16 Nov 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ နိုဝင်ဘာလ ( ၁၆ ) ရက်နေ့နောက်ဆုံးရပြည်တွင်းသတင်းများ 

📌📌 ၁။ မင်းတပ်၊ ဖလမ်းမှာ ‘ချင်းညီနောင်’ စစ်ဆင်ရေး စတင်။

 

မင်းတပ်၊ ဖလမ်းမြို့ပေါ် ရှိ စစ်ကောင်စီတပ်ကို ၂၀၂၄ နိုဝင်ဘာလ ဒုတိယအပတ်ကစလို့ ထိုးစစ်ဆင်တိုက်ခိုက်နေတယ်လို့ ‘ချင်းညီနောင်’က တရားဝင် ထုတ်ပြန်လာပါတယ်။

၂၀၂၄ နိုဝင်ဘာ ၉ ရက်နေ့ စတင်တဲ့ ‘ချင်းညီနောင်’ စစ်ဆင်ရေးမှာ မဟာမိတ်အင်အားစု တချို့နဲ့ မိတ်ဖက်အဖွဲ့အစည်းတချို့ ပူးပေါင်းတယ်လို့ ပြောပါတယ်။

စစ်ဆင်ရေးသတင်းတွေကို လူမှုကွန်ရက်ပေါ် ရေးသားဖြန့်ဝေခြင်း၊ သတင်းမှား သတင်းတုများရေးသားခြင်း မပြုလုပ်ကြဖို့လည်း မေတ္တာရပ်ခံထားပါတယ်။

မင်းတပ်မြို့ပေါ်၊မှာ ၂၀၂၁ မေလက အကြီးအကျယ်ဖြစ်ပွားခဲ့တဲ့ ဂေါက်ကွင်းတိုက်ပွဲအပြီး ၃ နှစ်နဲ့ ၆ လဝန်းကျင်အကြာမှာ ပြင်းထန်တဲ့ တကျော့ပြန် မြို့ပေါ်တိုက်ပွဲ ပြန်လည်ဖြစ်ပွားလာတာ ဖြစ်ပါတယ်။

‘ချင်းညီနောင်’ စစ်ဆင်ရေးစတင်တဲ့ မင်းတပ်၊ ဖလမ်းမှာ အခုရက်ပိုင်းအတွင်း လေကြောင်းတိုက်ခိုက်ခံရမှု အကြိမ် ၅၀ ကျော်ရှိနေတယ်လို့ The Mindat Postက ရေးသားဖော်ပြပါတယ်။

အဆိုပါ တိုက်ခိုက်မှုတွေကို စစ်ကောင်စီ မကွေးလေတပ်၊ နေပြည်တော်လေတပ်၊ မိတ္ထိလာလေတပ်က အများဆုံး ပြုလုပ်နေတာပါ။

စစ်ကောင်စီဘက်က လေကြောင်း ဗုံးကြဲတာအပြင် အရပ်သားပြည်သူနေအိမ်တွေကိုပါ ရည်ရွယ်ချက်ရှိရှိ မီးရှို့နေတယ်လို့ မင်းတပ်မြို့အခြေအနေ မျက်မြင်တွေေ့ရှိနေသူတွေက ပြောပါတယ်။ 

ဒီလိုအခြေအနေတွေကြောင့် မင်းတပ်မြို့ပေါ် ရပ်ကွက် ၄ ခုနဲ့ ဖလမ်းမြို့ပေါ်ရှိ အဆောက်အအုံ ၁၀၀ ကျော် ပျက်စီးနိုင်ပါတယ်လို့ ဆိုပါတယ်။

 

========================

 

📌📌 ၂။ NUGက ယောဗျူဟာအတွက် ဒုတိယအကြိမ် လက်နက်တပ်ဆင်။

 

ဂန့်ဂေါခရိုင်အမှတ် (၁၃၊ ၁၅၊ ၁၆၊ ၁၇၊ ၁၈) တပ်ရင်းတို့နဲ့ စုပေါင်း ဖွဲ့စည်းထားတဲ့ ဗျူဟာအမှတ်(၈၁)-ယောဗျူဟာအတွက် NUG က လက်နက်တပ်ဆင်မှု ထပ်မံ ပြုလုပ်ပေးခဲ့ပါတယ်။

“အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှ  ဒုတိယအကြိမ်အဖြစ် လက်နက်များ တပ်ဆင်ပေးခဲ့သည်။ အဆိုပါ လက်နက်တပ်ဆင်ပွဲအခမ်းအနားကို ယောနယ်တစ်နေရာတွင် ကျင်းပခဲ့ပါသည်။” လို့ ဗျူဟာအမှတ် (၈၁) - ယောဗျူဟာက နိုဝင်ဘာ ၁၃ရက်က ထုတ်ပြန်ပါတယ်။

နွေဦးညီနောင်သိန်းသုံးထောင်ကမ်ပိန်းကနေ ရရှိတဲ့ ပထမအသုတ်ဖြင့် ကျည်ကာဦးထုပ်တွေကိုလည်း ရှေ့တန်းရဲဘော်တွေထံ ဖြန့်ဝေပေးထားပြီလို့ ယောဗျူဟာက ပြောပါတယ်။

၂၀၂၄ အောက်တိုဘာနှောင်းပိုင်းက ယောဗျူဟာအတွက် လက်နက်တပ်ဆင်မှုကို NUG အနေနဲ့ ပထမကြိမ်ပြုလုပ်ပေးခဲ့ပြီး ၁ လဝန်းကျင်အကြာမှာ နောက်ထပ်တကြိမ် ပြုလုပ်ပေးတာ ဖြစ်ပါတယ်။

 

========================

 

📌📌 ၃။ မင်းတပ်မြို့ပေါ်ရှိလူနေအိမ်တွေကိုစစ်ကောင်စီက ၅ ရက်ဆက်တိုက်မီးရှို့နေ။

 

မင်းတပ်မြို့ပေါ်ရှိလူနေအိမ်တွေကိုစစ်ကောင်စီတပ်ဖွဲ့၀င်များက နို၀င်ဘာ ၁၃ ရက်နေ့က ထပ်မံမီးရှို့နေတယ်လို့သတင်းရရှိပါတယ်။

စစ်ကောင်စီလက်အောက်ခံတပ်ဖွဲ့၀င်များက ရဲစခန်း၊ခေါနူးရိပ်သာအနီးနားရှိချင်းမေတ္တာစား သောက်ဆိုင် တန်းရှိလူနေအိမ်များကိုထပ် မံရှို့ခဲ့ကြတာလို့သိရပါတယ်။

ပြီးခဲ့တဲ့ နေ့တွေကလည်း မင်းတပ်မြို့ပေါ်ရှိ ရပ်ကွက်အားလုံးမှာ စစ်တပ်က လူနေအိမ်တွေကို မီးရှို့ခဲ့ပါတယ်။

အဆိုပါလူနေအိမ်တွေကိုမီးရှို့တဲ့နေရာမှာဦး ဆောင်နေတဲ့သူတွေကတော့ ဇော်လင်း ဦးဆောင် တဲ့စစ်သားတွေအဖွဲ့နဲ့ ထွန်းမင်းနိုင်ဦး ဦးဆောင်နေတဲ့ရဲသားအဖွဲ့ဖြစ်တယ်လို့ မင်းတပ်သတင်းတွေရေးသားတဲ့ HKLကဖော်ပြပါတယ်။

မင်းတပ်မြို့ပေါ်ရှိလူနေအိမ်တွေကိုစစ်ကောင်စီတပ်ဖွဲ့၀င်များက မီးရှို့ဖျက်ဆီးခဲ့တာ နို၀င်ဘာလ ၁၃ ရက်နေ့ဆိုရင် ၅ရက်ရှိခဲ့ပြီ ဖြစ်ပါတယ်။