02 Dec 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဒီဇင်ဘာလ ( ၂ ) ရက်နေ့ ရပြည်တွင်းသတင်းများ

📌📌 1. ပလက်ဝလိမ္မော်သီး စျေးကောင်းရရှိ

 

The Matupi Times နိုဝင်ဘာလ၂၈ရက်။

ချင်းပြည်နယ်၊ ပလက်ဝမြို့နယ် ဒေသထွက် လိမ္မော်သီး ယခုနှစ်မှာ ဈေးကောင်းရနေတယ်လို့ ဒေသခံတောင်သူတွေဆီက သိရပါတယ်။လက်ရှိ လိမ္မော်သီးစျေးမှာ ပလက်ဝမြို့နယ်အထက်ပိုင်း မီးဇာရွာမှာ ၄လုံး ၁၀၀၀ကျပ်၊ ပလက်ဝမြို့ပေါ်မှာ ၃လုံးကို ၁၀၀၀ကျပ်နဲ့ အိန္ဒိယနိုင်ငံဘက်မှာ ၆လုံး ရူပီး ၅၀ ထိစျေးရပါတယ်။

ပလက်ဝမြို့နယ်မှာ လိမ္မော်သီးကို ကုလက်ချောင်း၊ ရုံလက်ချောင်း၊ ရှင်းလက်ချောင်း နဲ့ ဥသာလင်းချောင်း စတဲ့ နေရာတွေမှာ အဓိကစိုက်ပျိုးကြပြီး နိုဝင်ဘာလနဲ့ ဒီဇင်ဘာလတွင် ဆွတ်ခူးကြပါတယ်။

ပလက်ဝမြို့နယ်က လိမ္မော်သီးကို အရင်က ရခိုင်ပြည်နယ်ဘက်ကို အဓိကရောင်းချပေမဲ့ အခုနှစ်မှာ ရောင်းချနိုင်ခြင်း မရှိပဲ ပလက်ဝမြို့တွင်းနဲ့ အိန္ဒိယဘက်သာ ရောင်းချနေကြပါတယ်။

"နိုင်ငံရေးကောင်းတုန်းကဆို ရခိုင်ကနေ ဝယ်ကြတယ်။ အခုနောက်ပိုင်း သွားလာလို့မရတော့ ရခိုင်ကနေ ဝယ်ယူတာမရှိတော့ဘူး။ အခုအခါ အိန္ဒိယဘက်တင်ပို့ရလို့ စျေးပြန်ကောင်းတယ်။" ယခင်ကထက် ဈေးကောင်းရပေမယ့် အခုကုန်ဈေးနှုန်းတက်လိုထူးခြားမှု မရှိကြောင်း ဒေသခံများထံမှ သိရပါတယ်။

 

========================

 

📌📌 2. မီဇိုးရမ်ရောက် မတူချင်းဓမ္မအမှုတော်ဆောင် ငြိမ်းချမ်းရေးကော်မတီက CDF-Matupi(Brigade )1- 2အကြား သင့်မြတ်မှုရရှိရန် သတင်းထုတ်ပြန်

 

The Matupi Times နိုဝင်ဘာ ၂၈ ရက်။

မီဇိုးရမ်းရောက် ဓမ္မအမှုတော်ဆောင်များမှ ဉီးဆောင်၍ Chinland Defence Force Brigate 1နဲ့ brigate 2 အကြား သင့်မြတ်မှုရရှိရန်နဲ့ ပြည်သူများ မိမိဌာနေသို့ အမြန်ပြန်ရောက်နိုင်ရေးအတွက် ဓမ္မအမှုတော်ဆောင် ၉ပါးကို စေလွတ်ကာ တွေ့ဆုံညှိုနှိုင်းမှုများ ပြုလုပ်ခဲ့ပါတယ်။၎င်းတွေ့ဆုံမှုကို နှစ်ဖက်စလုံမှလှိုက်လှဲစွာကြိုဆိုပြီး တစ်ဘက် ၂ကြိမ်စီ တွေ့ဆုံဆွေးနွေးကာ တူညီသောသဘောထားများကို စုစည်းခဲ့ကြသည်။

(က) သင့်မြတ်ရေး၊ငြိမ်းချမ်းရေးကို နှစ်ဘက်စလုံးက လိုလားသည်။

(ခ) မတူပီအရေးကို မတူပီသူ/သား ပြည်သူများကသာ ဆုံးဖြတ်ပိုင်ခွင့်ရှိရမည်။

(ဂ) အပစ်အခတ်ရပ်စဲနှင့် ယုံကြည်မှုတည်ဆောက်ရန် လိုလားသည်။

(ဃ) နယ်မြေဒေသမခွဲဘဲ One army, One budget, One Command ဖြင့် မူလအတိုင်းဖွဲ့စည်းရန် လိုလားသည်။

(င) အထူးသဖြင့် ပြည်သူလူထုမှ Social media တွင် သတင်းတု၊သတင်းမှားများ မလွင့်ရန်၊ တဖက်နဲ့တဖက် တိုက်ခိုက်ခြင်း၊သွေးခွဲပြောဆိုခြင်းများကို ရပ်တန့်ရန် နှင့် CDF ၏ ထုတ်ပြန်ချက်သည်သာ သတင်းမှန်ဖြစ်ကြောင်းကိုလည်း ပြည်သူများက သိရှိနိုင်ရန် တောင်းဆိုထားသည်။

 

မီဇိုးရမ်အတွင်း မတူပီစစ်ဘေးရှောင် ပြည်သူများ ၁၀၀၀၀ ကျော်ရှိပြီး ၎င်းစစ်ဘေးရှောင်တွင် ခိုလှုံနေသောဓမ္မအမှုတော် ဆောင်များစုစည်းပြီး သင့်မြတ်မှုရရှိရန်နှင့် ငြိမ်းချမ်းစွာ အတူယှဉ်တွဲ နေနိုင်ရန် ဉီးတည်ပြီး ညှိုနှိုင်းမှုများ ဆက်လက်လုပ်ဆောင်သွားမည်ဖြစ်ကြောင်း နိုဝင်ဘာ ၂၈ ရက်တွင် ထုတ်ပြန်ကျေညာခဲ့သည်။

 

========================

 

📌📌 3. မင်းအောင်လှိုင်ကို ဖမ်းဝရမ်းထုတ်ဖို့ ICC ရှေ့နေချုပ် တောင်းဆို

 

The Matupi Times နိုဝင်ဘာ ၂၇ ရက်။

■ ရိုဟင်ဂျာတွေအပေါ် ကျူးလွန်တဲ့ ရာဇ၀တ်မှုတွေအတွက် မြန်မာစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို ဖမ်းဝရမ်းထုတ်ဖို့ နိုင်ငံတကာ ရာဇ၀တ်ခုံရုံး (ICC) အစိုးရရှေ့နေချုပ်က နိုဝင်ဘာ(၂၇)ရက်နေ့တွင်လျှောက်ထားလိုက်ပါတယ်။

ရခိုင်ပြည်နယ်က ရိုဟင်ဂျာတွေ ဘင်္ဂလားဒေ့ရှ်နိုင်ငံကို ဒုက္ခသည်အဖြစ် နေရပ်စွန့်ခွာထွက်ပြေးခဲ့ရတဲ့ ၂ဝ၁၆ နဲ့ ၂ဝ၁၇ ခုနှစ်အတွင်း ဖြစ်ခဲ့တဲ့ အကြမ်းဖက်မှုတွေနဲ့ပတ်သက်ပြီး ICC က ၂ဝ၁၉ ခုနှစ်၊ နိုဝင်ဘာလ ၁၄ ရက်နေ့မှာ စတင် စုံစမ်းစစ်ဆေးခဲ့တာဖြစ်ပြီး မြန်မာ့တပ်မတော် ကာကွယ်ရေးဦးစီးချုပ်နဲ့ ယာယီသမ္မတ တာဝန်ယူထားတဲ့ ဗိုလ်ချုပ်မှူးကြီး မင်းအောင်လှိုင်က လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေ ကျူးလွန်တယ်လို့ ဆုံးဖြတ်ခဲ့တာဖြစ်ကြောင်း ICC ရှေ့နေချုပ် Karim AA Khan က ထုတ်ပြန်ခဲ့ပါတယ်။ မြန်မာအဆင့်မြင့်အရာရှိတွေကို နောက်ထပ်ဖမ်းဝရမ်းထုတ်တာတွေ ဆက်လက်လုပ်ဆောင်သွားမယ်လို့လည်း သတင်းရရှိပါတယ်။

 

========================

 

📌📌 4. ဖလမ်းမြို့နယ်၊လုမ်သဲကျေးရွာ ဗုံးကျဲခံရ၍ အရပ်သားပြည်သူ၆ ဉီးသေဆုံး

 

The Matupi Times နိုဝင်ဘာ ၂၇ ရက်။

ချင်းပြည်နယ်၊ ဖလမ်းမြို့နယ်၊ လုမ်သဲကျေးရွာရှိ ကျေးလက်ကျန်းမာရေးဌာနကို စစ်ကောင်စီက ဗုံးကြဲတိုက်ခိုက်ခဲ့သောကြောင့် တာဝန်ကျ ကျန်းမာရေးဆရာမ (၁) ဦးနဲ့အမျိုးသား (၅) ဦး စုစုပေါင်း ၆ဉီးသေဆုံးကာ ထိခိုက်ဒဏ်ရာရရှိသူများလည်းရှိကြောင်း သိရသည်။

နိုဝင်ဘာလ၂၀၂၄ခုနှစ်၊ နိုဝင်ဘာ ၂၆ ရက်မွန်းလွဲပိုင်း ၁ နာရီခန့်တွင် စစ်ကောင်စီ တိုက်လေယာဉ်က ဗုံးကြဲတိုက်ခိုက်ခဲ့ခြင်းဖြစ်ပြီး ပြည်သူ (၃) ဦးထက်မနည်း ပြင်းထန်ဒဏ်ရာရရှိသည့်အပြင် လူနေအိမ် ခန့်မှန်းခြေ (၆) အိမ်ခန့်ပျက် စီးသွားသည်ဟု သိရသည်။လုမ်သဲကျေးရွာသည် ဖလမ်းမြို့နှင့် မိုင် (၂၀) ခန့်ကွာဝေးကာ အိမ်ခြေ (၆၀) နီးပါးရှိသည်ဟုသိရသည်။နို၀င်ဘာ ၂၅ ရက်နေ့ကလည်း ဖလမ်းမြို့နယ် ဗားရ်ကျေးရွာကို စစ်ကောင်စီက လေကြောင်းဖြင့်ဗုံးကြဲတိုက်ခိုက်မှု ကြောင့် ဘုရားကျောင်းနှင့်လူနေအိမ်တချို့ပျက်စီးခဲ့သည်။

ချင်းညီနောင်နှင့် မဟာမိတ်ပူးပေါင်းတပ်ဖွဲ့များက နိုဝင်ဘာလ ၉ ရက်နေ့ကစ၍ မြို့သိမ်းတိုက်ပွဲဆင်နွဲလာသည်မှာ ၂ပတ််ကျော် ကြာမြင့်ပြီဖြစ်ကြောင်းလည်း သိရသည်။

 

========================

 

📌📌 5. ဟားခါးအနီး Kiamtlang စကစတပ်စခန်းကို Chinland Concil တပ်ပေါင်းစုက သိမ်းပိုက်ရရှိ

The Matupi Times နိုဝင်ဘာ ၃၀ ရက်။

ဟားခါးနဲ့ ထန်တလန်ကြားမှာရှိတဲ့ စစ်ကောင်စီ ခလရ ၂၂၂ လက်အောက်ခံ Kiamtlang တပ်စခန်းကို ချင်းလဲန်းအစိုးရ တပ်ဖွဲ့ကနေ နိုဝင်ဘာ ၃၀ မွန်းလွဲပိုင်းမှာပဲ အပြီးသတ် သိမ်းပိုက်နိုင်ခဲ့ရာ စစ်ကောင်စီဘက်က တပ်ရင်းမှူးအပါအဝင် အရာရှိ ၄ ဦးသေဆုံးပြီး တပ်သား ၃၀ ကျော်အရှင်ဖမ်းမိကာ၊ လက်နက် ၃၅ လက်နဲ့ ခဲယမ်းအများအပြား သိမ်းဆည်းနိုင်ခဲ့တယ်လို့ ဒေသတွင်း သတင်းအရ သိရသည်။

စစ်ကောင်စီတပ်ရင်းမှူး ဦးဆောင်တဲ့ အင်အား ၅၀ စခန်းတစ်ခုကို ဒီကနေ့မှာပဲ ကျနော်တို့ ချင်းလဲန်းအစိုးရတပ်ဖွဲ့အနေနဲ့ အပြီးသိမ်းနိုင်ခဲ့ပါတယ်။ စစ်ကောင်စီတပ်ဖွဲ့ဝင် ၁၂ ဦးကတော့ သူတို့ကိုယ်တိုင် လက်နက်ချလိုက်တယ်။ ၁၉ ဦးကတော့ အရှင်ဖမ်းဆီးမိတယ်။ စခန်းထဲမှာ အလောင်း ၁၁ လောင်းတော့ တွေ့ရတယ်။ ကျန်တဲ့ အခြေအနေကိုတော့ မပြောနိုင်သေးဘူး။ စခန်းအတွင်း ရှင်းလင်းမှု လုပ်ဆောင်နေဆဲ ဖြစ်ပါတယ်။

လက်ရှိရရှိသိမ်းဆည်းမိတဲ့ လက်နက်ခဲယမ်းတွေက G3 ၁ လက်၊ MA 11 ၁၁ လက်၊ MA 1 ၆ လက်၊ MA 3 ၃ လက်၊ MA 4 ၂ လက်၊ MA 12 ၂ လက်၊ ငါးကြင်းမီး ၂ လက်၊ RPG ၂ လက်၊ 60 MM ၂ လက်၊ Pistol ၄ လက် အစရှိသည်တို့ဖြစ်ပြီး၊ G3 ကျည်ဘောက် ၄ ခု၊ MA ကျည်ဘောက် ၄၁ ခု၊ MA 11 ကျည်ဘောက် ၂၂ ခု၊ Pistol ကျည်အိမ် ၃ ခု၊ နင်းမိုင်း ၂၀၊ အီနာကာ ၃၀ တို့ဖြစ်ကြောင်း သိရပါတယ်။

လက်ရှိ အခြေနေတွင် တိုက်ပွဲများဆက်ဖြစ်နေပြီး စစ်ရေးအရအရေးပါသည့် Point 3 စခန်းကုန်းကို ပြီးခဲ့သည့် နိုဝင်ဘာ ၂၅ ရက်က သိမ်းဆည်းနိုင်ခဲ့ကြောင်းလည်း သိရသည်။

========================

 

📌📌 6. ချင်းပြည်ကာကွယ်ရေးတပ်ဖွဲ့-မတူပီ (တပ်မဟာ-၁)၏ (၆) လပတ် အစည်းအ‌ဝေးကျင်းပပြီးစီး

 

The Matupi Times နိုဝင်ဘာ ၃၀ ရက်။

 

ချင်းပြည်ကာကွယ်ရေးတပ်ဖွဲ့-မတူပီ (တပ်မဟာ-၁) Chinland Defense Force - Matupi (Brigade-1) ၏ (၆) လပတ် တပ်မှူးများ အစည်းအ‌ဝေးကို ၂၀၂၄ ခုနှစ်၊ နိုဝင်ဘာလ (၂၈-၂၉) ရက်နေ့တွင် ကျင်းပ ပြုလုပ်နိုင်ခဲ့သည်။

တပ်မဟာ-၁ ၏ (၆) လပတ်အတွင်းရှိ

(၁) ဘဏ္ဍာရေး အစီအရင်ခံစာများ

(၂) စစ်ရေးလုပ်ဆောင်ချက် အစီအရင်ခံစာများ

(၃) မဟာမိတ် ဆက်ဆံရေး အစီအရင်ခံစာများ

(၄) မြို့တွင်း/မြို့ပြင် လုံခြုံရေး အစီအရင်ခံစာများ

(၅) ဒေသဖွံ့ဖြိုးရေး လုပ်ငန်းအစီအရင်ခံစာများ တင်ပြခြင်း နှင့် ရှေ့ဆက်လုပ်ငန်းစဉ်ချမှတ်ခြင်းများ ပြုလုပ်နိုင်ခဲ့သည်။

တပ်မဟာ စတင်ဖွဲ့စည်းသည့်ကာလမှ (၆) လ ကာလအတွင်း ချင်းညီနောင်စစ်ဆင်ရေး (ကျင်ဒွေး) နဲ့ ချင်းညီနောင် စစ်ဆင်ရေး (မတူပီ) များတွင် တပ်မဟာ (၁) ကျဆုံး ရဲဘော် (၆) ဦး ရှိပြီး ဒဏ်ရာရဲ‌ဘော် (၁၂) ဦး ရှိကြောင်း သတင်းရရှိသည်။

#RadioNUGLocalNews

#SpringRevolution