17 Mar 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ မတ်လ ( ၁၇ ) ရက်နေ့ ရပြည်တွင်းသတင်းများ

📌📌 1/ မိုဘိုင်းဖုန်းများတွင် Matu Dictionary Application အသုံးပြုနိုင်ပြီ

The Matupi Times | မတ်လ ၁၁, ၂၀၂၅

မိုဘိုင်ဖုန်းများတွင် မတူပီိ(ချင်း)ဘာသာစကား အဘိဓါန် အက်ပလီကေးရှင်း (Matu Dictionary Application )ကို စတင်အသုံးပြုနိုင်ပြီဖြစ်ကြောင်းသိရပါတယ္။ အဆိုပါ Mobile Application ကို Android Playstore များတွင်သာ ရရှိသေးကြောင်းသိရသည်။ " အခု Appication ကို မတူစကား ဝေါဟာရတွေအဓိကအခြေခံပြီး လုပ်ထားတာပါ ။ Andriod Playstore တွေမှာတော့ Matu Dictionary လို့ရှားပြီး ဒေါင်းလုတ်ဆွဲလို့ရပါတယ္။ IOS အတွက်တော့ မရနိုင်သေးဘူး ။ " လို့ Salai Tinaung Takluem က The Matupi Times ကိုပြောပါတယ္။ အခုအဘိဓါန်တွင် မတူစကား ဝေါဟာရ (၈၀၀၀) ကျော် ပါဝင်ကြောင်းသိရသည်။ "အခု App မှာ မတူစကား ဝေါဟာရ (၈၀၀၀) ကျော် ပါပါတယ်။ မတူဒေသ တွင် ပေါက်ရောက် အပင်များ ကို အင်္ဂလိပ် အမည်၊ သိပ္ပံ အမည် များ ဖြင့် ရှင်းပြထားပါတယ္ ။ သမ္မကျမ်းစာ ဝေါဟာရ လည်း Hebrew/ Greek ဖြင့် ဖော်ပြပေးထားတယ်။ " လို့သူကဆက်ပြောပါတယ္။ လက်ရှိမှာ Matu Dictionary Application ကို Android Playstore များတွင်သာရရှိနိုင်ပြီး IOS နှင့် အခြား Playstore မရသောဖုန်းများအနေဖြင့် Online Website မှတဆင့် အသုံးပြုနိုင်ကြောင်းသိရသည်။

========================

📌📌 2/ PDF Zoland ၏ အခြေခံ စစ်သင်တန်း အပတ်စဉ် (၁၅) သင်တန်းဆင်းပွဲ ပြုလုပ်

The Matupi Times | မတ်လ ၁၃, ၂၀၂၅

PDF Zoland၏ အခြေခံ စစ်သင်တန်း အပတ်စဉ် (၁၅) သင်တန်းဆင်းပွဲ အခမ်းအနားကို ပြီးခဲ့တဲ့မတ်လ ၁၁၊၂၀၂၅ ရက်နေ့က ကျင်းပပြုလုပ်ခဲ့ကြောငး်သိရသည်။ အဆိုပါစစ်သင်တန်းကို (၂)လအကြာကျင်းပခဲ့ပြီး အမျိုးသမီးများလည်း ပါဝင်တက်ရောက်ခဲ့ကြောင်းသိရသည်။ ပြီးခဲ့တဲ့ မတ်လ ၉ ၊၂၀၂၅ ရက်နေ့က စစ်အာဏာရှင်တော်လှန်ရေးအတွက် သင်တန်းသူ/သားသစ်များ လက်ခံနေပြီဖြစ်ကြောင်း PDF Zoland ကသတင်းပြန်ထားပါတယ္။ PDF – Zoland သည်‘ချင်းညီနောင်’ အဖွဲ့ဝင်ဖြစ်ပြီး လတ်တလောမှာ ချင်းပြည်မြောက်ပိုင်း၊ဖလမ်းမြို့သိမ်းတိုက်ပွဲတွင် "ချင်းညီနောင်"တော်လှန်ရေးပူးပေါင်း တပ်ဖွဲ့တို့နဲ့အတူ တိုက်ပွဲဝင်လျက်ရှိကြောင်းသိရသည်။

========================

📌📌 3/ ဖလမ်းမြို့တွင် တိုက်ပွဲ ပြင်းထန်နေပြီး၊ နှစ်ဘက် ထိခိုက်ကျဆုံးမှု ရှိနေ

The Matupi Times | မတ်လ ၁၃, ၂၀၂၅

ချင်းပြည်နယ် ဖလမ်းမြို့က နောက်ဆုံးကျန်ရှိနေသည့် စစ်ကောင်စီတပ်ဖွဲ့၏ ခလရ - ၂၆၈ တပ်ကုန်းကို ချင်းညီနောင်တပ်ဖွဲ့နဲ့ ပူးပေါင်းအဖွဲ့တွေက ယမန်နေ့ မတ်လ ၁၂ ရက်နေ့ကစပြီး ဝင်ရောက်တိုက်ခိုက်ခဲ့ရာ နှစ်ဖက်ထိတွေ့တိုက်ပွဲပြင်းထန်နေတယ်လို့သိရပါတယ္။ စစ်ကောင်စီက ဖလမ်းမြို့၊ ခလရ - ၂၆၈ တပ်ကုန်းမဆုံးရှုံးရေးအတွက် အခုလပိုင်းမှာစစ်တပ်က လေကြောင်းကနေ စစ်အင်အားဖြည့်တင်းတာ အပါအဝင် ပြင်းပြင်းထန်ထန် ဗုံးကြဲတိုက်ခိုက်မှုတွေပြုလုပ်နေပြီး စကစဘက်မှမြို့တွင်းက စစ်ရေးအတွက်အချက်ချာကျတဲ့ ဆေးရုံကုန်းနဲ့ RC ဘုရားကျောင်းကုန်းကိုပြန်လည်ရရှိဖို့ တန်ပြန်ထိုးစစ်ဆင်ဖို့ကြိုးစားလားတယ္လို့သိရပါတယ္။ ယနေ့ မတ်လ ၁၃ ရက်နေ့တွင်လည်း နံနက်ပိုင်းမှစတင်ကာ အကြမ်းဖက် စစ်တပ်က ဂျက်ဖိုက်တာဖြင့် ဆက်တိုက်ဗုံးကျဲ တိုက်ခိုက်ခြင်းပြုလုပ်နေသလို မြေပြင် ထိတွ့ တိုက်ပွဲများသည်လည်း လက်ရှိချိန်ထိ ပြင်းထန်နေပြီး အကြမ်းဖက် စစ်တပ်က တပ်ရင်းကုန်းကို လက်မလွှတ်ရရေး အပြင်းအထန် ခုခံနေခြင်းဖြစ်ကြောင်း သိရှိရသည်။ ဒါ့အပြင် ဒီကနေ့တွင် စစ်ကောင်စီအတွက် ဖလမ်းမြို့စစ်တပ်အတွက်စစ်အင်းအားဖြည့်တင်းရန် လေယာဉ်ဖြင့်လာရောက်ကြိုးစားခဲ့ပေမယ့် ပြန်လှည့်ခဲ့ရကြောင်း သိရသည်။ တို်က်ပွဲအတွင်းစစ်ကောင်စီတပ်ဖဲွဲ့ဝင်တချို့ကို စစ်သုံ့ပန်းအဖြင့် အရှင်ဖမ်းဆီးရမိကာ လက်နက်ခဲယမ်းတချို့သိမ်းဆည်းရရှိခဲ့ပြီး ထိခိုက်ကျဆုံးမှုတွေရှိသလို ၊ ချင်းညီနောင်မဟာမိတ်ပူးပေါင်းတပ်ဖွဲ့မှလည်း တော်လှန်ရေးရဲဘော်တချို့ ထိခိုက်ကျဆုံးမှုတွေ ရှိကြောင်းသိရသည်။ ချင်းညီနောင်အနေနဲ့ ၂၀၂၄ ခုနှစ်၊ နှစ်ကုန်ပိုင်းမှာ မင်းတပ်နဲ့ ကန်ပက်လက်မြို့တွေကို သိမ်းယူခဲ့ပြီး လက်ရှိမှာတော့ ဖလမ်းမြို့မှာ ကျန်နေတဲ့ ခလရ ၂၆၈ ကို သိမ်းပိုက်နိုင်ဖို့ ကြိုးစားနေတာဖြစ်ပါတယ်။ လက်ရှိမှာ ချင်းညီနောင်အဖွဲ့မှ မြို့သိမ်းတို်က်ပွဲများဖော်ဆောင်နိုင်ရေးအတွက် " ချင်းပြည်မြောက်ပိုင်းနောက်ဆုံးလှိုင်း " ကမ်ပိန်းပြုလုပ်နေကြောင်း သိရသည်။

========================

📌📌 4/ မတူပီ မြို့သိမ်းတိုက်ပွဲအတွင်း စခန်းစွန့်ခွာ ထွက်ပြေးရင်း သေဆုံးသည့် စစ်ကောင်စီတပ်သား အရိုးစုများ တွေ့ရှိ

The Matupi Times | မတ်လ ၁၄, ၂၀၂၅

ချင်းညီနောင်မဟာမိတ်ပူးပေါင်းအဖွဲ့မှဖော်ဆောင်ခဲ့သည့်၊ မတူပီမြို့သိမ်းတိုက်ပွဲဖော်ဆောင်စဉ် စခန်းစွန့်ခွာထွက်ပြေးကာ သေဆုံးခဲ့သည့် စစ်ကောင်စီတပ်သားများ၏ အရိုးစုများကို တောထဲတွင်တွေ့ရှိခဲ့ကြောင်း သိရပါတယ္။ အဆိုပါသတင်းနဲ့ပတ်သက်ပြီး မင်းတပ်မြို့နယ်စစ်ဘေးရှောင်စခန်းများ စီမံခန့်ခွဲ့ရေးကော်မတီတာဝန်ခံ ကိုလော့ရင့်စ်က ပြီးခဲ့တဲ့ရက်ပိုင်းမှာ မဇ္ဈိမကိုအတည်ပြုပြောဆိုခဲ့တာပါ။ မင်းတပ်နှင့် မတူပီမြို့နယ်အကြား တောထဲတွင် သောက်ရေမရှိ စားစရာတွေပြတ်လပ်ပြီး တလကျော် ထွက်ပြေးကြရင်းနဲ့ ကြမ်းတမ်းတဲ့ရာသီဥတုထဲမှာ ဝမ်းရောဂါဖြစ်ပြီး သေဆုံးကြတာဖြစ်နိုင်ကြောင်း ၊ သေဆုံးသွားသည့် စစ်ကောင်စီအရိုးစု ၂၀ ကျော်တွေ့ရှိခဲ့ရပြီး ဒေသခံများ၏ ပြောကြားချက်အရ ၁၂၀ ကျော်ရှိကြောင်း သိရသော်လည်း တောနက်သဖြင့် ကျား ၊ ဝက်ဝံကဲ့သို့ တောကောင်များရှိနိုင်သဖြင့် ဆက်လက်ရှာဖွေခြင်းမပြုခဲ့ကြောင်း ကိုလောရင့်စ်က ပြောပါတယ္။ တွေ့ရှိခဲ့သည့် အရိုးစုများတွင် ကလေးငယ်တချို့၏ သေဆုံးအရိုးစုများလည်းပါဝင်ကြောင်းသိရသည်။ ဒါ့အပြင် သေဆုံးခဲ့သည့် စစ်ကောင်စီတပ်ဖွဲ့ အရိုးစုများ၊ ကျည်ကာအင်္ကျီ၊ ကြယ်ပွင့်ပါသော အရာရှိအမှတ်တံဆိပ်များ ၊ ဦးပိုင်ကုမ္ပဏီမှ စစ်သားများအတွက် စုဆောင်းထားသည့် အစုရှယ်ယာငွေရပြေစာများနှင့် လူအသုံးဆောင်ပစ္စည်းများကို လက်ခံရရှိခဲ့တဲ့ ရုပ်သံဖိုင်မှာမြင်တွေ့ရတယ်လို့ဆိုပါတယ္။ အရိုးစုများကို ၂၀၂၅ မတ်လအစောပိုင်းတွင် မတူပီမြို့နယ်နှင့် မင်းတပ်မြို့နယ်ကြားတွင် ရှာဖွေတွေ့ရှိခဲ့ခြင်းဖြစ်ကြောင်းသိရသည်။

========================

📌📌 5/ ဖလမ်းမြို့နယ် Tlangzar ကျေးရွာကို စစ်ကောင်စီ ဗုံးကြဲတိုက်ခိုက်၊ နေအိမ် (၄) လုံးထက်မနည်း ပျက်စီး

The Matupi Times | မတ်လ ၁၆, ၂၀၂၅

The Matupi Times ၊ မတ်လ ၁၆ ၊ ၂၀၂၅ ။ ချင်းပြည်နယ်၊ဖလမ်းမြို့နဲ့ဟားခါးကြားရှိ တလန်ဇန်(Tlangzar)ကျေးရွာကို ဒီကနေ့(မတ်လ ၁၆ ရက်) မနက် ၁ နာရီဝန်းကျင်ခန့်၌ စစ်ကောင်စီကလေကြောင်းဖြင့် ဗုံးကြဲတိုက်ခိုက်ခဲ့ကြောင်းသိရသည်။ အကြမ်းဖက်စစ်တပ်ရဲ့ဗုံးကြဲတိုက်ခိုက်မှုကြောင့် တလန်ဇန်(Tlangzar)ကျေးရွာက UPC ဘုရားကျောင်း ကွာတာ အပါအဝင်နေအိမ်(၄)လုံးထက်မနည်း ထိခိုက်ပျက်စီးသွားပြီး သေဆုံးသူနှင့်ထိခိုက်ဒဏ်ရာရရှိသူ မရှိကြောင်း ဒေသခံသတင်းတွေထံကသိရပါတယ္။ တလန်ဇန်ကျေးရွာသည် ဖလမ်းမြို့နဲ့ ၁၁ မိုင်ခန့်အကွာတွင်ရှိကြောင်းသိရသည်။ ယခုရက်ပိုင်း ဖလမ်းမြို့မှာ မြို့သိမ်းတိုက်ပွဲပြင်းထန်နေတာကြောင့် စစ်ကောင်စီက လေကြောင်းပစ်ကူအများအပြားဖြင့် ဗုံးကြဲတိုက်ခိုက်မှုတွေပြုလုပ်နေတာပါ။ စစ်ကောင်စီဟာ ဖလမ်းမြို့မဆုံးရှုံးရေးအတွက် ဖလမ်းမြို့ အနီးကျေးရွာတွေကိုပါ ဗုံးကြဲတိုက်ခိုက်မှုတွေပြုလုပ်လာတာတွေ့ရပါတယ္။ ပြီးခဲ့တဲ့ မတ်လ ၁၄ ရက်နေ့ကလည်း ဖလမ်းမြို့ကနေ ၂ မိုင်ခန့်အကွာရှိ စီဇာမွာလ်ကျေးရွာကို ဗုံးကြဲတိုက်ခိုက်လို့ နေအိမ် ၄ လုံးပျက်စီးခဲ့ကြောင်းသိရပါတယ်။

#RadioNUGLocalNews

#SpringRevolution