၂၀၂၅ ဧပြီလ ၂၉ ရက်နေ့ ညနေခင်း သတင်းလွှာ

 

၂၀၂၅ ဧပြီလ ၂၉ ရက်နေ့ ညနေခင်း နောက်ဆုံးရပြည်တွင်းသတင်းများ

📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၁⁨။ Minnesota ပြည်နယ်တွင် ကျင်းပပြုလုပ်တဲ့ တော်လှန်သင်္ကြန်သို့ ပြည်ထောင်စုဝန်ကြီး နော်စူစန်နာလှလှစိုး တက်ရောက်ခဲ့

📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၂။ ငလျင်လှုပ်ပြီး တစ်လပြည့်သည့်တိုင်  ၅ ယောက်မှာ ၂ ယောက်က စိတ်ဒဏ်ရာ ခံစားနေရဆဲဖြစ်

📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၃။ မြန်မာအရေးနဲ့ပတ်သက်၍ တောင်ကိုရီးယားနိုင်ငံဆိုင်ရာ တရုတ်သံရုံးဆီသို့ အိတ်ဖွင့်ပေးစာ ပေးပို့မည်

📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၄။ မြန်မာ့ငလျင်ဘေးသင့်ပြည်သူများအတွက် နော်ဝေးခရိုနာ တစ်သိန်းခုနစ်သောင်းကျော် အလှူငွေရရှိထား

📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၅။ ”MFDMC ထောက်ပို့တပ်သားဖလား" တောင်ကိုရီးယားနိုင်ငံ၊ ဖိုချွန်းမြို့တွင် စစ်ဘေးရှောင်ရန်ပုံငွေ ဘောလုံးပြိုင်ပွဲကျင်းပ

========================

၂၀၂၅ ခုနှစ် ဧပြီလ ၂၉ ရက် ညပိုင်းမှာတင်ပြပေးမယ့် Radio NUG စစ်ရေးသတင်းကောက်နုတ်ချက်များ

🚩 ⁨၁။⁨⁨⁩ အကြမ်းဖက်စစ်ကောင်စီရဲ့လေကြောင်းတိုက်ခိုက်မှုအကြိမ်ရေ နှစ်ရာကျော်မှာ လူပေါင်းနှစ်ရာကျော်သေဆုံးခဲ့ကြောင်း အမျိုးသားညီညွတ်ရေးအစိုးရထုတ်ပြန်

🚩 ⁨၂။ စစ်ကိုင်းမြို့နယ် မြောက်ခြမ်းတနေရာတွင် လေကြောင်းတိုက်ခိုက်မှု ၂ကြိမ် ပြုလုပ်ခဲ့

🚩 ⁨⁨၃။ ကလေးတောင်ပိုင်း တိုက်ပွဲတွင်စကစဘက်က၂၀ ကျော်သေဆုံး

🚩 ⁨၄။ နွေဦးတော်လှန်ရေးကာလအတွင်း သေဆုံးခဲ့ရသည့် ဒီမိုကရေစီရေး လှုပ်ရှားသူများနှင့် ပြည်သူစုစုပေါင်းမှာ (၆၅၇၄) ဦး ရှိခဲ့ပြီဖြစ်

ဤသတင်းများကို ရေဒီယိုအန်ယူဂျီသတင်းတာဝန်ခံများနှင့် ခိုင်လုံသော မိတ်ဖက်သတင်းရင်းမြစ်များဆီမှ အခြေခံတင်ပြထားခြင်း ဖြစ်ပါတယ်။

========================

📌📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၁⁨။ Minnesota ပြည်နယ်တွင် ကျင်းပပြုလုပ်တဲ့ တော်လှန်သင်္ကြန်သို့ ပြည်ထောင်စုဝန်ကြီး နော်စူစန်နာလှလှစိုး တက်ရောက်ခဲ့

 ဧပြီလ၂၉ရက်

အမေရိကန်နိုင်ငံ Minnesota ပြည်နယ်မှာ တော်လှန်သင်္ကြန်ကို ဧပြီလ (၂၇) ရက်နေ့၊ ၂၀၂၅ ခုနှစ်တွင် ကျင်းပပြုလုပ်ခဲ့ရာ အမျိုးသမီး လူငယ်နှင့်ကလေးသူငယ်ရေးရာ ဝန်ကြီးဌာန၊ ပြည်ထောင်စုဝန်ကြီး နော်စူစန်နာလှလှစိုး တက်ရောက်အားပေးစကားပြောကြားခဲ့တယ်လို့ သိရပါတယ်။

တော်လှန်သင်္ကြန်ပွဲတွင် မြန်မာ့ရိုးရာ တေးသီချင်း အကများဖြင့် သီဆိုဖျော်ဖြေခြင်း၊မြန်မာ့ရိုးရာ စားစရာများကို ရောင်းချပေးခြင်း၊ အသုံးအဆောင်ပစ္စည်းများကို ကံစမ်းမဲဖောက်ပေးခြင်း အစရှိသည်တို့ကို လုပ်ဆောင်ပြီး ဝန်ကြီးဌာနမှလည်း ဆိုင်ခန်းဖွင့်လှစ်၍ စစ်ဘေးရှောင် အမျိုးသမီးများ၊ ကလေးများ၏ ထုတ်ကုန်ပစ္စည်းများကိုရောင်းချရာ အလှူငွေ စုစုပေါင်း (၁,၁၈၅)ဒေါ်လာရရှိခဲ့ပါတယ်။

ရရှိလာသောရန်ပုံငွေများကို လိုအပ်နေသောနေရာများဖြစ်တဲ့ အထူးသဖြင့် ငလျင်ဘေးသင့်ဒေသများသို့ ပေးပို့လှူဒါန်းပေးသွားမယ်လို့ သတင်းရရှိပါတယ်။

========================

📌📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၂။ ငလျင်လှုပ်ပြီး တစ်လပြည့်သည့်တိုင်  ၅ ယောက်မှာ ၂ ယောက်က စိတ်ဒဏ်ရာ ခံစားနေရဆဲဖြစ်

 ဧပြီလ၂၉ရက်

ငလျင်လှုပ်ပြီး တစ်လပြည့်သည့်တိုင် ၅ ယောက်မှာ ၂ ယောက်က စိတ်ဒဏ်ရာ ခံစားနေဆဲဖြစ်ကြောင်းU-Report Myanmarက ဖော်ပြပါတယ်။

 ဒီတွေ့ရှိမှုတွေက U-Report Myanmar ကနေပြီး ငလျင်နောက်ပိုင်း အခြေအနေတွေအပေါ် လူငယ်တွေကိုယ်တိုင် ပါဝင်ဆွေးနွေးခဲ့တဲ့ Poll ရလဒ်တစ်ခုဖြစ်တယ်လို့ဆိုပါတယ်။တစ်လကျော်ပြီးပေမယ့် စိတ်ပိုင်းဆိုင်ရာထိခိုက်မှုတွေဟာ ငလျင်ဒဏ်ကိုခံခဲ့ရတဲံသူတွေအတွက် အရေးကြီးတဲ့ စိန်ခေါ်မှုတစ်ခုဖြစ်နေဆဲဖြစ်ပြီး အားလုံးရဲ့ခံစားချက်တွေကို နားထောင်ပြီး၊ ကူညီဖေးမဖို့ U-Report Myanmar က လူငယ်တွေနဲ့အတူ ရှိနေတယ်လို့ဆိုပါတယ်။

မတ်လ၂၈ရက်တွင် စစ်ကိုင်းမြို့ဗဟိုပြု၍လှုပ်ခတ်ခဲ့သော ပြင်းအား၇.၇အဆင့်ရှိ စစ်ကိုင်းငလျင်ကြောင့် လူဦးရေသုံးထောင်ကျော်အသက်ဆုံးရှုံးခဲ့ရပါတယ်။

========================

📌📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၃။ မြန်မာအရေးနဲ့ပတ်သက်၍ တောင်ကိုရီးယားနိုင်ငံဆိုင်ရာ တရုတ်သံရုံးဆီသို့ အိတ်ဖွင့်ပေးစာ ပေးပို့မည်

ဧပြီလ၂၉ရက်

မြန်မာအရေးနဲ့ပတ်သက်၍ တောင်ကိုရီးယားနိုင်ငံဆိုင်ရာ တရုတ်သံရုံးဆီသို့ အိတ်ဖွင့်ပေးစာ ပေးပို့မည်ဖြစ်ကြောင်းသိရပါတယ်။

မေလ၄ရက် မွန်းလွဲ၁ နာရီ မှ ညနေ ၄ နာရီအထိ ကိုရီးယားဆိုးလ်ဘူတာမှ ဂျွန်းငန်းစာတိုက်အထိ ကနဦးလမ်းလျှောက်ဆန္ဒထုတ်ဖော်မှာဖြစ်တယ်လို့  MFDCက အသိပေးဆိုပါတယ်။တောင်ကိုရီးယားနိုင်ငံ ဆိုးလ်မြို့လယ် လမ်းမများထက်တွင် တရုတ်အစိုးရ၏ မြန်မာစစ်တပ်ပံ့ပိုးမှု ဆန့်ကျင်ကြောင်း မြန်မာပြည်သူ့အသံများကို အရှိန်မြှင့်တင်မည်ဖြစ်ကာ မြန်မာပြည်သူများရဲ့ လွတ်မြောက်ရေးလိုအပ်ချက်ကို ကိုရီးယားအစိုးရနှင့် ကိုရီးယားပြည်သူများထံံသာမက နိုင်ငံတကာအသိုင်းအဝိုင်းထံ သတင်းစကားပါးမယ်လို့သိရပါတယ်။

========================

📌📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၄။ မြန်မာ့ငလျင်ဘေးသင့်ပြည်သူများအတွက် နော်ဝေးခရိုနာ တစ်သိန်းခုနစ်သောင်းကျော် အလှူငွေရရှိထား

ဧပြီလ၂၉ရက်

မြန်မာ့ငလျင်ဘေးသင့်ပြည်သူများအတွက် နော်ဝေးခရိုနာ တစ်သိန်းခုနစ်သောင်းကျော် အလှူငွေရရှိထားတယ်လို့သိရပါတယ်။

ငလျင်အတွက် လှူဒါန်းမူများမှ Vipps, Bank, Paypal စသည်တို့မှ စုစုပေါင်း (၁၇၆, ၉၉၉) ခရိုနာ အလှူငွေရရှိထားကြောင်း သိရပါတယ်။"ငလျှင်ဘေးက ငွေစုတာ တစ်သိန်းခုနှစ်သောင်းကျော်ရတယ် ခုထိဆက်စုနေတုန်းဖြစ်တယ်"လို့ CRPH support Groups နော်ဝေမှ အတွင်းရေးမှူး မဝတ်မှုန်ဝင်းက ပြောပါတယ်။

တိကျ ထိရောက်သောလှူဒါန်းမူများ ဆက်လက်လှူဒါန်းလျက်ရှိပြီး ဘဏ်နှင့် တခြား Vippsသို့ ဝင်သောအလှူရှင်များစာရင်းကိုလည်း CRPH support Groupsမှ ဖော်ပြထားပါတယ်။

========================

📌📌 ⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨⁨၅။ ”MFDMC ထောက်ပို့တပ်သားဖလား" တောင်ကိုရီးယားနိုင်ငံ၊ ဖိုချွန်းမြို့တွင် စစ်ဘေးရှောင်ရန်ပုံငွေ ဘောလုံးပြိုင်ပွဲကျင်းပ

ဧပြီလ၂၉ရက်

တောင်ကိုရီးယားနိုင်ငံ ၊ဖိုချွန်းမြို့၌ "MFDMC ထောက်ပို့တပ်သားဖလား" အမည်ရှိ စစ်ဘေးရှောင်ရန်ပုံငွေအတွက် ဘောလုံးပြိုင်ပွဲတစ်ရပ်ကို ဘောလုံးအသင်း ၁၆သင်း၊လူဦးရေ ၄၀၀ ဝန်းကျင်နဲ့ကျင်းပခဲ့ပါတယ်။

ဘောလုံးပြိုင်ပွဲတွင် MFDMC ဥက္ကဌ ဦးဇော်မိုးအောင်နှင့် MFDMCအဖွဲ့တာ၀န်ခံများ၊ရံပုံငွေဘောလုံးပြိုင်ပွဲ ကြီးကြပ်ရေး တာ၀န်ခံကော်မတီ-Korea တာ၀န်ခံများမှ တော်လှန်ရေးအတွက် အားပေးတိုက်တွန်းစကားများ ပြောကြားကာ၊ လှုံ့ဆော်အားပေးမှုများပြုလုပ်ခဲ့ပါတယ်။လာရောက်သည့် ပရိသတ်များအတွက် စစ်ဘေးရှောင်ရန်ပုံငွေအဖြစ် မြန်မာအစားအသောက်၊ မုန့်မျိုးစုံ နှင့် တော်လှန်ရေးအမှတ်တရ အင်္ကျီ၊ ရင်ထိုးများကိုရောင်းချခဲ့ပြီး၊ ရရှိသောဝင်ငွေများကို စစ်ဘေးဒုက္ခသည်များအား ပေးပို့နိုင်ရန် စီစဥ်ခဲ့ကြတယ်လို့သိရပါတယ်။

MFDMC ထောက်ပို့တပ်သားဖလား ဘောလုံးပြိုင်ပွဲကို ၃ကြိမ်ကျင်းပခဲ့ရာတွင် အမြဲပူးပေါင်းပါ၀င်၍ ယှဥ်ပြိုင်ခဲ့ပြီး ၃ကြိမ်ဆက်တိုက် အင်ချွန်းဘောလုံးအသင်းမှ ဆွတ်ခူး ရရှိခဲ့ပါတယ်။

အခု တင်ပြခဲ့တဲ့ သတင်းအတွေကို Radio NUG သတင်းထောက် သာကီမှ ပေးပို့ထားတာဖြစ်ပါတယ်။

========================

========================

🚩🚩 ⁨၁။⁨⁨⁩ အကြမ်းဖက်စစ်ကောင်စီရဲ့လေကြောင်းတိုက်ခိုက်မှုအကြိမ်ရေ နှစ်ရာကျော်မှာ လူပေါင်းနှစ်ရာကျော်သေဆုံးခဲ့ကြောင်း အမျိုးသားညီညွတ်ရေးအစိုးရထုတ်ပြန်

ဧပြီလ၂၉ရက်

အကြမ်းဖက်စစ်ကောင်စီရဲ့လေကြောင်းတိုက်ခိုက်မှုအကြိမ်ရေ နှစ်ရာကျော်မှာ လူပေါင်းနှစ်ရာကျော်သေဆုံးခဲ့ကြောင်း အမျိုးသားညီညွတ်ရေးအစိုးရမှ ထုတ်ပြန်လိုက်ပါတယ်။

မတ်လ၂၈ရက်ာငလျင်လှုပ်ခတ်ချိန်မှစတင်ကာ ဧပြီလ၂၅ရက်အထိ စကစရဲ့လေကြောင်းတိုက်ခိုက်မှု ၂၂၅ကြိမ်ရှိပြီး သေဆုံးသူ ၂၄၂ဦးရှိတယ်လို့ သိရပါတယ်။အဆိုပါလေကြောင်းတိုက်ခိုက်ခံရမှုတွင် စစ်ကိုင်းတိုင်းတွင် ၅၂ကြိမ် သေဆုံးသူ ၈၀ဦး၊မန္တလေးတွင်၄၈ကြိမ်၊သေဆုံးသူ ၅၇ဦး၊ကချင်ပြည်နယ်တွင် ၁၂ကြိမ်၊သေဆုံးသူ ၄၁ဦးရှိခဲ့ပါတယ်။မတ်လ၂၈ရက် မွန်းလွဲပိုင်းစစ်ကိုင်းငလျင်လှုပ်ခတ်ပြီးနောက် အမျိုးသားညီညွတ်ရေးအစိုးရအပါအဝင် တိုင်းရင်းသားတော်လှန်ရေးအင်အားစုများက ယာယီအပစ်ရပ်ကြောင်းကြေညာခဲ့သော်လည်း စကစဟာ ပါရာမိုတာများ၊ဂျက်ဖိုက်တာများ၊စစ်သုံးရဟတ်ယာဥ်များနဲ့အရပ်သားနေထိုင်ရာနေရာအများအပြားကိုတိုက်ခိုက်ခဲ့ပါတယ်။

========================

🚩🚩 ⁨၂။ စစ်ကိုင်းမြို့နယ် မြောက်ခြမ်းတနေရာတွင် လေကြောင်းတိုက်ခိုက်မှု ၂ကြိမ် ပြုလုပ်ခဲ့

ဧပြီလ၂၉ရက်

စစ်ကိုင်းမြို့နယ် မြောက်ခြမ်းတနေရာတွင်  တံတားဦးတက် J-Frighter ၁စီးနှင့် မိတ္ထီလာတက် J-Frighter ၁စီးတို့ဖြင့် လေကြောင်းတိုက်ခိုက်မှု ၂ကြိမ် ပြုလုပ်ခဲ့ပါတယ်။

စစ်ကိုင်းမြို့နယ် မြောက်ခြမ်းတနေရာတွင်  တံတားဦးတက် J-Frighter ၁စီးနှင့် မိတ္ထီလာတက် J-Frighter ၁စီးဖြင့် (9:34AM)(9:48AM) အချိန်တို့တွင် လေကြောင်းတိုက်ခိုက်မှု ၂ကြိမ် ပြုခဲ့ကြောင်း  သတင်းရရှိထားတယ်လို့ wetletinformationalnetworkက အတည်ပြုထားပါတယ်။နိုင်ငံရေးအကျဉ်းသားများ ကူညီစောင့်ရှောက်ရေးအသင်းမှ ကောက်ယူထားသော သတင်းအချက်အလက်များအရ ၂၀၂၅ ခုနှစ်၊ ဧပြီလ ၁ ရက်နေ့မှ ၂၃ ရက်နေ့အထိ နိုင်ငံတဝန်း၌ အကြမ်းဖက်စစ်အုပ်၏ လေကြောင်းဖြင့် တိုက်ခိုက်မှုကြောင့် အမျိုးသမီး (၃၂) ဦးနှင့် အမျိုးသား (၂၃) ဦး စုစုပေါင်း (၅၅) ဦး သေဆုံးခဲ့ပြီး အသက် ၁၈ နှစ်အောက်ကလေးငယ် (၁၇) ဦး ပါဝင်ကာ ထိုအရေအတွက်တွင် စစ်ကိုင်းတိုင်းမှာ (၂၁) ဦးဖြင့် သေဆုံးမှုအများဆုံးဒေသဖြစ်တယ်လို့သိရပါတယ်။

========================

🚩🚩 ⁨⁨၃။ ကလေးတောင်ပိုင်း တိုက်ပွဲတွင်စကစဘက်က၂၀ ကျော်သေဆုံး

ဧပြီလ၂၉ရက်

တကျော့ပြန်CDF KKG ၏ Major operation အတွင်း ကလေးတောင်ပိုင်းတိုက်ပွဲတွင် စကစမှ လက်လွှတ်လိုက်သည့် စခန်းငါးခုအနက် ကြံသာရွာစခန်း ပြန်လည်ရရှိရေးအတွက်  ဧပြီလ၂၇ရက် ငါးနာရီတွင် စစ်ကြောင်းနှစ်ခုဖြင့် ထိုးစစ်ဆင်လာခဲ့တယ်လို့ သတင်းရရှိပါတယ်။တိုက်ပွဲတွင်း ရန်သူ့ စကစထံမှ လက်နက် ၈လက်နှင့် ခဲယမ်းများရရှိခဲ့ပြီး စကစအလောင်း ၇ လောင်း ကောက်ရသည့်အပြင် စကစအယောက်၂၀  သေဆုံးခဲ့တယ်လို့ဆိုပါတယ်။စကစများသည် ဒါဏ်ရာရစစ်သားများကို ပြန်လည်သယ်ဆောင်ခဲ့ကြသော်လည်း တချို့ကိုမူ စကစဘက်က ပစ်သတ်သွားခဲ့ကြတယ်လို့ ဆိုပါတယ်။

တိုက်ပွဲတွင် စကစမှ Jet, Y12, MI35, Drone ဖြင့် လေကြောင်းတိုက်ခိုက်မှုများစွာ ပြုလုပ်ခဲ့ပြီး အပြစ်မဲ့ပြည်သူများနေထိုင်သည့် နတ်ချောင်း၊ နတ်မြောင်း၊ အောင်ချမ်းသာ၊ သံဖို နှင့် ငါးဖ ရွာများကို ဗုံးကျဲတိုက်ခိုက်ခဲ့ပြီး ပြည်သူ ၄ဦး သေဆုံးခဲ့ရပါတယ်။

တိုက်ပွဲတွင် CNA, CDF KKG, CDF - Vakok, MCR နှင့်အမှတ်( ၁ )စစ်ဒေသတို့ပါဝင်ပြီး အကျအဆုံးမရှိပဲ ရွတ်ရွတ်ချွံချွံတုံ့ပြန်နိုင်ခဲ့တယ်လို့ သတင်းရရှိပါတယ်။

========================

🚩🚩 ⁨၄။ နွေဦးတော်လှန်ရေးကာလအတွင်း သေဆုံးခဲ့ရသည့် ဒီမိုကရေစီရေး လှုပ်ရှားသူများနှင့် ပြည်သူစုစုပေါင်းမှာ (၆၅၇၄) ဦး ရှိခဲ့ပြီဖြစ်

ဧပြီလ၂၉ရက်

အကြမ်းဖက်စစ်အုပ်စုနှင့်၎င်း၏လက်ပါးစေများကြောင့် နွေဦးတော်လှန်ရေးကာလအတွင်း သေဆုံးခဲ့ရသည့် ဒီမိုကရေစီရေး လှုပ်ရှားသူများနှင့် ပြည်သူစုစုပေါင်းမှာ (၆,၅၇၄) ဦး ရှိခဲ့ပြီဖြစ်တယ်လို့ သိရပါတယ်။

၂၀၂၁ ခုနှစ်၊ဖေဖော်ဝါရီလ ၁ ရက် မတရားစစ်အာဏာလုမှုဖြစ်စဉ်စတင်ချိန်မှ  ၂၀၂၅ ခုနှစ်၊ဧပြီလ ၂၈ ရက်အထိ အကြမ်းဖက်စစ်အုပ်စုနှင့် ၎င်း၏လက်ပါးစေများကြောင့် နွေဦးတော်လှန်ရေးကာလအတွင်း သေဆုံးခဲ့ရသည့် ဒီမိုကရေစီရေး လှုပ်ရှားသူများနှင့် ပြည်သူစုစုပေါင်းမှာ (၆,၅၇၄) ဦး ရှိခဲ့ပြီဖြစ်တယ်လို့ AAPPကဖော်ပြပါတယ်။

ထို့အပြင် မတရားအာဏာလုမှုဖြစ်စဉ်နှင့် ဆက်စပ်၍ ဖမ်းဆီးခံခဲ့ရသူ စုစုပေါင်း (၂၉,၀၈၃) ဦးရှိပြီး ထိုအထဲမှ (၂၂,၁၈၀) ဦးမှာ ထိန်းသိမ်းခံနေရဆဲဖြစ်ကာ ထိန်းသိမ်းခံနေရသူများအနက်မှ (၁၀,၇၇၀) ဦးမှာ ထောင်ဒဏ်ချမှတ်ခံထားရပါတယ်။

အခုတင်ပြခဲ့တဲ့ သတင်း‌ကိုတော့ Radio NUGသတင်းထောက် သာကီမှ ပေးပို့ထားတာဖြစ်ပါတယ်

========================

#RadioNUGLocalNews

#SpringRevolution