10 Dec 2024 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဒီဇင်ဘာလ ( ၁၀ ) ရက်နေ့ ရပြည်တွင်းသတင်းများ

📌📌 1. UFC ချင်းလူငယ်ဖိုက်တာ Joshua Van အမေရိကန်ဖိုက်တာ Cody Durdenကို အနိုင်ရရှိ

 

The Matupi Times ဒီဇင်ဘာ (၈) ရက်။

UFC ချင်းလူငယ်ဖိုက်တာ Joshua Van ဟာ အမေရိကန်ဖိုက်တာ Cody Durden နဲ့ ဒီဇင်ဘာ (၇)ရက်နေ့မှာ အမေရိကန် ပြည်ထောင်စု၊ နီဗာဒါးပြည်နယ်၊ လက်စ်ဗီးဂက်မြို့ရှိ T-mobile Arena မှာ UFC ပြိုင်ပွဲ UFC 310 ယှဉ်ပြိုင်ထိုးသတ်ခဲ့ရာ Joshua Van က အမှတ်နဲ့ အနိုင်ရပြီး Flyweight Ranking 14 ထိ ဝင်ရောက်သွားခဲ့ပြီဖြစ်ပါတယ်။ အမေရိကန်ဖိုက်တာ Cody Durden ဟာ UFC ပြိုင်ပွဲ ၆ပွဲ ထိုးသတ်ရာ နိုင်ပွဲများဖြင့် အချီတိုင်းမှာ အောင်မြင်မှုရရှိသူ ဖြစ်သော်လည်း Joshua Van က အသာစီးထိုးနိုင်ခဲ့ပါတယ်။ Joshua Van သည် လက်ရှိတွင်  UFC ပွဲပေါင်း ၆ပွဲအထိ ထိုးသတ်ခဲ့ပြီး ၅ ပွဲနိုင် ၁ပွဲရှုံးနဲ့ မြန်မာပရိတ်သတ်အများအပြားက အားပေးမှုကို ရရှိထားသူဖြစ်ပါတယ်။

 

========================

 

📌📌 2. ကိုရီးယားနိုင်ငံမှာ အာဏာသိမ်းမှုခဏတာဖြစ်ပွား

 

The Matupi Times ဒီဇင်ဘာ ၇ ရက်။

တောင်ကိုးရီးယားနိုင်ငံမှာ ဒီဇင်ဘာ ၃ရက်ညနေပိုင်းက သမ္မတ ယွန်းဆွတ်ကိုကိုက မာရှယ်လော(စစ်အုပ်ချုပ်ရေး)ကို ကြေညာလိုက်ပါတယ်။ဒီလို ရုတ်တရက်ကြေညာအပြီး ၂နာရီမပြည့်ခင်မှာပဲ လွတ်တော်အမတ်အများဆုံးက သမ္မတအမိန့်ကို ဆန့်ကျင်တဲ့အနေဖြင့် လွတ်တော်အဆောက်အအုံထဲ စုဝေးပြီး အဲဒီအမိန့်ကို ရုတ်သိမ်းဖို့ မဲခွဲဆုံးဖြတ်မှု ပြုလုပ်ခဲ့ပါတယ်။

အဲဒီနောက် သမ္မတကလည်း သူ့ကြေညာချက်ကို ပြန်လည်ရုတ်သိမ်းပေးမယ်လို့ ကြေညာလိုက်ပြီး ဖြစ်ပေမဲ့ အစိုးရအဖွဲ့ဝင်များရဲ့ အတည်ပြုချက်ရယူဖို့လိုအပ်သေးကြောင်း ထပ်လောင်းပြောသွားပါတယ်။

 

ဒီဇင်ဘာ(၄)ရက်နေ့ မနက်ပိုင်းတွင် သမ္မတကို ရာထူးကနေ ဖယ်ရှားပေးဖို့ ပြည်သူလူထုများနှင့်လွတ်တော်ကပါ တောင်းဆိုလာခဲ့ကြတယ်။ အတိုက်အခံဒီမိုကရက်တစ်ပါတီက သမ္မတယွန်ကို တရားစွဲသင့်မစွဲသင့် တင်သွင်းချက်ကို ဒီဇင်ဘာ ၇ ရက်နေ့ညနေပိုင်းမှာ မဲခွဲဖို့ လုပ်ခဲ့ပေမဲ့ သမ္မတယွန်ရဲ့ People Power Party အမတ်တွေက သပိတ်မှောက်ပြီးလွတ်တော်ခန်းမထဲက ထွက်ခွါခဲ့တာကြောင့် လုံလောက်တဲ့မဲအရေအတွက် မရရှိပဲ အဆိုကို ဖျက်သိမ်းခဲ့ရပါတယ်။ သမ္မတယွန်ကို တရားစွဲနိုင်ဖို့အတွက် လိုအပ်တဲ့မဲ ၃ပုံ ၂ပုံ ရဖို့လိုအပ်ပြီး အာဏာရ PPP အမတ်တွေရဲ့ မဲ၈မဲ လိုအပ်ကာ လက်ရှိတွင် အမတ်၃ဉီးကသာမဲပေးခဲ့ပြီး ကျန်တဲ့သူတွေအာလုံး ထွက်သွားခဲ့တာပါ။ဒီမဲပေးမှုကို ဒီဇင်ဘာ ၁၁ရက်နေ့ ပြန်လည်မဲခွဲဆုံးဖြတ်မှာဖြစ်ကြောင်းသိရပါတယ်။

သမ္မတယွန်ကတော့ ဒီဇင်ဘာ ၇ရက်မနက်ပိုင်းတွင် စစ်အုပ်ချုပ်ရေးထုတ်ပြန်ကျေညာချက် အပေါ် ပြန်လည် တောင်းပန်ခဲ့ပြီးသူ့ရဲ့ဆုံးဖြတ်ချက်အတွက် တာဝန်ယူသွားမှာ ဖြစ်တယ်လို့ ပြောသွားပါတယ်။လက်ရှိအာဏာရ ဥက္ကဌရဲ့ ပြောစကားကိုကြည့်ရင် သူတို့အနေနဲ့ မစ္စတာယွန်းကိုအရေးယူဖယ်ရှားပစ်တာထက်စာရင်၊နုတ်ထွက်တာကို ပိုမို လိုလားနေပုံရသည်။ သမ္မတကတော့ ဒီအမိန့်ကြေညာရခြင်းသည် မြောက်ကိုးရီးယား ကွန်မြူနစ်အင်အားစုတွေနဲ့ နိုင်ငံကို ဖျက်လို ဖျက်ဆီးလုပ်နေကြတဲ့အင်အားစုတွေရဲ့ ရန်ကနေ နိုင်ငံကိုကာကွယ်ဖို့ဆိုပီး ကြေညာတာဖြစ်ကြောင်း ပြောသွားခဲ့ပါတယ်။

 

========================

 

📌📌 3. ရခိုင်ပြည်နယ်၊ မောင်းတောမြို့ အလုံးစုံ လွတ်မြောက်

 

The Matupi Times ဒီဇင်ဘာ ၈ ရက်။

ရခိုင်ပြည်နယ်၊မောင်းတောဒေသတွင် ၂၀၂၄ခုနှစ်၊ ဒီဇင်ဘာ (၈)ရက်နေ့ မနက်ပိုင်းက နောက်ဆုံးလက်ကျန်စခန်းဖြစ်သော အမှတ် (၅)နယ်ခြားစောင့်ရဲတပ်ဖွဲ့ခွဲ (နခခ-၅)ကို ရခိုင်တပ်တော် (အေအေ)က သိမ်းပိုက်လိုက်ပြီဖြစ်ကြောင်း သတင်းထုတ်ပြန်လာပါတယ်။ နခခ-၅ကနေ ထွက်ပြေးသွားသော စစ်ကောင်စီတပ်ဖွဲ့ဝင်နဲ့ အပေါင်းပါ RSO,ARSA,ARA တပ်တွေနဲ့ နခခ-၅ ဝန်းကျင်တွင် တိုက်ပွဲတွေ ဆက်ဖြစ်နေသေးကြောင်းလည်း သိရသည်။၎င်းအဖွဲ့များသည် မြန်မာ- ဘင်္ဂလားဒေ့ရှ် နယ်စပ်က နတ်မြစ်ထဲကို စက်လှေတွေနဲ့ ထွက်ပြေးနေတာကြောင့် နတ်မြစ်အတွင်း ရေကြောင်းသွားလာရေးကို ဒီဇင်ဘာ ၈ ရက်နေ့ ညနေ ၃နာရီက စပြီး အကန့်အသတ်မရှိ ရပ်နားထားမှာဖြစ်ကြောင်း အေအေက ထုတ်ပြန်လိုက်ပါတယ်။

 

========================

 

📌📌 4. မီဇိုးရမ်းပြည်နယ် အစိုးရမှ မီဇိုးရမ်ရောက် စစ်ပြေးဒုက္ခသည်များအတွက် နေရာချပေးမည်ဟုဆို

 

The Matupi Times ဒီဇင်ဘာ ၂ ရက်။

■ မီဇိုးရမ်းပြည်နယ် အစိုးရမှ မီဇိုးရမ်ရောက် စစ်ပြေးဒုက္ခသည်များဖြစ်သော မြန်မာ၊ ဘင်္ဂလားဒေ့ရှ်၊ မဏီပူလ်း ပြည်သူများအတွက် မိမိလုပ်အားစိုက်ပြီး လွတ်လပ်စွာနေထိုင်နိုင်ရန် နေရာပြန်လည်ချပေးမည်ဖြစ်ကြောင်း သိရှိရသည်။ အဓိကအားဖြင့် ခန်းမလိုနေရာမျိုးမှာ နေထိုင်ကြသော စစ်ဘေးရှောင်များအတွက် ရည်ရွယ်ထားပြီး အထောက်အပံ့နှင့် ရပ်တည်ယုံမဟုတ်ပဲ မိမိကိုယ်ကိုယ်ရပ်တည်နိုင်ရေးအတွက် အဓိကဖြစ်ပြီး အခုလို နေရာချထားခြင်းသည် နိုင်ငံသားအခွင့်အရေးရရှိသည်ဟု မဆိုနိုင်ကြောင်း စစ်ရှောင်ကူညီစောင့်ရှောက်ရေးတာဝန်ခံ  Minister Pu Sapdanga ( Home Department, Mizoram အစိုးရမှ နိုဝင်ဘာ ၂၇ ရက်နေ့တွင် ပြောကြားခဲ့သည်။

 

Mizoram ရောက် စစ်ဘေးရှောင်ပြည်သူများသည် မီဇိုးအစိုးရမှ သွေးချင်းညီအစ်ကိုဟုသာ သတ်မှတ်ပြီး Refugees ဟု မသုံးစွဲပဲ Internally Displace ဟုသာ ခေါ်ဝေါ်ပါတယ်။ထို့ကြောင့် မီဇိုးရမ်းရောက် စစ်ဘေးရှောင်များ ကူညီစောင့်ရှောက်ရေး ကော်မတီကိုလဲ High Level on Indigenous Displace People Committee ဟုသာ ဖွဲ့စည်းထားကြောင်းလည်း သိရသည်။

#RadioNUGLocalNews

#SpringRevolution