23 SEP 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ စက်တင်ဘာလ ( ၂၃ ) ရက်နေ့ ရပြည်တွင်းသတင်းများ

📌📌 1/ထန်တလန်မြို့က ရဲတပ်ဖွဲ့ဝင် ၃ ဦး ချင်းပြည်အစိုးရတပ်ဖွဲ့ထံ အလင်းဝင်

 

The Matupi Times ၊ စက်တင်ဘာ ၁၆ ၊ ၂၀၂၄

ချင်းပြည်နယ် ထန်တလန်မြို့ပေါ်က စစ်ကောင်စီလက်အောက်ခံ ရဲတပ်ဖွဲ့ဝင် ၃ ဦးသည် လက်နက်ခဲယမ်းများနှင့်အတူ ချင်းပြည်အစိုးရတပ်ဖွဲ့ထံ ဒီကနေ့ စက်တင်ဘာလ ၁၆ ရက်နေ့မှာ အလင်းဝင်လာကြောင်းသိရသည်။

အဆိုပါရဲတပ်ဖွဲ့ဝင်(၃)ဦးသည် ထန်တလန်မြို့ပေါ် Lai Villa တည်းခိုခန်းမှာ ခြေကုပ်ယူထားသူများဖြစ်ပြီး ဒီကနေ့ မွန်းလွဲပိုင်း ၁ နာရီခွဲမှ ၃ နာရီအကြားတွင် သေနတ် ၄ လက်၊ ကျည်ဆံအမြောက်အများယူဆောင်ကာ အလင်းဝင်ရောက်လာခြင်းဖြစ်ကြောင်း သိရသည်။

 

========================

 

📌📌 2/ မင်းတပ်မြို့ပေါ်ကို စစ်ကောင်စီကလေကြောင်းဖြင့်တိုက်ခိုက်၊နေအိမ်ပျက်စီးမှုရှိဟုဆို

 

The Matupi Times ၊ စက်တင်ဘာ ၁၇၊ ၂၀၂၄

ချင်းပြည်နယ်တောင်ပိုင်း ၊ မင်းတပ်မြို့ပေါ် တနေရာကို စစ်ကောင်စီက လေကြောင်းဖြင့်တိုက်ခိုက်မှုပြုလုပ်ခဲ့တယ်လို့ ဒေသခံသတင်းထံကသိရပါတယ္။

" စစ်ကောင်စီဟာ မင်းတပ်မြို့ပေါ်တနေရာကို ယမန်နေ့ည ၇ နာရီခန့်က ဂျက်ဖိုက်တာ ၂ စီးဖြင့်ပေါင်း ၅၀၀ ဗုံးနှင့် အတူဗုံးအသေးများဖြင့် မင်းတပ်မြို့ ပေါ်တနေရာကို လေကြောင်းတိုက်ခိုက်သွားတာဖြစ်ပြီး နေအိမ်အချို့ ထိခိုက်ပျက်ဆီးမှုများရှိတယ်လို့ ကနဦး ကြားသိရကြောင်း " မင်းတပ်သတင်းတွေဖော်ပြပေးနေတဲ့ Hkl Mindat ထံကသိရပါတယ္။

ဒါ့အပြင်စစ်ကောင်စီတပ်ဟာ မင်းတပ်မြို့ ခလရ ၂၇၄ တပ်ရင်းကနေ တမိုင်ဝန်းကျင် ပတ်လည်က နေအိမ်တွေကို မီးရှို့ဖျက်စီးတာတွေလုပ်ဆောင်နေပြီး ၊ ပြီးခဲ့တဲ့ စက်တင်ဘာ ၁၅ ရက်နေ့က လှေးကောင်းလမ်းခွဲအနီး ပြည်သူ့နေအိမ် ၈ လုံးဝန်းကျင်ကို စစ်ကောင်စီတပ်က မီးရှို့ဖျက်စီးခဲ့သည့်အပြင် ဘုရင့်နောင်လမ်းခွဲအနီး နေအိမ်တွေကိုလည်း မီးရှို့ခဲ့တာကြောင့် နေအိမ်(၃)လုံး ပျက်စီးခဲ့ကြောင်း သိရသည်။

အာဏာသိမ်းစစ်ကောင်စီတပ်ဟာ မြန်မာတစ်နိုင်ငံလုံး ရေကြီး၊မြေပြိုမှု ဘေးအန္တရာယ်ရင်ဆိုင်ကြုံတွေ့နေရချိန်မှာ နိုင်ငံတော်အဆင့်အရေးပေါ်ကယ်ဆယ်ရေးလုပ်ငန်းများဆောင်ရွက်ပေးခြင်းမရှိဘဲ တော်လှန်ရေးတပ်တွေထိန်းချုပ်ထားတဲ့မြို့၊ရွာတွေကို အကြောင်းမဲ့လေကြောင်းတိုက်ခိုက်တာတွေ ဆက်တိုက်လုပ်ဆောင်နေတာဖြစ်ပါတယ်။

 

========================

 

📌📌 3/ ထန်တလန်မြို့ထဲက စစ်ကောင်စီတပ်စွဲထားတဲ့ Lai Villa ကို ချင်းပြည်ပူးပေါင်းတပ်ကသိမ်းပိုက်

The Matupi Times ၊ စက်တင်ဘာ ၊ ၁၇ ၊ ၂၀၂၄

ချင်းပြည်နယ်၊ ထန်တလန်မြို့ပေါ်က စစ်ကောင်စီတပ်ဖွဲ့မှ အခိုင်မာတပ်စွဲထားသည့် လိုင်ဗီလာ ( Lai Villa) တည်းခိုခန်းကို ချင်းပြည်အစိုးရတပ်ဖွဲ့ဝင်များက ဒီကနေ့ ညနေပိုင်းမှာသိမ်းပိုက် လိုက်ပြီလို့ ချင်းပြည်ကောင်စီသတင်းရင်းမြစ်ထံကသိရပါတယ္။

ပြီးခဲ့တဲ့ စက်တင်ဘာလ ၁၅ ရက်နေ့ကစပြီး အဆိုပါ ထန်တလန်မြို့ထဲက ၊ Lai Villa မှာတပ်စွဲထားတဲ့ စစ်ကောင်စီတပ်ဖွဲ့ကို ချင်းပြည်အစိုးရ၊ပူးပေါင်းတပ်ဖွဲ့က ဒရုန်းတွေအပါ၀င် ထိုးစစ်ဆင်တိုက်ခိုက်ခဲ့တာဖြစ်တယ်လို့ဆိုပါတယ္။

်ချင်းပြည်နယ် ထန်တလန်မြို့ပေါ်က ထန်တလန်မြို့ပေါ် တိုက်တာအဆောက်အအုံဟောင်းများတွင် နေရာယူထားကြတဲ့ စစ်ကောင်စီတပ်ဖွဲ့ဝင်တွေကို ကိုချင်းလဲန်းကောင်စီ/ချင်းပြည်အစိုးရတပ်ဖွဲ့က Tilim Operation 4(အမည်ဖြင့်) ၂၀၂၄ခုနှစ် ဇူလိုင်လ ၂၂ ရက်နေ့မှစတင်ပြီး ဖော်ဆောင် လျက်ရှိရာ ဒီကနေ့အချိန်ထိ နေ့စဉ်တိုက်ပွဲများ အပြင်းအထန် ဖြစ်ပွားလျှက်ရှိ ကြောင်းသိရသည်။

 

========================

 

📌📌 4/ ZORO ဦးဆောင်မှုဖြင့် ICNCC/CB နဲ့ Chinland Government/CNF တို့တွေ့ဆုံဆွေးနွေး ၊ အချက် (၅) ချက်သဘောတူညီမှုရရှိ

 

The Matupi Times ၊ စက်တင်ဘာ ၂၁၊ ၂၀၂၄

Zo Reunification Organization (ZORO) ဦးဆောင်မှုဖြင့် ဒီကနေ့ စက်တင်ဘာလ ၂၁ ရက်နေ့တွင် မီဇိုရမ်ပြည်နယ်၊ အိုင်ဇောလ်မြို့မှာ ကြားကာလချင်းအမျိုးသားအတိုင်ပင်ခံကောင်စီ - ICNCC၊ ချင်းညီနောင် (CB)နဲ့ ချင်းပြည်အစိုးရ/ ချင်းအမျိုးသားတပ်ဦး CNF တို့တွေ့ဆုံဆွေးနွေးခဲ့ကြတယ်လို့သိရပါတယ္။

ဆွေးနွေးပွဲမှာ CC အစိုးရအဖွဲ့မှ ဝန်ကြီး ဦးပါထန်း၊ ချင်းအမျိုးသားတပ်ဦး CNF ဒုဥက္ကဌ ဦးထန်းနိန်းကီး၊ အမျိုးသား အတိုင်ပင်ခံကောင်စီ ICNCC ဘက်က ဝန်ကြီးချုပ် ဦးလျန်လွယ်၊ ချင်းညီနောင်မှ Paw Sila၊ ဆလိုင်းပီတာထန်း နှင့်သက်ဆိုင်ရာအဖွဲ့များမှကိုယ္စားလှယ်အချို့ တက်ရောက်ခဲ့ကြပြီး အချက်(၅)ချက်ကို သဘောတူညီခဲ့ကြတယ်လို့သိရပါတယ္။

သဘောတူညီချက်တွင် ချင်း-ကူကီး-မီဇိုး မျိုးနွယ်စုများသည် ဆင်းသက်လာရာမျိုးနွယ်စု၊ ဘာသာစကား၊ ယဉ်ကျေးမှု ဓလေ့ ထုံးတမ်းအစဉ်အလာတူညီသော သေအတူရှင်မကွဲနေထိုင်လာခဲ့ကြသည့် ညီရင်းအကိုများဖြစ်ကြကြောင်းလက်ခံကြပြီး၊ တိုင်းပြည်နှင့်လူမျိုးအတွက် တော်လှန်ရေးဆောင်ရွက်သည့်အချိန်တွင် ညီအကိုအချင်းချင်းကြား သဘောထားကွဲလွဲမှု ဖြစ်ပေါ်သည့်အပေါ်စိတ်မကောင်းဖြစ်ကြပြီး နောက်နောင်တွင် ဤကဲ့သို့ ထပ်မဖြစ်ရန် စသည့်အချက်များ သဘောတူညီမှုရရှိခဲ့ကြောင်း သိရသည်။

 

========================

 

📌📌 5/ ချင်းဖိုက်တာဆလိုင်းဂျွန်မွှတ် မွေထိုင်းပွဲမှာ အလဲထိုးဖြင့်အနိုင်ရ

 

The Matupi Times ၊ စက်တင်ဘာလ ၁၈ ၊ ၂၀၂၄

ချင်းဖိုက်တာဆလိုင်းဂျွန်မွှတ်ဟာ ထိုင်းနိုင်ငံ ချင်းမိုင်မြို့၊ Loikroh Boxing Stadium မှာ ဒီကနေ့စက်တင်ဘာလ ၁၈ ရက်နေ့ ညပိုင်း၌ ကျင်းပခဲ့သည့် မွေထိုင်းပွဲမှာ အလဲထိုးဖြင့်အနိုင်ရရှိခဲ့ပါတယ္။

အဆိုပါမွေထိုင်းပွဲမှာ ချင်းဖိုက်တာဆလိုင်းဂျွန်မွှတ်ဟာ ပြိုင်ဖက်ကို ပထမအချိီမှာတင် အလဲထိုးဖြင့်အနိုင်ရရှိခဲ့တာပါ။ ပွဲစကတည်းက ပြိုင်ဖက်ကို ထိုးချက်၊ကန်ချက် အသာစီးဖြင့်ထိုးသတ်နိုင်ခဲ့ပြီး ပထမအချိီမပြီးခင်မှာဘဲ အလဲထိုးနဲ့အနိုင်ရရှိခဲ့တာဖြစ်ပါတယ္။

 

========================

 

📌📌 6/ မြန်မာနိုင်ငံကိုယ်စားပြုအဖြစ် Miss ဝင်ပြိုင်မည့် ချင်းမော်ဒယ် မာဂရက်

 

The Matupi Times ၊ စက်တင်ဘာ ၁၉ ၊ ၂၀၂၄

ချင်းမော်ဒယ်လ် မာဂရက်သည် ဗီယက်နမ်နို်င်ငံတွင် ကျင်းပမည့် Miss & Mister Celebrity International 2024 ပြိုင်ပွဲတွင် ဝင်ရောက်ယှဉ်ပြိုင်သွားမည်ဖြစ်ကြောင်း သိရပါတယ္။

အဆိုပါပြိုင်ပွဲတွင် မြန်မာနိုင်ငံကိုယ္စားပြုအဖြစ် ဝင်ရောက်ယှဉ်ပြိုင်သွားမည်ဖြစ်ပြီး ဒီကနေ့ စက်တင်ဘာလ ၁၉ ရက်နေ့မှာ Vietnam နိုင်ငံသို့ ထွက်ခွာသွားပြီဖြစ်ကြောင်း သိရပါတယ္။

မော်ဒယ်မာဂရက်ကိုယ်တိုင်ကလည်း "Miss & Mister Celebrity International သွားပြိုင်ဖို့ Vietnam ကိုသွားနေပါပြီရှင့် အကောင်းဆုံးကြိုးစားသွားမှာမို့ အားပေးကြပါအုံးနော် လိုက်ပို့ပေးကြသူအားလုံး ကျေးဇူးပါရှင့်။" ဟု သူမ၏ ဖေ့ဘုတ်စာမျက်မှာ ရေးသားဖော်ပြထားပါတယ္။

Miss & Mister Celebrity International 2024 ပြိုင်ပွဲကို စက်တင်ဘာလ ၁၉ ရက်နေ့မှ ၂၈ ရက်နေ့ထိ ဗီယက်နမ်နိုင်ငံမှာကျင်းပပြုလုပ်သွားမှာဖြစ်ပါတယ္။

Model Magaret ဟာ ချင်းပြည်နယ် ၊ မတူပီမြို့ဇာတိဖြစ်ပြီး ၊လက်ရှိမှာ အနုပညာလုပ်ငန်းတွေလုပ်ကိုင်နေသလို ၊ ရန္ကုန္ၿမိဳ့မှာ က်င္းပခဲ့တဲ့ Miss Ethnic Myanmar 2019ပြိုင်ပွဲမှာ The Best Talent Title Award ဆုကိုရရှိခဲ့ပါတယ္။

#RadioNUGLocalNews

#SpringRevolution