28 Oct 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ အောက်တိုဘာလ ( ၂၈ ) ရက်နေ့ ရပြည်တွင်းသတင်းများ

📌📌 1. နေရပ်စွန့်ခွာပြည်သူများ မိမိမြို့၊ရွာသို့ အပူအပင်မရှိ ပြန်လည်ဝင်ရောက်နိုင်ရန် ကြိုးစားဆောင်ရွက်မည်ဟု CDF-Matupi တပ်မဟာ(၂) သတင်းထုတ်ပြန်

 

The Matupi Times ၊ အောက်တိုဘာလ ၂၁ ၊ ၂၀၂၄ 

ချင်းလဲန်ကာကွယ်ရေးတပ်ဖွဲ့-မတူပီ (တပ်မဟာ ၂) ၆လပတ် အစည်းအဝေးကို ၂၀၂၄ ခုနှစ်၊ အောက်တိုဘာလ(၁၉-၂၀)ရက် နေ့၌ ကျင်းပခဲ့ကြောင်းသိရပါတယ်။

 

အစည်းအဝေးတွင် ချင်းလဲန်ကာကွယ်ရေးတပ်ဖွဲ့ - မတူပီ တပ်မဟာအချင်းချင်း ပြေလည်ပြီး နေရပ်စွန့်ခွာစစ်ဘေးရှောင်ပြည်သူတွေ မိမိမြို့၊ရွာကို အပူအပင်မရှိ ပြန်လည်ဝင်ရောက်လာနိုင်အောင် တတိယအဖွဲ့အစည်း (Third Party)နဲ့ အတူ ကြိုးစားဆောင်ရွက်သွားမည်ဖြစ်ကြောင်း ၊ ပြည်သူကျန်းမာရေး၊ ပညာရေး အုပ်ချုပ်ရေးနဲ့ အခြား သော ဖွံ့ဖြိုးရေးလုပ်ငန်းတွေကောင်းမွန်စွာ လည်ပတ်နိုင်ဖို့ သက်ဆိုင်ရာ ချင်းလဲန်ဝန်ကြီးတွေနဲ့အတူ ချိတ်ဆက် ဆောင်ရွက်သွားမည်ဖြစ်ကြောင်းနှင့် ချင်းအမျိုးသားတည်ဆောက်ရေး ၊ ချင်းအမျိုးသားပိုင်နက် နယ်မြေကို ကာကွယ်ရန်နှင့် ချင်းပြည်လွတ်မြောက်နိုင်ရန် ချင်းပြည်ကောင်စီ လက်အောက်ခံတပ်ဖွဲ့များနဲ့အတူ ဆက်လက်တို က်ပွဲဝင်သွားမည် ဖြစ် ကြောင်း ထည့်သွင်းဖော်ပြထားပါတယ္။ 

 

ချင်းလဲန်ကာကွယ်ရေးတပ်ဖွဲ့-မတူပီ (တပ်မဟာ ၂)တပ်မဟာမှူးမှ မိန့်ခွန်းပြောကြားပြီး ပညာရေး၊ အုပ်ချုပ်ရေး၊ ဘာသာရေး အကြီးအကဲများမှ အမှာစကားပြောကြားကာ အခမ်းနားအစီစဥ်ကို ကောင်းမွန်စွာ ကျင်းပနိုင်ခဲ့ပြီး ၊ တပ်ရင်းတပ်ဖွဲ့ဝင်များ၏ အခြေခံမူဝါဒနှင့် အမျိုးသားလုံခြုံရေး၊ အမျိုးသားပိုင်နက်လုံခြုံရေးအား ပိုမိုအာရုံစူးစိုက် ဆောင်ရွက်နိုင်ရန်နှင့် ပညာရေး၊ ကျန်းမားရေး၊အုပ်ချုပ်ရေး ကောင်းမွန်စွာ လည်ပတ်နိုင်ရန် ဆွေးနွေးဆုံးဖြတ်ခဲ့ကြတယ္လို့ဆိုပါတယ္။ 

 

========================

 

📌📌 2. မတူပီမြို့အနီးတနေရာကို စစ်ကောင်စီက လေကြောင်းဖြင့်ဗုံးကြဲတိုက်ခိုက်

 

The Matupi Times ၊ အောက်တိုဘာလ ၂၂ ၊ ၂၀၂၄ 

ချင်းပြည်နယ်တောင်ပို်င်း ၊ မတူပီမြို့အနီးတနေရာကို စစ်ကောင်စီက ယမန်နေ့အောက်တိုဘာလ ၂၁ ရက်နေ့ နံနက်ပိုင်းတွင် လေကြောင်းဖြင့် နှစ်ကြိမ် လာရောက်ဗုံးကြဲတိုက်ခိုက်ခဲ့တယ္လို့သတင်းကြားသိရပါတယ်။ 

စစ်ကောင်စီ၏ဗုံးကြဲမှုကြောင့် မဟာမိတ်ရဲဘော်တချို့ထိခိုက်ဒဏ်ရာရသူများရှိကြောင်း ကနဦးကြားသိရပါတယ္။ သက်ဆို်င်ရာကာကွယ်ရေးတပ်ဖွဲ့ကတစုံတရာထုတ်ပြန်ထားခြင်းမရှိသေးပါဘူး။

မတူပီမြို့ကို CDF-Matupi တပ်မဟာ(၁)နှင့် ချင်းညီနောင်မဟာမိတ်ပူးပေါင်းအဖွဲ့မှ သိမ်းပိုက်ထိန်းချုပ်ပြီးနောက် မတူပီမြို့နယ် ပြည်သူ့အုပ်ချုပ်ရေးအဖွဲ့ကို ပြန်လည်ဖွဲ့စည်းပြီး အုပ်ချုပ်ရေးလုပ်ငန်းများ ဖော်ဆောင်လျှက်ရှိသည်။

 

========================

 

📌📌 3. ဂန့်ဂေါ-ပခုက္ကူ လမ်းပိုင်းတနေရာ၌ မော်တော်ယာဉ်တိမ်းမှောက်မှုကြောင့် ခရီးသည်တစ်ဦးသေဆုံး

 

The Matupi Times ၊ အောက်တိုဘာ ၂၂ ၊ ၂၀၂၄ 

ဂန့်ဂေါ-ပခုက္ကူ လမ်းပိုင်း ပုံတောင်ပုံညာအနီးတွင် ဒီကနေ့ အောက်တိုဘာလ ၂၂ ရက်နေ့၌ ခရီသည်မော်တော်ယာဉ် တစ်စီးတိမ်းမှောက်မှုဖြစ်ပွားခဲ့ပြီး ခရီးသည်တစ်ဦး သေဆုံးသွားကြောင်း သတင်းကြားသိရပါတယ္။ 

သေဆုံးသူမှာ မတူပီမြို့၊ မြို့မရဲစခန်းအနီးတွင် နေထိုင်သူ ဒေါ်အေးမြင့်(အသက်-၄၅)နှစ် ဖြစ်ပြီး ယာဉ္တိမ်းမှောက်မှုဖြစ်စဉ်တွင် ပွဲချင်းပြီး သေဆုံးသွားကြောင်းကနဦးကြားသိရပါတယ္။ ရေဇွာမြို့မှ ပခုက္ကူမြိုသို့ခရီးထွက်ခွာလာတာဖြစ်ပြီး လမ်းခုလတ်တစ်နေရာမှာ အခုလိုကြုံတွေ့ခဲ့ရတာဖြစ်ကြောင်း နီးစပ်သူများထံကသိရပါတယ္။ ြဖစ်စဉ်အသေးစိတ်ကို ဆက်သွယ်စုံစမ်းနေဆဲပါ။ 

 

========================

 

📌📌 4. ထန်တလန်တိုက်ပွဲတွင် CNA သုံးပွင့်ဗိုလ်-ဗိုလ်ကြီးမင်းထွန်း နှင့် ရဲဘော်တစ်ဦး မြင့်မြတ်စွာကျဆုံး

 

The Matupi Times ၊ အောက်တိုဘာ ၂၄ ၊ ၂၀၂၄

တိုက်ပွဲပြင်းထန်နေတဲ့ ချင်းပြည်၊ထန်တလန်မြို့တိုက်ပွဲမှာ ချင်းအမျိုးသားတပ်မတော်-CNA မှ သုံးပွင့်ဗိုလ်- ဗိုလ်ကြီးမင်းထွန်း(အသက်-၂၆)နှစ်သည် မြင့်မြတ်စွာ ကျဆုံးသွား ကြောင်းသိရပါတယ္။ 

ဗိုလ်ကြီးမင်းထွန်းဟာ ပြီးခဲ့တဲ့ ၂၀၂၄ အောက်တိုဘာလ ၂၂ ရက်နေ့ နံနက်ပိုင်းမှာ ထန်တလန်မြို့ထဲက စစ်ကောင်စီတပ်စွဲရာနေရာတခုကို ချင်းပြည်ကောင်စီပူးပေါင်းတပ်ဖွဲ့မှဝင်ရောက်တိုက်ခိုက်ခဲ့ရာမှာ ကျဆုံးသွားတာဖြစ်ကြောင်းသိရသည်။ 

ချင်းပြည်၊ထန်တလန်တိုက်ပွဲတွင် CNA တပ်ဖွဲ့ဝင် ဆလိုင်း ဆာ့တ်ဆူလ်(Cak Suel) အသက်(၁၉)နှစ် သည်၂၀၂၄  အောက်တိုလာလ ၂၁ ရက်နေ့၌ ရှေ့တန်းတိုက်ပွဲတနေရာတွင် စစ်ကောင်စီလက်အောက်မှလွတ်မြောက်၍ ဖက်ဒရယ်ဒီမိုကရေစီရရှိရေးအတွက် တိုက်ပွဲဝင်ရင်း မြင့်မြတ်စွာအသက်ပေးလှူသွားကြောင်းသိရပါတယ္။

 

ကျဆုံးသွားတဲ့ ဗိုလ်ကြီးမင်းထွန်း ဟာ ချင်းပြည်နယ်တောင်ပိုင်း၊ ပလက်ဝမြို့နယ်ဒေသခံတစ်ဦးဖြစ်ပြီး ၂၀၁၃ ခုနှစ်မှာချင်းအမျိုးသားတပ်မတော်ထဲကိုဝင်ရောက်ခဲ့တာပါ တိုက်ပွဲတိုင်းမှာပါဝင်တဲ့ အားကိုးရတဲ့ခေါင်းဆောင်တစ်ဦးဖြစ်တယ္လို့သိရပါတယ္ ။ သူကျဆုံးချိန်မှာ ဇနီးနဲ့သားနှစ်ဦး ကျန်ရစ်ခဲ့တယ်လို့သိရပါတယ်။

 

========================

 

📌📌 5. စင်္ကာပူနိုင်ငံံက ကလေးငယ်တစ်ဦးကို မြန်မာနိုင်ငံသားတဦးက ကယ်တင်ပေးနိုင်ခဲ့

 

The Matupi Times အောက်တိုဘာ ၂၅၊ ၂၀၂၄ 

စင်္ကာပူနိုင်ငံ၌ ၃ ထပ်တိုက်အမြင့် အဆောက်ဉိီး တခုရဲ့ပြတင်းပေါက်အပြင်ဘက်မှာ ရပ်နေတဲ့ ၃ နှစ်သားအရွယ် ကလေးငယ်တဦးရဲ့ အသက်ကို မြန်မာနိုင်ငံသားတဦးနဲ့အတူ Mr Jahir ဆိုသူတို့က ကယ်တင်ပေးနိုင်ခဲ့တယ်လို့ CNA ရဲ့သတင်းတပုဒ်မှာဖော်ပြထားပါတယ်။ 

ပြီးခဲ့တဲ့ အောက်တိုဘာ ၂၀ ရက်နေ့က တိုက်ခန်းပြတင်းပေါက်အပြင်မှာ ကလေးတဦးရပ်နေတာကိုတွေ့လို့ ၎င်းတို့(၂)ဦးနဲ့အတူ လူတစုက ချက်ချင်းကူညီပေးဖို့ကြိုးစားခဲ့ကြတယ်လို့ဆိုပါတယ္။

အခုလို ကလေးငယ်ရဲ့အသက်ကို ကယ်တင်ပေးခဲ့တဲ့ Mr Sa Thu Ya Aung နဲ့ Mr Jahir တို့ကို သူတို့ရဲရင့်မှုအတွက် SCDF Community Lifesaver Award ကိုဒီကနေ့ အောက်တိုဘာလ ၂၅ ရက်နေ့၌ 3rd SCDF Devision's headquarter,Yishun , Singapore မှာ ချီးမြှင့်ပေးအပ်ခဲ့တယ္လို့သိရပါတယ္။ 

 

========================

 

📌📌 6. Chin Tube မှပေးအပ်မည့် လျာထားဆုများစာရင်းတွင် မတူပီ(ချင်း)လူငယ်(၃)ဦးပါဝင်

 

The Matupi Times ၊ အောက်တိုဘာ ၂၃ ၊ ၂၀၂၄ 

Chin Tube မှပေးအပ်မည့် ၂၀၂၄ ခုနှစ်အတွက်လျာထားဆုများထဲမှ ဆု(၃)ဆုအတွက်လျာထားစာရင်းတွင် မတူပီ(ချင်း)လူငယ် အနုပညာရှင်(၂)ဦးနှင့် စီးပွားရေးလုပ်ငန်းရှင်(၁)ဦးပါဝင်လာပါတယ်။ 

လျာထားစာရင်းတွင်ပါဝင်သူများမှာ David Thintuep (2024 Content Creator Of The Year) , MT Nang (2024 New Artist Of The Year) နှင့် Rome Thalop ( 2024 Most Influential Of The Year ) တို့ဖြစ်ပါတယ္။ 

David Thintuep ဟာမတူလူငယ်အဆိုတော်တစ်ဦးဖြစ်ပြီး သူ့ရဲ့ပရိတ်သတ်တွေအတွက် ဟာသဗီဒီယိုတိုလေးများတင်ဆက်ပေးနေသူဖြစ်ပါတယ္။ နောက်ပိုင်းမှာ မိခင်ဖြစ်သူနှင့်အတူ Vlog Video တိုလေးများဖြင့်တင်ဆက်ပေးလေ့ရှိပြီး ပရိသတ်အားပေးမှုပိုမိုရရှိလာသူတစ်ဦးဖြစ်ပါတယ္။ 

MT Nang ဟာ မတူတေးသီချင်းများကို ဖန်တီးသီဆိုနေသည့် တက်သစ်စမတူလူငယ်အဆိုရှင်တစ်ဦးဖြစ်ပြီး မတူလူငယ်အဆိုရှင်များဖြစ်သည့် Mt James,Awmzy တို့နှင့်ပူးပေါင်း၍ iCEY Music Production ဖွဲ့စည်းကာ မတူခေတ်ပေါ်တေးသီချင်းသစ်များကို ဖန်တီးနေသူတစ်ဦးဖြစ်ပါတယ္။ 

Rome Thalop သည် မတူပီမှတက်သစ်စစီးပွားရေးလုပ်ငန်းရှင်တစ်ဦးဖြစ်ပြီး Thalop Holding လုပ်ငန်းကို အသက် ၁၇ နှစ်ရွယ်မှာ စတင်ခဲ့တာဖြစ်ပါတယ်။ The Thalop Group ရဲ့ Executive Chairman ဖြစ်ပြီး အသက် ၂၅ နှစ်ခန့်သာ ရှိသေးတဲ့ကြိုးစားရင် ဘာမဆိုဖြစ်နိုင်တယ်ဆိုတဲ့ ယုံကြည်ချက်ပြင်းပြသူ တက်သစ်စလူငယ်တစ်ယောက်ဖြစ်ပါတယ်။ ၂၀၂၃ ခုနှစ်မှာ Chin Tube ကပေးအပ်တဲ့ (2023-Chin Youth Of Year ) ဆိုကုိ ရရှိခဲ့သူဖြစ်ပြီး ယခုနှစ်မှာ ( 2024 Most Influential Of The Year ) အတွက် ထပ်မံလျာထားခံရတာဖြစ်ပါတယ္။ 

#RadioNUGLocalNews

#SpringRevolution