23 Dec 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဒီဇင်ဘာလ ( ၂၃ ) ရက်နေ့ ရပြည်တွင်းသတင်းများ

📌📌 1. ချင်းညီနောင်အဖွဲ့က မင်းတပ်မြို့နဲ့ ကန်ပက်လက်မြို့ကို သိမ်းပိုက်ရရှိ

 

The Matupi Times ဒီဇင်ဘာ ၂၂ ရက်။

 

ချင်းညီနောင်စစ်ဆင်ရေး (Operation CB) အနေဖြင့် မင်းတပ်မြို့နှင့် ဖလမ်းမြို့ကို နိုဝင်ဘာ ၉ ရက်မှ စတင်ရာ ဒီဇင်ဘာ ၂၁ ရက်နေ့ မနက်ပိုင်းတွင် မင်းတပ်မြို့ကို အလုံးစုံ သိမ်းပိုက်နိုင်ခဲ့ပြီး စစ်သုံ့ပန်း ၁၂၃ -ဦးနဲ့အတူ ၎င်း၏ မိသားစုဝင်များနှင့် လက်နက်အမြောက်အမြားရရှိထားကြောင်း သိရသည်။

 

ချင်းညီနောင်စစ်ဆင်ရေး အဖြစ် ဖော်ဆောင်လျက်ရှိသော မင်းတပ်မြို့သိမ်းစစ်ဆင်ရေးကို ချင်းညီနောင်များနှင့် မဟာမိတ်တပ်ဖွဲ့များဖြစ်ကြသည့် Yaw Defence Force (YDF), Yaw Army (YA)၊ ပြည်သူ့ကာကွယ်ရေးတပ်မတော် မုံရွာခရိုင်တပ်ရင်း-၃ တို့က ဟန်ချက်ညီညီ တိုက်ပွဲဝင်ခဲ့ကြပြီး အာရက္ခတပ်တော် AA မှလည်း စစ်လက်နက်၊ခဲယမ်း၊စစ်ကူများအပြင် စစ်ရေးဆိုင်ရာ အကြံဉာဏ်များ၊လိုအပ်သောအကူအညီများပံ့ပိုးပေးကြောင်းလည်း သိရသည်။

 

ဖလမ်းမြို့စစ်ဆင်ရေးတွင်လည်း စစ်ကောင်စီနေရာယူထားသည့် ဖလမ်းခရိုင်ရဲတပ်ဖွဲ့ရုံး၊ ဖလမ်းမြို့နယ် ရဲတပ်ဖွဲ့ရုံး၊ ဆောက်လုပ်ရေးရုံး၊အထွေထွေအုပ်ချုပ်ရေးရုံးနှင့် ဆေးရုံကုန်းနေရာများကို တိုက်ခိုက်သိမ်းပိုက်နိုင်ခဲ့ပြီး စစ်ကောင်စီရဲတပ်ဖွဲ့ဝင် ၄၅--ဦး လက်နက်များနှင့်အတူ ၂၀၂၄ခုနှစ်၊ နိုဝင်ဘာ(၁၂)ရက်နေ့တွင် လက်နက်ချ အညံ့ခံခဲ့သည်။ 

 

ချင်းညီနောင်စစ်ဆင်ရေးအနေဖြင့် ကန်ပက်လက်မြို့ကို ဒီဇင်ဘာ ၂၂ရက်နေ့တွင် ဆက်လက်ဆင်နွဲရာ ကန်ပက်လက်မြို့ရှိ စစ်ကောင်စီတပ်များသည် ဒီဇင်ဘာ ၂၁ ရက်နေ့၊ ည ၁၂နာရီခန့်တွင် မြို့ထဲမှ အကုန်စွန့်ခွါခဲ့ပြီး သေနတ်မဖောက်ပဲ ချင်းညီနောင်အဖွဲ့က သိမ်းပိုက်နိုင်ခဲ့ပြီဖြစ်ကြောင်း ဧရာဝတီထိုမ်းသတင်းမှာ ဖော်ပြချက်အရ သိရသည်။ချင်းညီနောင်အဖွဲ့သည် လက်ရှိအချိန်တွင် မတူပီမြို့၊မင်းတပ်မြို့၊ကန်ပက်လက်မြို့နဲ့ ကျင်ဒွေးမြို့တို့ကို သိမ်းပိုက်နိုင်ခဲ့တာဖြစ်ကြောင်း သိရသည်။

 

========================

 

📌📌 2. Chinland Defence Force ( CDF – Zotung )က ရဲဘော်တစ်ဉီး ရှေ့တန်းတွင် ကျဆုံး

 

The Matupi Times ဒီဇင်ဘာ ၁၇ ရက်။

၂၀၂၄ ခုနှစ်၊ ဒီဇင်ဘာ (၁၆)ရက်နေ့တွင် Chinland Defence Force - (CDF-Zotung)က တပ်သား ရဲဘော် ဆလိုင်း ကိုင်ထောင်လိန်းသည် ဟားခါး-ထန်တလန်အကြား တိုက်ပွဲဖြစ်ပွားသော စစ်ကောင်စီတပ်နှင့် Chinland Concil တပ်ဖွဲ့တို့အကြား ဖြစ်ပွားသော Jacod စစ်ဆင်ရေးတွင် ကျဆုံးသွားကြောင်း သတင်းရရှိသည်။

 

========================

 

📌📌 3. အနောက်ပိုင်းတိုင်းစစ်ဌာနချုပ်ကို AA က အပြီးအပိုင်သိမ်းပိုက်ရရှိ

 

The Matupi Times ဒီဇင်ဘာလ ၂၀ ရက်။

 

အနောက်ပိုင်းတိုင်းစစ်ဌာနချုပ်ကို အာရက္ခ တပ်တော်AA က ဒီဇင်ဘာလ ၂၀ ရက်နေ့ နေ့လယ် ၁၂ နာရီလောက်မှာ အနောက်ပိုင်းတိုင်းစစ်ဌာနချုပ် တစ်ခုလုံးကို သိမ်းပိုက်ထိန်းချုပ်ထားနိုင်ပြီး နပခရဲ့ ဒုတိုင်းမှူး ဗိုလ်မှူးချုပ် သောင်းထွန်း၊ တိုင်းဦးစီးချုပ် ဗိုလ်မှူးချုပ် ကျော်ကျော်သန်းတို့ကိုလည်း ဖမ်းဆီးရရှိထားကာ လက်နက်အမြောက်အမြား ရရှိထားကြောင်း သိရသည်။

ဆက်လက်၍ ရခိုင်ပြည်နယ်တောင်ဘက်ဆုံးအငူဖြစ်သည့် ဂွမြို့ကိုလည်း အာရက္ခတပ်တော် (AA) က ဆက်လက်ထိုးစစ်ဆင်လျက်ရာ ဂွမြို့၏ ခြေမြန်တပ်ရင်း အမှတ်(၅၆၃)နှင့်အတူ ဂွမြို့ပေါ်ရှိ ထွေအုပ်ရုံး၊မီးသတ်၊ရဲစခန်းတို့ကို ဒီဇင်ဘာ ၂၀ ရက်နေ့ နံနက်ပိုင်းတွင် တိုက်ခိုက်သိမ်းပိုက်နိုင်ခဲပြီး စစ်ကောင်စီတပ်သား ၄၀ ကျော် ဖမ်းထားကြောင်း သိရသည်။ ကျန်ရှိသည့် ခမရ-၅၆၂ကိုလည်း ဆက်လက်ထိုးစစ်ဆင် တိုက်ပွဲပြင်းထန်လျက်ရှိကြောင်း သိရသည်။

 

========================

 

📌📌 4. ဆီးရီးယားသမ္မတအာဆတ်အစိုးရကို ဖြုတ်ချခဲ့တဲ့ အတိုက်အခံတပ်ပေါင်းစုက အသွင်ကူးပြောင်းရေးဆိုင်ရာအတွက် နိုင်ငံခြားရေးနှင့်ကာကွယ်ရေးဝန်ကြီးများခန့်အပ်

 

The Matupi Times  ဒီဇင်ဘာ ၂၂ ရက်၊၊

 

ဆီးရီးယားနိုင်ငံကို အာဆတ်အစိုးရကနှစ်ပေါင်း ငါးဆယ်ကြာအုပ်ချုပ်ကာလအတွင်း လူပေါင်းထောင်သောင်းချီ သေဆုံးပြီး တိုင်းပြည်လူဦးရေ ၂၃သန်းရဲ့ထက်ဝက်လောက် နေရပ်စွန့်ခွါခဲ့ကြပါတယ်၊၊၂၀၁၁ခုနှစ်က ဖြစ်လာတဲ့ အာရပ်နွေဦးလှုပ်ရှားမူကို အာဆတ်အစိုးရကနှိမ်နှင်းခဲ့ပြီးနောက် ဖြစ်လာသော လက်နက်ကိုင်သူပုန်များက ဆီးရီးယားနိုင်ငံအနှံကို ၂၀၂၄ခုနှစ်၊ဒီဇင်ဘာ ၈ ရက်နေ့တွင် Damascus မြို့တော်အပါအဝင် နိုင်ငံအနှံကို တော်လှန်ရေးသူပုန်များက သိမ်းပိုက်ထိန်းချုပ်နိုင်ခဲ့ပါတယ်၊၊

 

အာဏာရှင်အာဆတ်သည် ရရှားနိုင်ငံသို့ထွက်ပြေး ခိုလှုံခဲ့ပြီး လက်နက်ကိုင်တစ်ခုဖြစ်သော HTS ခေါ် Hayat Tahrir alsham အဖွဲ့ဦဆောင်အဖွဲ့များက အင်္ဂါနေ့တွင် မတ်လအထိစီမံမယ့်  ကို ရေးဆွဲခဲ့ကြပါတယ်။ အာဏာရှင်အာဆတ်ကို ဖြုတ်ချရာမှာ ပါဝင်ခဲ့တဲ့ ဆီးရီးယားအတိုက်အခံအဖွဲ့အစည်းခေါင်းဆောင်တွေ ဒီဇင်ဘာ ၂၁ ရက်နေ့တွင် ဒမတ်စကတ်မြို့တော်မှာ ဆွေးနွေးပွဲကို တပ်ပေါင်းစုစစ်ဦးစီးချူပ် အာမက် အယ်ရှာရာက ဦးဆောင်ကျင်းပခဲ့တာဖြစ်ပြီး အသွင်ကူပြောင်းရေးကာလမှာ လက်နက်ကိုင်အားလုံး ပူးပေါင်းဆောင်ရွတ်ဖို့နဲ့ တခုတည်းသော ဆီးရီးယားတပ်မတော်အောက်မှာ ရှိကြဖို့ အဓိက ဆွေးနွေးခဲ့ကြပါတယ်။ အဆိုပါဆွေးနွေးပွဲအပြီး အာဆတ်အစိုးရဖြုတ်ချရေးစစ်ဆင်ရေးမှာ အဓိက ဦးဆောင်ခဲ့တဲ့ “ဟားရတ် တယ်ဟ်ရီ အာလ်ရှမ် HTS” အဖွဲ့ စစ်ရေးတာဝန်ခံ အဘူ ကာဆ်ရာကို ကာကွယ်ရေးဝန်ကြီးအဖြစ်ခန့်အပ်ခဲ့ပြီး ၂၀၁၁ ခုနှစ် အာရပ်နွေဦးတော်လှန်ရေးကာလ အာဏာရှင်ဆန့်ကျင်ရေး ဆန္ဒပြပွဲမှာ ပါဝင်ခဲ့ပြီး ထောင် ချမှတ်ခံခဲ့ရတဲ့ အသက် ၃၇ နှစ်အရွယ် လူငယ်ပညာတတ် ဟာဆန် အယ်လ် ရှီဘာနကို နိုင်ငံခြားရေးဝန်ကြီးအဖြစ် ခန့်အပ်ကြောင်းသိရသည်။ 

တပ်ပေါင်းစုစစ်ဦးစီးချူပ် အာမက် အယ်ရှာရာဟာ ၂၀၁၇ ခုနှစ်မှာ  အယ်လ်ခိုင်းဒါးအဖွဲ့အပါအဝင် အစ္စလာမ္မစ်နိုင်ငံတော်အဖွဲ့ တွေနဲ့ လမ်းခွဲခဲ့ပြီး “ဟားရတ် တယ်ဟ်ရီ အာလ်ရှမ် (HTS)” အဖွဲ့ကို ဦးဆောင်ခဲ့တာဖြစ်ပါတယ်။ ဒါပေမယ့် အမေရိကန် အစိုးရကတော့  အာမတ် အလ်ရှာရာကို ဖမ်းဆီးသတင်းပေးနိုင်သူ ကို ဒေါ်လာ ၁၀ သန်းဆုကြေးပေးမယ်ဆိုပြီး သတင်းထုတ် ပြန်ခဲ့သလို (HTS) အဖွဲ့ကိုလည်း အကြမ်း ဖက် အဖွဲ့အစည်းအဖြစ်  သတ်မှတ်ထားခဲ့တာဖြစ်ပါတယ်။၎င်းသတ်မှတ်ချက်များကို ပြန်လည်ရုတ်သိမ်းလိုက်ကြောင်း အမေရိကန်နိုင်ငံခြားရေးဝန်ကြီးဌာနက ၂၀၂၄ခုနှစ် ဒီဇင်ဘာ ၂၀ ရက်နေ့က အတည်ပြုပြောဆိုကြောင်း နိုင်ငံတကာသတင်းအရ သိရသည်။

#RadioNUGLocalNews

#SpringRevolution