်ရရှိခဲ့ပါတယ္။

ဲJoshua Van ဟ,ာ Edgar Chairez ကိုပြိုင်ပဲွ တတိယအချီအထိ အသာစီးကနေ အကောင်းဆုံးအကြိတ်အနယ် ယှဉ်ပြိုင်ထိုးသတ်ခဲ့ပြီး ဒိုင်အမှတ်နဲ့အနိုင်ရရှိခဲ့တာဖြစ်ပါတယ်။

ချင်းလူမျိုးဖိုက်တာ ဂျိုရှုအာဗန်သည် အဆိုပါ MMA ပွဲစဥ် ပွဲကြိုတွင် ပြောခဲ့သည့်အတိုင်း ပြိုင်ဘက်မက္ကဆီကိုဖိုက်တာကို အနိုင်ရပြီး UFC MMA ပြိုင်ပွဲ၏ နိုင်ပွဲကို ပြန်လည်ရယူနိုင်ခဲ့တာဖြစ်ပြီး အကောင်းနိုင်ပွဲကို ပြန်လည်ရှာဖွေနို်င်ခဲ့ပြီြဖစ်ပါတယ္။

#RadioNUGLocalNews

#SpringRevolution