04 Nov 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ နိုဝင်ဘာလ ( ၄ ) ရက်နေ့ ရပြည်တွင်းသတင်းများ

📌📌 1. CDF-Mara Fundraising Team မှ CDF-Mara အတွက်လက်နက်တပ်ဆင်ပေး

 

The Matupi Times ၊ အောက်တိုဘာလ ၂၈ ၊ ၂၀၂၄

CDF-Mara အတွက် CDF-Mara Global Fundraising Team မှ လက်နက်များ၀ယ်ယူတပ်ဆင်ပေးခဲ့တယ်လို့သိရပါတယ်။

Maraland ကာကွယ်ရေးအတွက် CDF-Mara Global Fundraising Team မှ တတိယအကြိမ်မြောက် ဝယ်ယူပေးခြင်းဖြစ်ပြီး လက်နက်များအတွက် ဆုတောင်းပွဲ အခမ်းအနားကို ပြီးခဲ့တဲ့ ၂၆.၁၀.၂၀၂၄ ရက်နေ့တွင် အောင်မြင်စွာ ကျင်းပပြီးစီးနိုင်ခဲ့တယ်လို့ cdf-mara ကသတင်းထုတ်ပြန်ပါတယ်။

 

========================

 

📌📌 2. CNF ပါတီ၀င်များအတွက် ရက်တိုအခြေခံစစ်သင်တန်းပြုလုပ်ပေး

 

The Matupi Times ၊ အောက်တိုဘာလ ၂၉ ၊ ၂၀၂၄

ချင်းအမျိုးသားတပ်ဦး (CNF) ၏ ရုံးဝန်ထမ်းများ နှင့် ပါတီခေါင်းဆောင် အသစ်များ ပါဝင်သည့် ပါတီဝင်များအတွက် ပြုလုပ်သည့် ရက်တို အခြေခံစစ်သင်တန်း(အပတ်စဥ်-၁)ကို အောက်တိုဘာလအတွင်းမှာ ပြုလုပ်ပေးခဲ့တယ်လို့သိရပါတယ်။

အဆိုပါသင်တန်းကိုအောက်တိုဘာလ ၉ ရက်နေ့တွင် စတင်ခဲ့ပြီး ချင်းအမျိုးသားတပ်မတော် ဗဟိုစစ်သင်တန်းကျောင်း၏ ကျောင်းအုပ်ကိုယ်တိုင် ဦးစီး သင်ကြားပေးခဲ့ကြောင်းသိရသည်။

 

========================

 

📌📌 3. ဟားခါးမြို့အနီးတိုက်ပွဲတွင် စစ်ကောင်စီတပ်ဖွဲ့ဝင် (၁၅) ဦးသေဆုံး ၊ ဗိုလ်မှူးအပါအဝင် ၄ဦး အရှင်ဖမ်းဆီးရမိ

 

The Matupi Times ၊ ‌အောက်တိုဘာလ ၃၀ ၊ ၂၀၂၄

Chinland Defense Force - Hakha နှင့် Chin National Armyမှ ပူးပေါင်း၍ Operation Rung အမည်ဖြင့် ၂၀၂၄ခုနှစ်၊ အောက်တိုဘာလ ၂၈ ရက်နေ့၌ ဟားခါး-ထန်တလန်ကြားရှိ စစ်ကောင်စီတပ်စခန်းသိမ်း တိုက်ပွဲဖော်ဆောင်ခဲ့ကြောင်းသိရသည်။

အဆိုပါ စစ်ဆင်ရေးတွင် ဟားခါးမြို့အနီး ဟားခါး-ထန်တလန်လမ်းရှိ Kiamtlang စစ်တပ်စခန်းကိုတိုက်ခိုက် သိမ်းပိုက်ခဲ့သလို စခန်းသိမ်းတိုက်ပွဲတွင် စစ်ကောင်စီတပ်ဖွဲ့ဝင် ၁၅ဦး သေဆုံးခဲ့ပြီး ဗိုလ်မှူးအပါအဝင် ၄ဦး အရှင်ဖမ်းဆီးရမိကြောင်း CDF-Hakha ကမှတ်တမ်းဓာတ်ပုံနဲ့အတူ သင်းထုတ်ပြန်ပါတယ္။ ဒါ့အပြင် တိုက်ပွဲအတွင်း စစ်ကောင်စီတပ်ထံက MA1 ငါးလက်၊ MA2 တစ်လက်၊ MA3 နှစ်လက်၊ MA11 တစ်လက်၊ ကျည်‌ဘောက် ၄၂ခု၊ မိုင်း နှင့် ခဲယမ်းများလည်း သိမ်းဆည်းရရှိခဲ့ကြောင်းသိရသည်။

မိမိတို့ CDF-Hakha အနေဖြင့် တော်လှန်ရေးအင်အားစုများနှင့် ပူးပေါင်းပြီး ဆက်လက် တိုက်ပွဲဖော်ဆောင်သွားမည်ဖြစ်သည့်အတွက် ပြည်လူထုမှလည်း ပူးပေါင်းပါဝင်ဆောင်ရွက်‌‌ပေးကြဖို့ တောင်းဆိုထားပါတယ္။

 

========================

 

📌📌 4. ဂျာမန်ဓာတ်ပုံဆရာ ယန့်ဇ် နှင့် ချင်းလူငယ် ပန်းချီဆရာ ဆလိုင်းနံရံတို့ရဲ့" The Soul of Southern Chin" ပြပွဲကျင်းပ

 

The Matupi Times နိုဝင်ဘာလ ၂ ရက်။

နိုဝင်ဘာလ ၁ ရက်ကစပြီး ရန်ကုန်မြို့လယ်၊ကျောက်တံတားမြို့နယ်က KaLaSa Art Spaceမှာ ဂျာမန်သံရုံးကဦးစီးပြီးပြုလုပ်ပေးတဲ့ ဂျာမန်ဓာတ်ပုံဆရာ ယန့်ဇ် နှင့် ချင်းလူငယ် ပန်းချီဆရာ ဆလိုင်းနံရံတို့ပူးတွဲပြီးဓာတ်ပုံနှင့်ပန်းချီ အတွဲအဆက်ပြပွဲ(တောင်ပိုင်းချင်းလူမျိုးတို့ရဲ့ယဉ်ကျေးမှုဓလေ့)”The Soul of Southern Chin" ပြပွဲကိုပြုလုပ်နေကြောင်း သိရပါတယ်။

The Soul Of Southern Chin : Vanishing Expression of Identity အမည်ရ အနုပညာပြပွဲဟာ ဂျာမန်ဓာတ်ပုံဆရာ ယန့်ဇ် နှင့် ချင်းအမျိုးသားပန်းချီဆရာ ဆလိုင်းနံရံတို့မှ ပူးတွဲတင်ဆက်ပြသတဲ့ ဓာတ်ပုံနှင့်ပန်းချီ အတွဲအဆက်ပြပွဲတစ်ပွဲဖြစ်ကာ၊ပြပွဲမှာ ပြသတဲ့ ပန်းချီကားများနှင့် ဓာတ်ပုံတွေဟာ ချင်းပြည်နယ် ၊ရခိုင်ပြည်နယ်နှင့် မကွေးတိုင်းတို့မှာ နေထိုင်ကြပြီး ကွယ်ပျောက်လုနီးပါးဖြစ်သော တောင်ပိုင်းချင်းလူမျိုးတို့ရဲ့ယဉ်ကျေးမှုဓလေ့နှင့် ကိုယ်ပိုင်ဝိသေသလက္ခဏာများကို သူတို့ ကျွမ်းကျင်ပိုင်နိုင်သော အနုပညာဖန်တီးမှုတို့ဖြင့် ပြန်လည်ဖော်ထုတ်ထားခြင်းဖြစ်ကြောင်းပြပွဲကို နိုဝင်ဘာလ ၁၇ ရက်အထိပြုလုပ်မှာဖြစ်ကြောင်းသိရပါတယ်။

 

========================

 

📌📌 5. အောက်တိုဘာလအတွင်း မင်းတပ်မြို့ပေါ်က နေအိမ် အလုံး ၃၀ မီးရှို့ဖျက်ဆီးခံရ

 

The Matupi Times ၊ နိုဝင်ဘာလ ၁ ၊ ၂၀၂၄

ချင်းပြည်နယ် မင်းတပ်မြို့ပေါ်က နေအိမ် အလုံး (၃၀) ကို ပြီးခဲ့တဲ့ အောက်တိုဘာတစ်လတွင်း စစ်ကောင်စီက မီးရှို့ဖျက်ဆီးခဲ့သလို လေကြောင်းတိုက်ခိုက်မှုလည်း (၇၇) ကြိမ်လုပ်ခဲ့တယ်လို့ CDF – Mindat က ဒီကနေ့နိုဝင်ဘာလ ၁ ရက်နေ့မှာ ထုတ်ပြန်ပါတယ်။

မင်းတပ်မြို့ အနောက်ရပ်ကွက်က အရပ်သားနေအိမ် ၂၈ လုံးနဲ့ အရှေ့ပြင်ရပ်ကွက်က နေအိမ် ၂ လုံး စုစုပေါင်း အိမ်အလုံးပေါင်း ၃၀ ကို စစ်ကောင်စီက မီးရှို့ဖျက်ဆီးခဲ့တယ်လို့ CDF – Mindat က ထုတ်ပြန်ပါတယ်။

အောက်တိုဘာလအတွင်း ချင်းကာကွယ်ရေးတပ်ဖွဲ့ဝင် ၄ ဦး တိုင်းပြည်နဲ့ လူမျိုးအတွက် အသက်ပေးခဲ့ရတယ်လို့လည်း CDF – Mindat ကထုတ်ပြန်ထားပါတယ်။

 

========================

 

📌📌 6. ချင်းလူငယ်ဖိုက်တာ MT Timothy ဒိုင်အမှတ်နဲ့ရှုံးနိမ့်

 

The Matupi Times ၊ နိုဝင်ဘာလ ၂ ၊၂၀၂၄

ဒီကနေ့ညနေပို်င်းက ထိုးသတ်ခဲ့တဲ့ မလေးရှားနိုင်ငံ ၊ Champion Belt Fight (ခါးပတ်လုပွဲ) ကွာတားဖိုင်နယ်အဆင့်မှာ ပြိုင်ဘက်မလေးရှားနိုင်ငံသား Muhammad Nasim ကိုဒိုင်အမှတ်နဲ့ရှုံးနိမ့်ခဲ့တယ္လို့သိရပါတယ္။

ပွဲကစားချိန်အတွင်း ပြိုင်ဘက်က အမှတ်တွေအသာစီးယူပြီး ထိုးသတ်သွားခဲ့တာဖြစ်ပြီး ဒုတိယအချီမှာတော့ Timothy သက်လုံကျသွားပြီးတော့ အမှတ်နဲ့အရှုံးပေးလိုက်ရတာဖြစ်ပါတယ်။

မလေးရှားနိုင်ငံသား မိုဟာမက်နာဆီမ် ( Muhamad Nasim ) က ပရော်ဖက်ရှင်နယ်ဖိုက်တာ အဖြစ် ၃ ပွဲ ထိုးသတ်ဖူးတဲ့သူဖြစ်ကာ သူထိုးသတ်ခဲ့တဲ့ ၃ ပွဲစလုံးအနိုင်ရရှိထားပါတယ်။ Timothyက အပျော်တမ်း လက်ဝှေ့၊ ကစ်ဘောက်ဆင် တွေမှာ ၂၄ ပွဲထိုးသတ်ပြီး ၁၈ ပွဲနိုင်၊ ၆ ပွဲရှုံးထားပါတယ်။

#RadioNUGLocalNews

#SpringRevolution