21 Oct 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ အောက်တိုဘာလ ( ၂၁ ) ရက်နေ့ ရပြည်တွင်းသတင်းများ

📌📌 1. ဟားခါး-ထန်တလန်ကြားတိုက်ပွဲ စစ်ကောင်စီတပ်ဖွဲ့ဝင် ၁၀ ယောက်ကျော်သေဆုံး

 

The Matupi Times ၊ အောက်တိုဘာ ၊ ၁၆ ၊ ၂၀၂၄

ချင်းပြည်၊ ဟားခါး-ထန်တလန်ကြားတွင် ပြီးခဲ့တဲ့ အောက်တိုဘာလ ၁၄ ရက်နေ့ကစစ်ကြောင်းထိုးလာတဲ့စစ်ကောင်စီတပ်နဲ့ ချင်းပြည်ကောင်စီပူးပေါင်းတပ်တို့ တိုက်ပွဲဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၁ဝ ယောက်ကျော် သေဆုံးခဲ့ကြောင်းသိရပါတယ္။

ဟားခါး-ထန်တလန်ကြား သီမြစ်လွင်ပြင်ဘက်ကို စစ်ကြောင်းထိုးလာသော စစ်ကောင်စီတပ်ဖွဲ့နှင့် ချင်းပြည်အစိုးရတပ်ဖွဲ့တို့ တနေကုန်နီးပါးတိုက်ပွဲဖြစ်ပွားခဲ့ကြောင်းသိရပြီး စစ်ကောင်စီတပ်ဖွဲ့ဝင် ၂၀ ကျော်ဒဏ်ရာရရှိကြောင်း သိရပါတယ္။ 

တိုက်ပွဲအတွင်းမှာ စစ်ကောင်စီက ဂျက်တိုက်လေယာဉ်ဖြင့်ဗုံးကြဲတိုက်ခိုက်ခဲ့သည့်အပြင် Machine-Gun စက်သေနတ်ဖြင့်လည်း လှည့်ပတ်ပစ်ခတ်ခဲ့ တယ္လို့ဆိုပါတယ္။ မနေ့ကဖြစ်ပွားသည့် တိုက်ပွဲတွင် စစ်ကောင်စီက မြေပြင် နှင့် ဝေဟင်ကနေပါ အပြင်းအထန်ထိုးစစ်ဆင်တိုက်ခိုက်ခဲ့ သော်လည်း ချင်းတော်လှန်ရေးတပ်ဖွဲ့ဘက်က ထိခိုက်ကျဆုံးမှုမရှိခဲ့ဘူးလို့ ချင်းဝေါလ်ရဲ့သတင်းတပုဒ်မှာဖော်ပြပါတယ္။ 

စစ်ကောင်စီသည် ဟားခါး-ထန်တလန်ကြားက ၎င်းတို့လက်လွှတ်ခဲ့ရသော ဒေသများကိုပြန်လည်သိမ်းပိုက်နိုင်ရန် အောက်တိုဘာလ ၁၃ ရက်နေ့က ဟားခါးကနေ စစ်ကား ၇ စီးဖြင့် စစ်ကူစေလွှတ်ကာ အောက်တိုဘာ ၁၄ ရက်နေ့ ကတည်းက တိုက်ပွဲဖြစ်ပွားခဲ့ကြခြင်းဖြစ်ကြောင်းသိရသည်။

 

========================

 

📌📌 2. CDF-Matupi တပ်မဟာ(၁)အဖွဲ့ဝင်လင်းယုန်တပ်ရင်း၏ (၆)လပတ်အစည်းအဝေးကျင်းပ

 

The Matupi Times ၊ အောက်တိုဘာလ ၁၆ ၊ ၂၀၂၄ 

ချင်းပြည်ကာကွယ်ရေးတပ်ဖွဲ့ - မတူပီ (CDF-Matupi) တပ်မဟာ -၁ အောက်ရှိ တပ်ရင်း တစ်ရင်း ဖြစ်သော လင်းယုန် တပ်ရင်း၏ (၆ လပတ်အစည်းအဝေး) ကို ပြီးခဲ့တဲ့ အောက်တိုဘာလ (၁၄-၁၅)၊ ၂၀၂၄ ရက်နေ့၌ မတူပီမြို့တွင် အောင်မြင်စွာ ကျင်းပ ပြုလုပ်ခဲ့ကြောင်းသိရသည်။

အဆိုပါ အစည်းအဝေးတွင် ယခင် (၆) လ အတွင်း လုပ်ဆောင်ခဲ့သော စစ်ရေး၊ နိုင်ငံရေး၊ ပြည်သူ့ရေးရာ လုပ်ဆောင်ချက်များကို အစီအရင်ခံ ဖတ်ကြားခဲ့ပြီး ၊ လာမည့် မတူပီအပါအဝင် ချင်းပြည်၏ စစ်ရေး အခန်းကဏ္ဍတွင် ကျစ်လစ်ခိုင်မာ အားကောင်းသည့် တပ်အင်အားတည်‌ဆောက်ရေး ၊ လက်နက်အင်အား တောင့်တင်းရေး နှင့် ပြည်သူ့ အကျိုးပိုမို သယ်ပိုးနိုင်ရေးအတွက် ရှေ့ဆက်လမ်းစဉ်များ ချမှတ် ဆွေးနွေးခဲ့ကြတယ်လို့သိရပါတယ္။ 

လင်းယုန်တပ်ရင်း သည် CDF-Matupi (တပ်မဟာ-၁) နဲ့အတူ "ချင်းညီနောင်စစ်ဆင်ရေး-မတူပီ" Operation CB-Matupi "တွင် ကျရာအခန်းကဏ္ဍ၌ တပ်ရင်းလုံးကျွတ် ပါဝင်တိုက်ပွဲဝင်ခဲ့သည့် တပ်ရင်းဖြစ်ကြောင်း CDF-Matupi တပ်မဟာ(၁)၏ထုတ်ပြန်ချက်မှာ ထည့်သွင်းဖော်ပြပါတယ်။ 

 

========================

 

📌📌 3. မလေးရှားမှာ ကျားဆွဲခံရတဲ့ ဟုန်းရှိန်းဖေ၏ ရုပ်အလောင်းကို ြပန်လည်တွေ့ရှိ 

 

The Matupi Times ၊ အောက်တိုဘာ ၁၇ ၊ ၂၀၂၄ 

မလေးရှားနိုင်ငံ၊ ကလန်တန် (KELANTAN) ပြည်နယ်၊ ဂျလီ (JELI) ခရိုင်ထဲက တောတွင်း တနေရာမှာ ကျားဆွဲခံခဲ့ရတဲ့ ဟုန်းရှိန်းဖေ၏ ရုပ်အလောင်းကို ပြန်လည်တွေ့ရှိပြီလို့သိရပါတယ္။ 

ယမန်နေ့ အောက်တိုဘာ ၁၆ ရက်၊ မလေးရှားစံတော်ချိန်ည ၈း၁၅ နာရီဝန်းကျင်မှာ ကျားအဆွဲခံလိုက်ရတာဖြစ်ပြီး ဒီကနေ့ အောက်တိုဘာလ ၁၇ ရက်နေ့ နံနက်(၈း၀၀)နာရီခန့်မှာပြန်လည်တွေ့ရှိခဲ့တာဖြစ်ကြောင်း ဆလိုင်းနိုင်းလိန်းက Matupi Times ကို ပြောပါတယ္။ 

"သူ့ရုပ်အလောင်းကိုဒီနေ့မနက် ၈ နာရီကျော်မှာပြန်တွေ့ကြတယ်။ ပေါင်တစ်ဖက်ပြတ်သွားတယ်။ အသက်မရှိတော့ဘူး။ သူ့မိသားစုဝင်တွေကိုလည်းအကြောင်းကြားပြီးပါပြီ။ " လို့ ပြောပါတယ္။ 

 

========================

 

📌📌 4. CDF – Zotung ဒုတပ်ရင်းမှူးနဲ့ တပ်စုမှူး ထန်တလန်တိုက်ပွဲတနေရာတွင်ကျဆုံး

 

The Matupi Times ၊ အောက်တိုဘာ ၁၈ ၊ ၂၀၂၄ 

ချင်းပြည်ကာကွယ်ရေးတပ်ဖွဲ့(CDF-Zotung) ဒုတပ်ရင်းမှူးနဲ့ တပ်စုမှူး တို့သည် ပြီးခဲ့တဲ့ အောက်တိုဘာလ ၁၆ ရက်နေ့၌ ရှေ့တန်းတိုက်ပွဲတနေရာတွင်မြင့်မြတ်စွာ ကျဆုံးသွားကြောင်း CDF-Zotung ကသတင်းထုတ်ပြန်ပါတယ္။ 

ချင်းပြည်နယ် ၊ ဟားခါးနဲ့ ထန်တလန်မြို့ကြားရှိ တပ်စခန်းတွေ ပြန်ရရှိရေးအတွက် စစ်ကြောင်းထိုးလာတဲ့ ကောင်စီတပ်နဲ့ တိုက်ပွဲဖြစ်ပွားခဲ့ပြီး သီးမြစ်တိုက်ပွဲအတွင်းမှာ ကျဆုံးခဲ့ခြင်းဖြစ်ကြောင်းသိရသည်။

CDF-Zotung ဒုတပ်ရင်းမှူးဖြစ်တဲ့ ဆလိုင်းထွန်မာန်းနဲ့ တပ်စုမှူး ဆလိုင်း အားလျန်တို့နှစ်ဦး၏ အာဏာရှင်စနစ် အမြစ်ပြတ်ချေမှုန်းရေးနဲ့ ဖက်ဒရယ်ဒီမိုကရေစီ ပြည်ထောင်စုတည်ဆောက်ရေးအတွက် မြင့်မြတ်စွာ အသက်ပေးလှူမှုအပေါ် လေးစားဂုဏ်ပြုကြောင်းနဲ့ ကျန်ရစ်သူမိသားစုဝင် တွေနဲ့အတူ ထပ်တူဝမ်းနည်းကြောင်း CDF – Zotung က ထုတ်ပြန်ပါတယ္။ 

 

========================

 

📌📌 5. Matupi Chin Entertainment မှ မတူ(ဂီတ)နှင့်အားကစားကဏ္ဍတို့တွင်ထူးချွန်ဆုရှိသူများကို ဆုများပေးအပ်

 

The Matupi Times ၊ အောက်တိုဘာ ၁၇ ၊ ၂၀၂၄ 

Matupi Chin Entertainment မှ ပေးအပ်တဲ့ ၂၀၂၃-၂၀၂၄ ခုနှစ်အတွက် (မတူ)ဂီတနှင့်အားကစားကဏ္ဍတို့တွင် ထူးချွန်ဆုရရှိသူများကို ပေးအပ်ချီးမြှင့်ခဲ့တယ်လို့သိရပါတယ္။ 

အဆိုပါဆုပေအပ်ခြင်းတွင် အကောင်းဆုံးတေးသံရှင်ဆု ၊ အကောင်းဆုံးတက်သစ်စတေးသံရှင်ဆု၊ အကောင်းဆုံးတေးရေးဆု၊ အကောင်းဆုံးဗီဒီယိုရိုက်ကူးသူဆု၊ တစ်နှစ်တာအားကစားထူးချွန်ဆု၊ ရာစုနှစ်အကောင်းဆုံးသီချင်းဆု တွေပါဝင်ပါတယ္။ 

MCE ရဲ့ ၂၀၂၄ ခုနှစ်အတွက် မတူ(ဂီတ)နှင့်အားကစားကဏ္ဍတို့တွင် ထူးချွန်ဆုရရှိသူများမှာ သောင်းလှိုင်(အကောင်းဆုံးတေးသံရှင်ဆု)၊ ထရေစီလာ(အကောင်းဆုံးတက်သစ်စတေးသံရှင်ဆု)၊ အဲမ်တီဂျေမ်းစ် (အကောင်းဆုံးတေးရေးဆု) ၊ ထာလ်နိုင်(အကောင်းဆုံးဗီဒီယိုရိုက်ကူးသူဆု) ၊အဲမ်တီ တီမောတီ(တစ်နှစ်တာအကောင်းဆုံးအားကစားသမားဆု) ၊ ပါရ်မွေး(ရာစုနှစ်အကောင်းဆုံးသီချင်းဆု)နှင့်မာန်းဇာဒိန်း(ဂီတထူးချွန်ဆု) အသိီးသီးရရှိခဲ့ကြပါတယ္။ 

၂၀၂၄ ခုနှစ်၊ မေလနှင့် ဇွန်လအတွင်းမှာ အဆိုပါဆုအသီးသီးအတွက် လျာထားစာရင်းတွင်ပါဝင်သူများကို Matupi Chin Entertainment Official Facebook Page မှတရားဝင်ကြေငြာခဲ့တာဖြစ်ပြီး ပရိတ်သတ်တွေကိုယ်တိုင် Online Voting စနစ်ဖြင့် မဲပေးရွေးချယ်ခွင့်ရခဲ့တာဖြစ်ပါတယ္။ 

Matupi Chin Entertainment ကပေးအပ်တဲ့ ပထမအကြိမ်ဂီီတထူးချွန်ဆုပေးပဲွမှာ ဂီတထူးချွန်ဆု(၃)ဆု ကိုပေးအပ်ခဲ့တာဖြစ်ပြီး ယခုနှစ်(ဒုတိယအကြိမ်)မှာ ဂီတထူးချွန် ဆု(၃)ဆုထပ်တိုးပြီး ပေးအပ်ချီးမြှင့်ခဲ့တာဖြစ်ပါတယ္။ 

 

========================

 

📌📌 6. ချင်းဖိုက်တာ Tial Thang ဒုတိယချီမှာ အရေးနိမ့်

 

The Matupi Times ၊ အောက်တိုဘာလ၊ ၁၉၊ ၂၀၂၄

ဒီနေ့မနက်ယှဥ်ပြိုင််ထိုးသတ်သွားတဲ့Cage  Fury Fighting Championship 137 ပွဲမှာ ချင်းဖိုက်တာ Tilal Thang ဟာ ပြိုင်ဘက်ကို အရေးနိမ့်ခဲ့တယ်လို့သိရပါတယ်။

အမေရိကန်နိုင်ငံသား ခရစ်ယာန်မက်အော်လီ ( Christian Mcauley )ကိုဒုတိယအချီမှာဘဲ Tial Thang တစ်ယောက် ချုပ်ကွက်နဲ့အရှုံးပေးလိုက်ရပါတယ်။

#RadioNUGLocalNews

#SpringRevolution